ໂດຍ: ວັນເພັງ
ວັນທີ 1 ພຶດສະພາ ເປັນວັນແຫ່ງຄວາມພາກພູມໃຈຂອງຊົນຊັ້ນກໍາມະກອນລາວ ກໍຄືກຳມະກອນໃນທົ່ວໂລກ ໃນໂອກາດເຂົ້າຮ່ວມຂະບວນຍ່າງເພື່ອສຸຂະພາບ ເນື່ອງໃນໂອກາດວັນກໍາມະກອນສາກົນຄົບຮອບ 138 ປີ (1 ພຶດສະພາ 1886-1 ພຶດສະພາ 2024) ທ່ານນາງ ລັດດາວອນ ວົງສາລີ ຫົວໜ້າໜ່ວຍງານປາຖະກະຖາ ຄະນະໂຄສະນາອົບຮົມເມືອງໄຊເສດຖາ ນະຄອນຫຼວງວຽງຈັນ (ນວ)ໄດ້ສະແດງຄວາມຮູ້ສຶກຕໍ່ນັກຂ່າວໜັງສືພິມປະຊາຊົນໃນວັນດັ່ງກ່າວທີ່ສວນປະຕູໄຊ ນວ ວ່າ: ຕົນເອງມີຄວາມພາກພູມໃຈ ແລະ ດີໃຈຫຼາຍຕໍ່ວັນດັ່ງກ່າວທີ່ໄດ້ໝູນວຽກມາອີກວາລະໜຶ່ງປີນີ້ຄົບຮອບ 138 ປີ. ທຸກໆປີ ເມື່ອຮອດວັນດັ່ງກ່າວຈະມີກິດຈະກໍາຍ່າງເພື່ອສຸຂະພາບຢູ່ສະຖານທີ່ສວນປະຕູໄຊແຫ່ງນີ້ ໂດຍເລີ່ມຂະບວນຍ່າງຈາກສວນປະຕູໄຊໄປຕາມເສັ້ນທາງລ້ານຊ້າງ ຫາ ຫໍຄຳ ແລ້ວກັບຄືນມາປະຕູໄຊບ່ອນເກົ່າ ໃນໄລຍະທາງ 2 ກິໂລແມັດ.ຕົນເອງກໍໄດ້ມາຮ່ວມກິດຈະກຳດັ່ງກ່າວນີ້ທຸກໆປີ, ເຫັນວ່າປີນີ້ມີມວນຊົນຊາວ ນວເຂົ້າມາຮ່ວມກິດຈະກຳດັ່ງກ່າວນີ້ຢ່າງຫຼວງຫຼາຍເຮັດໃຫ້ມີບັນຍາກາດເບີກບານມ່ວນຊື່ນ, ຟົດຟື້ນເປັນພິເສດເຫັນໄດ້ວ່າເປັນໜຶ່ງກິດຈະກຳທີ່ມີຄວາມໝາຍ-ສຳຄັນຢ່າງຍິ່ງ ທັງເປັນບຸນປາງໃຫຍ່ສຳລັບຊົນຊັ້ນກຳມະກອນ ແລະ ຊາວຜູ້ອອກແຮງງານໃນທຸກທົ່ວໜ້າ ກໍຄືໃນທົ່ວໂລກທັງເປັນວັນທີ່ຊົນຊັ້ນກຳມະກອນໄດ້ເຕົ້າໂຮມຄວາມສາມັກຄີກັນ ລຸກຮືຂຶ້ນຕໍ່ສູ້ຕ້ານການກົດຂີ່ຂູດຮີດ ເພື່ອທວງເອົາສິດທິພື້ນຖານຂອງຕົນ ແລະ ຜົນປະໂຫຍດອັນຊອບທຳຂອງຕົນຈາກພວກນາຍທຶນໂດຍເກີດມີຫຼາຍຂະບວນການຂອງກຳມະກອນໃນປະເທດຕ່າງໆລຸກຂຶ້ນຕໍ່ສູ້ຫຼາຍຂະບວນການຈຶ່ງປະກາດວັນທີ 1 ພຶດສະພາ 1886 ເປັນວັນກໍາມະກອນສາກົນ ມາຮອດປັດຈຸບັນ.
ຢ່າງໃດກໍຕາມສຳລັບກິດຈະກຳໃນວັນດັ່ງກ່າວປີນີ້, ຖ້າທ່ານໃດບໍ່ໄດ້ໄປເຂົ້າຮ່ວມ ຫຼືປີນີ້ພາດໂອກາດ ປີໜ້າ ຫຼືປີຕໍ່ໆໄປກໍສາມາດມາໄດ້ ເພາະກິດຈະກໍາດັ່ງກ່າວບໍ່ພຽງແຕ່ສະແດງໃຫ້ເຫັນຄວາມໝາຍ-ຄວາມສຳຄັນຂອງວັນດັ່ງກ່າວ ກິດຈະກຳໃນຄັ້ງນີ້, ຍັງເປັນການພົບປະກັບໝູ່ເພື່ອນ, ໄດ້ຄວາມສາມັກຄີຊຶ່ງກັນ ແລະ ກັນ, ໄດ້ສຸຂະພາບທີ່ດີ ແລະ ຍັງມີຄວາມເບີກບານມ່ວນຊື່ນ ແລະ ຄວາມປະທັບໃຈຕື່ມອີກ.
ທ່ານນາງລັດດາວອນວົງສາລີຍັງຝາກເຖິງກໍາມະກອນ ກໍຄືຊາວຜູ້ອອກແຮງງານລາວ ຈົ່ງມີຄວາມສາມັກຄີ ເປັນປຶກແຜ່ນແໜ້ນໜາ ເຊື່ອໝັ້ນຕໍ່ການນໍາພາຂອງພັກ, ສືບຕໍ່ປະກອບສ່ວນເຂົ້າໃນການປະຕິບັດແຜນພັດທະນາເສດຖະກິດຂອງຊາດສືບຕໍ່ຝຶກຝົນຫຼໍ່ຫຼອມຕົນເອງໃຫ້ກາຍເປັນກຳລັງແຮງງານທີ່ມີລະບຽບວິໄນໃນການອອກແຮງງານເສີມຂະຫຍາຍຄຸນລັກສະນະອັນດີເລີດທາດແທ້ມູນເຊື້ອອັນດີງາມຂອງຊົນຊັ້ນກໍາມະກອນລາວ ກາຍເປັນກໍາລັງຫຼັກແຫຼ່ງໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ. ພ້ອມນັ້ນ, ໃນໂອກາດວັນກຳມະກອນສາກົນ ຄົບຮອບ 138 ປີທ່ານນາງລັດດາວອນວົງສາລີຍັງໄດ້ອວຍພອນໄຊອັນປະເສີດໃຫ້ຊົນຊັ້ນກຳມະກອນ, ຊາວຜູ້ອອກແຮງງານທຸກທົ່ວໜ້າຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ປະສົບຜົນສໍາເລັດໃນໜ້າທີ່ວຽກງານທຸກປະການ.
ວັນທີ 1 ພຶດສະພາ ເປັນວັນແຫ່ງຄວາມພາກພູມໃຈຂອງຊົນຊັ້ນກໍາມະກອນລາວ ກໍຄືກຳມະກອນໃນທົ່ວໂລກ ໃນໂອກາດເຂົ້າຮ່ວມຂະບວນຍ່າງເພື່ອສຸຂະພາບ ເນື່ອງໃນໂອກາດວັນກໍາມະກອນສາກົນຄົບຮອບ 138 ປີ (1 ພຶດສະພາ 1886-1 ພຶດສະພາ 2024) ທ່ານນາງ ລັດດາວອນ ວົງສາລີ ຫົວໜ້າໜ່ວຍງານປາຖະກະຖາ ຄະນະໂຄສະນາອົບຮົມເມືອງໄຊເສດຖາ ນະຄອນຫຼວງວຽງຈັນ (ນວ)ໄດ້ສະແດງຄວາມຮູ້ສຶກຕໍ່ນັກຂ່າວໜັງສືພິມປະຊາຊົນໃນວັນດັ່ງກ່າວທີ່ສວນປະຕູໄຊ ນວ ວ່າ: ຕົນເອງມີຄວາມພາກພູມໃຈ ແລະ ດີໃຈຫຼາຍຕໍ່ວັນດັ່ງກ່າວທີ່ໄດ້ໝູນວຽກມາອີກວາລະໜຶ່ງປີນີ້ຄົບຮອບ 138 ປີ. ທຸກໆປີ ເມື່ອຮອດວັນດັ່ງກ່າວຈະມີກິດຈະກໍາຍ່າງເພື່ອສຸຂະພາບຢູ່ສະຖານທີ່ສວນປະຕູໄຊແຫ່ງນີ້ ໂດຍເລີ່ມຂະບວນຍ່າງຈາກສວນປະຕູໄຊໄປຕາມເສັ້ນທາງລ້ານຊ້າງ ຫາ ຫໍຄຳ ແລ້ວກັບຄືນມາປະຕູໄຊບ່ອນເກົ່າ ໃນໄລຍະທາງ 2 ກິໂລແມັດ.ຕົນເອງກໍໄດ້ມາຮ່ວມກິດຈະກຳດັ່ງກ່າວນີ້ທຸກໆປີ, ເຫັນວ່າປີນີ້ມີມວນຊົນຊາວ ນວເຂົ້າມາຮ່ວມກິດຈະກຳດັ່ງກ່າວນີ້ຢ່າງຫຼວງຫຼາຍເຮັດໃຫ້ມີບັນຍາກາດເບີກບານມ່ວນຊື່ນ, ຟົດຟື້ນເປັນພິເສດເຫັນໄດ້ວ່າເປັນໜຶ່ງກິດຈະກຳທີ່ມີຄວາມໝາຍ-ສຳຄັນຢ່າງຍິ່ງ ທັງເປັນບຸນປາງໃຫຍ່ສຳລັບຊົນຊັ້ນກຳມະກອນ ແລະ ຊາວຜູ້ອອກແຮງງານໃນທຸກທົ່ວໜ້າ ກໍຄືໃນທົ່ວໂລກທັງເປັນວັນທີ່ຊົນຊັ້ນກຳມະກອນໄດ້ເຕົ້າໂຮມຄວາມສາມັກຄີກັນ ລຸກຮືຂຶ້ນຕໍ່ສູ້ຕ້ານການກົດຂີ່ຂູດຮີດ ເພື່ອທວງເອົາສິດທິພື້ນຖານຂອງຕົນ ແລະ ຜົນປະໂຫຍດອັນຊອບທຳຂອງຕົນຈາກພວກນາຍທຶນໂດຍເກີດມີຫຼາຍຂະບວນການຂອງກຳມະກອນໃນປະເທດຕ່າງໆລຸກຂຶ້ນຕໍ່ສູ້ຫຼາຍຂະບວນການຈຶ່ງປະກາດວັນທີ 1 ພຶດສະພາ 1886 ເປັນວັນກໍາມະກອນສາກົນ ມາຮອດປັດຈຸບັນ.
ຢ່າງໃດກໍຕາມສຳລັບກິດຈະກຳໃນວັນດັ່ງກ່າວປີນີ້, ຖ້າທ່ານໃດບໍ່ໄດ້ໄປເຂົ້າຮ່ວມ ຫຼືປີນີ້ພາດໂອກາດ ປີໜ້າ ຫຼືປີຕໍ່ໆໄປກໍສາມາດມາໄດ້ ເພາະກິດຈະກໍາດັ່ງກ່າວບໍ່ພຽງແຕ່ສະແດງໃຫ້ເຫັນຄວາມໝາຍ-ຄວາມສຳຄັນຂອງວັນດັ່ງກ່າວ ກິດຈະກຳໃນຄັ້ງນີ້, ຍັງເປັນການພົບປະກັບໝູ່ເພື່ອນ, ໄດ້ຄວາມສາມັກຄີຊຶ່ງກັນ ແລະ ກັນ, ໄດ້ສຸຂະພາບທີ່ດີ ແລະ ຍັງມີຄວາມເບີກບານມ່ວນຊື່ນ ແລະ ຄວາມປະທັບໃຈຕື່ມອີກ.
ທ່ານນາງລັດດາວອນວົງສາລີຍັງຝາກເຖິງກໍາມະກອນ ກໍຄືຊາວຜູ້ອອກແຮງງານລາວ ຈົ່ງມີຄວາມສາມັກຄີ ເປັນປຶກແຜ່ນແໜ້ນໜາ ເຊື່ອໝັ້ນຕໍ່ການນໍາພາຂອງພັກ, ສືບຕໍ່ປະກອບສ່ວນເຂົ້າໃນການປະຕິບັດແຜນພັດທະນາເສດຖະກິດຂອງຊາດສືບຕໍ່ຝຶກຝົນຫຼໍ່ຫຼອມຕົນເອງໃຫ້ກາຍເປັນກຳລັງແຮງງານທີ່ມີລະບຽບວິໄນໃນການອອກແຮງງານເສີມຂະຫຍາຍຄຸນລັກສະນະອັນດີເລີດທາດແທ້ມູນເຊື້ອອັນດີງາມຂອງຊົນຊັ້ນກໍາມະກອນລາວ ກາຍເປັນກໍາລັງຫຼັກແຫຼ່ງໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ. ພ້ອມນັ້ນ, ໃນໂອກາດວັນກຳມະກອນສາກົນ ຄົບຮອບ 138 ປີທ່ານນາງລັດດາວອນວົງສາລີຍັງໄດ້ອວຍພອນໄຊອັນປະເສີດໃຫ້ຊົນຊັ້ນກຳມະກອນ, ຊາວຜູ້ອອກແຮງງານທຸກທົ່ວໜ້າຈົ່ງມີສຸຂະພາບແຂງແຮງ, ມີຄວາມຜາສຸກໃນຊີວິດສ່ວນຕົວ ແລະ ຄອບຄົວ ປະສົບຜົນສໍາເລັດໃນໜ້າທີ່ວຽກງານທຸກປະການ.
ຄໍາເຫັນ