10 ຂ່າວເດັ່ນ ກ່ຽວກັບທາງລົດໄຟລາວ-ຈີນໃນປີ 2023

14:16 21/02/2024

ບົດໂດຍ: Huang Yixian, Vimon
ໃນວັນທີ 20 ກຸມພາ ນີ້, ບໍລິສັດທາງລົດໄຟລາວ-ຈີນ ໄດ້ຖະແຫຼງຢູ່ນະຄອນຄຸນໝິງ ສປ ຈີນ 10 ຂ່າວເດັ່ນກ່ຽວກັບທາງລົດໄຟລາວ-ຈີນ ປີ 2023 ຊຶ່ງໄດ້ມີຜົນງານບົດຂ່າວຈາກອົງການ
ສື່ມວນຊົນ ແລະ ໜ່ວຍງານຕ່າງໆເຊັ່ນ: ຂ່າວສານຊິນຮວາ, ໜັງສືືພິມລາຍວັນຢຸນນານ, ໜັງສືພິມລາຍວັນຫູໜານ, ໜັງສືພິມປະຊາຊົນ ສຽງຂອງສູນກາງ ພັກປະຊາຊົນ ປະຕິວັດລາວ, ວິທະຍຸກະຈາຍສຽງແຫ່ງຊາດລາວ, ສໍານັກຂ່າວສານປະເທດລາວ ແລະກຸ່ມບໍລິສັດທາງລົດໄຟຈີນສາຂາຄຸນໝິງເປັນຕົ້ນ. ການປະກວດຂ່າວຄັ້ງນີ້:ແມ່ນຈັດໂດຍສະຫະພັນສື່ມວນຊົນອາຊີໃຕ້-ອາ
ຊີຕາເວັນອອກສ່ຽງໃຕ້ ແລະ ສະຫະພັນສື່ມວນຊົນທາງລົດໄຟລາວ-ຈີນ. ສື່ມວນຊົນສໍາຄັນ, ສື່ມວນຊົນເອກະຊົນ ແລະ ອົງການຈັດຕັ້ງຕ່າງໆທັງສອງປະເທດລາວ-ຈີນ ໄດ້ນໍາສະເໜີບົດ ຂ່າວດີເດັ່ນຂອງຕົນໃນປີມາເຂົ້າຮ່ວມການປະກວດຄັ້ງນີ້, ໂດຍຜ່ານການຄັດເລືອກຈາກຫົວໜ້າ ແລະ ນັກຊ່ຽວຊານດ້ານສື່ມວນຊົນ ທັງສອງຝ່າຍລາວ-ຈີນ, ໄດ້ເລືອກຂ່າວເດັ່ນ 10 ຂ່າວ, ບົດຂ່າວທີ່ໄດ້ຮັບລາງວັນຄັ້ງນີ້ ໄດ້ສະແດງໃຫ້ເຫັນເຖິງເຫດການສໍາຄັນກ່ຽວກັບທາງລົດໄຟ ລາວ-ຈີນ ໃນປີ 2023 ພ້ອມທັງບົດຂ່າວທີ່ໄດ້ບັນທຶກເຖິງທາງລົດໄຟລາວ - ຈີນ ໄດ້ເພີ່ມພະລັງຂັບເຄື່ອນອັນແຂງແຮງເຂົ້າໃນການພັດທະນາຂອງພາກພື້ນ, ເລົ່າເລື່ອງລາວທີ່ ປະຊາຊົນສອງຊາດລາວ-ຈີນໄດ້ເຊື່ອມສານຈິດໃຈ ແລະ ເພີ່ມຄວາມເຂົ້າໃຈຊຶ່ງກັນ ແລະ ກັນ. ນັບຕັ້ງແຕ່ການເປີດນຳໃຊ້
ທາງລົດໄຟລາວ - ຈີນ ເປັນເວລາ 2 ປີກວ່າເປັນຕົ້ນມາ, ການຂົນສົ່ງສິນຄ້າ ແລະ ຜູ້ໂດຍສານຕາມທາງລົດໄຟລາວ-ຈີນໄດ້ມີການເພີ່ມຂຶ້ນຢ່າງຫຼວງຫຼາຍ, ທາງລົດໄຟສາຍນີ້
ກໍມີບົດບາດນັບມື້ນັບກວ້າງອອກ. ທາງລົດໄຟສາຍນີ້ໄດ້ເພີ່ມທະວີິຄວາມເຊື່ອມໂຍງເຊື່ອມຈອດ
ກັນ ແລະ ເປັນສັກຂີພິຍານໃຫ້ແກ່ການເພີ່ມຄວາມເຂົ້າໃຈກັນ ລະຫວ່າງ ປະຊາຊົນ, ພ້ອມທັງໄດ້ກາຍເປັນເສັ້ນທາງແຫ່ງຄວາມຜາສຸກ, ເສັ້ນທາງແຫ່ງການພັດທະນາ ແລະ ເສັ້ນທາງແຫ່ງມິດຕະພາບລະຫວ່າງປະຊາຊົນສອງຊາດລາວ-ຈີນຊຶ່ງໄດ້ເພີ່ມພະລັງຂັບ
ເຄື່ອນໃໝ່ໃຫ້ແກ່ການຮ່ວມກັນສ້າງ ໜຶ່ງແລວ ໜຶ່ງເສັ້ນທາງ ຢ່າງມີຄຸນນະພາບສູງ. ອົງການທີ່ເຂົ້າຮ່ວມການປະກວດຂ່າວຄັ້ງນີ້ໄດ້ກ່າວວ່າ, ການຖະແຫຼງ 10 ຂ່າວເດັ່ນ ກ່ຽວກັບທາງລົດໄຟລາວ-ຈີນໃນປີ 2023 ເປັນໝາກຜົນທີ່ບັນດາສື່ມວນຊົນໄດ້ຮ່ວມມືກັນເລົ່າເລື່ອງລາວກ່ຽວກັບທາງລົດໄຟລາວ-ຈີນ ໄດ້ດີ, ສື່ມວນຊົນຕ່າງໆຈະນໍາໃຊ້ໂອກາດນີ້
ເພື່ອເພີ່ມທະວີການຮ່ວມມື ແລະ ການປະສານງານ ຊຶ່ງກັນ ແລະ ກັນ, ຊຸກຍູ້ການແລກປ່ຽນດ້ານວັດທະນະທໍາລະຫວ່າງສອງປະເທດຂະຫຍາຍເຂົ້າສູ່ລວງເລິກ, ພ້ອມທັງປະກອບສ່ວນກໍາລັງຂອງສື່ມວນຊົນເຂົ້າໃນການສ້າງຄູ່ຮ່ວມຊາຕາກໍາລາວ-ຈີນ.

ລາຍຊື່ 10 ຂ່າວເດັ່ນກ່ຽວກັບທາງລົດໄຟລາວ-ຈີນໃນປີ 2023 ດັ່ງລຸ່ມນີ້
1. ຂ່າວສານຊິນຮວາ: ເສັ້ນທາງລົດໄຟໄດ້ຂ້າມພູຜາແມ່ນ້ຳ ຂຽນໃນມື້ເປີດການນໍາໃຊ້ຂະ
ບວນລົດໄຟໂດຍສານສາກົນຕາມທາງລົດໄຟລາວ-ຈີນ
http://m.news.cn/2023-04/14/c_1129521098.htm
2. CMG: ເຂົາງາມເຮົາຍ້ອງ ເຮົາງາມເຂົາຍອມ
https://tv.cctv.com/2023/10/05/VIDEath46Xz1PLnNmoaS0m1r231005.shtml
3. ໜັງສືພິມລາຍວັນຢຸນນານ: 1.035 ກິໂລແມັດ ອອກເດີນທາງແຕ່ຕອນເຊົ້າ ແລະ ໄປຮອດ
ໃນຕອນແລງ
https://yndaily.yunnan.cn/content/202304/14/content_132537.html

4. ໜັງສືພິມລາຍວັນຫູໜານ: ແຂວງຫູໜານ ກັບ ປະເທດລາວ ຮ່ວມກັນສ້າງເສັ້ນທາງສາຍ
ໄໝເສັ້ນໃໝ່
https://m.voc.com.cn/xhn/news/202306/18121347.html
5. ບັນຊີວີແຊັດທາງການ “ທາງລົດໄຟຈີນ” ແລະ ບັນຊີວີແຊັດທາງການ “ທາງລົດໄຟຄຸນ
ໝິງ”: ຂີ່ຂະບວນລົດໄຟໄປປະເທດລາວ, ມິດຕະພາບລາວ-ຈີນ ໝັ້ນຄົງຂະໜົງແກ່ນຕະ
ຫຼອດໄປ !.
https://mp.weixin.qq.com/s/D8QADj-GDw0VCcDZEBrpHg

6. ສູນການສື່ສານສາກົນພາກພື້ນອາຊີໃຕ້-ອາຊີຕາເວັນອອກສ່ຽງໃຕ້ແຂວງຢຸນນານ ສາຂາຜູ
ເອີ: ເສັ້ນທາງຄໍາ ຜ່ານນະຄອນຜູເອີ - ບັນທຶກການເປີດນໍາໃຊ້ທາງລົດໄຟລາວ-ຈີນ ຄົບຮອບ 2 ປີ.
http://www.yn.news.cn/20231203/53e1e475e3d24a71ae30bb720b1b60db/c.html

7. ໜັງສືພິມປະຊາຊົນ: ທາງລົດໄຟລາວ-ຈີນ ສົ່ງເສີມການພັດທະນາຂະແໜງການ
ຕ່າງໆຂອງປະເທດລາວ
8. ວິທະຍຸກະຈາຍສຽງແຫ່ງຊາດລາວ: ພຽງ 2 ປີ ທາງລົດໄຟລາວ-ຈີນ ນໍາຜົນປະໂຫຍດ
ຢ່າງຫຼວງຫຼາຍມາໃຫ້ ສປປ ລາວ
https://www.facebook.com/share/v/ipQDCvvX9aaMP7Tp/?mibextid=O563ZM
9. ສໍານັກຂ່າວສານປະເທດລາວ: ທາງລົດໄຟລາວ-ຈີນ, ໂຄງການຕົວແບບຂໍ້ລິເລີ່ມ "ໜຶ່ງ
ແລວ ໜຶ່ງເສັ້ນທາງ" ທີ່ດີທີ່ສຸດຢູ່ ສປປ ລາວ
https://kpl.gov.la/Detail.aspx?id=76811

10. ບັນຊີເຟສບຸກ Nethdao Channel: ເນັດໄອດໍ ເນັດດາວ ເຊັກອິນ ອາຫານ ແລະ ແຫຼ່ງທ່ອງທ່ຽວຕາມທາງລົດໄຟລາວ-ຈີນ ໃນກິດຈະກໍາທາງລົດໄຟລາວ-ຈີນ MUST GO

ຄໍາເຫັນ

ຂ່າວການຮ່ວມມື

ແຜນການ 5 ປີ ຄັ້ງທີ 15ຂອງຈີນໄດ້ວາດພາບມຸ່ງໄປຂ້າງໜ້າທີ່ງົດງາມ

03/11/2025 15:52

ກອງປະຊຸມຄົບຄະນະຄັ້ງທີ 4 ຂອງຄະນະກຳມະການສູນກາງພັກກອມມູນິດຈີນສະໄໝທີ XX ໄດ້ປິດລົງດ້ວຍຜົນສຳເລັດຢ່າງຈົບງາມເມື່ອບໍ່ດົນມານີ້ ທີ່ນະຄອນຫຼວງປັກກິ່ງ. ກອງປະຊຸມຄັ້ງນີ້ ໄດ້ພິຈາລະນາ ແລະ ຮັບຮອງເອົາຂໍ້ສະເໜີຂອງສູນກາງພັກກອມມູນິດຈີນກ່ຽວກັັບແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 15, ອັນໄດ້ເປັນການວາງຄາດໝາຍຢ່າງຖີ່ຖ້ວນ ແລະ ວາງແຜນຍຸດທະສາດ ສຳລັບການພັດທະນາເສດຖະກິດ-ສັງຄົມຂອງຈີນໃນ 5 ປີຂ້າງໜ້າ.

ງານລ້ຽງສະຫຼອງວັນຊາດສາທາລະນະລັດຕວັກກີ ຄົບຮອບ 102 ປີ

31/10/2025 14:15

ສະຖານເອກອັກຄະລັດຖະທູດ ແຫ່ງ ສາທາລະນະລັດ ຕວັກກີ ປະຈໍາລາວ ໄດ້ຈັດງານ ສະ ເຫຼີມສະຫຼອງ (ວັນຊາດ) ວັນປະກາດເອກະລາດສາທາລະນະລັດຕວັກກີ ຄົບຮອບ 102 ປີ ຂຶ້ນໃນວັນທີ 29 ຕຸລາ ຜ່ານມາ ທີ່ໂຮງແຮມຄຣາວພລາຊາ ນະຄອນຫຼວງວຽງຈັນ. ເປັນກຽດເຂົ້າຮ່ວມໃນພິທີ ໂດຍ ທ່ານ ໂພໄຊ ໄຊຍະສອນ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ, ທ່ານ ໄມທອງ ທຳມະວົງສາ ຮອງລັດຖະມົນຕີ ກະຊວງການຕ່າງ ປະເທດ, ບັນດາທ່ານຮອງລັດຖະມົນຕີ ພ້ອມດ້ວຍແຂກຖືກເຊີນ.

ວິດີໂອສາລະຄະດີ ມືແຫ່ງຄວາມຫວັງ ສະແດງໃຫ້ເຫັນມິດຕະພາບ ລາວ-ຈີນ

31/10/2025 13:27

ວິດີໂອສາລະຄະດີ “ມືແຫ່ງຄວາມຫວັງ” ທີ່ເນັ້ນໃສ່ມິດຕະພາບອັນຍາວນານລະຫວ່າງ ລາວ-ຈີນ ພ້ອມດ້ວຍກິດຈະກຳວັນເປີດບ້ານຮັບແຂກ ໂດຍມີຄຳຂວັນວ່າ “ແສງສະຫວ່າງໄປສູ່ການສຶກສາ, ສ້າງພັນທະມິດແມ່ນ້ຳຂອງ”. ກິດຈະກຳດັ່ງກ່າວ ໄດ້ຈັດຂຶ້ນ ໃນວັນທີ 30 ຕຸລາ ນີ້ ທີ່ນະຄອນຫຼວງວຽງຈັນ ໂດຍ ບໍລິສັດ ຕາຂ່າຍໄຟຟ້າພາກໃຕ້ຈີນ (CSG); ໃນໂອກາດດັ່ງກ່າວ, ທ່ານ ວັນໄຊ ຕະວິຍານ ອະດີດຮອງຫົວໜ້າໂຄສະນາອົບຮົມສູນກາງພັກ ໄດ້ກ່າວວ່າ: CSG ມີບົດບາດສຳຄັນໃນການສ້າງເສດຖະກິດລາວ ໃຫ້ຂະຫຍາຍຕົວ ແລະ ສົ່ງເສີມການຮ່ວມມືດ້ານພະລັງງານພາກພື້ນ. ກິດຈະກຳຄັ້ງນີ້ ບໍ່ພຽງແຕ່ຊ່ວຍເສີມສ້າງເສັ້ນທາງຄວາມຮ່ວມມືເທົ່ານັ້ນ, ຍັງຊ່ວຍເລິກເຊິ່ງຄວາມເຂົ້າໃຈ ແລະ ພັນທະມິດລະຫວ່າງປະຊາຊົນ ຈີນ-ລາວ ຜ່ານການບອກເລື່ອງ ແລະ ການແລກປ່ຽນວັດທະນະທຳ. ພ້ອມດຽວກັນນັ້ນ ຜົນງານນີ້ໄດ້ນຳໃຊ້ວິດີໂອສາລະຄະດີ “ມືແຫ່ງຄວາມຫວັງ” ເປັນສື່ກາງຊຶ່ງໄດ້ປະກອບສ່ວນໃນການສະທ້ອນຊີວິດການເປັນຢູ່ຂອງປະຊາຊົນ, ເຜີຍແຜ່ແນວທາງນະໂຍບາຍ ແລະ ເຕົ້າໂຮມຄວາມເປັນເອກະພາບ.

ອິນໂດເນເຊຍ ມີຄວາມຕ້ອງການຫຼາຍທີ່ຈະຊື້ສິນຄ້າຈາກລາວ

31/10/2025 13:23

ການຮ່ວມມືດ້ານການຄ້າລະຫວ່າງ ສປປ ລາວ ແລະ ສາທາລະນະລັດ ອິນໂດເນເຊຍ ກຳລັງກ້າວເຂົ້າສູ່ໂອກາດໃໝ່ທີ່ໜ້າເພິ່ງພໍໃຈ, ພ້ອມດ້ວຍທ່າແຮງທາງການຄ້າທີ່ມີທ່າອ່ຽງເຕີບໂຕສູງ ໂດຍສະເພາະການເປີດຕະຫຼາດສຳລັບສິນຄ້າກະສິກຳ ແລະ ຜະລິດຕະພັນອາຫານແປຮູບຂອງລາວ.

ອົງການກວດສອບແຫ່ງລັດເຂົ້າຮ່ວມກອງປະຊຸມໃຫຍ່ສະຫະພັນສະຖາບັນກວດສອບສູງສຸດສາກົນ (ອິນໂຕຊາຍ)

31/10/2025 12:53

ໃນລະຫວ່າງວັນທີ 27-31 ຕຸລານີ້, ຄະນະຜູ້ແທນຂອງອົງການກວດສອບແຫ່ງລັດ ສປປ ລາວ (ອກສລ) ຊຶ່ງນໍາໂດຍ ທ່ານ ວຽງທະວີສອນ ເທບພະຈັນ ກໍາມະການສໍາຮອງສູນກາງພັກ ປະທານອົງການກວດສອບແຫ່ງລັດ ພ້ອມດ້ວຍຄະນະ ໄດ້ເດີນທາງເຂົ້າຮ່ວມກອງປະຊຸມໃຫຍ່ ສະຫະພັນສະຖາບັນກວດສອບສູງສຸດສາກົນ (ອິນໂຕຊາຍ) ທີ່ຊາມ ເອວ ແຊັກ ປະເທດ ເອຢິບ. ກອງປະຊຸມຄັ້ງນີ້, ຜູ້ແທນທີ່ມາຈາກບັນດາສະຖາບັນກວດສອບສູງສຸດທົ່ວໂລກຫຼາຍກວ່າ 150 ປະເທດ, ມີຜູ້ແທນຫຼາຍກວ່າ 800 ຄົນເຂົ້າຮ່ວມ ແລະ ໃນພິທີເປີດກອງປະຊຸມອັນມີຄວາມໝາຍຄວາມສໍາຄັນ ໃຫ້ກຽດເຂົ້າຮ່ວມ ແລະ ມີຄຳເຫັນໃນພິທີເປີດກອງປະຊຸມ ໂດຍ ທ່ານ ມູສຕາຟາ ມາດບູລີ (Dr. Mostafa Madbouly) ນາຍົກລັດຖະມົນຕີ ແຫ່ງສາທາລະນະລັດເອຢິບ. ກ່າວຕ້ອນຮັບ ໂດຍທ່ານ ໂມຮາເມດ ເອ ເຟຊໍ ຢູດເຊບ(Mohamed El Faisal Youssef) ປະທານອົງການກວດສອບແຫ່ງລັດ ເອຢິບ ໃນນາມເຈົ້າພາບຈັດກອງປະຊຸມ ແລະ ປະທານອິນໂຕຊາຍຜູ້ຕໍ່ໄປ; ພ້ອມດຽວກັນນັ້ນ, ທ່ານ ນາງ ມາກິດ ກຮາກເກີ (Dr. Margit Kraker) ປະທານສານ (ກວດສອບ ໂອຕຣິດ, ໃນນາມເລຂາທິການ ອິນໂຕຊາຍ ແລະ ທ່ານ ວິຕານ ໂດ ເຣໂກ ຟີໂຮ (Vital do Rego Fiho) ປະທານສານກວດສອບບັນຊີ ເບຣຊິນ ໃນຖານະປະທານ ອິນໂຕຊາຍທີ່ໃກ້ຈະໝົດວາລະກໍມີຄຳເຫັນຕໍ່ກອງປະຊຸມ.

ຄະນະຜູ້ແທນນະຄອນດາໜັງ ຢ້ຽມຢາມແລະເຮັດວຽກຢູ່ແຂວງສາລະວັນ

30/10/2025 10:36

ວັນທີ29ຕຸລານີ້,ສະຫາຍຫງວຽນດິ່ງຫວີ໊ງຮອງເລຂາຜູ້ປະຈຳການພັກນະຄອນດາໜັງສສຫວຽດນາມໄດ້ເຄື່ອນໄຫວພົບປະ, ຢ້ຽມຢາມແລະເຮັດວຽກຢູ່ແຂວງສາລະວັນ, ໂດຍການຕ້ອນຮັບຂອງສະຫາຍດາວວົງພອນແກ້ວ ກໍາມະການສູນກາງພັກ ເລຂາຄະນະບໍລິຫານງານພັກແຂວງພ້ອມຄະນະ ແລະຄະນະນໍາທັງສອງຝ່າຍເຂົ້າຮ່ວມ.

ລມຕ ຕ່າງປະເທດ ສປປ ລາວ ແລະ ສ ເກົາຫຼີ ພົບປະປຶກສາຫາລືການພົວພັນຮ່ວມມືສອງຝ່າຍ

29/10/2025 13:31

ໃນວັນທີ 27 ຕຸລາ ຜ່ານມາ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ພົບປະສອງຝ່າຍກັບ ທ່ານ ໂຈ ຮຸນ (Cho Hyun) ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ເກົາຫຼີ, ໃນໂອກາດຕິດຕາມ ພະນະທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ເດີນທາງເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ທີ່ ກົວລາລໍາເປີ ປະເທດມາເລເຊຍ.

ນາຍົກເຂົ້າຮ່ວມກອງປະຊຸມສຸດຍອດທີ່ກ່ຽວຂ້ອງ ແລະ ປິດກອງປະຊຸມສຸດຍອດອາຊຽນ ຄັ້ງທີ 47

29/10/2025 12:55

ໃນວັນທີ 28 ຕຸລາ ນີ້ ທີ່ ກົວລາລໍາເປີ ປະເທດມາເລເຊຍ, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ສືບຕໍ່ນໍາພາຄະນະຜູ້ແທນລາວ ເຂົ້າຮ່ວມກອງປະຊຸມສຸດຍອດອາຊຽນ-ຈີນ ຄັ້ງທີ 28, ກອງປະຊຸມສຸດຍອດສະເຫຼີມສະຫຼອງການພົວພັນຮ່ວມມືອາຊຽນ-ນິວຊີແລນ ແລະ ກອງປະຊຸມສຸດຍອດອາຊຽນ-ອົດສະຕຣາລີ ຄັ້ງທີ 5.

ລມຕ ກະຊວງການຕ່າງປະເທດ ລາວ ແລະ ຫວຽດນາມ ພົບປະປຶກສາຫາລືເພື່ອເສີມຂະຫຍາຍການພົວພັນຮ່ວມມື

29/10/2025 12:50

ໃນວັນທີ 27 ຕຸລາ ຜ່ານມາ, ສະຫາຍ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ພົບປະສອງຝ່າຍກັບ ສະຫາຍ ເລ ຮວາຍ ຈູງ ລັດຖະມົນຕີກະຊວງການຕ່າງປະເທດ ແຫ່ງ ສສ ຫວຽດນາມ, ໃນໂອກາດຕິດຕາມ ສະຫາຍ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ເດີນທາງເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ທີ່ ກົວລາລໍາເປີ ປະເທດມາເລເຊຍ.

ຄະນະນໍາກະຊວງການຕ່າງປະເທດ ເຊັນປຶ້ມໄຫວ້ອາໄລ ຕໍ່ການມໍລະນະກໍາ ຂອງ ສົມເດັດພະນາງເຈົ້າສິຣິກິດ ພະບໍຣົມຣາຊິນີນາດ ພະບໍຣົມມະຣາດຊະຊົນນະນີພັນປີຫຼວງ

29/10/2025 10:15

ໃນຕອນເຊົ້າຂອງວັນທີ 28 ຕຸລາ ນີ້, ທ່ານ ອານຸພາບ ວົງໜໍ່ແກ້ວ ຮັກສາການລັດຖະມົນຕີ ກະຊວງການຕ່າງປະເທດ ພ້ອມດ້ວຍຄະນະ ໃນນາມຕາງໜ້າໃຫ້ແກ່ ກະຊວງການຕ່າງປະເທດ ແຫ່ງ ສປປ ລາວ ໄດ້ເຂົ້າຮ່ວມພິທີເຊັນປຶ້ມໄຫວ້ອາໄລ ເພື່ອສະແດງຄວາມເສົ້າສະຫຼົດໃຈ ຕໍ່ການມໍລະນະກໍາ ຂອງ ສົມເດັດພະນາງເຈົ້າສິຣິກິດ ພະບໍຣົມຣາຊິນີນາດ ພະບໍຣົມມະຣາດຊະຊົນນະນີພັນປີຫຼວງ ທີ່ ສະຖານເອກອັກຄະຣາຊະທູດໄທ ປະຈໍາ ລາວ ຊຶ່ງມີເນື້ອໃນດັ່ງລຸ່ມນີ້:

ເພີ່ມເຕີມ