![]() |
ໃນພິທີ, ທ່ານ ຫງວຽນ ມິງ ເຕີມ ໄດ້ກ່າວວ່າ: ງານ "ວັນວັດທະນະທຳອາຫານຫວຽດນາມ" ໃນຄັ້ງນີ້ບໍ່ພຽງແຕ່ເປັນໂອກາດໃຫ້ພວກເຮົາໄດ້ຮ່ວມກັນຊີມລົດຊາດອາຫານທີ່ເປັນເອກະລັກຂອງຫວຽດນາມເທົ່ານັ້ນ, ແຕ່ຍັງເປັນຂົວຕໍ່ທີ່ນຳເອົາຮູບພາບຂອງປະເທດຊາດ, ຜູ້ຄົນ ແລະ ວັດທະນະທຳຫວຽດນາມ ໃຫ້ຫຍັບເຂົ້າໃກ້ກັບເພື່ອນມິດຊາວລາວ ແລະ ສາກົນຫຼາຍຂຶ້ນ ປະກອບສ່ວນເພີ່ມທະວີຄວາມເຂົ້າອົກເຂົ້າໃຈການແລກປ່ຽນ ແລະ ສາຍພົວພັນມິດຕະພາບ ລະຫວ່າງ ຫວຽດນາມ ກັບ ລາວ ກໍຄືເພື່ອນມິດສາກົນ ຊຶ່ງກິດຈະກຳໃນງານດັ່ງກ່າວ ຍັງເປັນໂອກາດໃຫ້ຊຸມຊົນຊາວຫວຽດນາມ ທີ່ອາໄສຢູ່ ສປປ ລາວ ໄດ້ຮ່ວມກັນເຂົ້າຮ່ວມວັນບຸນມະຫາສາມັກຄີທົ່ວປວງຊົນຫວຽດນາມ (ວັນທີ 18 ພະຈິກ) ແລະ ວັນວັດທະນະທຳຫວຽດນາມ (ວັນທີ 24 ພະຈິກ) ຊຶ່ງເປັນການປະກອບສ່ວນເຂົ້າໃນການອະນຸລັກຮັກສາ ແລະ ເສີມຂະຫຍາຍເອກະລັກວັດທະນະທຳຂອງຊາດທັງເປັນການເພີ່ມທະວີຄວາມສາມັກຄີຜູກພັນພາຍໃນຊຸມຊົນ ແລະ ເຜີຍແຜ່ຄຸນຄ່າທາງວັດທະນະທຳອັນດີງາມຂອງຫວຽດນາມຢູ່ບົນດິນແດນ ສປປ ລາວ.
![]() |
ທ່ານກ່າວຕື່ມວ່າ: ຮູບເງົາເລື່ອງ “ລັດຖະມົນຕີກະຊວງການຕ່າງປະເທດຍິງຄົນທຳອິດຂອງຫວຽດ ນາມ” ທີ່ບັນດາທ່ານໄດ້ຮັບຊົມໃນມື້ນີ້ແມ່ນໄດ້ສ່ອງແສງໃຫ້ເຫັນເສັ້ນທາງປະຫວັດສາດແຫ່ງການຕໍ່ສູ້ເພື່ອເອກະລາດ, ເສລີພາບ ແລະ ສັນຕິພາບຂອງຊາດ ຜ່ານຊີວິດ ແລະ ພາລະກິດຂອງນັກການທູດຜູ້ດີເດັ່ນຂອງຫວຽດນາມ ແລະ ສຳລັບງານວາງສະແດງຮູບພາບ “ຫວຽດນາມ-ປະເທດຊາດ-ຜູ້ຄົນ”ພ້ອມດ້ວຍບັນດາລາຍການສະແດງສິລະປະທີ່ໂດດເດັ່ນໂດຍຄະນະສິລະປະກອນໂຮງລະຄອນຊາວໜຸ່ມ ແລະ ນ້ອງນັກຮຽນໂຮງຮຽນສອງພາສາ ລາວ-ຫວຽດນາມ ຫງວຽນຢູ ໄດ້ນໍາພາບັນດາທ່ານໄປສຳຜັດກັບຄວາມສວຍງາມຂອງທຳມະຊາດ, ປະເທດຊາດ, ຜູ້ຄົນ ຕະຫຼອດຮອດຄວາມອຸດົມສົມບູນ ແລະ ເອກະລັກສະເພາະຂອງວັດທະນະທຳ, ສິລະປະຂອງຫວຽດນາມ ແລະ ລາວ, ສາຍພົວພັນ ຫວຽດນາມ-ລາວ ທີ່ປະທານ ໂຮ່ຈີມິນ ຜູ້ຍິ່ງໃຫຍ່, ປະທານ ໄກສອນ ພົມວິຫານ ແລະ ປະທານ ສຸພານຸວົງ ທີ່ເຄົາລົບຮັກ ໄດ້ກໍ່ຕັ້ງຮາກຖານໄວ້ ແລະ ໄດ້ຮັບການເພີ່ມພູນຄູນສ້າງຈາກການນຳ ແລະ ປະຊາຊົນສອງປະເທດຫຼາຍຮຸ່ນຄົນ, ໄດ້ກາຍເປັນຊັບສົມບັດລວມອັນລ້ຳຄ່າ, ເປັນບ່ອນອີງທາງຍຸດທະສາດ ແລະ ເປັນແຫຼ່ງກຳລັງແຮງອັນມະຫາສານໃຫ້ແກ່ພາລະກິດແຫ່ງການສ້າງສາ, ປົກປັກຮັກສາ ແລະ ພັດທະນາຂອງແຕ່ລະປະເທດ.
![]() |
ໃນມໍ່ໆມານີ້, ສອງປະເທດໄດ້ເພີ່ມເຕີມເນື້ອໃນ “ຮຸ້ນສ່ວນຍຸດທະສາດ” ຊຶ່ງໄດ້ເປີດສັງກາດແຫ່ງການພັດທະນາໃໝ່.
![]() |
ໃນສະພາບການດັ່ງກ່າວ, ຄວາມເຂົ້າອົກເຂົ້າໃຈ, ຄວາມໄວ້ເນື້ອເຊື່ອໃຈ ແລະ ຄວາມສະໜິດຕິດພັນລະຫວ່າງປະຊາຊົນສອງປະເທດ ສືບຕໍ່ເປັນພື້ນຖານອັນໜັກແໜ້ນເພື່ອໃຫ້ບັນດາແນວທາງນະໂຍບາຍ ແລະ ທິດທາງການຮ່ວມມື ໄດ້ຮັບການຫັນເປັນຮູບປະທຳ ແລະ ເຂົ້າສູ່ຊີວິດຕົວຈິງ, ນັບແຕ່ບັນດາທ້ອງຖິ່ນຕາມຊາຍແດນ ຈົນເຖິງສູນກາງເສດຖະກິດ, ວັດທະນະທຳ ແລະ ການສຶກສາຂອງສອງປະເທດ.
![]() |
(ຂ່າວ-ພາບ: ສຳນານ)





ຄໍາເຫັນ