![]() |
ໃນການພົບປະອັນເປັນປະເພນີອັນດີງາມນີ້, ທ່ານ ສອນໄຊ ສີພັນດອນ ໄດ້ສະແດງຄວາມຂອບໃຈຢ່າງຈິງໃຈຕໍ່ການນຳພັກ-ລັດ ແລະ ສະພາແຫ່ງຊາດຫວຽດນາມ ແລະ ກຳປູເຈຍ ທີ່ໄດ້ສົ່ງຄະນະຜູ້ແທນຂັ້ນສູງໄປຮ່ວມໄຫວ້ອາໄລ ແລະ ສົ່ງສານສະແດງຄວາມເສົ້າສະຫຼົດໃຈຕໍ່ການຈາກໄປຂອງ ທ່ານ ໄຊສົມພອນ ພົມວິຫານ ອະດີດປະທານສະພາແຫ່ງຊາດແຫ່ງ ສປປ ລາວ ຜູ້ເປັນເພື່ອນມິດທີ່ສະໜິດສະໜົມ ຊຶ່ງເປັນກໍາລັງໃຈອັນໃຫຍ່ຫຼວງແດ່ຄອບຄົວພົມວິຫານ ແລະ ປະຊາຊົນລາວ; ພ້ອມດຽວກັນນັ້ນ, ກໍໄດ້ສະແດງຄວາມຂອບໃຈຕໍ່ການສົ່ງສານຊົມເຊີຍໃນໂອກາດທີ່ໄດ້ຮັບເລືອກຕັ້ງເປັນປະທານສະພາແຫ່ງຊາດແຫ່ງສປປລາວຊຸດທີXຜູ້ໃໝ່.
ຜູ້ນຳທັງສາມສະພາແຫ່ງຊາດໄດ້ຕີລາຄາສູງ ຕໍ່ການພົວພັນລະຫວ່າງສະພາແຫ່ງຊາດກຳປູເຈຍ-ລາວ-ຫວຽດນາມໃນຕະຫຼອດໄລຍະຜ່ານມາ ຊຶ່ງເປັນການປະກອບສ່ວນສໍາຄັນເຂົ້າໃນການຊຸກຍູ້ແລະເສີມຂະຫຍາຍການພົວພັນຮ່ວມມືທີ່ດີທີ່ເປັນມູນເຊື້ອມາແຕ່ດົນນານຂອງປະຊາຊົນສາມຊາດອິນດູຈີນທີ່ມີກົກເຄົ້າມາຈາກພັກດຽວກັນ,ຮ່ວມສຸກຮ່ວມທຸກນໍາກັນໃນຕະຫຼອດໄລຍະຫຼາຍທົດສະວັດຜ່ານມາທີ່ຮ່ວມກັນຕໍ່ສູ້ເພື່ອເອກະລາດແຫ່ງຊາດແລະໄດ້ຮັບໄຊຊະນະຢ່າງສົມບູນ.
ທັງສາມຝ່າຍເຫັນດີພ້ອມກັນສືບຕໍ່ແລກປ່ຽນການຢ້ຽມຢາມຄະນະຜູ້ແທນໃນລະດັບຕ່າງໆຂອງສາມສະພາແຫ່ງຊາດ,ການແລກປ່ຽນບົດຮຽນດ້ານວິຊາການຕາມບົດບາດ,ສິດແລະໜ້າທີ່ຂອງຕົນ,ການຍົກລະດັບວິຊາການແລະພາສາ,ແລະການເຄື່ອນໄຫວວຽກງານຂອງສະມາຊິກສະພາແຫ່ງຊາດແລະສະມາຊິກສະພາປະຊາຊົນຂັ້ນແຂວງຊຶ່ງກັນແລະກັນ;ຮ່ວມກັນຕິດຕາມກວດກາການຈັດຕັ້ງປະຕິບັດບັນດາໂຄງການຮ່ວມມືຍຸດທະສາດທີ່ຜູ້ນໍາສາມປະເທດ,ສາມລັດຖະບານໄດ້ຕົກລົງຮ່ວມກັນໃຫ້ຖືກຈັດຕັ້ງປະຕິບັດເປັນຈິງລວມທັງບັນຫາຄວາມສະຫງົບຕາມບໍລິເວນຊາຍແດນ;ແລກປ່ຽນທັດສະນະ,ຄຳຄິດຄຳເຫັນ,ສະໜັບສະໜູນຊຶ່ງກັນແລະກັນໃນເວທີພາກພື້ນແລະສາກົນເປັນຕົ້ນໃນເວທີAIPA,IPU,APPFແລະອື່ນໆ.ນອກຈາກນັ້ນ,ຍັງເຫັນດີສືບຕໍ່ຮ່ວມມືດ້ານແລກປ່ຽນບົດຮຽນລະຫວ່າງຄະນະມິດຕະພາບລັດຖະສະພາ,ສະມາຊິກລັດຖະສະພາໜຸ່ມແລະສະມາຊິກລັດຖະສະພາເພດຍິງ,ລວມເຖິງການນໍາໃຊ້ປັນຍາປະດິດຫຼືເອໄອ(ArtificialIntelligence-AI)ເຂົ້າໃນການຈັດຕັ້ງປະຕິບັດວຽກງານຂອງສະພາແຫ່ງຊາດ,ພ້ອມກັນຄົ້ນຄວ້າສຶກສາຄວາມເປັນໄປໄດ້ໃນການຈັດຕັ້ງເບີສາຍດ່ວນລະຫວ່າງສາມສະພາແຫ່ງຊາດ(Hotlinecentre),ທົບທວນຄືນກົນໄກການຈັດກອງປະຊຸມສຸດຍອດລັດຖະສະພາທີ່ເຄີຍຈັດຂຶ້ນຄັ້ງທຳອິດທີ່ສປປລາວໃນທ້າຍປີ2023ໂດຍເນັ້ນຢ້ຳໃຫ້ສືບຕໍ່ຮັກສາແລະເສີມຂະຫຍາຍເນື້ອໃນຈິດໃຈດັ່ງກ່າວຢ່າງປົກກະຕິ.
ໃນປີ2027ທີ່ຈະມາເຖິງ,ສາມປະເທດມີແຜນຮ່ວມກັນຈັດຫຼາຍກິດຈະກຳເປັນຕົ້ນແມ່ນການກະກຽມຈັດກິດຈະກໍາສະເຫຼີມສະຫຼອງປີສາມັກຄີມິດຕະພາບລາວ-ຫວຽດນາມ,ວັນສ້າງຕັ້ງສາຍພົວພັນການທູດລາວ-ຫວຽດນາມຄົບຮອບ65ປີ,ວັນສ້າງຕັ້ງສາຍພົວພັນການທູດລາວ-ກຳປູເຈຍຄົບຮອບ71ປີແລະວັນເຊັນສົນທິສັນຍາມິດຕະພາບແລະການຮ່ວມມືລະຫວ່າງລາວ-ຫວຽດນາມຄົບຮອບ50ປີ.
ພ້ອມກັນນັ້ນ,ສອງປະທານສະພາແຫ່ງຊາດລາວແລະກຳປູເຈຍກໍໄດ້ເຫັນດີຈະສືບຕໍ່ແລກປ່ຽນຄະນະຜູ້ແທນຂັ້ນສູງນຳກັນໂດຍຈະເລີ່ມຈາກທ່ານປະທານສະພາແຫ່ງຊາດລາວຈະໄປຢ້ຽມຢາມຣາຊະອານາຈັກກຳປູເຈຍໃນທ້າຍປີ2026ເພື່ອສືບຕໍ່ປຶກສາຫາລືທິດທາງການຮ່ວມມືໃນຕໍ່ໜ້າ,ພ້ອມນີ້ກໍຈະມີການລົງນາມບົດບັນທຶກວ່າດ້ວຍການຮ່ວມມືສະບັບປັບປຸງເພື່ອເປັນບ່ອນອີງໃຫ້ແກ່ການເພີ່ມທະວີສາຍພົວພັນການຮ່ວມມືທີ່ດີງາມແລະເປັນມູນເຊື້ອແຕ່ດົນນານລະຫວ່າງສອງສະພາແຫ່ງຊາດລາວ-ກຳປູເຈຍອີກດ້ວຍ.
(ຂ່າວ: ສພຊ)

ຄໍາເຫັນ