![]() |
ທ່ານພົ.ວໂອພາດທຳມະທອງຫົວໜ້າຫ້ອງການກົມໃຫຍ່ເສນາທິການກະຊວງປ້ອງກັນປະເທດໄດ້ຜ່ານຂໍ້ຕົກລົງເລກທີ44ຄ, ປກຊ-ປກສວ່າດ້ວຍການແຕ່ງຕັ້ງຄະນະຊີ້ນຳແລະຄະນະຊ່ວຍວຽກໂຄງການເພື່ອກຳນົດບົດບາດໜ້າທີ່, ຍົກສູງຄວາມຮັບຜິດຊອບແລະປະສານງານລະຫວ່າງພາກສ່ວນກ່ຽວຂ້ອງເພື່ອເຮັດໃຫ້ການກໍ່ສ້າງສຳເລັດຕາມແຜນການ, ຖືກຕ້ອງຕາມລະບຽບການແລະກົດໝາຍ.
ໂຄງການກໍ່ສ້າງເສັ້ນທາງດັ່ງກ່າວມີເປົ້າໝາຍທັງຮອງຮັບການພັດທະນາໂຄງການໄຟຟ້າພະລັງງານລົມຂອງບໍລິສັດCLE 1ຈຳກັດແລະເສີມສ້າງເສັ້ນທາງຍຸດທະສາດຕາມຊາຍແດນໂດຍໄດ້ຮັບທຶນຊ່ວຍເຫຼືອຈາກລັດຖະບານຫວຽດນາມຜ່ານບໍລິສັດCLE 1ຈຳກັດເປັນຜູ້ຮັບຜິດຊອບດ້ານທຶນຮອນ.
ເສັ້ນທາງດັ່ງກ່າວມີຄວາມຍາວປະມານ490ກິໂລແມັດເຊື່ອມຕໍ່3ແຂວງຄື:ຄໍາມ່ວນ, ບໍລິຄຳໄຊແລະຊຽງຂວາງເລີ່ມແຕ່ບ້ານໂພນເມືອງບົວລະພາແຂວງຄຳມ່ວນຜ່ານບ້ານມະກາແລະນ້ຳພາວແຂວງບໍລິຄຳໄຊໄປຫາບ້ານນ້ຳອອນແລະນ້ຳກັ່ນແຂວງຊຽງຂວາງ. ແບ່ງການກໍ່ສ້າງເປັນ3ໄລຍະຄື: ໄລຍະທີ1ບ້ານໂພນ-ບ້ານມະກາ92ກິໂລແມັດ; ໄລຍະທີ2ບ້ານມະກາ-ນ້ຳພາວ140ກິໂລແມັດແລະໄລຍະທີ3ບ້ານນໍ້າພາວ-ບ້ານນ້ຳອອນ-ບ້ານນ້ຳກັ່ນ258ກິໂລແມັດ.
![]() |
ທ່ານພົ.ທສາຍໃຈກົມມະສິດໄດ້ເນັ້ນໃຫ້ຄະນະຮັບຜິດຊອບແລະພາກສ່ວນກ່ຽວຂ້ອງກຳແໜ້ນພາລະບົດບາດ, ກວດກາແລວເສັ້ນທາງແລະກຳນົດແຜນດຳເນີນງານໃຫ້ຈະແຈ້ງ; ພ້ອມທັງປະສານກັບຂະແໜງການກ່ຽວຂ້ອງເພື່ອກຳນົດເຂດປ່າໄມ້ທີ່ອາດໄດ້ຮັບຜົນກະທົບ, ຕິດຕາມຄວາມຄືບໜ້າແລະລາຍງານບັນຫາເພື່ອຮ່ວມກັນແກ້ໄຂຢ່າງທັນການ.
ນອກນີ້ກອງປະຊຸມຍັງໄດ້ຮັບຟັງລາຍງານຈາກກອງອຸທິຍານແຫ່ງຊາດນາກາຍ-ນ້ຳເທີນກ່ຽວກັບຂອບເຂດພື້ນທີ່ອຸທິຍານແລະຜົນກະທົບທີ່ກ່ຽວຂ້ອງພ້ອມຮ່ວມປຶກສາຫາລືຫາແນວທາງແກ້ໄຂເພື່ອໃຫ້ການປະຕິບັດໂຄງການສອດຄ່ອງກັບແຜນການແລະລະບຽບການ.
ຂ່າວ : ມະນີວັນ


ຄໍາເຫັນ