ທ່ານ ກູເຕີເຣັສ ກ່າວວ່າ: ບົດລາຍງານສະບັບຫຼ້າສຸດສະແດງໃຫ້ເຫັນວ່າ: 10 ປີຜ່ານມາ ແມ່ນ 10 ປີທີ່ມີສະພາບອາກາດຮ້ອນທີ່ສຸດໃນການບັນທຶກຂອງປະຫວັດສາດ, ອຸນຫະພູມທາງທະເລສູງຂຶ້ນ ແລະ ສ້າງສະຖິຕິໃໝ່ເລື້ອຍໆ ຊຶ່ງສິ່ງນີ້ໄດ້ທຳລາຍລະບົບນິເວດຢ່າງຮ້າຍແຮງ. ນອກຈາກນີ້, ສະພາບອາກາດທີ່ຮຸ່ນແຮງຜິດປົກກະຕິເກີດຂຶ້ນຢ່າງຕໍ່ເນື່ອງ ກໍ່ໃຫ້ເກີດໄຟໄໝ້, ນໍ້າຖ້ວມ, ພາຍຸ ແລະ ຄື້ນອາກາດຮ້ອນ ໄດ້ຂົ່ມຂູ່ຕໍ່ທຸກປະເທດ, ສ່ວນປະເທດທີ່ທຸກຍາກ ແລະ ອ່ອນແອທີ່ສຸດ, ໂດຍສະເພາະແມ່ນປະເທດເກາະດອນນ້ອຍທີ່ກຳລັງພັດທະນາ ແລະ ປະເທດດ້ອຍພັດທະນາທີ່ສຸດ, ລ້ວນແຕ່ໄດ້ຮັບຜົນກະທົບ ແລະ ເສຍຫາຍສູງທີ່ສຸດ.
ໄພນ້ຳຖ້ວມຢູ່ໄທເຮັດໃຫ້ມີຜູ້ເສຍຊີວິດ 24 ຄົນ
ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ຫວ່າງມໍ່ໆມານີ້, ຝົນຕົກໜັກຢ່າງຕໍ່ເນື່ອງເຮັດໃຫ້ເກີດໄພນ້ຳຖ້ວມຢູ່ປະເທດໄທ, ໃນວັນທີ 30 ກັນຍາ ຜ່ານມາ, ກົມປະຊາສຳພັນ ສຳນັກນາຍົກລັດຖະມົນຕີໄທໄດ້ອອກຂ່າວໂດຍລະບຸວ່າ, ໄພນ້ຳຖ້ວມເທື່ອນີ້ໄດ້ເຮັດໃຫ້ມີຜູ້ເສຍຊີວິດ 24 ຄົນ, ຫຼາຍລ້ານຄົນປະສົບໄພ, ກະທົບເຖິງນະຄອນຫຼວງບາງກອກ ແລະ ອີກ 31 ແຂວງ.
ຄໍາເຫັນ