ໂດຍ: ວັນເພັງ
ບໍລິສັດໄອແຄບໍລິການຈຳກັດເປັນໜຶ່ງບໍລິສັດຕັ້ງຢູ່ບ້ານທົ່ງສາງນາງເມືອງຈັນທະບູລີນະຄອນຫຼວງວຽງຈັນ (ນວ) ຊຶ່ງສ້າງຕັ້ງຂຶ້ນໄດ້ 2 ປີກວ່າແລ້ວ. ບໍລິສັດເຮັດໜ້າທີໃຫ້ບໍລິການແມ່ບ້ານ, ເອື້ອຍລ້ຽງເດັກ. ພ້ອມນັ້ນ, ຍັງຜະລິດນ້ຳຢາຖູພື້ນ, ນ້ຳຢາລ້າງຖ້ວຍ-ຈານ (ຊັນໄລ) ຊຶ່ງເປັນຜະລິດຕະພັນຂອງຄົນລາວ 100% ສາມາດສ້າງວຽກເຮັດງານທຳໃຫ້ປະຊາຊົນລາວກໍຄືແຮງງານລາວໃນຂອບເຂດທົ່ວປະເທດໄດ້ທັງໝົດ 700 ກວ່າຄົນ.
ເນື່ອງໃນໂອກາດສະຫຼອງວັນກຳມະກອນສາກົນຄົບຮອບ 138 ປີທີ່ໃກ້ຈະມາເຖິງນີ້ ທ່ານນາງສົນດວງເພັດຄະນະບໍລິຫານຝ່າຍຄຸ້ມຄອງແຮງງານບໍລິສັດໄອແຄບໍລິການຈຳກັດໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນໃນວັນທີ 24 ເມສາຜ່ານມາວ່າ: ວັນກໍາມະກອນສາກົນຊຶ່ງເປັນວັນທີ່ມີຄວາມໝາຍ-ຄວາມສຳຄັນຫຼາຍ, ເປັນວັນທີ່ຖືກສ້າງຕັ້ງຂຶ້ນມາເພື່ອສົ່ງເສີມແລະຊຸກຍູ້ ໃຫ້ທຸກຄົນເຫັນຄວາມສຳຄັນຂອງຜູ້ອອກແຮງງານວ່າພວກເຂົາຄືພາກສ່ວນຫຼັກສຳຄັນໃນການສ້າງສາພັດທະນາປະເທດຊາດແລະເສດຖະກິດ, ວັນດັ່ງກ່າວຍັງປຽບເໝືອນການສັນລະເສີນຄຸນງາມຄວາມດີຂອງຜູ້ອອກແຮງງານພາຍໃນຊາດແລະທຸກອາຊີບອອກແຮງງານບໍ່ວ່າຈະເປັນຜູ້ອອກແຮງງານຍິງຫຼືຊາຍ.
ໃນປີ 2023 ຜ່ານມາ, ບໍລິສັດໄອແຄສາມາດສ້າງວຽກເຮັດງານທຳໃຫ້ປະຊາຊົນລາວຢູ່ ນວແລະບັນດາແຂວງໃນຂອບເຂດທົ່ວປະເທດໄດ້ທັງໝົດ 700 ກວ່າຄົນໂດຍສະເພາະຜູ້ອອກແຮງງານແມ່ຍິງແລະໄວໜຸ່ມເຂົ້າໃນຂະແໜງການແມ່ບ້ານ, ຄົນສວນ, ແມ່ຄົວ, ພໍ່ຄົວ, ເອື້ອຍລ້ຽງເດັກໃຫ້ກັບຄົວເຮືອນ, ສັງຄົມຢູ່ ນວ. ໃນນັ້ນ, ໃນເດືອນມິຖຸນາ 2024 ນີ້ ບໍລິສັດໄອແຄຈະຈັັດການແຂ່ງຂັນແມ່ບ້ານດີເດັ່ນປະຈຳປີ 2024 ແນໃສ່ໃຫ້ຄວາມສຳຄັນຮອບດ້ານໃຫ້ກັບແມ່ບ້ານຊຶ່ງຈະມີການເປີດຮັບສະໝັກແມ່ບ້ານອາຊີບ, ແມ່ບ້ານອິດສະລະ, ນັກສຶກສາອາຊີວະສຶກສາໃນຂະແໜງການແມ່ບ້ານເພື່ອເຂົ້າຮ່ວມການແຂ່ງຂັນໂດຍຜູ້ຊະນະຈະໄດ້ຮັບລາງວັນເງິນສົດແລະສັນຍາເຮັດວຽກກັບບໍລິສັດໄອແຄ. ທັງນີ້, ກໍເພື່ອແນໃສ່ເຮັດໃຫ້ສັງຄົມຮັບຮູ້ ແລະເຂົ້າໃຈເຖິງຄວາມສຳຄັນຂອງຜູ້ອອກແຮງງານຢ່າງຈິງຈັງ.
ທ່ານນາງສົນດວງເພັດໃຫ້ຮູ້ຕື່ມວ່າ: ການໃຫ້ຄວາມສຳຄັນແລະຍົກສູງວຽກງານການອອກແຮງງານຫຼືວຽກງານຂອງຜູ້ອອກແຮງງານຂັ້ນຕໍ່າທີ່ເປັນກຳລັງສຳຄັນໃນຫຼາຍຂົງເຂດວຽກງານສົມຄວນທີ່ຈະຖືກຍົກສູງແລະຖືສຳຄັນຫຼາຍດ້ານເປັນຕົ້ນອັດຕາຄ່າຈ້າງງານ, ສະຫວັດດີການຄຸ້ມຄອງຈາກພາກລັດ, ສິດຂັ້ນພື້ນຖານຂອງການໃຊ້ແຮງງານລວມເຖິງຫຼາຍໆປັດໃຈທີ່ປິ່ນອ້ອມແລະຜູ້ອອກແຮງງານຕ້ອງໄດ້ຮັບການຄຸ້ມຄອງດູແລທີ່ສົມເຫດສົມຜົນໃນສິ່ງທີ່ພວກເຂົາຄວນໄດ້ຮັບ.
ຢ່າງໃດກໍຕາມປັດຈຸບັນບໍລິສັດໄອແຄບໍລິການຈຳກັດຍັງຕ້ອງການແຮງງານຈຳນວນຫຼາຍໂດຍສະເພາະໃນຂະແໜງແມ່ບ້ານ, ຄົນສວນ, ເອື້ອຍລ້ຽງເດັກ, ແມ່ຄົວ-ພໍ່ຄົວ ຖ້າທ່ານໃດສົນໃຈສາມາດເຂົ້າໄປພົວພັນສະໝັກວຽກໄດ້ດ້ວຍໂຕເອງທີ່ບໍລິສັດດັ່ງກ່າວ ໃນໂມງລັດຖະການ. ໃນໂອກາດວັນກຳມະກອນສາກົນຄົບຮອບ 138 ປີໃກ້ຈະມາເຖິງນີ້ ທ່ານນາງສົນດວງເພັດຍັງໄດ້ອວຍພອນໄຊອັນປະເສີດໃຫ້ຊາວຜູ້ອອກແຮງງານໃນຂອບເຂດທົ່ວປະເທດກໍຄືທົ່ວໂລກຈົ່ງມີສຸຂະພາບເຂັ້ມແຂງສືບຕໍ່ປະຕິບັດໜ້າທີ່ວຽກງານຂອງຕົນໃຫ້ມີຜົນສຳເລັດທຸກປະການ.
ເນື່ອງໃນໂອກາດສະຫຼອງວັນກຳມະກອນສາກົນຄົບຮອບ 138 ປີທີ່ໃກ້ຈະມາເຖິງນີ້ ທ່ານນາງສົນດວງເພັດຄະນະບໍລິຫານຝ່າຍຄຸ້ມຄອງແຮງງານບໍລິສັດໄອແຄບໍລິການຈຳກັດໄດ້ໃຫ້ສຳພາດຕໍ່ນັກຂ່າວໜັງສືພິມປະຊາຊົນໃນວັນທີ 24 ເມສາຜ່ານມາວ່າ: ວັນກໍາມະກອນສາກົນຊຶ່ງເປັນວັນທີ່ມີຄວາມໝາຍ-ຄວາມສຳຄັນຫຼາຍ, ເປັນວັນທີ່ຖືກສ້າງຕັ້ງຂຶ້ນມາເພື່ອສົ່ງເສີມແລະຊຸກຍູ້ ໃຫ້ທຸກຄົນເຫັນຄວາມສຳຄັນຂອງຜູ້ອອກແຮງງານວ່າພວກເຂົາຄືພາກສ່ວນຫຼັກສຳຄັນໃນການສ້າງສາພັດທະນາປະເທດຊາດແລະເສດຖະກິດ, ວັນດັ່ງກ່າວຍັງປຽບເໝືອນການສັນລະເສີນຄຸນງາມຄວາມດີຂອງຜູ້ອອກແຮງງານພາຍໃນຊາດແລະທຸກອາຊີບອອກແຮງງານບໍ່ວ່າຈະເປັນຜູ້ອອກແຮງງານຍິງຫຼືຊາຍ.
ໃນປີ 2023 ຜ່ານມາ, ບໍລິສັດໄອແຄສາມາດສ້າງວຽກເຮັດງານທຳໃຫ້ປະຊາຊົນລາວຢູ່ ນວແລະບັນດາແຂວງໃນຂອບເຂດທົ່ວປະເທດໄດ້ທັງໝົດ 700 ກວ່າຄົນໂດຍສະເພາະຜູ້ອອກແຮງງານແມ່ຍິງແລະໄວໜຸ່ມເຂົ້າໃນຂະແໜງການແມ່ບ້ານ, ຄົນສວນ, ແມ່ຄົວ, ພໍ່ຄົວ, ເອື້ອຍລ້ຽງເດັກໃຫ້ກັບຄົວເຮືອນ, ສັງຄົມຢູ່ ນວ. ໃນນັ້ນ, ໃນເດືອນມິຖຸນາ 2024 ນີ້ ບໍລິສັດໄອແຄຈະຈັັດການແຂ່ງຂັນແມ່ບ້ານດີເດັ່ນປະຈຳປີ 2024 ແນໃສ່ໃຫ້ຄວາມສຳຄັນຮອບດ້ານໃຫ້ກັບແມ່ບ້ານຊຶ່ງຈະມີການເປີດຮັບສະໝັກແມ່ບ້ານອາຊີບ, ແມ່ບ້ານອິດສະລະ, ນັກສຶກສາອາຊີວະສຶກສາໃນຂະແໜງການແມ່ບ້ານເພື່ອເຂົ້າຮ່ວມການແຂ່ງຂັນໂດຍຜູ້ຊະນະຈະໄດ້ຮັບລາງວັນເງິນສົດແລະສັນຍາເຮັດວຽກກັບບໍລິສັດໄອແຄ. ທັງນີ້, ກໍເພື່ອແນໃສ່ເຮັດໃຫ້ສັງຄົມຮັບຮູ້ ແລະເຂົ້າໃຈເຖິງຄວາມສຳຄັນຂອງຜູ້ອອກແຮງງານຢ່າງຈິງຈັງ.
ທ່ານນາງສົນດວງເພັດໃຫ້ຮູ້ຕື່ມວ່າ: ການໃຫ້ຄວາມສຳຄັນແລະຍົກສູງວຽກງານການອອກແຮງງານຫຼືວຽກງານຂອງຜູ້ອອກແຮງງານຂັ້ນຕໍ່າທີ່ເປັນກຳລັງສຳຄັນໃນຫຼາຍຂົງເຂດວຽກງານສົມຄວນທີ່ຈະຖືກຍົກສູງແລະຖືສຳຄັນຫຼາຍດ້ານເປັນຕົ້ນອັດຕາຄ່າຈ້າງງານ, ສະຫວັດດີການຄຸ້ມຄອງຈາກພາກລັດ, ສິດຂັ້ນພື້ນຖານຂອງການໃຊ້ແຮງງານລວມເຖິງຫຼາຍໆປັດໃຈທີ່ປິ່ນອ້ອມແລະຜູ້ອອກແຮງງານຕ້ອງໄດ້ຮັບການຄຸ້ມຄອງດູແລທີ່ສົມເຫດສົມຜົນໃນສິ່ງທີ່ພວກເຂົາຄວນໄດ້ຮັບ.
ຢ່າງໃດກໍຕາມປັດຈຸບັນບໍລິສັດໄອແຄບໍລິການຈຳກັດຍັງຕ້ອງການແຮງງານຈຳນວນຫຼາຍໂດຍສະເພາະໃນຂະແໜງແມ່ບ້ານ, ຄົນສວນ, ເອື້ອຍລ້ຽງເດັກ, ແມ່ຄົວ-ພໍ່ຄົວ ຖ້າທ່ານໃດສົນໃຈສາມາດເຂົ້າໄປພົວພັນສະໝັກວຽກໄດ້ດ້ວຍໂຕເອງທີ່ບໍລິສັດດັ່ງກ່າວ ໃນໂມງລັດຖະການ. ໃນໂອກາດວັນກຳມະກອນສາກົນຄົບຮອບ 138 ປີໃກ້ຈະມາເຖິງນີ້ ທ່ານນາງສົນດວງເພັດຍັງໄດ້ອວຍພອນໄຊອັນປະເສີດໃຫ້ຊາວຜູ້ອອກແຮງງານໃນຂອບເຂດທົ່ວປະເທດກໍຄືທົ່ວໂລກຈົ່ງມີສຸຂະພາບເຂັ້ມແຂງສືບຕໍ່ປະຕິບັດໜ້າທີ່ວຽກງານຂອງຕົນໃຫ້ມີຜົນສຳເລັດທຸກປະການ.
ຄໍາເຫັນ