ໂດຍ: ຍຸພິນທອງ
ວັນທີ 2 ທັນວາ 1975 ແມ່ນວັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດຂອງຊາດລາວເຮົາ, ແມ່ນວັນແຫ່ງການສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ) ເປັນວັນສໍາຄັນ ທີ່ເຕັມໄປດ້ວຍຄວາມເອກອ້າງທະນົງໃຈ ໃນການກ່າວກ້ອງໄຂສັງກາດໃໝ່ ຊຶ່ງນັບແຕ່ມື້ນັ້ນມາ ສປປ ລາວ ໄດ້ຮັບການພັດທະນາ ພື້ນຖານໂຄງລ່າງດ້ານຕ່າງໆ ແລະ ໃນໂອກາດວັນຊາດ ທີ່ຈະ ໝູນວຽນມາ ຄົບຮອບ 48 ປີ ໃນມໍ່ໆນີ້ ກໍເປັນໂອກາດດີໜຶ່ງ ທີ່ພວກເຮົາຈະໄດ້ທົບທວນຄືນຜົນງານທີ່ຕົນໄດ້ສ້າງຜົນປະໂຫຍດແກ່ປະເທດຊາດ ອັນແສນຮັກຂອງຕົນ.
ທ່ານ ສຸຄັນທອນ ສິງພວງເພັດ ຜູ້ອໍານວຍການ ວິທະຍາໄລ ວິທະຍາສາດ ສຸຂະພາບ ແຂວງສະຫວັນນະເຂດ (ວສສ) ມັກຈະຖາມຕົວເອງວ່າ: ວັນຊາດໝູນວຽນມາຄົບຮອບໜຶ່ງປີອີກຮອບໜຶ່ງແລ້ວ, ຜ່ານມາໜຶ່ງປີ ເຮົາໄດ້ເຮັດຫຍັງເພື່ອປະເທດຊາດຂອງເຮົາແນ່ ໂດຍສະເພາະແມ່ນພາຍໃນຂົງເຂດວຽກງານຂອງຕົນ ຊຶ່ງສິ່ງນີ້ກໍແມ່ນຈຸດທີ່ນໍາໄປເຖິງການທົບທວນວຽກງານ ກໍຄືຜົນງານທີ່ສ້າງໃຫ້ເກີດຜົນປະໂຫຍດແກ່ການພັດທະນາປະເທດຊາດ, ເຮັດໃຫ້ເຫັນເຖິງຈຸດອ່ອນ-ຂໍ້ຄົງຄ້າງ ເພື່ອປັບປຸງແກ້ໄຂໃຫ້ສາມາດສ້າງປະໂຫຍດແກ່ຊາດເຮົາ; ເມື່ອປະເທດຊາດ ສາມາດຜ່ານຜ່າຂໍ້ຫຍຸ້ງຍາກ ສາມາດປົດລ໊ອກຂີດຈໍາກັດແຫ່ງການພັດທະນາ ກ້າວສູ່ຄວາມຈະເລີນຮຸ່ງເຮືອງ, ເສດຖະກິດໝັ້ນທ່ຽງ, ສັງຄົມມີຄວາມສະຫງົບ ແລະ ເມື່ອນັ້ນ ຄວາມຜາສຸກກໍຈະເກີດໃນສັງຄົມລາວເຮົາ.
ທ່ານ ສຸຄັນທອນ ສິງພວງເພັດໃຫ້ຮູ້ຕື່ມວ່າ: ຄະນະອຳນວຍການ ແລະ ຄູ-ອາຈານ ທຸກຄົນພາຍໃນ ວສສ ຍາມໃດກໍຖືສຳຄັນ ການສຸມໃສ່ວຽກງານຂອງຕົນ ຕິດພັນກັບການສ້າງຜົນປະໂຫຍດແກ່ປະເທດຊາດ ເຄື່ອນໄຫວຕາມວິໄສທັດ ວສສ ເປັນສະຖານທີ່ສຶກສາທີ່ມີມາດຕະຖານຕາມຂີດຄວາມສາມາດທາງດ້ານວິຊາຊີບ ເປັນທີ່ຍອມຮັບຂອງສັງຄົມ ແລະ ສາມາດເຊື່ອມໂຍງກັບພາກພື້ນ. ພ້ອມທັງດຳເນີນພາລະກິດສ້າງນັກສຶກສາໃຫ້ມີຄວາມຮູ້, ຄວາມສາມາດ, ມີຄວາມຊຳນານທາງດ້ານວິຊາຊີບທີ່ແນ່ນອນເພື່ອບໍລິການສຸຂະພາບປະຊາຊົນບັນດາເຜົ່າ; ເພີ່ມທະວີ, ສົ່ງເສີມນັກສຶກສາໃຫ້ມີຄຸນສົມບັດ, ສິນທຳ, ຈັນຍາທຳໃນວິຊາຊີບ; ບູລະນະຮັກສາສິນລະປະວັດທະນະທຳ, ສັງຄົມ ແລະ ຮັກສາຂະນົບທຳນຽມຮີດຄອງປະເພນີອັນດີງາມຂອງຊາດລາວ; ຄົ້ນຄວ້າວິທະຍາສາດ, ສ້າງຄວາມຮູ້ໃໝ່ໆ ແລະ ນຳໃຊ້ເຕັກໂນໂລຊີທີ່ທັນສະໄໝເພື່ອນຳມາພັດທະນາຄຸນນະພາບການສຶກສາວິຊາຊີບທາງດ້ານການແພດ, ການພະຍາບານ, ຜະດຸງຄັນ; ພັດທະນາຄູ ແລະ ການບໍລິຫານຈັດການພາຍໃນວິທະຍາໄລ ໃຫ້ມີສັກກະຍະພາບ ພາຍໃຕ້ຄໍາຂວັນ:ຄວາມຮູ້ຄູ່ຄຸນນະທຳນຳວິຊາການໃຫ້ເປັນເລີດປະເສີດດ້ວຍຄຸນສົມບັດພັດທະນາດີມີຄຸນນະພາບ.ໃນສົກປີ 2022-2023, ວສສມີຜົນສຳເລັດໃນການສ້າງບຸກຄະລາກອນ ທັງໝົດມີ166 ຄົນ/ຍິງ 133 ຄົນ ຊຶ່ງມີຜູ້ທີ່ຈົບຫຼັກສູດຊັ້ນສູງການແພດ ສາຍກົງ60 ຄົນ/ຍິງ 38 ຄົນ, ຫຼັກສູດຊັ້ນສູງພະຍາບານ ສາຍກົງ49 ຄົນ/ຍິງ 38 ຄົນ; ຫຼັກສູດຊັ້ນສູງຜະດຸງຄັນ ສາຍກົງ23 ຄົນ/ຍິງ 23 ຄົນ; ຫຼັກສູດຊັ້ນສູງພະຍາບານ ສາຍຕໍ່ເນື່ອງ13 ຄົນ/ຍິງ 13 ຄົນ; ຫຼັກສູດຊັ້ນສູງຜະດຸງຄັນ ສາຍຕໍ່ເນື່ອງ21 ຄົນ/ຍິງ 21 ຄົນ.
ທ່ານ ສຸຄັນທອນ ສິງພວງເພັດໃຫ້ຄວາມຮູ້ສຶກຕື່ມວ່າ: ວັນຊາດ ທີ 2 ທັນວາ ກໍເປັນໂອກາດໜຶ່ງ ທຸກຄົນເຮົາທົບທວນຄືນວ່າ ເຮົາເຮັດຫຍັງແດ່ ທີ່ເກີດປະໂຫຍດແກ່ປະເທດຊາດອັນແສນຮັກຂອງພວກເຮົາ ບົນພື້ນຖານຍົກສູງຈິດໃຈຮັກຊາດ, ຮັກບ້ານເກີດເມືອງນອນ, ຮັກໃນລະບອບໃໝ່ ລະບອບປະຊາທິປະໄຕ ປະຊາຊົນ ແຫ່ງການຂ້າມຜ່ານກ້າວໄປສູ່ສັງຄົມນິຍົມ ຊຶ່ງ ວສສ ກໍກຳລັງເອົາໃຈໃສ່ສືບຕໍ່ສ້າງບຸກຄະລາກອນເພື່ອຕອບສະໜອງການພັດທະນາບຸກຄະລາກອນສາທາລະນະສຸກໃນລະດັບຊັ້ນສູງໃຫ້ມີຄວາມຮູ້ຄວາມສາມາດ, ມີທັກສະ ແລະ ມີສຳນານງານ. ເພື່ອໃຫ້ໄດ້ຄືແນວນັ້ນ, ວສສ ກໍຍັງສືບຕໍ່ດຳເນີນຫຼາຍວຽກງານ ໃນນັ້ນກໍມີການພົວພັນຮ່ວມມືກັບຕ່າງປະເທດແລກປ່ຽນທາງດ້ານວິຊາການ ແລະ ຍາດແຍ່ງການຊ່ວຍເຫຼືອ ຊຶ່ງຜ່ານມາກໍມີການພົວພັນຮ່ວມມືກັບ ສສ ຫວຽດນາມ, ສປ ຈີນ, ຣາຊະອານາຈັກໄທ.ໃນສົກ 2023-2024 ວສສ ສືບຕໍ່ສ້າງ 400 ກວ່າຄົນ, ໃນນີ້ມີນັກສຶກສາເຂົ້າໃໝ່ ທັງໝົດ155 ຄົນ/ຍິງ 130 ຄົນ ຊຶ່ງໃນຫຼັກສູດຊັ້ນສູງການແພດ ສາຍກົງ69 ຄົນ/ຍິງ 51 ຄົນ, ຫຼັກສູດຊັ້ນສູງພະຍາບານ ສາຍກົງ51 ຄົນ/ຍິງ 47 ຄົນ, ຫຼັກສູດຊັ້ນສູງຜະດຸງຄັນສາຍກົງ21 ຄົນ/ຍິງ 21 ຄົນ, ຫຼັກສູດຊັ້ນສູງພະຍາບານ ສາຍຕໍ່ເນື່ອງ14 ຄົນ/ຍິງ 11 ຄົນ.
ວັນທີ 2 ທັນວາ 1975 ແມ່ນວັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດຂອງຊາດລາວເຮົາ, ແມ່ນວັນແຫ່ງການສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ (ສປປ ລາວ) ເປັນວັນສໍາຄັນ ທີ່ເຕັມໄປດ້ວຍຄວາມເອກອ້າງທະນົງໃຈ ໃນການກ່າວກ້ອງໄຂສັງກາດໃໝ່ ຊຶ່ງນັບແຕ່ມື້ນັ້ນມາ ສປປ ລາວ ໄດ້ຮັບການພັດທະນາ ພື້ນຖານໂຄງລ່າງດ້ານຕ່າງໆ ແລະ ໃນໂອກາດວັນຊາດ ທີ່ຈະ ໝູນວຽນມາ ຄົບຮອບ 48 ປີ ໃນມໍ່ໆນີ້ ກໍເປັນໂອກາດດີໜຶ່ງ ທີ່ພວກເຮົາຈະໄດ້ທົບທວນຄືນຜົນງານທີ່ຕົນໄດ້ສ້າງຜົນປະໂຫຍດແກ່ປະເທດຊາດ ອັນແສນຮັກຂອງຕົນ.
ທ່ານ ສຸຄັນທອນ ສິງພວງເພັດ ຜູ້ອໍານວຍການ ວິທະຍາໄລ ວິທະຍາສາດ ສຸຂະພາບ ແຂວງສະຫວັນນະເຂດ (ວສສ) ມັກຈະຖາມຕົວເອງວ່າ: ວັນຊາດໝູນວຽນມາຄົບຮອບໜຶ່ງປີອີກຮອບໜຶ່ງແລ້ວ, ຜ່ານມາໜຶ່ງປີ ເຮົາໄດ້ເຮັດຫຍັງເພື່ອປະເທດຊາດຂອງເຮົາແນ່ ໂດຍສະເພາະແມ່ນພາຍໃນຂົງເຂດວຽກງານຂອງຕົນ ຊຶ່ງສິ່ງນີ້ກໍແມ່ນຈຸດທີ່ນໍາໄປເຖິງການທົບທວນວຽກງານ ກໍຄືຜົນງານທີ່ສ້າງໃຫ້ເກີດຜົນປະໂຫຍດແກ່ການພັດທະນາປະເທດຊາດ, ເຮັດໃຫ້ເຫັນເຖິງຈຸດອ່ອນ-ຂໍ້ຄົງຄ້າງ ເພື່ອປັບປຸງແກ້ໄຂໃຫ້ສາມາດສ້າງປະໂຫຍດແກ່ຊາດເຮົາ; ເມື່ອປະເທດຊາດ ສາມາດຜ່ານຜ່າຂໍ້ຫຍຸ້ງຍາກ ສາມາດປົດລ໊ອກຂີດຈໍາກັດແຫ່ງການພັດທະນາ ກ້າວສູ່ຄວາມຈະເລີນຮຸ່ງເຮືອງ, ເສດຖະກິດໝັ້ນທ່ຽງ, ສັງຄົມມີຄວາມສະຫງົບ ແລະ ເມື່ອນັ້ນ ຄວາມຜາສຸກກໍຈະເກີດໃນສັງຄົມລາວເຮົາ.
ທ່ານ ສຸຄັນທອນ ສິງພວງເພັດໃຫ້ຮູ້ຕື່ມວ່າ: ຄະນະອຳນວຍການ ແລະ ຄູ-ອາຈານ ທຸກຄົນພາຍໃນ ວສສ ຍາມໃດກໍຖືສຳຄັນ ການສຸມໃສ່ວຽກງານຂອງຕົນ ຕິດພັນກັບການສ້າງຜົນປະໂຫຍດແກ່ປະເທດຊາດ ເຄື່ອນໄຫວຕາມວິໄສທັດ ວສສ ເປັນສະຖານທີ່ສຶກສາທີ່ມີມາດຕະຖານຕາມຂີດຄວາມສາມາດທາງດ້ານວິຊາຊີບ ເປັນທີ່ຍອມຮັບຂອງສັງຄົມ ແລະ ສາມາດເຊື່ອມໂຍງກັບພາກພື້ນ. ພ້ອມທັງດຳເນີນພາລະກິດສ້າງນັກສຶກສາໃຫ້ມີຄວາມຮູ້, ຄວາມສາມາດ, ມີຄວາມຊຳນານທາງດ້ານວິຊາຊີບທີ່ແນ່ນອນເພື່ອບໍລິການສຸຂະພາບປະຊາຊົນບັນດາເຜົ່າ; ເພີ່ມທະວີ, ສົ່ງເສີມນັກສຶກສາໃຫ້ມີຄຸນສົມບັດ, ສິນທຳ, ຈັນຍາທຳໃນວິຊາຊີບ; ບູລະນະຮັກສາສິນລະປະວັດທະນະທຳ, ສັງຄົມ ແລະ ຮັກສາຂະນົບທຳນຽມຮີດຄອງປະເພນີອັນດີງາມຂອງຊາດລາວ; ຄົ້ນຄວ້າວິທະຍາສາດ, ສ້າງຄວາມຮູ້ໃໝ່ໆ ແລະ ນຳໃຊ້ເຕັກໂນໂລຊີທີ່ທັນສະໄໝເພື່ອນຳມາພັດທະນາຄຸນນະພາບການສຶກສາວິຊາຊີບທາງດ້ານການແພດ, ການພະຍາບານ, ຜະດຸງຄັນ; ພັດທະນາຄູ ແລະ ການບໍລິຫານຈັດການພາຍໃນວິທະຍາໄລ ໃຫ້ມີສັກກະຍະພາບ ພາຍໃຕ້ຄໍາຂວັນ:ຄວາມຮູ້ຄູ່ຄຸນນະທຳນຳວິຊາການໃຫ້ເປັນເລີດປະເສີດດ້ວຍຄຸນສົມບັດພັດທະນາດີມີຄຸນນະພາບ.ໃນສົກປີ 2022-2023, ວສສມີຜົນສຳເລັດໃນການສ້າງບຸກຄະລາກອນ ທັງໝົດມີ166 ຄົນ/ຍິງ 133 ຄົນ ຊຶ່ງມີຜູ້ທີ່ຈົບຫຼັກສູດຊັ້ນສູງການແພດ ສາຍກົງ60 ຄົນ/ຍິງ 38 ຄົນ, ຫຼັກສູດຊັ້ນສູງພະຍາບານ ສາຍກົງ49 ຄົນ/ຍິງ 38 ຄົນ; ຫຼັກສູດຊັ້ນສູງຜະດຸງຄັນ ສາຍກົງ23 ຄົນ/ຍິງ 23 ຄົນ; ຫຼັກສູດຊັ້ນສູງພະຍາບານ ສາຍຕໍ່ເນື່ອງ13 ຄົນ/ຍິງ 13 ຄົນ; ຫຼັກສູດຊັ້ນສູງຜະດຸງຄັນ ສາຍຕໍ່ເນື່ອງ21 ຄົນ/ຍິງ 21 ຄົນ.
ທ່ານ ສຸຄັນທອນ ສິງພວງເພັດໃຫ້ຄວາມຮູ້ສຶກຕື່ມວ່າ: ວັນຊາດ ທີ 2 ທັນວາ ກໍເປັນໂອກາດໜຶ່ງ ທຸກຄົນເຮົາທົບທວນຄືນວ່າ ເຮົາເຮັດຫຍັງແດ່ ທີ່ເກີດປະໂຫຍດແກ່ປະເທດຊາດອັນແສນຮັກຂອງພວກເຮົາ ບົນພື້ນຖານຍົກສູງຈິດໃຈຮັກຊາດ, ຮັກບ້ານເກີດເມືອງນອນ, ຮັກໃນລະບອບໃໝ່ ລະບອບປະຊາທິປະໄຕ ປະຊາຊົນ ແຫ່ງການຂ້າມຜ່ານກ້າວໄປສູ່ສັງຄົມນິຍົມ ຊຶ່ງ ວສສ ກໍກຳລັງເອົາໃຈໃສ່ສືບຕໍ່ສ້າງບຸກຄະລາກອນເພື່ອຕອບສະໜອງການພັດທະນາບຸກຄະລາກອນສາທາລະນະສຸກໃນລະດັບຊັ້ນສູງໃຫ້ມີຄວາມຮູ້ຄວາມສາມາດ, ມີທັກສະ ແລະ ມີສຳນານງານ. ເພື່ອໃຫ້ໄດ້ຄືແນວນັ້ນ, ວສສ ກໍຍັງສືບຕໍ່ດຳເນີນຫຼາຍວຽກງານ ໃນນັ້ນກໍມີການພົວພັນຮ່ວມມືກັບຕ່າງປະເທດແລກປ່ຽນທາງດ້ານວິຊາການ ແລະ ຍາດແຍ່ງການຊ່ວຍເຫຼືອ ຊຶ່ງຜ່ານມາກໍມີການພົວພັນຮ່ວມມືກັບ ສສ ຫວຽດນາມ, ສປ ຈີນ, ຣາຊະອານາຈັກໄທ.ໃນສົກ 2023-2024 ວສສ ສືບຕໍ່ສ້າງ 400 ກວ່າຄົນ, ໃນນີ້ມີນັກສຶກສາເຂົ້າໃໝ່ ທັງໝົດ155 ຄົນ/ຍິງ 130 ຄົນ ຊຶ່ງໃນຫຼັກສູດຊັ້ນສູງການແພດ ສາຍກົງ69 ຄົນ/ຍິງ 51 ຄົນ, ຫຼັກສູດຊັ້ນສູງພະຍາບານ ສາຍກົງ51 ຄົນ/ຍິງ 47 ຄົນ, ຫຼັກສູດຊັ້ນສູງຜະດຸງຄັນສາຍກົງ21 ຄົນ/ຍິງ 21 ຄົນ, ຫຼັກສູດຊັ້ນສູງພະຍາບານ ສາຍຕໍ່ເນື່ອງ14 ຄົນ/ຍິງ 11 ຄົນ.
ຄໍາເຫັນ