ຕະຫຼອດປີ 2023 ຜ່ານມາ, ເມືອງທ່າພະບາດ ແຂວງບໍລິຄໍາໄຊ ໄດ້ເອົາໃຈໃສ່ພັດທະນາວຽກງານວັດທະນະທໍາ-ສັງຄົມດີຂຶ້ນ ສະແດງອອກໃນວຽກງານສຶກສາ ປະຕິບັດຕົວຊີ້ວັດເປົ້າໝາຍສະຫັດສະວັດບັນລຸ 11 ຄາດໝາຍ, ບໍ່ບັນລຸ 3 ຄາດໝາຍ, ອັດຕາເຂົ້າຮຽນລວມຊັ້ນມັດທະຍົມຕົ້ນປະຕິບັດໄດ້ 85,47% ເພີ່ມຈາກປີ ຜ່ານມາ 20,17%, ອັດຕາເຂົ້າຮຽນລວມຊັ້ນມັດທະຍົມປາຍປະຕິບັດໄດ້ 67,05% ເພີ່ມຈາກປີຜ່ານມາ 2,95%; ອັດຕາເລື່ອນຂັ້ນ ແລະ ຈົບຊັ້ນມັດທະຍົມຕົ້ນປະຕິບັດໄດ້ 89,77% ຫຼຸດຈາກປີຜ່ານມາ 3,43%, ມັດທະຍົມປາຍປະຕິບັດໄດ້ 87,53% ຫຼຸດຈາກປີຜ່ານມາ 8,67%. ເປີດການຮຽນ-ການສອນບໍາລຸງຊັ້ນມັດທະຍົມຕົ້ນຄືນ ໃໝ່ໃຫ້ປະຊາຊົນຈໍານວນ 4 ບ້ານ, ຈັດງານແຂ່ງຂັນກິລາ-ສິລະປະນັກຮຽນ ແລະ ມວນຊົນ ເພື່ອຕ້ອນຮັບວັນ ສໍາຄັນຕ່າງໆຂອງຊາດໄດ້ 9 ຄັ້ງ, ກໍ່ສ້າງສ້ອມແປງໂຮງຮຽນໄດ້ 385 ລ້ານກວ່າກີບ.
ສ່ວນວຽກສາທາລະນະສຸກ ການຈັດຕັ້ງປະຕິບັດ 11 ຕົວຊີ້ວັດທົ່ວເມືອງ ເຫັນໄດ້ວ່າບັນລຸຄາດໝາຍ 9 ຕົວຊີ້ວັດ ຍັງບໍ່ບັນລຸ 2 ຕົວຊີ້ວັດຄື: ອັດຕາການເກີດລູກມີແພດຊໍານານຊ່ວຍເກີດ, ອັດຕາສັກຢາກັນພະຍາດpanta 3, ສັກວັກຊິນປ້ອງກັນພະຍາດໂຄວິດ-19 ໃນທົ່ວເມືອງເຂັມ 1 ໄດ້ 23.652 ຄົນ ເທົ່າ 81,03%, ເຂັມ 2 ໄດ້ 23.065 ຄົນ ເທົ່າ 79,29%, ເຂັມກະຕຸ້ນໄດ້ 16.164 ຄົນ ເທົ່າ 55,56%, ລົງສໍາຫຼວດຄວາມໜາແໜ້ນຂອງລູກຍຸງໄດ້ 14 ບ້ານ 6 ຄັ້ງ ແລະ ໂຮງຮຽນປະຖົມ 3 ຄັ້ງ, ລົງສຸຂະສຶກສາພະຍາດໄຂ້ຍຸງລາຍໄດ້ 17 ບ້ານ, ສ້າງຂະບວນການຕ້ານໄຂ້ຍຸງລາຍໄດ້ 2 ບ້ານ, ລົງໂຄສະນາສຸຂະສຶກສາປະຈໍາປີ 2023 ໄດ້ 18 ບ້ານ ມີຜູ້ເຂົ້າຮ່ວມທັງໝົດ 640 ຄົນ, ຍິງ 417 ຄົນ.
ວຽກງານຖະແຫຼງຂ່າວ-ວັດທະນະທຳ ແລະ ທ່ອງທ່ຽວ ໄດ້ເຄື່ອນໄຫວເກັບກໍາຂ່າວສົ່ງໃຫ້ສະຖານີວິທະຍຸໂທລະພາບແຂວງ 1.003 ຂ່າວ, ນໍາສະເໜີຂ່າວລົງເຟສບຸກສະຖານີເມືອງທ່າພະບາດໄດ້ 242 ຂ່າວ, ອອກລາຍການຂອງເມືອງໄດ້ 486 ຊົ່ວໂມງ, ປະເມີນຄອບຄົວວັດທະນະທໍາໄດ້ 88 ຄອບຄົວ, ປັດຈຸບັນມີຄອບຄົວວັດທະນະທໍາທັງໝົດ 5.102 ຄອບຄົວ ກວມ 94,26%, ບ້ານວັດທະນະທໍາໄດ້ 26 ບ້ານ ກວມ 100%,ໃນໄລຍະ 1 ປີຜ່ານມາ, ມີນັກທ່ອງທ່ຽວເຂົ້າມາທ່ຽວພາຍໃນເມືອງ 73 ພັນກວ່າຄົນ, ມີເງິນໄຫຼວຽນພາຍໃນເມືອງ ປະມານ 3 ຕື້ 912 ລ້ານກວ່າກີບ.
ສໍາລັບວຽກງານແຮງງານ ແລະ ສະຫວັດດີການສັງຄົມເມືອງ ໄດ້ເອົາໃຈໃສ່ຕິດຕາມເງິນກອງທຶນບ້ານ ມາເຖິງປັດຈຸບັນມີເງິນໝູນວຽນທັງໝົດ 2 ຕື້ 401 ລ້ານກວ່າກີບ, ຮັບສະໝັກຂຶ້ນທະບຽນແຮງງານພາຍໃນເມືອງເພື່ອໄປເຮັດວຽກຢູ່ ສ.ເກົາຫຼີ ມີ 61 ຄົນ, ຍິງ 23 ຄົນ; ປະກອບເອກະສານເຮັດບັດປະກັນສັງຄົມໃຫ້ພະນັກງານລັດຖະກອນ, ລູກ-ເມຍພະນັກງານໄດ້ 21 ບັດ, ປະກອບເອກະສານຂໍອຸດໜູນບໍາເນັດຂອງພະນັກ ງານລັດຖະກອນຈໍານວນ 3 ທ່ານ ເປັນເງິນ 147 ລ້ານກວ່າກີບ; ປະຕິບັດນະໂຍບາຍອຸດໜູນປົງສົບສົ່ງສະ ການຈໍານວນ 6 ຄົນ ລວມເປັນເງິນທັງໝົດ 170 ລ້ານກວ່າກີບ.
ຂ່າວ: ຕະວິນຍານ
ທ່ານ ພົອ ຈັນສະໝອນ ຈັນຍາລາດ ຊີ້ນຳການແກ້ໄຂໄພພິບັດ ຢູ່ແຂວງໄຊຍະບູລີ
ພາຍຫຼັງພົບປະໂອ້ລົມຕໍ່ ກຳລັງປກຊ-ປກສ ໃນຕອນເຊົ້າວັນທີ 7 ຕຸລາ 2025, ມາໃນຕອນບ່າຍຂອງວັນດຽວກັນ, ທີ່ຫອ້ງວ່າການແຂວງໄຊຍະບູລີ, ທ່ານ ພົອ ຈັນສະໜອນ ຈັນຍາລາດ, ຮອງນາຍົກລັດຖະມົນຕີ, ປະທານຄະນະກຳມະການຄຸ້ມຄອງໄພພິບັດຂັ້ນສູນກາງ ໄດ້ເປັນປະທານກອງປະຊຸມ ຮັບຟັງການລາຍງານ ສະພາບຜົນກະທົບ ຈາກໄພພິບັດທຳມະຊາດ ຢູ່ແຂວງໄຊຍະບູລີ ແລະ ໃຫ້ທິດຊີ້ນຳ ຕໍ່ການແກ້ໄຂບັັນຫາດັ່ງກ່າວ; ມີທ່ານ ພົງໄຊສັກ ອິນຖາລາດ, ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ, ທ່ານຮອງເຈົ້າແຂວງ, ພ້ອມດ້ວຍຄະນະກໍາມະການຄຸ້ມຄອງໄພພິບັດຂັ້ນສູນກາງ, ແຂວງ ແລະ ຜູ້ຕາງໜ້າພາກສ່ວນກ່ຽວຂ້ອງ ເຂົ້າຮວ່ມ.
ຄໍາເຫັນ