ແຜນງົບປະມານ ປະຈຳປີ 2024 ແລະ ທິດທາງແຜນການປີ 2025 ຕິດພັນກັບວາລະແຫ່ງຊາດວ່າດ້ວຍການແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດ-ການເງິນ ຊຶ່ງທ່ານໄດ້ກ່າວວ່າ: ຕະຫຼອດໄລຍະ 1 ປີຜ່ານມາແຂວງ ໄຊຍະບູລີ ໄດ້ສຸມໃສ່ຈັດຕັ້ງປະຕິບັດບັນດາຄາດໝາຍສູ້ຊົນດ້ວຍຈິດໃຈບຸກທະລຸ ເຮັດໃຫ້ເສດຖະກິດຂອງແຂວງໄດ້ຂະຫຍາຍຕໍ່ເນື່ອງ, ອີງຕາມມະຕິສະພາຮັບຮອງ ແມ່ນໃຫ້ໄດ້ 5.5%, ລວມຍອດຜະລິດຕະພັນໃຫ້ບັນລຸ 15,762 ຕື້ກີບ, ສະເລ່ຍໃສ່ຫົວຄົນ 36 ລ້ານກີບ; ແຕ່ໃນການປະຕິບັດຕົວຈິງໃນປີ 2024 ເສດຖະກິດຂອແຂວງຂະຫຍາຍຕົວຢູ່ໃນລະດັບ 5.3%, ລວມຍອດຜະລິດຕະພັນພາຍໃນ ບັນລຸ 15,730 ຕື້ກີບ, ສະເລ່ຍຕໍ່ຄົນໄດ້ 37 ລ້ານກີບ. ໃນນີ້, ຂະແໜງກະສິກໍາ ຂະຫຍາຍຕົວ 5.5%, ຂະ ແໜງອຸດສາຫະກຳຂະຫຍາຍຕົວ 6.5%, ຂະແໜງບໍລິການຂະຫຍາຍຕົວ 4.4%, ພາສີອາກອນຂະຫຍາຍຕົວ 4.1%, ການປະຕິບັດແຜນງົບປະມານສຸມໃສ່ຄຸ້ມຄອງຈັດເກັບລາຍຮັບເຂົ້າງົບປະມານໃຫ້ຄົບຖ້ວນ ໂດຍຕິດພັນກັບການຫັນໄປສູ່ລະບົບທັນສະໄໝໃນປີ 2024 ສາມາດຈັດເກັບລາຍຮັບໄດ້2,347.38 ຕື້ກີບ, ເທົ່າກັບ 112.19% ຂອງແຜນການປີ ແລະ ຄຸ້ມຄອງລາຍຈ່າຍໄດ້ທັງໝົດ 681.63 ຕື້ກີບ, ເທົ່າກັບ 95,72%, ການລະດົມທຶນທົ່ວສັງຄົມເຂົ້າໃນການພັດທະນາ ໄດ້ທັງໝົດ 4.070,94 ຕື້ກີບ, ສົ່ງອອກສິນຄ້າໄປຕ່າງປະເທດ ມູນຄ່າທັງໝົດ79.4 ລ້ານໂດລາ, ສີນຄ້າທີ່ສົ່ງອອກສ່ວນໃຫຍ່ແມ່ນຜົນຜະລິດກະສິກຳ ກວມເອົາ 98.82%; ນໍາເຂົ້າສິນຄ້າຈາກຕ່າງປະເທດ ມີມູນຄ່າທັງໝົດ 45.53 ລ້ານໂດລາ, ໄດ້ຊຸກຍູ້ສົ່ງເສີມການຜະລິດກະສິກໍາ, ດ້ວຍການຫັນໄປສູ່ເຕັກນິກໃໝ່ທັນສະໄໝ ເທື່ອລະກ້າວ, ການຜະລິດສິນຄ້າກະສິກໍາສົ່ງອອກມີປະລິມານເພີ່ມຂຶ້ນ, ຊຶ່ງສາມາດຜະລິດເຂົ້າ ໄດ້ທັງໝົດ 197,500 ໂຕນ. ໃນນີ້, ເຂົ້ານາປີ 167,102 ໂຕນ, ເຂົ້າໄຮ່ 22,474 ໂຕນ ແລະ ເຂົ້ານາແຊງ 7,924 ໂຕນ, ຜະລິດພືດເປັນສິນຄ້າໄດ້ທັງໝົດ 3,286,898 ໂຕນ, ສ່ວນວຽກງານອື່ນໆໃນຂົງເຂດເສດຖະກິດ ແລະ ວັດທະນະທໍາ-ສັງຄົມກໍໄດ້ຮັບການພັດທະນາດີຂຶ້ນເປັນກ້າວໆ.
(ບົດຂ່າວ-ພາບ: ອຸ່ນເຮືອນ ໂພທິລັກ)
ຄໍາເຫັນ