ທ່ານ ພົງສະຫວັດ ສິງຫາລາດ ຮອງເລຂາພັກເມືອງປະທານຄະນະກຳມະການປົກຄອງເມືອງທ່າແຕງ ໃຫ້ສຳພາດວ່າ: ພາຍຫຼັງສຳເລັດການດຳເນີນກອງປະຊຸມໃຫຍ່ຄັ້ງທີ Vllຂອງອົງຄະນະພັກເມືອງທ່າແຕງ ໃນຕົ້ນປີ 2025 ຜ່ານມາ, ຄະນະບໍລິຫານງານພັກເມືອງ ໄດ້ເປັນເຈົ້າການເຊືີ່ອມຊຶມ, ຈັດຕັ້ງຜັນຂະຫຍາຍບັນດາເນື້ອໃນອັນທີ່ເປັນພື້ນຖານ ຂອງມະຕິກອງປະຊຸມໃຫຍ່ ໃຫ້ລົງຮອດຮາກຖານ ເພື່ອໃຫ້ບ້ານ ແລະ ປະຊາຊົນ ເປັນເຈົ້າການປະກອບສ່ວນປະຕິບັດແຜນພັດທະນາເສດຖະກິດ-ສັງຄົມຂອງເມືອງ ບັນລຸຕາມຄາດໝາຍ, ພ້ອມນີ້ ຄະນະພັກ-ຄະນະນໍາ ໄດ້ນຳພາ-ຊີ້ນໍາຢ່າງໃກ້ຊິດຕິດແທດ ບວກກັບສະມາຊິກພັກພະນັກງານ-ລັດຖະກອນທີ່ມີຄວາມຮັບຜິດຊອບຕໍ່ຫນ້າທີ່ວຽກງານ ແລະປະຊາຊົນ ມີຄວາມດຸໝັ່ນສ້າງເສດຖະກິດຄອບຄົວ ເຮັດໃຫ້ເສດຖະກິດຂອງເມືອງ ສືບຕໍ່ຂະຫຍາຍຕົວເພີ່ມຂຶ້ນຕໍ່ເນືີອງ ສະເລ່ຍ 5.7%, ເພີ່ມຂຶ້ນ 0.3% ລວມຍອດຜະລິດຕະພັນພາຍໃນ (GO) ບັນລຸໄດ້ 1,158,461.72 ລ້ານກີບ ສະເລ່ຍລາຍຮັບຕໍ່ຫົວຄົນ ບັນລຸໄດ້ 23,653,640 ກີບ ຫຼື ເທົ່າກັບ 1,189.43 ໂດລາ. (ມະຕິກອງປະຊຸມໃຫຍ່ຄັ້ງທີVII ວາງໄວ້ 26,790,000 ກີບ), ທຽບໃສ່ບົດສະຫຼຸບ ຂອງກອງປະຊຸມໃຫຍ່ອົງຄະນະພັກເມືອງ ຄັ້ງທີ VI ເພີ່ມຂຶ້ນ 2.9 ລ້ານກວ່າກີບ, ໃນນັ້ນ ຂະແໜງກະສິກຳ ແລະ ສິ່ງແວດລ້ອມ ຢູ່ໃນລະດັບ 7.46% ກວມເອົາ 42.47%, ຂະແໜງອຸດສະຫະກຳ ຢູ່ໃນລະດັບ 6.47% ກວມເອົາ 31.21%, ຂະແໜງບໍລິການ ຢູ່ໃນລະດັບ 5.65% ກວມເອົາ 26.32%, ໄລຍະເກືອບ 2 ປີມານີ້, ສາມາດຂຸດຄົ້ນລາຍຮັບງົບປະມານໄດ້ 19.90 ຕື້ກີບ ທຽບໃສ່ ແຜນການ 5 ປີ ປະຕິບັດໄດ້ 61.57%, ການຄຸ້ມຄອງລາຍຈ່າຍປະຕິບັດສອດຄ່ອງຕາມລະບຽບກົດໝາຍ, ການຜະລິດສິນຄ້າສົ່ງອອກ ບັນລຸໄດ້ 99.12 ຕື້ກີບ ທຽບໃສ່ແຜນການປີ ໄດ້ 57.57%, ສົ່ງເສີມການຜະລິດສິນຄ້າໜຶ່ງເມືອງ ໜຶ່ງຜະລິດຕະພັນ ປະຕິບັດໄດ້ 7 ລາຍການ ເພີ່ມຂຶ້ນ 3 ລາຍການ, ສ້າງເງື່ອນໄຂການສະໜອງສິນເຊື່ອ ຂອງບັນດາສະຖາບັນການເງິນ ທີ່ເຄື່ອນໄຫວໃນເມືອງ ນັບມື້ນັບຂະຫຍາຍຕົວ ແລະ ທົ່ວເຖິງທຸກກຸ່ມເປົ້າໝາຍ; ອັນພົ້ນເດັ່ນ ແມ່ນໄດ້ສ້າງຕັ້ງທະນາຄານບ້ານ, ມາຮອດປັດຈຸບັນ ສໍາເລັດ 38 ບ້ານ, ມີຍອດເງິນຝາກ 1.23ຕື້ກວ່າກີບ ແລະ ສາມາດປ່ອຍກູ້ 6.9 ຕື້ ກວ່າກີບ ເຮັດໃຫ້ປະຊາຊົນ ມີທ່າແຮງໃນການພັດທະນາເສດຖະກິດຄອບຄົວຫຼາຍຂຶ້ນ, ຊຸກຍູ້ສົ່ງເສີມການຜະລິດສະບຽງອາຫານ ແລະ ການຜະລິດກະສິກຳເປັນສິນຄ້າ; ໃນນັ້ນ, ສາມາດຜະລິດເຂົ້າ ໄດ້ 18,645.10 ໂຕນ, ໃນເນື້ອທີ່ 4,005.70 ເຮັກຕາ, ສະເລ່ຍ 4.65 ໂຕນເຮັກຕາ, ທຽບໃສ່ແຜນການປີ ປະຕິບັດໄດ້ 96.67% ແລະ ຜະລິດເປັນສິນຄ້າ ປະຕິບັດໄດ້ 161,656.90 ໂຕນ, ໃນເນື້ອທີ 14,313.75 ເຮັກຕາ, ອັນຕົ້ນຕໍ ແມ່ນກາເຟ 7.120 ເຮັກຕາ, ຢ່າງພາລາ, ມັນຕົ້ນ ແລະ ພຶດຜັກ ທຽບໃສ່ແຜນການ ປະຕິບັດໄດ້ 97,02%, ຈາກນັ້ນ ຍັງໄດ້ສົ່ງເສີມປະຊາຊົນລ້ຽງສັດເປັນຟາມຈໍານວນໜຶ່ງ ເພື່ອສະໜອງຕະຫຼາດພາຍໃນ ແລະ ຕ່າງແຂວງ ເພື່ອຫັນໃຫ້ເມືອງກຸ້ມຕົນເອງ, ດ້ານການຄ້າ ແລະ ການບໍລິການ ທົ່ວເມືອງ ກໍມີສະຖານທີ່ທ່ອງທ່ຽວ 15 ແຫ່ງ, ມີແຫຼ່ງທ່ອງທ່ຽວທາງທໍາມະຊາດ 8 ແຫ່ງ, ທ່ອງທ່ຽວທາງປະຫວັດສາດ 1 ແຫ່ງ, ທ່ອງທ່ຽວທາງວັດທະນະທໍາ 3 ແຫ່ງ ແລະ ທ່ອງທ່ຽວທາງດ້ານກະສິກຳ 3 ແຫ່ງ, ການພັດທະນາພື້ນຖານໄດ້ຮັບການກໍ່ສ້າງເສັ້ນທາງບ້ານຕໍ່ບ້ານ, ບ້ານຫາເມືອງ ສາມາດທຽວໄດ້ສອງລະດູ, ລະບົບໄຟຟ້າ,ນ້ຳປະປາ ແລະສັນຍານໂທລະສັບ-ອິນເຕີເນັດ ມີຄວາມສະດວກສະບາຍ ກວມເອົາ 95%, ຂະຫຍາຍຕາຫນ່າງການສຶກສາ ສາມາດປົກຄຸມທຸກບ້ານ.
ທ່ານ ພົງສະຫວັດ ສິງຫາລາດ ກ່າວຕື່ມວ່າ: ເພື່ອເຮັດໃຫ້ມະຕິ ຄັ້ງທີ VII ຂອງອົງຄະນະພັກເມືອງ ກໍຄືແຜນພັດທະນາເສດຖະກິດ-ສັງຄົມ ໃຫ້ຂະຫຍາຍຕົວໄປຕາມຈັງຫວະທີ່ໝັ້ນທ່ຽງ, ຄະນະພັກ-ຄະນະນໍາ ຈະສູ້ຊົນເຮັດທຸກເງື່ອນໄຂ, ນໍາພາ-ຊີ້ນໍາ ເພື່ອໃຫ້ທຸກຂະແໜງການພາຍໃນເມືອງ ໄດ້ເຄື່ອນໄຫວ ແລະ ຈັດຕັ້ງປະຕິບັດແຜນວຽກທີ່ວາງໄວ້; ທັງນີ້ ຈະໄດ້ສຸມໃສ່ຊຸກຍູ້ສົ່ງເສີມການຜະລິດເປັນສິນຄ້າກະສິກຳສະອາດ ແລະ ທັນສະໄໝໃຫ້ຫຼາຍຂຶ້ນ.
ຂ່າວ: ອັດສະວິນ
ຄໍາເຫັນ