3 ເດືອນຕົ້ນປີ ການສົ່ງອອກຜະລິດຕະພັນກະເສດ ແລະ ສິນໃນນໍ້າ ຂອງຫວຽດນາມ ບັນລຸ 16,69 ຕື້ໂດລາ

3 ເດືອນຕົ້ນປີ ການສົ່ງອອກຜະລິດຕະພັນກະເສດ ແລະ ສິນໃນນໍ້າ ຂອງຫວຽດນາມ ບັນລຸ 16,69 ຕື້ໂດລາ

13:58 03/04/2026

ວິທະຍຸກະຈາຍສຽງຫວຽດນາມລາຍງານວ່າ: ໃນການຖະແຫຼງຂ່າວປະຈຳໄລຍະທີ່ດຳເນີນຫວ່າງມໍ່ໆມານີ້ ທີ່ນະຄອນຫຼວງຮ່າໂນ້ຍ, ກະຊວງກະສິກຳ ແລະ ສິ່ງແວດລ້ອມ ຫວຽດນາມ ໃຫ້ຮູ້ວ່າ, ວົງເງິນສົ່ງອອກຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳຂອງ ຫວຽດນາມ ໃນເດືອນ ເມສາ 2026 ຄາດວ່າບັນລຸ 6.02 ຕື້ໂດລາ (ເພີ່ມຂຶ້ນຢ່າງແຮງ ເຖິງ 47.8% ເມື່ອທຽບໃສ່ເດືອນກ່ອນ). ໄລ່ສະເລ່ຍ 3 ເດືອນຕົ້ນປີ 2026, ວົງເງິນສົ່ງອອກຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳ ບັນລຸ 16.69 ຕື້ໂດລາ (ເພີ່ມຂຶ້ນ 5.9% ເມື່ອທຽບໃສ່ໄລຍະດຽວກັນຂອງປີ 2025).

ໃນນັ້ນ, ການສົ່ງອອກຜະລິດຕະພັນກະເສດບັນລຸ 8.93 ຕື້ໂດລາ; ສິນໃນນ້ຳບັນລຸ 2.62 ຕື້ໂດລາ ຊຶ່ງລ້ວນແຕ່ໄດ້ຮັບຮູ້ລະດັບການເຕີບໂຕຢ່າງຕັ້ງໜ້າ. ພິເສດ, ການສົ່ງອອກຜະລິດຕະພັນສັດລ້ຽງເພີ່ມຂຶ້ນ 54.3%, ບັນລຸເກືອບ 198 ລ້ານໂດລາ.

ກົງກັນຂ້າມ, ການສົ່ງອອກຜະລິດຕະພັນເຄື່ອງປ່າຂອງດົງຫຼຸດລົງເລັກ 2.4%, ສິ່ງດັ່ງກ່າວສ່ອງແສງໃຫ້ເຫັນບັນດາຄວາມຫຍຸ້ງຍາກກ່ຽວກັບຕະຫຼາດ ແລະ ຄວາມຕ້ອງການບໍລິໂພກ.

ຖ້າຄິດໄລ່ຕາມຕະຫຼາດແລ້ວ, ອາຊີ ສືບຕໍ່ແມ່ນພາກພື້ນບໍລິໂພກບັນດາປະເພດສິນຄ້າຜະລິດຕະພັນກະເສດ, ເຄື່ອງປ່າຂອງດົງ, ສິນໃນນ້ຳຂອງ ຫວຽດນາມ ຫຼາຍທີ່ສຸດ, ກວມເອົາກວ່າ 45% ອັດຕາສ່ວນກວມຕະຫຼາດ. ຖັດຈາກນັ້ນແມ່ນທະວີບອາເມຣິກາ ແລະ ເອີຣົບ, ໃນຂະນະທີ່ ອາຟຣິກາ ແລະ ທະວີບໂອເຊອານີ ກວມເອົາອັດຕາສ່ວນໜ້ອຍ.

ຄໍາເຫັນ

ຂ່າວຕ່າງປະເທດ

ມຽນມາ ຍົກເວັ້ນພາສີນໍ້າມັນກາຊວນ ເພື່ອຄວບຄຸມລາຄານໍ້າມັນເຊື້ອໄຟ

03/04/2026 14:12

ຂ່າວຕ່າງປະເທດລາຍງານ ໃນວັນທີ 2 ເມສາ ຜ່ານມາວ່າ: ກະຊວງການເງິນ ແລະ ພາສີຂອງມຽນມາໄດ້ປະກາດຍົກເວັ້ນພາສີຊົ່ວຄາວສຳລັບການນຳເຂົ້ານໍ້າມັນກາຊວນ HSD 500 ppm ແຕ່ວັນທີ 1 ຫາ 30 ເມສາ ເພື່ອຮັກສາສະຖຽນລະພາບ ແລະ ຫຼຸດຜ່ອນລາຄາສິນຄ້າ ຫຼັງຈາກລາຄານໍ້າມັນເຊື້ອໄຟທົ່ວໂລກເພີ່ມສູງຂຶ້ນ, ເຊັ່ນດຽວກັນກັບການເພີ່ມຂຶ້ນຂອງລາຄານໍ້າມັນເຊື້ອໄຟພາຍໃນປະເທດທີ່ເກີດຈາກຂໍ້ຂັດແຍ່ງໃນຕາເວັນອອກກາງ.

ສ ເກົາຫຼີ - ອິນໂດເນເຊຍ ຍົກລະດັບສາຍພົວພັນຂຶ້ນສູ່ລະສູງສຸດ

03/04/2026 14:06

ຂ່າວຕ່າງປະເທດລາຍງານ ໃນວັນທີ 1 ເມສາ ຜ່ານມາວ່າ: ທ່ານ ລີແຈມຽງ ປະທານາທິບໍດີ ສ ເກົາຫຼີ ແລະ ທ່ານ ພຣາໂບໂວ ຊູບຽນໂຕ ປະທານາທິບໍດີ ຂອງອິນໂດເນເຊຍ ໄດ້ຕົກລົງຍົກລະດັບສາຍພົວພັນລະຫວ່າງສອງປະເທດໃຫ້ເປັນ "ຫຸ້ນສ່ວນຍຸດທະສາດພິເສດຮອບດ້ານ" ຊຶ່ງເປັນລະດັບການຮ່ວມມືສູງສຸດ ແລະ ຖືເປັນຄັ້ງທຳອິດທີ່ ສ ເກົາຫຼີ ໄດ້ສ້າງຕັ້ງສາຍພົວພັນໃນລະດັບນີ້ກັບປະເທດອື່ນ. ພ້ອມກັນນີ້, ຜູ້ນຳທັງສອງຍັງໄດ້ຕົກລົງທີ່ຈະຂະຫຍາຍການຮ່ວມມືໃນດ້ານຊັບພະຍາກອນ ແລະ ຄວາມໝັ້ນຄົງ ເພື່ອແກ້ໄຂວິກິດການພະລັງງານ ແລະ ຕ່ອງໂສ້ການສະໜອງທົ່ວໂລກ ທີ່ໄດ້ຮັບຜົນກະທົບຈາກຂໍ້ຂັດແຍ່ງໃນຕາເວັນອອກກາງ.

ໃນ 2 ເດືອນຕົ້ນປີ ອຸດສາຫະກຳກົນຈັກຈີນ ມີການເລີ່ມຕົ້ນທີ່ດີ

03/04/2026 13:59

ຂ່າວສານຊີອາໄອລາຍງານໃນວັນທີ 3 ເມສາ ຜ່ານມາວ່າ: ສະມາຄົມອຸດສາຫະກຳກົນຈັກຈີນເປີດເຜີຍໃຫ້ຮູ້ວ່າ, ໃນ 2 ເດືອນຕົ້ນປີນີ້ ມູນຄ່າເພີ່ມຂອງອຸດສາຫະກຳກົນຈັກ 5 ປະເພດຫຼັກຂອງຈີນ ໄດ້ຮັກສາທ່າອ່ຽງການເຕີບໂຕທີ່ດີເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນ, ອຸດສາຫະກຳຜະລິດອຸປະກອນໃຊ້ງານທົ່ວໄປເພີ່ມຂຶ້ນ 8.9%, ອຸດສາຫະກຳຜະລິດອຸປະກອນໃຊ້ງານພິເສດເພີ່ມຂຶ້ນ 8.8%, ອຸດສາຫະກຳຜະລິດລົດຍົນເພີ່ມຂຶ້ນ 3.4%. ການຜະລິດ ແລະ ການສະໜອງຜະລິດຕະພັນປະເພດຕ່າງໆ ໄດ້ເພີ່ມຂຶ້ນຢ່າງວ່ອງໄວ, ຄວາມຕ້ອງການຂອງຕະຫຼາດໄດ້ເພີ່ມຂຶ້ນຢ່າງໝັ້ນທ່ຽງ ເຮັດໃຫ້ອຸດສາຫະກຳກົນຈັກມີການເລີ່ມຕົ້ນທີ່ດີ.

ລາຄານ້ຳມັນແອັດຊັງ ຢູ່ອາເມຣິກາ ສ້າງສະຖິຕິສູງສຸດໃນຮອບ 4 ປີ

02/04/2026 10:54

ຂ່າວສານຊີອາໄອລາຍງານໃນວັນທີ 1 ເມສາ ຜ່ານມາວ່າ: ໂຕເລກຂໍ້ມູນທີ່ສະມາຄົມລົດ ສະຫະລັດ ອາເມຣິກາເປີດເຜີຍໃນວັນທີ 31 ມີນາຜ່ານມາສະແດງໃຫ້ເຫັນວ່າ, ລາຄານ້ຳມັນແອັດຊັງທຳມະດາສະເລ່ຍໃນທົ່ວປະເທດໄດ້ເພີ່ມຂຶ້ນເປັນ 4.02 ໂດລາຕໍ່ກາລອນ ຊຶ່ງໄດ້ສ້າງສະຖິຕິສູງສຸດໃນຮອບ 4 ປີ ແລະ ໄດ້ເພີ່ມຂຶ້ນຫຼາຍກວ່າ 1 ໂດລາ ເມື່ອທຽບໃສ່ໄລຍະທີ່ ສະຫະລັດ ອາເມຣິກາ ແລະ ອິສຣາແອນ ເລີ່ມເຄື່ອນໄຫວທາງການທະຫານຕໍ່ອີຣານໃນວັນທີ 28 ກຸມພາຜ່ານມາ.

EUກະກຽມມາດຕະການແກ້ໄຂຜົນກະທົບທີ່ເກີດຂຶ້ນຕໍ່ຕະຫຼາດພະລັງງານ

02/04/2026 10:53

ຂ່າວຕ່າງປະເທດລາຍງານໃນທ້າຍເດືອນມີນາ ຜ່ານມາວ່າ: ທ່ານ ແດນ ຢໍເກັນເຊນ ຄະນະກໍາມາທິການພະລັງງານຂອງສະຫະພາບເອີຣົບ (EU) ໄດ້ກ່າວຫຼັງຈາກກອງປະຊຸມກັບບັນດາລັດຖະມົນຕີກະຊວງພະລັງງານຂອງEU ເພື່ອປຶກສາຫາລືກ່ຽວກັບການປະສານງານຮັບມືກັບສະຖານະການຄວາມຂໍ້ຂັດແຍ່ງໃນຕາເວັນອອກກາງທີ່ມີທ່າອ່ຽງຈະສົ່ງຜົນກະທົບຍາວນານຕໍ່ຕະຫຼາດພະລັງງານ, ເຖິງແມ່ນວ່າການຕໍ່ສູ້ຈະຢຸດລົງກໍຕາມ ເພາະວ່າພື້ນຖານໂຄງລ່າງພະລັງງານຂອງພາກພື້ນໄດ້ຮັບຄວາມເສຍຫາຍຢ່າງຮ້າຍແຮງ.

ມຽນມາ ປະກາດຫ້າມຫາປາ ໃນໄລຍະວາງໄຂ່

02/04/2026 10:51

ຂ່າວຕ່າງປະເທດລາຍງານ ໃນວັນທີ 1 ເມສາ ຜ່ານມາວ່າ: ສື່ມວນຊົນມຽນມາລາຍງານວ່າ, ກົມປະມົງມຽນມາໄດ້ອອກຄຳສັ່ງຫ້າມການຫາປາເປັນເວລາ 3 ເດືອນໃນລະດູການວາງໄຂ່ຂອງປາ ເລີ່ມແຕ່ວັນທີ 1 ເມສາເປັນຕົ້ນໄປ. ໂດຍເຫດຜົນຫຼັກໃນກຳນົດເວລາ ແລະ ເຂດຫວງຫ້າມຫາປາ ເພື່ອປ້ອງກັນການຫຼຸດລົງຂອງຊະນິດພັນປາ ແລະ ສົ່ງເສີມການເຕີບໂຕຂອງຊັບພະຍາກອນການປະມົງ.ນອກຝັ່ງ

ລາຄານໍ້າມັນເຊື້ອໄຟໃນກຳປູເຈຍ ສືບຕໍ່ເພີ່ມຂຶ້ນ

02/04/2026 10:43

ຂ່າວຕ່າງປະເທດລາຍງານ ໃນວັນທີ 1 ເມສາ ຜ່ານມາວ່າ: ມາຮອດທ່ຽງຄືນຂອງວັນທີ 31 ມີນາ ຜ່ານມາ, ກະຊວງການຄ້າຂອງກຳປູເຈຍລາຍງານວ່າ, ລາຄານໍ້າມັນເຊື້ອໄຟຂາຍຍ່ອຍພາຍໃນປະເທດຍັງສືບຕໍ່ເພີ່ມຂຶ້ນ ຍ້ອນສະຖານະການຄວາມຂັດແຍ່ງໃນຕາເວັນອອກກາງທະວີຄວາມຮຸ່ນແຮງຂຶ້ນ.

ເຮືອບິນຂົນສົ່ງບໍ່ມີຄົນຂັບ ທີ່ຈີນຜະລິດໄດ້ທົດລອງບິນເປັນຄັ້ງທຳອິດ

02/04/2026 10:42

ຂ່າວສານຊີອາໄອລາຍງານວ່າ: ໃນວັນທີ 31 ມີນາຜ່ານມາ, ເຮືອບິນຂົນສົ່ງບໍ່ມີຄົນຂັບຂະໜາດໃຫຍ່ NORINCO LUCA ທີ່ກຸ່ມບໍລິສັດ NORINCO ຂອງຈີນຄົ້ນຄວ້າຜະລິດເອງໄດ້ສຳເລັດການທົດລອງບິນເປັນຄັ້ງທຳອິດຢູ່ນະຄອນເຈິ້ງໂຈ່ວ ແຂວງເຫີໜານ, ໂດຍໄດ້ສຳເລັດການກວດສອບລາຍການສຳຄັນຂອງລະບົບຕ່າງໆ ແລະ ກາຍເປັນເຮືອບິນຂົນສົ່ງບໍ່ມີຄົນຂັບຂະໜາດໃຫຍ່ທີ່ສຸດທີ່ສຳເລັດການທົດລອງບິນເປັນຄັ້ງທຳອິດຂອງໂລກ.

ຫວຽດນາມ ປະກາດຂໍ້ຕົກລົງຂອງກົມການເມືອງກ່ຽວກັບວຽກງານຈັດຕັ້ງ ແລະ ພະນັກງານ 5 ອົງການ

02/04/2026 10:41

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 1 ເມສາ ຜ່ານມາ, ຢູ່ສຳນັກງານສູນກາງພັກກອມມູນິດ ຫວຽດນາມ ທີ່ນະຄອນຫຼວງຮ່າໂນ້ຍ ໄດ້ຈັດກອງປະຊຸມປະກາດຂໍ້ຕົກລົງຂອງກົມການເມືອງກ່ຽວກັບວຽກງານຈັດຕັ້ງ ແລະ ພະນັກງານ. ເຂົ້າຮ່ວມກອງປະຊຸມມີທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ; ທ່ານ ເຈິ່ນເກິມຕູ ຜູ້ປະຈຳການຄະນະເລຂາທິການສູນກາງພັກກອມມູນິດຫວຽດນາມ.

ພໍ່ແມ່ເບິ່ງແຍງເດັກນ້ອຍເວລາໃຊ້ອຸປະກອນເອເລັກໂຕຣນິກ ຊ່ວຍເພີ່ມທັກສະທາງສັງຄົມ

02/04/2026 10:00

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ຜົນການສຶກສາໂດຍອົງການວິທະຍາສາດ, ເຕັກໂນໂລຊີ ແລະ ການຄົ້ນຄວ້າສິງກະໂປ ຊຶ່ງໄດ້ຕິດຕາມເດັກນ້ອຍອາຍຸ 3-6 ປີ ຈຳນວນ 2,449 ຄົນ ລະຫວ່າງປີ 2018-2019 ແລະ ຕິດຕາມອີກຄັ້ງໃນປີ 2021 ພົບວ່າ: ເດັກທີ່ມີພໍ່ແມ່ ຫຼື ຜູ້ປົກຄອງເບິ່ງແຍງ, ລົມນຳ ແລະ ມີສ່ວນຮ່ວມໃນຂະນະທີ່ໃຊ້ອຸປະກອນເອເລັກໂຕຣນິກ, ມີທັກສະທາງສັງຄົມທີ່ເຂັ້ມແຂງກວ່າເດັກທີ່ໃຊ້ອຸປະກອນເຫຼົ່ານັ້ນຄົນດຽວ.

ເພີ່ມເຕີມ