ເມື່ອບໍ່ດົນມານີ້ທີ່ແຂວງຈຳປາສັກ, ທ່ານນາງ ວິລະວອນ ພັນທະວົງ ຮອງຫົວໜ້າຄະນະໂຄສະນາອົບຮົມສູນກາງພັກ(ຄອສພ) ຜູ້ຊີ້ນຳ 3 ອົງການຈັດຕັ້ງມະຫາຊົນ ໄດ້ນຳພາສະມາຊິກຊາວໜຸ່ມ, ແມ່ຍິງ, ກຳມະບານຈຳນວນ 100 ທ່ານລົງເຄື່ອນໄຫວຢ້ຽມຢາມພົບປະແລກປ່ຽນບົດຮຽນ, ທັດສະນະສຶກສາຕາມຮອຍ ປະທານຄຳໄຕ ສີພັນດອນ ຄົບຮອບ 100 ປີຕິດພັນກັບຂະບວນການກະກຽມກອງປະຊຸມໃຫຍ່ 3 ຂັ້ນຂອງອົງການຈັດຕັ້ງມະຫາຊົນ ຄອສພ. ໜຶ່ງໃນນັ້ນກໍໄດ້ໄປຢ້ຽມຢາມທັດສະນະສຶກສາແຫຼ່ງທ່ອງທ່ຽວສວນກາເຟໄຮແລນ ເມືອງປາກຊ່ອງຂອງແຂວງດັ່ງກ່າວ ຊຶ່ງແມ່ນທ່ານ ຄຳລ້ານ ແກ້ວບຸບຜາ ທີ່ປຶກສາບໍລິສັດປາກຊ່ອງໄຮແລນໃຫ້ກຽດຕ້ອນຮັບພ້ອມຄະນະ.
ໂອກາດນີ້, ທ່ານນາງວິລະວອນພັນທະວົງ ໄດ້ແຈ້ງຈຸດປະສົງການມາເຮັດວຽກຄັ້ງນີ້ໃຫ້ທ່ານຄຳລ້ານແກ້ວບຸບຜາຮັບຊາບ.ຈາກນັ້ນ, ທ່ານຄຳລ້ານແກ້ວບຸບຜາ ໄດ້ລາຍງານຫຍໍ້ກ່ຽວກັບສວນກາເຟໄຮແລນວ່າ: ສວນກາເຟໄຮແລນ ຕັ້ງຢູ່ບ້ານປາກຊ່ອງ ເມືອງປາກຊ່ອງ ແຂວງຈຳປາສັກ ຊຶ່ງມີເນື້ອທີ່ທັງໝົດ 738 ເຮັກຕາ, ໃນປີ 2007 ໄດ້ປູກກາເຟທັງໝົດ 2.117 ເຮັກຕາລົງທຶນໃນເບື້ອງຕົ້ນ 300 ກວ່າລ້ານບາດ (ສະກຸນເງິນໄທ).ໃນໄລຍະຜ່ານມາເນື່ອງຈາກວ່າບົດຮຽນການວິເຄາະວິໄຈຕ່າງໆ ໂດຍສະເພາະພື້ນທີ່ດິນຍັງບໍ່ທັນລະອຽດຈະແຈ້ງ ແລະກວ້າງຂວາງເຮັດໃຫ້ການປູກ ຫຼືການຜະລິດກາເຟມີຜົນເສຍຫາຍ. ຫຼັງຈາກນັ້ນ, ທາງບໍລິສັດໄດ້ໄດ້ຈ້າງຊ່ຽວຊານຈາກອາເມຣິກາຜູ້ທີ່ມີປະສົບປະການມາສຳຫຼວດເບິ່ງພື້ນທີ່ສວນກາເຟດັ່ງກ່າວ ຈາກນັ້ນມາເຮັດໃຫ້ການພັດທະນາສວນກາເຟຄົງທີ່ ແລະ ດີຂຶ້ນເປັນກ້າວໆມາ. ມາຮອດປີ 2023 ຈົນເຖິງປັດຈຸບັນສາມາດເກັບຜົນຜະລິດກາເຟໄດ້ທັງໝົດ 5.185 ໂຕນ (ໝາກແດງ) ສາມາດນໍາສົ່ງອອກຂາຍທັງພາຍໃນ ແລະ ຕ່າງປະເທດເປັນຕົ້ນປະເທດໄທ, ຢີ່ປຸ່ນ, ເກົາຫຼີ, ເຢຍລະມັນ ແລະ ປະເທດອື່ນໆອີກ. ພ້ອມນັ້ນ, ມາຮອດປີ 2024 ທາງບໍລິສັດຂອງພວກເຮົາໄດ້ສົ່ງໝາກແດງຂາຍໃຫ້ບໍລິສັດຂອງ ສສ ຫວຽດນາມ, ບໍລິສັດດາວເຮືອງ. ແນວໃດກໍຕາມ, ປັດຈຸບັນກໍຍັງມີຂໍ້ຫຍຸ້ງຍາກ, ຂາດແຄນດ້ານແຮງງານເກັບກູ້ກາເຟ ໂດຍສະເພາະໃນລະດູເກັບກູ້ກໍມີຄວາມຕ້ອງການແຮງງານຈຳນວນຫຼາຍ. ປີນີ້ມີແຮງງານພຽງ 600 ຄົນ ແຕ່ກໍຍັງບໍ່ພຽງພໍຈຶ່ງເຮັດໃຫ້ການເກັບກູ້ຊັກຊ້າເຮັດໃຫ້ກາເຟສ່ວນໜຶ່ງເສຍຫາຍ. ໃນນັ້ນ, ປີຜ່ານມາຍັງພົບເລື່ອງພະຍາດໃບໄມ້ກູດ. ໃນການໄປຢ້ຽມຢາມທັດສະນະສຶກສາ, ທ່ອງທ່ຽວເມືອງດັ່ງກ່າວທາງຄະນະຍັງໄດ້ໄປທ່ອງທ່ຽວນໍ້າຕົກຕາດຟານ ແລະ ສະຖານທີ່ທ່ອງທ່ຽວອື່ນໆອີກ.
(ຂ່າວ-ພາບ: ວັນເພັງ)
ໂອກາດນີ້, ທ່ານນາງວິລະວອນພັນທະວົງ ໄດ້ແຈ້ງຈຸດປະສົງການມາເຮັດວຽກຄັ້ງນີ້ໃຫ້ທ່ານຄຳລ້ານແກ້ວບຸບຜາຮັບຊາບ.ຈາກນັ້ນ, ທ່ານຄຳລ້ານແກ້ວບຸບຜາ ໄດ້ລາຍງານຫຍໍ້ກ່ຽວກັບສວນກາເຟໄຮແລນວ່າ: ສວນກາເຟໄຮແລນ ຕັ້ງຢູ່ບ້ານປາກຊ່ອງ ເມືອງປາກຊ່ອງ ແຂວງຈຳປາສັກ ຊຶ່ງມີເນື້ອທີ່ທັງໝົດ 738 ເຮັກຕາ, ໃນປີ 2007 ໄດ້ປູກກາເຟທັງໝົດ 2.117 ເຮັກຕາລົງທຶນໃນເບື້ອງຕົ້ນ 300 ກວ່າລ້ານບາດ (ສະກຸນເງິນໄທ).ໃນໄລຍະຜ່ານມາເນື່ອງຈາກວ່າບົດຮຽນການວິເຄາະວິໄຈຕ່າງໆ ໂດຍສະເພາະພື້ນທີ່ດິນຍັງບໍ່ທັນລະອຽດຈະແຈ້ງ ແລະກວ້າງຂວາງເຮັດໃຫ້ການປູກ ຫຼືການຜະລິດກາເຟມີຜົນເສຍຫາຍ. ຫຼັງຈາກນັ້ນ, ທາງບໍລິສັດໄດ້ໄດ້ຈ້າງຊ່ຽວຊານຈາກອາເມຣິກາຜູ້ທີ່ມີປະສົບປະການມາສຳຫຼວດເບິ່ງພື້ນທີ່ສວນກາເຟດັ່ງກ່າວ ຈາກນັ້ນມາເຮັດໃຫ້ການພັດທະນາສວນກາເຟຄົງທີ່ ແລະ ດີຂຶ້ນເປັນກ້າວໆມາ. ມາຮອດປີ 2023 ຈົນເຖິງປັດຈຸບັນສາມາດເກັບຜົນຜະລິດກາເຟໄດ້ທັງໝົດ 5.185 ໂຕນ (ໝາກແດງ) ສາມາດນໍາສົ່ງອອກຂາຍທັງພາຍໃນ ແລະ ຕ່າງປະເທດເປັນຕົ້ນປະເທດໄທ, ຢີ່ປຸ່ນ, ເກົາຫຼີ, ເຢຍລະມັນ ແລະ ປະເທດອື່ນໆອີກ. ພ້ອມນັ້ນ, ມາຮອດປີ 2024 ທາງບໍລິສັດຂອງພວກເຮົາໄດ້ສົ່ງໝາກແດງຂາຍໃຫ້ບໍລິສັດຂອງ ສສ ຫວຽດນາມ, ບໍລິສັດດາວເຮືອງ. ແນວໃດກໍຕາມ, ປັດຈຸບັນກໍຍັງມີຂໍ້ຫຍຸ້ງຍາກ, ຂາດແຄນດ້ານແຮງງານເກັບກູ້ກາເຟ ໂດຍສະເພາະໃນລະດູເກັບກູ້ກໍມີຄວາມຕ້ອງການແຮງງານຈຳນວນຫຼາຍ. ປີນີ້ມີແຮງງານພຽງ 600 ຄົນ ແຕ່ກໍຍັງບໍ່ພຽງພໍຈຶ່ງເຮັດໃຫ້ການເກັບກູ້ຊັກຊ້າເຮັດໃຫ້ກາເຟສ່ວນໜຶ່ງເສຍຫາຍ. ໃນນັ້ນ, ປີຜ່ານມາຍັງພົບເລື່ອງພະຍາດໃບໄມ້ກູດ. ໃນການໄປຢ້ຽມຢາມທັດສະນະສຶກສາ, ທ່ອງທ່ຽວເມືອງດັ່ງກ່າວທາງຄະນະຍັງໄດ້ໄປທ່ອງທ່ຽວນໍ້າຕົກຕາດຟານ ແລະ ສະຖານທີ່ທ່ອງທ່ຽວອື່ນໆອີກ.
(ຂ່າວ-ພາບ: ວັນເພັງ)
ຄໍາເຫັນ