ທ່ານນາງ ວິລະວອນ ພັນທະວົງ ຮອງຫົວໜ້າຄະນະໂຄສະນາອົບຮົມສູນກາງພັກ (ຄອສພ) ຜູ້ຊີ້ນໍາ 3 ອົງການຈັດຕັ້ງມະຫາຊົນໄດ້ນໍາພາສະມາຊິກກຳມະບານ, ແມ່ຍິງ, ຊາວໜຸ່ມຈຳນວນ 100 ທ່ານລົງເຄື່ອນໄຫວຢ້ຽມຢາມພົບປະແລກປ່ຽນບົດຮຽນ,ທັດສະນະສຶກສາຕາມຮອຍປະທານຄຳໄຕ ສີພັນດອນ ຄົບຮອບ100 ປີຕິດພັນກັບຂະບວນການກະກຽມກອງປະຊຸມໃຫຍ່ 3 ຂັ້ນຂອງອົງການຈັດຕັ້ງມະຫາຊົນ ຄອສພ ໃນລະຫວ່າງວັນທີ 27-30 ມີນານີ້ທີ່ແຂວງຈຳປາສັກໂດຍການໃຫ້ກຽດຕ້ອນຮັບຂອງທ່ານນາງ ວາດສະໜາ ສີລິມາ ຄະນະປະຈຳພັກແຂວງ ປະທານແນວລາວສ້າງຊາດແຂວງ ຜູ້ຊີ້ນຳ 3 ອົງການຈັດຕັ້ງມະຫາຊົນຂັ້ນແຂວງ ແລະ ສະຫະພັນນັກຮົບເກົ່າແຂວງ ຜູ້ຊີ້ນຳວຽກງານຮອບດ້ານອົງຄະນະພັກເມືອງຈຳປາສັກ, ທ່ານ ສຸປານີ ສິລິປຸນໂຍ ຄະນະປະຈຳພັກແຂວງ ຫົວໜ້າຄະນະໂຄສະນາອົບຮົມແຂວງ ຜູ້ຊີ້ນຳວຽກງານຮອບດ້ານອົງຄະນະພັກເມືອງປາກຊ່ອງ, ມີຫົວໜ້າກົມ-ຮອງກົມ, ຄະນະນໍາກ່ຽວຂ້ອງ 2 ຝ່າຍເຂົ້າຮ່ວມ.
ທ່ານນາງວາດສະໜາສີລິມາ ໄດ້ລາຍງານວ່າ: ອົງການຈັດຕັ້ງມະຫາຊົນແຂວງຈຳປາສັກ ປັດຈຸບັນກຳລັງສືບຕໍ່ ຜັນຂະຫຍາຍມະຕິ XI, ມະຕິ VIII ກໍຄືມະຕິຂອງກອງປະຊຸມໃຫຍ່ອົງການຈັດຕັ້ງມະຫາຊົນຂັ້ນສູນກາງ, ຂັ້ນແຂວງ ແລະ ວຽກງານທ້ອງຖິ່ນ ໂດຍສະເພາະໄດ້ນຳເອົາເນື້ອໃນຈິດໃຈດັ່ງກ່າວລົງເຜີຍແຜ່ໃຫ້ສະມາຊິກອົງການຈັດຕັ້ງຮັບຮູ້ຢ່າງກວ້າງຂວາງ. ພ້ອມທັງປຸກລະດົມອົງການຈັດຕັ້ງມະຫາຊົນເຂົ້າຮ່ວມທຸກຂະບວນການທີ່ຄະນະພັກອຳນາດການປົກຄອງວາງອອກຢ່າງເປັນຂະບວນຟົດຟື້ນ ແລະ ມີຜົນສຳເລັດເປັນກ້າວໆ. ໃນພິທີຕາງໜ້າ 3 ອົງການຈັດຕັ້ງມະຫາຊົນໄດ້ລາຍງານການເຄື່ອນໄຫວວຽກງານອັນພົ້ນເດັ່ນພ້ອມທັງແລກປ່ຽນບົດຮຽນຊຶ່ງກັນ ແລະ ກັນ.
ທ່ານນາງວິລະວອນ ພັນທະວົງ ໄດ້ກ່າວວ່າ: ການເຄື່ອນໄຫວຄັ້ງນີ້ມີສະມາຊິກກຳມະບານ, ແມ່ຍິງ, ຊາວໜຸ່ມທັງໝົດ 100 ທ່ານເພື່ອມາຖອດຖອນແລກປ່ຽນບົດຮຽນດ້ານການພັດທະນາຮອບດ້ານຂອງແຂວງຈຳປາສັກ ໂດຍສະເພາະການຈັດຕັ້ງປະຕິບັດວຽກງານການພັດທະນາ, ການເຕີບໃຫຍ່ຂະຫຍາຍຕົວຂອງແຂວງ ພ້ອມເຫັນໄດ້ເຖິງການມີສ່ວນຮ່ວມຂອງ ຄອສພ ຊຶ່ງເປັນກະບອກສຽງຂອງສູນກາງພັກ ມີໜ້າທີ່ໂຄສະນາໃຫ້ສັງຄົມເຂົ້າມາມີສ່ວນຮ່ວມໃນການພັດທະນາປະເທດຊາດເພື່ອນໍາເອົາບົດຮຽນທີ່ໄດ້ຮັບຄັ້ງນີ້ໄປເຜີຍແຜ່ໃຫ້ສັງຄົມຮັບຮູ້ຢ່າງກວ້າງຂວາງ.
ການເຄື່ອນໄຫວຄັ້ງນີ້, ຍັງໄດ້ໄປທັດສະນະແລກປ່ຽນບົດຮຽນຢູ່ສະຖານທີ່ທ່ອງທ່ຽວຕ່າງໆຂອງເມືອງປາກຊ່ອງ ແລະ ເມືອງໂຂງເປັນຕົ້ນສວນກາເຟ, ນໍ້າຕົກຕາດຜາສ້ວມ, ບ້ານເກີດປະທານຄຳໄຕ ສີທັນດອນ, ມະຫານາທີ ສີທັນດອນ, ທ່ຽວຊົມນໍ້າຕົກຕາດຄອນພະເພັງ, ທ່ຽວຊາຍແດນລາວ-ກຳປູເຈຍ (ໜອງນົກຂຽວ) ແລະ ສະຖານທີ່ອື່ນໆຕື່ມອີກ.
ໃນໂອກາດນີ້, ທ່ານນາງວິລະວອນ ພັນທະວົງ ຍັງໄດ້ເຂົ້າພົບປະກັບທ່ານສະນັ່ນສີພາພົມມະຈັນຮອງເລຂາພັກແຂວງຫົວໜ້າຄະນະຈັດຕັ້ງແຂວງຜູ້ຊີ້ນຳວຽກງານແນວຄິດພັກ-ພະນັກງານ ພ້ອມລາຍງານຈຸດປະສົງການລົງມາເຄື່ອນໄຫວຢ້ຽມຢາມໃນຄັ້ງນີ້ໃຫ້ທ່ານໄດ້ຮັບຊາບ. ພ້ອມນີ້ທ່ານສະນັ່ນສີພາພົມມະຈັນໄດ້ໃຫ້ກຽດຕ້ອນຮັບຢ່າງອົບອຸ່ນ ແລະ ອວຍພອນໄຊອັນປະເສີດໃຫ້ທ່ານນາງວິລະວອນພັນທະວົງ ພ້ອມຄະນະທີ່ເດີນທາງມາເຄື່ອນໄຫວວຽກງານໃນຄັ້ງນີ້ຈົ່ງປະສົບຜົນສຳເລັດຕາມຄາດໝາຍທີ່ວາງໄວ້.
ຂ່າວ-ພາບ: ວັນເພັງ
ທ່ານນາງວາດສະໜາສີລິມາ ໄດ້ລາຍງານວ່າ: ອົງການຈັດຕັ້ງມະຫາຊົນແຂວງຈຳປາສັກ ປັດຈຸບັນກຳລັງສືບຕໍ່ ຜັນຂະຫຍາຍມະຕິ XI, ມະຕິ VIII ກໍຄືມະຕິຂອງກອງປະຊຸມໃຫຍ່ອົງການຈັດຕັ້ງມະຫາຊົນຂັ້ນສູນກາງ, ຂັ້ນແຂວງ ແລະ ວຽກງານທ້ອງຖິ່ນ ໂດຍສະເພາະໄດ້ນຳເອົາເນື້ອໃນຈິດໃຈດັ່ງກ່າວລົງເຜີຍແຜ່ໃຫ້ສະມາຊິກອົງການຈັດຕັ້ງຮັບຮູ້ຢ່າງກວ້າງຂວາງ. ພ້ອມທັງປຸກລະດົມອົງການຈັດຕັ້ງມະຫາຊົນເຂົ້າຮ່ວມທຸກຂະບວນການທີ່ຄະນະພັກອຳນາດການປົກຄອງວາງອອກຢ່າງເປັນຂະບວນຟົດຟື້ນ ແລະ ມີຜົນສຳເລັດເປັນກ້າວໆ. ໃນພິທີຕາງໜ້າ 3 ອົງການຈັດຕັ້ງມະຫາຊົນໄດ້ລາຍງານການເຄື່ອນໄຫວວຽກງານອັນພົ້ນເດັ່ນພ້ອມທັງແລກປ່ຽນບົດຮຽນຊຶ່ງກັນ ແລະ ກັນ.
ທ່ານນາງວິລະວອນ ພັນທະວົງ ໄດ້ກ່າວວ່າ: ການເຄື່ອນໄຫວຄັ້ງນີ້ມີສະມາຊິກກຳມະບານ, ແມ່ຍິງ, ຊາວໜຸ່ມທັງໝົດ 100 ທ່ານເພື່ອມາຖອດຖອນແລກປ່ຽນບົດຮຽນດ້ານການພັດທະນາຮອບດ້ານຂອງແຂວງຈຳປາສັກ ໂດຍສະເພາະການຈັດຕັ້ງປະຕິບັດວຽກງານການພັດທະນາ, ການເຕີບໃຫຍ່ຂະຫຍາຍຕົວຂອງແຂວງ ພ້ອມເຫັນໄດ້ເຖິງການມີສ່ວນຮ່ວມຂອງ ຄອສພ ຊຶ່ງເປັນກະບອກສຽງຂອງສູນກາງພັກ ມີໜ້າທີ່ໂຄສະນາໃຫ້ສັງຄົມເຂົ້າມາມີສ່ວນຮ່ວມໃນການພັດທະນາປະເທດຊາດເພື່ອນໍາເອົາບົດຮຽນທີ່ໄດ້ຮັບຄັ້ງນີ້ໄປເຜີຍແຜ່ໃຫ້ສັງຄົມຮັບຮູ້ຢ່າງກວ້າງຂວາງ.
ການເຄື່ອນໄຫວຄັ້ງນີ້, ຍັງໄດ້ໄປທັດສະນະແລກປ່ຽນບົດຮຽນຢູ່ສະຖານທີ່ທ່ອງທ່ຽວຕ່າງໆຂອງເມືອງປາກຊ່ອງ ແລະ ເມືອງໂຂງເປັນຕົ້ນສວນກາເຟ, ນໍ້າຕົກຕາດຜາສ້ວມ, ບ້ານເກີດປະທານຄຳໄຕ ສີທັນດອນ, ມະຫານາທີ ສີທັນດອນ, ທ່ຽວຊົມນໍ້າຕົກຕາດຄອນພະເພັງ, ທ່ຽວຊາຍແດນລາວ-ກຳປູເຈຍ (ໜອງນົກຂຽວ) ແລະ ສະຖານທີ່ອື່ນໆຕື່ມອີກ.
ໃນໂອກາດນີ້, ທ່ານນາງວິລະວອນ ພັນທະວົງ ຍັງໄດ້ເຂົ້າພົບປະກັບທ່ານສະນັ່ນສີພາພົມມະຈັນຮອງເລຂາພັກແຂວງຫົວໜ້າຄະນະຈັດຕັ້ງແຂວງຜູ້ຊີ້ນຳວຽກງານແນວຄິດພັກ-ພະນັກງານ ພ້ອມລາຍງານຈຸດປະສົງການລົງມາເຄື່ອນໄຫວຢ້ຽມຢາມໃນຄັ້ງນີ້ໃຫ້ທ່ານໄດ້ຮັບຊາບ. ພ້ອມນີ້ທ່ານສະນັ່ນສີພາພົມມະຈັນໄດ້ໃຫ້ກຽດຕ້ອນຮັບຢ່າງອົບອຸ່ນ ແລະ ອວຍພອນໄຊອັນປະເສີດໃຫ້ທ່ານນາງວິລະວອນພັນທະວົງ ພ້ອມຄະນະທີ່ເດີນທາງມາເຄື່ອນໄຫວວຽກງານໃນຄັ້ງນີ້ຈົ່ງປະສົບຜົນສຳເລັດຕາມຄາດໝາຍທີ່ວາງໄວ້.
ຂ່າວ-ພາບ: ວັນເພັງ
ຄໍາເຫັນ