4 ເດືອນຕົ້ນປີ ກຳໄລຂອງວິສາຫະກິດອຸດສາຫະກຳທົ່ວປະເທດຈີນເພີ່ມຂຶ້ນ 18.2%

13:29 29/05/2026

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 27 ພຶດສະພາ ຜ່ານມາ, ອົງການສະຖິຕິແຫ່ງຊາດຈີນ ໄດ້ເຜີຍແຜ່ຂໍ້ມູນສະແດງໃຫ້ເຫັນວ່າ, ນັບແຕ່ເດືອນມັງກອນ ຫາ ເດືອນເມສາປີ 2026, ຄຽງຄູ່ກັບການປະຕິບັດນະໂຍບາຍມະຫາພາກທີ່ຕັ້ງໜ້າກວ່າເກົ່າຢ່າງມີປະສິດທິຜົນ, ການຜະລິດອຸດສາຫະກຳຂອງຈີນໄດ້ບັນລຸການເຕີບໂຕຂ້ອນຂ້າງໄວ ແລະ ຜົນກຳໄລຂອງວິສາຫະກຳອຸດສາຫະກຳສືບຕໍ່ຍົກສູງຂຶ້ນ.

ນັບແຕ່ເດືອນມັງກອນ ຫາ ເດືອນເມສາ ປີ 2026, ຍອດກຳໄລຂອງວິສາຫະກິດອຸດສາຫະກຳທີ່ມີລາຍຮັບຈາກທຸລະກິດຕົ້ນຕໍຫຼາຍກວ່າ 20 ລ້ານຢວນໃນທົ່ວປະເທດຈີນບັນລຸ 2435.84 ຕື້ຢວນ, ເພີ່ມຂຶ້ນ 18.2% ເມື່ອທຽບໃສ່ໄລຍະດຽວກັນຂອງປີ 2025, ສູງກວ່າເດືອນມັງກອນ ຫາ ເດືອນມີນາ 2.7%. ໃນນັ້ນ, ກຳໄລຂອງອຸດສາຫະກຳການຜະລິດເຕັກໂນໂລຊີລະດັບສູງທີ່ມີລາຍຮັບຈາກທຸລະກິດຕົ້ນຕໍຫຼາຍກວ່າ 20 ລ້ານຢວນ ໄດ້ເພີ່ມຂຶ້ນ 44.8% ເມື່ອທຽບໃສ່ໄລຍະດຽວກັນຂອງປີ 2025, ເຮັດໃຫ້ກຳໄລຂອງວິສາຫະກິດອຸດສາຫະກຳທີ່ມີລາຍຮັບຈາກທຸລະກິດຕົ້ນຕໍຫຼາຍກວ່າ 20 ລ້ານຢວນໃນທົ່ວປະເທດຈີນເພີ່ມຂຶ້ນ 7.8%.

ຄໍາເຫັນ

ຂ່າວຕ່າງປະເທດ

ສິງກະໂປ ກຽມຄວບຄຸມການປ່ອຍອາຍພິດຈາກລະບົບເຮັດຄວາມເຢັນ

29/05/2026 13:28

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ອົງການສິ່ງແວດລ້ອມແຫ່ງຊາດສິງກະໂປ ໄດ້ປະກາດກຽມໃຊ້ມາດຕະການໃໝ່ເພື່ອຄວບຄຸມການປ່ອຍອາຍພິດເຮືອນແກ້ວຈາກອຸປະກອນເຮັດຄວາມເຢັນ ແລະ ເຄື່ອງປັບອາກາດ, ໂດຍມີຜົນບັງຄັບໃຊ້ນັບແຕ່ວັນທີ 1 ກໍລະກົດ 2027 ເປັນຕົ້ນໄປ. ໂດຍມາດຕະການເຫຼົ່ານີ້ຂະຫຍາຍລະບຽບການທີ່ມີຢູ່ແລ້ວໃຫ້ກວມເອົາລະບົບເຮັດຄວາມເຢັນທາງການຄ້າແບບລວມສູນ, ເຄື່ອງປັບອາກາດໃນລົດສ່ວນບຸກຄົນ ແລະ ລົດຂົນສົ່ງຂະໜາດນ້ອຍ ຊຶ່ງເປັນສ່ວນໜຶ່ງຂອງຄວາມພະຍາຍາມເພື່ອສະໜັບສະໜູນເປົ້າໝາຍດ້ານສະພາບອາກາດຂອງສິງກະໂປ ໃນປີ 2030 ແລະ ບັນລຸເປົ້າໝາຍການປ່ອຍອາຍພິດກາກບອນສຸດທິເປັນສູນພາຍໃນປີ 2050.

4 ເດືອນຕົ້ນປີ ຫວຽດນາມ ນຳເຂົ້າ- ສົ່ງອອກສິນຄ້າ ບັນລຸເກືອບ 25%

29/05/2026 13:27

ວິທະຍຸກະຈາຍສຽງຫວຽດນາມລາຍງານ ຫວ່າງມໍ່ໆມານີ້ວ່າ: ຕາມສະຖິຕິຂອງອົງການພາສີ, ມູນຄ່າການນຳເຂົ້າ-ສົ່ງອອກສິນຄ້າທັງໝົດຂອງ ຫວຽດນາມ ໃນ 4 ເດືອນຕົ້ນປີ 2026 ບັນລຸເກືອບ 346 ຕື້ໂດລາ, ເພີ່ມຂຶ້ນເກືອບ 25% ເມື່ອທຽບໃສ່ໄລຍະດຽວກັນຂອງປີກ່ອນ. ໃນນັ້ນ, ການສົ່ງອອກບັນລຸ 169 ຕື້ກວ່າໂດລາ, ເພີ່ມຂຶ້ນ 20.1%, ສ່ວນການນຳເຂົ້າບັນລຸ 176 ຕື້ກວ່າໂດລາ, ເພີ່ມຂຶ້ນເຖິງ 29.5%.

ຈີນ ແລະ ອາຊຽນຂຽນປະຫວັດສາດໜ້າໃໝ່ທີ່ໂດດເດັ່ນກວ່າເກົ່າໃຫ້ແກ່ຄວາມຈະເລີນຮຸ່ງເຮືອງຂອງພາກພື້ນອາຊີ-ປາຊີຟິກ

29/05/2026 13:20

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ກອງປະຊຸມເຈົ້າໜ້າທີ່ອາວຸອົງການຮ່ວມມືດ້ານເສດຖະກິດອາຊີ-ປາຊີຟິກ ຫຼື APEC ທີ່ຊຽງໄຮ້ ແລະ ກອງປະຊຸມລັດຖະມົນຕີການຄ້າ APEC ທີ່ຊູ່ໂຈ່ວ ໄດ້ຈັດຂຶ້ນເມື່ອບໍ່ດົນມານີ້ ຊຶ່ງໄດ້ເຕົ້າໂຮມຄວາມເຫັນທີ່ເປັນເອກະພາບກັນດ້ານການຮ່ວມມືຂອງພາກພື້ນ ແລະ ການຈັດຕັ້ງປະຕິບັດແນວຄິດລັດທິຫຼາຍຝ່າຍພ້ອມທັງໄດ້ເພີ່ມພະລັງຂັບເຄື່ອນຂອງຈີນເຂົ້າໃນການທັບມ້າງກຳແພງການຄ້າ ແລະ ປັບປຸງລະບຽບເສດຖະກິດການຄ້າແບບເປີດປະຕູສູ່ພາຍນອກໃຫ້ສົມບູນຂຶ້ນ. ໃນນັ້ນ, ການຮ່ວມມືຈີນ-ອາຊຽນ ແມ່ນພາກສ່ວນທີ່ໝັ້ນແກ່ນທີ່ສຸດ ແລະ ມີຊີວິດຊີວາທີ່ສຸດໃນແຜນການດັ່ງກ່າວ ຊຶ່ງໄດ້ເພີ່ມຄວາມແນ່ນອນເຂົ້າໃນການຟື້ນຟູເສດຖະກິດໃນພາກພື້ນອາຊີ-ປາຊີຟິກກໍຄືທົ່ວໂລກ.

ກົງໂກ ເປີດເຜີຍ ການລະບາດຂອງອີໂບລາຍັງຢູ່ໃນໄລຍະເລີ່ມຕົ້ນ

28/05/2026 10:48

ຂ່າວຕ່າງປະເທດລາຍງານ ໃນວັນທີ 26 ພຶດສະພາ ຜ່ານມາວ່າ: ທ່ານ ໂຣເຈີ ແຄມບາ ລັດຖະມົນຕີກະຊວງສາທາລະນະສຸກ ຂອງສາທາລະນະລັດ ປະຊາທິປະໄຕ ກົງໂກ ຫຼື DR ກົງໂກໄດ້ເປີດເຜີຍວ່າ: ການລະບາດຂອງພະຍາດອີໂບລາໃນ ສາທາລະນະລັດ ປະຊາທິປະໄຕ ກົງໂກ ຍັງຢູ່ໃນໄລຍະເລີ່ມຕົ້ນ, ເຖິງວ່າຈະມີການຕິດເຊື້ອ ແລະ ການເສຍຊີວິດເພີ່ມຂຶ້ນຢ່າງຕໍ່ເນື່ອງ.

ບໍລິສັດ Coca-Cola ຍີ່ປຸ່ນ ພິຈາລະນາຂຶ້ນລາຄາສິນຄ້າ 165 ລາຍການ

28/05/2026 10:47

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ: ບໍລິສັດ Coca-Cola Bottlers Japan Inc. ໄດ້ປະກາດຈະຂຶ້ນລາຄາສິນຄ້າ 165 ລາຍການເລີ່ມຕົ້ນໃນເດືອນກັນຍາເປັນຕົ້ນໄປ ເນື່ອງຈາກຄ່າໃຊ້ຈ່າຍວັດຖຸດິບ ແລະ ພະລັງງານທີ່ເພີ່ມຂຶ້ນສູງ ຊຶ່ງເກີດຈາກຄວາມເຄັ່ງຕຶງຢ່າງຕໍ່ເນື່ອງໃນຕາເວັນອອກກາງ.

ຈີນ ສຳເລັດການຍິງສົ່ງດາວທຽມທົດລອງເຕັກໂນໂລຊີການສື່ສານ 24

28/05/2026 10:37

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນເວລາ 0 ໂມງ 16 ນາທີ ຂອງວັນທີ 27 ພຶດສະພາ 2026, ຈີນໄດ້ສຳເລັດການຍິງສົ່ງດາວທຽມທົດລອງເຕັກໂນໂລຊີການສື່ສານ 24 ດ້ວຍຈະຫຼວດສົ່ງຍານ ສາງເຈີ່ງ 7A ຢູ່ສະໜາມສົ່ງຍານອະວະກາດເວີນຊ່າງ. ຫຼັງຈາກນັ້ນ ດາວທຽມໄດ້ເຂົ້າສູ່ວົງໂຄຈອນທີ່ກຳນົດໄວ້ຢ່າງສະດວກ, ເຮັດໃຫ້ພາລະກິດສົ່ງຍານໄດ້ຮັບຜົນສຳເລັດຢ່າງຈົບງາມ.

ອິນໂດເນເຊຍ ຄາດວ່າການຜະລິດເຂົ້າຈະຍັງໝັ້ນຄົງ

28/05/2026 10:36

ຂ່າວຕ່າງປະເທດລາຍງານ ໃນວັນທີ 26 ພຶດສະພາ ຜ່ານມາວ່າ: ທ່ານ ຊູດາຣໂຍໂນ ຮອງລັດຖະມົນຕີກະຊວງກະສິກຳອິນໂດເນເຊຍ ກ່າວວ່າ: ການຜະລິດເຂົ້າຂອງປະເທດຄາດວ່າຈະຍັງໝັ້ນຄົງ ເຖິງວ່າຈະມີຄວາມສ່ຽງຈາກໄພແຫ້ງແລ້ງທີ່ເກີດຈາກປະກົດການແອວນີໂຢ ໃນທ້າຍປີ 2026 ກໍຕາມ.

ຫວຽດນາມ ກຽມຈັດເວທີປາໄສອະນາຄົດ ອາຊຽນ 2026

27/05/2026 12:32

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 26 ພຶດສະພາ ຜ່ານມາ, ຢູ່ສະຖາບັນການພົວພັນຕ່າງປະເທດ ນະຄອນຫຼວງຮ່າໂນ້ຍ, ທ່ານ ຫງວຽນແມັ້ງເກືອງ ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ເປັນປະທານການຖະແຫຼງຂ່າວການຈັດເວທີປາໄສອະນາຄົດ ອາຊຽນ 2026 (ASEAN Future Forum 2026) ຊຶ່ງຈະດຳເນີນໃນວັນທີ 9 – 10 ມິຖຸນາ ນີ້ ທີ່ນະຄອນຫຼວງຮ່າໂນ້ຍ, ດ້ວຍຫົວຂໍ້ “ຮ່ວມກັນສ້າງອະນາຄົດລວມ: ສັນຕິພາບ, ວັດທະນາຖາວອນ, ຖືປະຊາຊົນເປັນໃຈກາງ” ວ່າ: ເວທີປາໄສປີນີ້ມີຜູ້ເຂົ້າຮ່ວມຫຼາກຫຼາຍພາກສ່ວນ, ມີເນຶ້ອໃນອຸດົມສົມບູນກວ່າເກົ່າ ແລະ ມີຫຼາຍການເຄື່ອນໄຫວກວ່າເກົ່າ ເມືີ່ອທຽບໃສ່ກັບເວທີປາໄສທີ່ຈັດຂຶ້ນໃນກ່ອນນີ້.

ທ່ານ ສີຈິ້ນຜິງ ພົບປະປະທານາທິບໍດີແຊັກບີ

27/05/2026 12:31

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ຫວ່າງມໍ່ໆມານີ້, ທ່ານ ສີຈິ້ນຜິງ ປະທານປະເທດຈີນ ໄດ້ພົບປະເຈລະຈາກັບ ທ່ານ ອາເລັກຊັນດາ ວູຊິກ ປະທານາທິບໍດີແຊັກບີທີ່ມາຢ້ຽມຢາມຈີນທາງລັດຖະກິດຢູ່ຫໍສະພາປະຊາຊົນແຫ່ງຊາດ ທີ່ນະຄອນຫຼວງປັກກິ່ງ.

ຍີ່ປຸ່ນ ອະນຸມັດການນຳໃຊ້ເງິນຈາກກອງທຶນສຳຮອງ ອຸດໜູນຄ່າໄຟຟ້າ ແລະ ອາຍແກ໊ສ

27/05/2026 12:29

ຂ່າວຕ່າງປະເທດລາຍງານວ່າ: ລັດຖະບານຍີ່ປຸ່ນໄດ້ມີມະຕິຕົກລົງ ໃນວັນທີ 26 ພຶດສະພາ ຜ່ານມາ, ອະນຸມັດ ການນຳໃຊ້ເງິນ ຈຳນວນ 513.5 ຕື້ເຢນ (ປະມານ 3.2 ຕື້ໂດລາ) ຈາກກອງທຶນສຳຮອງຂອງປີງົບປະມານປັດຈຸບັນ ເພື່ອອຸດໜູນຄ່າໃຊ້ຈ່າຍໄຟຟ້າ ແລະ ອາຍແກ໊ສໃນໄລຍະລະດູຮ້ອນ, ເພື່ອຫຼຸດຜ່ອນຜົນກະທົບຂອງຂໍ້ຂັດແຍ່ງໃນຕາເວັນອອກກາງ.

ເພີ່ມເຕີມ