ໂດຍ: ວັນເພັງ
ເນື່ອງໃນໂອກາດວັນຊາດທີ 2 ທັນວາຄົບຮອບ 48 ປີ (2 ທັນວາ 1975-2 ທັນວາ 2023) ໃກ້ມາເຖິງນີ້ທ່ານ ພົນຈັດຕະວາ ຄຳຫອມແສງບົວລົມວິລະຊົນແຫ່ງຊາດຮອງປະທານສະຫະພັນນັກຮົບເກົ່າແຫ່ງຊາດລາວ (ສນຫລ) ໄດ້ໃຫ້ສຳພາດຕໍ່ສື່ມວນຊົນ ໃນວັນທີ 29 ພະຈິກ ນີ້ວ່າ: ຕະຫຼອດໄລຍະ 48 ປີຜ່ານມາເຫັນວ່າການພັດທະນາປະເທດຊາດມີບາດກ້າວອັນໃໝ່ຂຶ້ນໄປເລື້ອຍໆ ແລະ ມີການພັດທະນາຢ່າງບໍ່ຢຸດຢັ້ງ ໂດຍມີການຖອດຖອນບົດຮຽນໄປນໍາ ເປັນຕົ້ນໃນໄລຍະ 10-20 ປີມານີ້ປະເທດຊາດໄດ້ມີການພັດທະນາເສດຖະກິດ, ສັງຄົມມະນຸດໄດ້ດີສົມຄວນ ໂດຍສະເພາະການພັດທະນາທາງດ້າການສຶກສາໄປກ່ອນກ້າວໜຶ່ງ, ລູກ-ຫຼານໄດ້ເຂົ້າຮຽນ, ມີການສຶກສາ;ດ້າສາທາລະນະສຸກກໍມີອັນດີຂຶ້ນ, ມີໂຮງໝໍຫຼາຍແຫ່ງເກີດຂຶ້ນທັງຢູ່ສູນກາງ ແລະ ທ້ອງຖິ່ນ. ພ້ອມນັ້ນວຽກງານເສດຖະກິດ ກໍມີການຂະຫຍາຍຕົວ, ປະຊາຊົນມີຢູ່ມີກິນ, ມີເຂົ້າກິນກຸ້ມຕົນເອງແລະສາມາດນຳສົ່ງອອກຂາຍ ລວມເຖິງເສັ້ນທາງຄົມມະນາຄົມ, ຖະໜົນຫົນທາງ ແລະ ອື່ນໆ ກໍມີການພັດທະນາຂຶ້ນຢ່າງບໍ່ຢຸດຢັ້ງ.
ທ່ານພົນຈັດຕະວາ ຄຳຫອມແສງບົວລົມຍັງໄດ້ຍົກໃຫ້ເຫັນຄວາມໝາຍ-ຄວາມສຳຄັນ ຂອງວັນດັ່ງກ່າວວ່າ: ເປັນວັນທີ່ທົ່ວພັກ-ລັດແລະທົ່ວປວງຊົນລາວທັງຊາດເປັນວັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດແຫ່ງການຕໍ່ສູ້ເປັນພັນໆປີຂອງຊາດລາວ, ເປັນວັນທີ່ປະຊາຊົນລາວບັນດາເຜົ່າໄດ້ມີອິດສາລະພາບແລະໄດ້ເປັນເຈົ້າຂອງປະເທດຊາດຢ່າງແທ້ຈິງ.ດັ່ງປະທານໄກສອນພົມວິຫານໄດ້ຕີລາຄາວັນຊາດທີ 2 ທັນວາປີ 1975 ດັ່ງນີ້: “ບໍ່ທັນມີເວລາໃດທີ່ປະຊາຊົນເຮົາຊຶ່ງເປັນຜູ້ສ້າງປະຫວັດສາດຂອງຊາດນັ້ນໄດ້ຍາດເອົາໄຊຊະນະສົມບູນ, ເຖິງຖອງແລະບໍລິບູນໄດ້ຢ່າງສະຫງ່າລາສີຄືແນວນີ້ຈັກເທື່ອ, ໄຊຊະນັ້ນບໍ່ສະເພາະແຕ່ໄດ້ຟື້ນຟູຄວາມເປັນເອກະລາດຂອງປະເທດເຮົາ, ຫາກຍັງເປັນຄັ້ງທໍາອິດທີ່ປະຊາຊົນບັນດາເຜົ່າຜູ້ເຄີຍດຳລົງຊີວິດເປັນທາດໄດ້ກາຍມາເປັນເຈົ້າຂອງປະເທດຊາດຢ່າງແທ້ຈິງທີ່ມີເອກະລາດ, ມີອິດສະລະພາບຢ່າງສົມບູນແລະພວມກ້າວຂຶ້ນສູ່ສັງຄົມນິຍົມ, ເຮັດໃຫ້ຄວາມມຸ່ງຫວັງອັນແຮງກ້າຂອງປວງຊົນລາວກໍຄືຂອງມວນມະນຸດເຮົາປະກົດຜົນເປັນຈິງຢູ່ບົນຜືນແຜ່ນດິນອັນແສນຮັກຂອງພວກເຮົາ". ພ້ອມນັ້ນ,ຕະຫຼອດໄລຍະ 48 ປີ ຜ່ານມາ ຊາດລາວແມ່ນມີມູນເຊື້ອທີ່ສະຫງ່າອົງອາດ ແຫ່ງການຕໍ່ສູ້ຕ້ານການຮຸກຮານຂອງສັດຕູຈາກພາຍນອກແລະສ້າງສາພັດທະນາປະເທດຊາດໂດຍສືບທອດມູນເຊື້ອອັນອົງອາດຂອງບັນພະບຸລຸດ,ປະຊາຊົນບັນດາເຜົ່າພາຍໃຕ້ການນຳພາຂອງພັກປະຊາຊົນປະຕິວັດລາວໄດ້ສາມັກຄີກັນຕໍ່ສູ້ຢ່າງພິລະອາດຫານຕ້ານການຮຸກຮານຂອງພວກຈັກກະພັດລ່າເມືອງຂຶ້ນແບບເກົ່າແລະແບບໃໝ່ສາມາດປົດປ່ອຍປະເທດຊາດຢ່າງມີໄຊ ພ້ອມສະຖາປະນາ ສປປ ລາວ ຂຶ້ນຢ່າງສະຫງ່າຜ່າເຜີຍໃນວັນທີ 2 ທັນວາ 1975.
ທ່ານພົນຈັດຕະວາ ຄຳຫອມແສງບົວລົມຍັງກ່າວຕື່ມວ່າ: ສຳລັບ ສນຫລກໍໄດ້ເອົາໃຈໃສ່ຕັ້ງໜ້າເສີມຂະຫຍາຍມູນເຊື້ອຮັກຊາດການຕໍ່ສູ້ພິລະອາດຫານ, ເຕົ້າໂຮມຄວາມສາມັກຄີຂອງນັກຮົບເກົ່າໄດ້ເປັນຢ່າງດີ; ໂດຍຫັ້ນລົງຮາກຖານເກັບກຳສະພາບການເມືອງ-ແນວຄິດ, ຄວາມມຸ້ງມາດປາຖະໜາຂອງຖັນແຖວນັກຮົບເກົ່າ, ຂົນຂວາຍດູດດຶງເອົານັກຮົບເກົ່າເຂົ້າການຈັດຕັ້ງ, ເຄື່ອນໄຫວຮ່ວມຊີວິດ ແລະ ແລກປ່ຽນຄຳຄິດຄຳເຫັນທີ່ດີນຳກັນ, ຈັດຕັ້ງເຜີຍແຜ່ແນວທາງນະໂຍບາຍຂອງພັກ, ກົດໝາຍຂອງລັດ, ມະຕິສຳຄັນຕ່າງໆກໍຄືມະຕິກອງປະຊຸມໃຫຍ່ຜູ້ແທນນັກຮົບເກົ່າລາວທົ່ວປະເທດ ຄັ້ງທີ IV: ໄດ້ເຄື່ອນໄຫວປາຖະກະຖາເລົ່າມູນເຊື້ອໃນໂອກາດວັນປະຫວັດສາດສຳຄັນຂອງພັກ, ຂອງຊາດ, ຂອງກຳລັງ ປະກອບອາວຸດ ແລະ ສາກົນກໍຄືຂອງສະຫະພັນນັກຮົບເກົ່າແຫ່ງຊາດລາວ ຄົບຮອບ 21 ປີ ຢູ່ບັນດາກະຊວງ, ອົງການ, ທ້ອງຖິ່ນ, ສະຖາບັນການສຶກສາ ແລະ ໂຮງໝໍຕ່າງໆ: ເປັນເຈົ້າການຮ່ວມກັບບັນດາກະຊວງ, ອົງການ, ຂະແໜງການ, ອຳນາດການປົກຄອງທ້ອງຖິ່ນເຮັດໜ້າທີ່ປ້ອງກັນຊາດ-ປ້ອງກັນຄວາມສະຫງົບ, ຊຸກຍູ້ຂະບວນການແຂ່ງຂັນ 3 ດີ 6 ຮັກສາຂອງສະຫະພັນນັກຮົບເກົ່າຕິດພັນກັບການແຂ່ງຂັນ “ ຮັກຊາດ ແລະ ພັດທະນາ "ປະຕິບັດວຽກງານ 3 ສ້າງຫັນລົງຊຸກຍູ້ຮາກຖານຢ່າງເປັນຂະບວນການຟົດຟື້ນພ້ອມທັງໄດ້ຊຸກຍູ້ຂະບວນການ ແລະ ປຸກລະດົມຖັນແຖວ ຄອບຄົວນັກຮົບເກົ່າເຮັດການຜະລິດ, ແກ້ໄຂຊີວິດການເປັນຢູ່ດ້ວຍກຳລັງແຮງບົ່ມຊ້ອນຂອງຄອບຄົວແຕ່ລະທ້ອງຖິ່ນ ໃນການກຸ້ມຕົນເອງເພິ່ງຕົນເອງເພື່ອສ້າງໃຫ້ກາຍເປັນຄອບຄົວຕົວແບບ, ເຮັດໃຫ້ຊີວິດການເປັນຢູ່ ຂອງນັກຮົບເກົ່າໃຫ້ນັບມື້ນັບດີຂຶ້ນ. ໃນນັ້ນ, ມີນັກຮົບເກົ່າ 3 ດີ 6 ຮັກສາ 16 ພັນກວ່າຄົນ, ກວມ 32%, ສະຫະພັນນັກຮົບເກົ່າ 3 ດີ 6 ຮັກສາຂັ້ນບ້ານ, ຂັ້ນເມືອງ, ຂັ້ນແຂວງກໍນັບມື້ນັບເພີ່ມຂຶ້ນເລື້ອຍໆ. ໃນນັ້ນ, ໄດ້ມີການພົວພັນ, ຮ່ວມມືກັບສະມາຄົມນັກຮົບເກົ່າຕ່າງປະເທດ, ພາກພື້ນ ແລະ ສາກົນໂດຍສະເພາະແມ່ນການຮ່ວມມືຊ່ວຍເຫຼືອ ຊຶ່ງກັນ ແລະກັນແບບພິເສດຮອບດ້ານກັບສະມາຄົມນັກຮົບເກົ່າຫວຽດນາມ,ພົວພັນຮ່ວມສອງຝ່າຍກັບສະມາຄົມນັກຮົບເກົ່າຣາຊະອານາຈັກກຳປູເຈຍ, ນັກຮົບເກົ່າຈີນ ແລະ ສະມາຄົມນັກຮົບເກົ່າຕ້ານຈັກກະພັດອາເມຣິກາ, ສປປ ເກົາຫຼີ.
ໃນໂອກາດ ວັນຊາດຄົບຮອບ 48 ປີ ທ່ານພົນຈັດຕະວາ ຄຳຫອມແສງບົວລົມ ຍັງໄດ້ສະແດງຄວາມຍ້ອງຍໍຊົມເຊີຍ, ຮູ້ບຸນຄຸນ ຕໍ່ຄະນະນຳພັກ-ລັດທຸກຂັ້ນ ທີ່ໄດ້ທຸ່ມເທສະຕິປັນຍາ, ເຫື່ອແຮງທັງກາຍ ແລະ ໃຈໃນການຊີ້ນຳ-ນຳພາປະເທດຊາດໃຫ້ມີຄວາມສະຫງົບ, ມີຄວາມຜາສຸກ, ສີວິໄລ ແລະ ຂໍອວຍພອນອັນປະເສີດ ໃຫ້ຄະນະນຳພັກ-ລັດທຸກຂັ້ນ ຈົ່ງມີສຸຂະພາບເຂັ້ມແຂງ ສືບຕໍ່ຊີ້ນຳ-ນຳພາປະເທດຊາດໃຫ້ມີຄວາມຈະເລີນຮຸ່ງເຮືອງ, ພັດທະນາຂຶ້ນຢ່າງບໍ່ຢຸດຢັ້ງ.
ຊົມເຊີຍວັນຊາດ ທີ 2 ທັນວາຢ່າງສຸດໃຈ!
ເນື່ອງໃນໂອກາດວັນຊາດທີ 2 ທັນວາຄົບຮອບ 48 ປີ (2 ທັນວາ 1975-2 ທັນວາ 2023) ໃກ້ມາເຖິງນີ້ທ່ານ ພົນຈັດຕະວາ ຄຳຫອມແສງບົວລົມວິລະຊົນແຫ່ງຊາດຮອງປະທານສະຫະພັນນັກຮົບເກົ່າແຫ່ງຊາດລາວ (ສນຫລ) ໄດ້ໃຫ້ສຳພາດຕໍ່ສື່ມວນຊົນ ໃນວັນທີ 29 ພະຈິກ ນີ້ວ່າ: ຕະຫຼອດໄລຍະ 48 ປີຜ່ານມາເຫັນວ່າການພັດທະນາປະເທດຊາດມີບາດກ້າວອັນໃໝ່ຂຶ້ນໄປເລື້ອຍໆ ແລະ ມີການພັດທະນາຢ່າງບໍ່ຢຸດຢັ້ງ ໂດຍມີການຖອດຖອນບົດຮຽນໄປນໍາ ເປັນຕົ້ນໃນໄລຍະ 10-20 ປີມານີ້ປະເທດຊາດໄດ້ມີການພັດທະນາເສດຖະກິດ, ສັງຄົມມະນຸດໄດ້ດີສົມຄວນ ໂດຍສະເພາະການພັດທະນາທາງດ້າການສຶກສາໄປກ່ອນກ້າວໜຶ່ງ, ລູກ-ຫຼານໄດ້ເຂົ້າຮຽນ, ມີການສຶກສາ;ດ້າສາທາລະນະສຸກກໍມີອັນດີຂຶ້ນ, ມີໂຮງໝໍຫຼາຍແຫ່ງເກີດຂຶ້ນທັງຢູ່ສູນກາງ ແລະ ທ້ອງຖິ່ນ. ພ້ອມນັ້ນວຽກງານເສດຖະກິດ ກໍມີການຂະຫຍາຍຕົວ, ປະຊາຊົນມີຢູ່ມີກິນ, ມີເຂົ້າກິນກຸ້ມຕົນເອງແລະສາມາດນຳສົ່ງອອກຂາຍ ລວມເຖິງເສັ້ນທາງຄົມມະນາຄົມ, ຖະໜົນຫົນທາງ ແລະ ອື່ນໆ ກໍມີການພັດທະນາຂຶ້ນຢ່າງບໍ່ຢຸດຢັ້ງ.
ທ່ານພົນຈັດຕະວາ ຄຳຫອມແສງບົວລົມຍັງໄດ້ຍົກໃຫ້ເຫັນຄວາມໝາຍ-ຄວາມສຳຄັນ ຂອງວັນດັ່ງກ່າວວ່າ: ເປັນວັນທີ່ທົ່ວພັກ-ລັດແລະທົ່ວປວງຊົນລາວທັງຊາດເປັນວັນແຫ່ງໄຊຊະນະອັນຍິ່ງໃຫຍ່ໃນປະຫວັດສາດແຫ່ງການຕໍ່ສູ້ເປັນພັນໆປີຂອງຊາດລາວ, ເປັນວັນທີ່ປະຊາຊົນລາວບັນດາເຜົ່າໄດ້ມີອິດສາລະພາບແລະໄດ້ເປັນເຈົ້າຂອງປະເທດຊາດຢ່າງແທ້ຈິງ.ດັ່ງປະທານໄກສອນພົມວິຫານໄດ້ຕີລາຄາວັນຊາດທີ 2 ທັນວາປີ 1975 ດັ່ງນີ້: “ບໍ່ທັນມີເວລາໃດທີ່ປະຊາຊົນເຮົາຊຶ່ງເປັນຜູ້ສ້າງປະຫວັດສາດຂອງຊາດນັ້ນໄດ້ຍາດເອົາໄຊຊະນະສົມບູນ, ເຖິງຖອງແລະບໍລິບູນໄດ້ຢ່າງສະຫງ່າລາສີຄືແນວນີ້ຈັກເທື່ອ, ໄຊຊະນັ້ນບໍ່ສະເພາະແຕ່ໄດ້ຟື້ນຟູຄວາມເປັນເອກະລາດຂອງປະເທດເຮົາ, ຫາກຍັງເປັນຄັ້ງທໍາອິດທີ່ປະຊາຊົນບັນດາເຜົ່າຜູ້ເຄີຍດຳລົງຊີວິດເປັນທາດໄດ້ກາຍມາເປັນເຈົ້າຂອງປະເທດຊາດຢ່າງແທ້ຈິງທີ່ມີເອກະລາດ, ມີອິດສະລະພາບຢ່າງສົມບູນແລະພວມກ້າວຂຶ້ນສູ່ສັງຄົມນິຍົມ, ເຮັດໃຫ້ຄວາມມຸ່ງຫວັງອັນແຮງກ້າຂອງປວງຊົນລາວກໍຄືຂອງມວນມະນຸດເຮົາປະກົດຜົນເປັນຈິງຢູ່ບົນຜືນແຜ່ນດິນອັນແສນຮັກຂອງພວກເຮົາ". ພ້ອມນັ້ນ,ຕະຫຼອດໄລຍະ 48 ປີ ຜ່ານມາ ຊາດລາວແມ່ນມີມູນເຊື້ອທີ່ສະຫງ່າອົງອາດ ແຫ່ງການຕໍ່ສູ້ຕ້ານການຮຸກຮານຂອງສັດຕູຈາກພາຍນອກແລະສ້າງສາພັດທະນາປະເທດຊາດໂດຍສືບທອດມູນເຊື້ອອັນອົງອາດຂອງບັນພະບຸລຸດ,ປະຊາຊົນບັນດາເຜົ່າພາຍໃຕ້ການນຳພາຂອງພັກປະຊາຊົນປະຕິວັດລາວໄດ້ສາມັກຄີກັນຕໍ່ສູ້ຢ່າງພິລະອາດຫານຕ້ານການຮຸກຮານຂອງພວກຈັກກະພັດລ່າເມືອງຂຶ້ນແບບເກົ່າແລະແບບໃໝ່ສາມາດປົດປ່ອຍປະເທດຊາດຢ່າງມີໄຊ ພ້ອມສະຖາປະນາ ສປປ ລາວ ຂຶ້ນຢ່າງສະຫງ່າຜ່າເຜີຍໃນວັນທີ 2 ທັນວາ 1975.
ທ່ານພົນຈັດຕະວາ ຄຳຫອມແສງບົວລົມຍັງກ່າວຕື່ມວ່າ: ສຳລັບ ສນຫລກໍໄດ້ເອົາໃຈໃສ່ຕັ້ງໜ້າເສີມຂະຫຍາຍມູນເຊື້ອຮັກຊາດການຕໍ່ສູ້ພິລະອາດຫານ, ເຕົ້າໂຮມຄວາມສາມັກຄີຂອງນັກຮົບເກົ່າໄດ້ເປັນຢ່າງດີ; ໂດຍຫັ້ນລົງຮາກຖານເກັບກຳສະພາບການເມືອງ-ແນວຄິດ, ຄວາມມຸ້ງມາດປາຖະໜາຂອງຖັນແຖວນັກຮົບເກົ່າ, ຂົນຂວາຍດູດດຶງເອົານັກຮົບເກົ່າເຂົ້າການຈັດຕັ້ງ, ເຄື່ອນໄຫວຮ່ວມຊີວິດ ແລະ ແລກປ່ຽນຄຳຄິດຄຳເຫັນທີ່ດີນຳກັນ, ຈັດຕັ້ງເຜີຍແຜ່ແນວທາງນະໂຍບາຍຂອງພັກ, ກົດໝາຍຂອງລັດ, ມະຕິສຳຄັນຕ່າງໆກໍຄືມະຕິກອງປະຊຸມໃຫຍ່ຜູ້ແທນນັກຮົບເກົ່າລາວທົ່ວປະເທດ ຄັ້ງທີ IV: ໄດ້ເຄື່ອນໄຫວປາຖະກະຖາເລົ່າມູນເຊື້ອໃນໂອກາດວັນປະຫວັດສາດສຳຄັນຂອງພັກ, ຂອງຊາດ, ຂອງກຳລັງ ປະກອບອາວຸດ ແລະ ສາກົນກໍຄືຂອງສະຫະພັນນັກຮົບເກົ່າແຫ່ງຊາດລາວ ຄົບຮອບ 21 ປີ ຢູ່ບັນດາກະຊວງ, ອົງການ, ທ້ອງຖິ່ນ, ສະຖາບັນການສຶກສາ ແລະ ໂຮງໝໍຕ່າງໆ: ເປັນເຈົ້າການຮ່ວມກັບບັນດາກະຊວງ, ອົງການ, ຂະແໜງການ, ອຳນາດການປົກຄອງທ້ອງຖິ່ນເຮັດໜ້າທີ່ປ້ອງກັນຊາດ-ປ້ອງກັນຄວາມສະຫງົບ, ຊຸກຍູ້ຂະບວນການແຂ່ງຂັນ 3 ດີ 6 ຮັກສາຂອງສະຫະພັນນັກຮົບເກົ່າຕິດພັນກັບການແຂ່ງຂັນ “ ຮັກຊາດ ແລະ ພັດທະນາ "ປະຕິບັດວຽກງານ 3 ສ້າງຫັນລົງຊຸກຍູ້ຮາກຖານຢ່າງເປັນຂະບວນການຟົດຟື້ນພ້ອມທັງໄດ້ຊຸກຍູ້ຂະບວນການ ແລະ ປຸກລະດົມຖັນແຖວ ຄອບຄົວນັກຮົບເກົ່າເຮັດການຜະລິດ, ແກ້ໄຂຊີວິດການເປັນຢູ່ດ້ວຍກຳລັງແຮງບົ່ມຊ້ອນຂອງຄອບຄົວແຕ່ລະທ້ອງຖິ່ນ ໃນການກຸ້ມຕົນເອງເພິ່ງຕົນເອງເພື່ອສ້າງໃຫ້ກາຍເປັນຄອບຄົວຕົວແບບ, ເຮັດໃຫ້ຊີວິດການເປັນຢູ່ ຂອງນັກຮົບເກົ່າໃຫ້ນັບມື້ນັບດີຂຶ້ນ. ໃນນັ້ນ, ມີນັກຮົບເກົ່າ 3 ດີ 6 ຮັກສາ 16 ພັນກວ່າຄົນ, ກວມ 32%, ສະຫະພັນນັກຮົບເກົ່າ 3 ດີ 6 ຮັກສາຂັ້ນບ້ານ, ຂັ້ນເມືອງ, ຂັ້ນແຂວງກໍນັບມື້ນັບເພີ່ມຂຶ້ນເລື້ອຍໆ. ໃນນັ້ນ, ໄດ້ມີການພົວພັນ, ຮ່ວມມືກັບສະມາຄົມນັກຮົບເກົ່າຕ່າງປະເທດ, ພາກພື້ນ ແລະ ສາກົນໂດຍສະເພາະແມ່ນການຮ່ວມມືຊ່ວຍເຫຼືອ ຊຶ່ງກັນ ແລະກັນແບບພິເສດຮອບດ້ານກັບສະມາຄົມນັກຮົບເກົ່າຫວຽດນາມ,ພົວພັນຮ່ວມສອງຝ່າຍກັບສະມາຄົມນັກຮົບເກົ່າຣາຊະອານາຈັກກຳປູເຈຍ, ນັກຮົບເກົ່າຈີນ ແລະ ສະມາຄົມນັກຮົບເກົ່າຕ້ານຈັກກະພັດອາເມຣິກາ, ສປປ ເກົາຫຼີ.
ໃນໂອກາດ ວັນຊາດຄົບຮອບ 48 ປີ ທ່ານພົນຈັດຕະວາ ຄຳຫອມແສງບົວລົມ ຍັງໄດ້ສະແດງຄວາມຍ້ອງຍໍຊົມເຊີຍ, ຮູ້ບຸນຄຸນ ຕໍ່ຄະນະນຳພັກ-ລັດທຸກຂັ້ນ ທີ່ໄດ້ທຸ່ມເທສະຕິປັນຍາ, ເຫື່ອແຮງທັງກາຍ ແລະ ໃຈໃນການຊີ້ນຳ-ນຳພາປະເທດຊາດໃຫ້ມີຄວາມສະຫງົບ, ມີຄວາມຜາສຸກ, ສີວິໄລ ແລະ ຂໍອວຍພອນອັນປະເສີດ ໃຫ້ຄະນະນຳພັກ-ລັດທຸກຂັ້ນ ຈົ່ງມີສຸຂະພາບເຂັ້ມແຂງ ສືບຕໍ່ຊີ້ນຳ-ນຳພາປະເທດຊາດໃຫ້ມີຄວາມຈະເລີນຮຸ່ງເຮືອງ, ພັດທະນາຂຶ້ນຢ່າງບໍ່ຢຸດຢັ້ງ.
ຊົມເຊີຍວັນຊາດ ທີ 2 ທັນວາຢ່າງສຸດໃຈ!
ຄໍາເຫັນ