ມູນຄ່າການລົງທຶນຕາມສັນຍາ 1,501 ລ້ານໂດລາ, ຢູ່ໃນຂັ້ນຕອນ ເຊັນບົດບັນທຶກຄວາມເຂົ້າໃຈ (MOU) 12 ໂຄງການ, ສັນຍາພັດທະນາໂຄງການ (PDA), 18 ໂຄງການ, ສັນຍາສໍາປະທານ (CA) 18 ໂຄງການ. ໃນນີ້, ໂຄງການລົງທຶນເອກະຊົນພາຍໃນ 21 ໂຄງການ, ມູນຄ່າການລົງທຶນ 517 ລ້ານໂດລາ, ກວມເອົາ 34.44%, ໂຄງການລົງທຶນເອກະຊົນພາຍໃນ 16 ໂຄງການ, ມູນຄ່າການລົງທຶນ 984 ລ້ານໂດລາ, ກວມເອົາ 65.56%; ໃນນັ້ນ, ເປັນການລົງທຶນຂອງ ສສ ຫວຽດນາມ 9 ໂຄງການ, ມູນຄ່າ 53 ລ້ານໂດລາ, ການລົງທຶນຂອງ ລາຊະອານາຈັກໄທ 5 ໂຄງການ, ມູນຄ່າ 930 ລ້ານໂດ ແລະ ສປ ຈີນ 2 ໂຄງການ. ການລົງທຶນໃນຂົງເຂດພະລັງງານໄຟຟ້າ ມີຈໍານວນ 15 ໂຄງການ, ກວມເອົາ 40.54%, ມີມູນຄ່າການລົງທຶນປະມານ 1,353 ລ້ານໂດລາ. ໃນນັ້ນ, ຂັ້ນສູນກາງອະນຸຍາດມີ 8 ໂຄງການ, ຂັ້ນແຂວງອະນຸຍາດມີ 7 ໂຄງການ ຢູ່ໃນຂັ້ນຕອນ MOU 6 ໂຄງການ, PDA 6 ໂຄງການ ແລະ ຂັ້ນຕອນ CA ມີ 3 ໂຄງການ; ຂົງເຂດບໍ່ແຮ່ ຈໍານວນ 9 ໂຄງການ, ກວມເອົາ 24.32%, ມີມູນຄ່າການລົງທຶນຕາມສັນຍາທັງໝົດ 106 ລ້ານໂດລາ, ຢູ່ໃນຂັ້ນຕອນ MOU 3 ໂຄງການ, ຂັ້ນຕອນ PDA 4 ໂຄງການ, ຂັ້ນຕອນ CA 2 ໂຄງການ; ຂົງເຂດກະສິກຳ-ປ່າໄມ້ ຈໍານວນ 9 ໂຄງການ, ກວມເອົາ 24,32%, ຂັ້ນຕອນ MOU 2 ໂຄງການ, PDA 5 ໂຄງການ ແລະ ຂັ້ນຕອນ CA 2 ໂຄງການ, ມີມູນຄ່າ 28 ລ້ານໂດລາສະຫະລັດ, ຂັ້ນສູນກາງອະນຸຍາດ 2 ໂຄງການ, ຂັ້ນແຂວງອະນຸຍາດ 7 ໂຄງການ; ຢູ່ໃນຂັ້ນຕອນ MOU 2 ໂຄງການ, ຂັ້ນຕອນ PDA 5 ໂຄງການ ແລະ ຂັ້ນຕອນ CA 2 ໂຄງການ; ຂົງເຂດບໍລິການ ແລະ ການທ່ອງທ່ຽວ ຈໍານວນ 4 ໂຄງການ ກວມເອົາ 10.81% (ຂັ້ນແຂວງອະນຸມັດທັງໝົດ) ຢູ່ໃນຂັ້ນຕອນ MOU 1 ໂຄງການ, PDA 3 ໂຄງການ ມູນຄ່າການລົງທຶນ 11 ລ້ານໂດລາສະຫະລັດ.
ທ່ານ ກອງດາວັນ ວົງສາ ໃຫ້ຮູ້ຕື່ມວ່າ: ສໍາລັບແຜນການຕໍ່ໜ້າ ຈະສູ້ຊົນລະດົມການລົງທຶນເອກະຊົນພາຍໃນ ແລະ ຕ່າງປະເທດ ໃຫ້ໄດ້ 80-85% ຂອງການລົງທຶນທັງໝົດ ຫຼື ປະມານ 700-800 ຕື້ກີບຕໍ່ປີ ຫຼື ປະມານ 3,500 ຕື້ກີບ; ຈະສູ້ຊົນຊຸກຍູ້ໃຫ້ບັນດາໂຄງການທີ່ຢູໃນຂັ້ນຕອນ MOU ແລະ PDA ໃຫ້ໄດ້ກ້າວເຂົ້າສູ່ຂັ້ນຕອນ CA ໃຫ້ໄດ້ຢ່າງໜ້ອຍ 13 ໂຄງການ ແລະ ສູ້ຊົນດຶງດູດການລົງທຶນ ໃໝ່ໃຫ້ໄດ້ຢ່າງໜ້ອຍ 15 ໂຄງການ.
(ແຫຼ່ງຂ່າວ: ແຂວງເຊກອງ)
ຄໍາເຫັນ