ແລະ ໄພພິບັດທາງທໍາມະຊາດ, ແຕ່ຄະນະພັກ ແລະ ອົງການປົກຄອງທຸກຂັ້ນ ໄດ້ເອົາໃຈໃສ່ສູ້ຊົນຈັດຕັ້ງປະຕິບັດບັນດາຄາດໝາຍ ແລະວຽກງານຈຸດສຸມ ຂອງແຕ່ລະຂະແໜງການໃຫ້ໄປຕາມທິດທາງ ແລະ ແຜນການທີ່ວາງໄວ້ ຊຶ່ງມີຜົນສໍາເລັດ ບາງດ້ານ.
ສະຫາຍ ສີພອນ ມິດໄມຕີ ກຳມະການປະຈຳພັກເມືອງ ຮອງເຈົ້າເມືອງ ໄດ້ລາຍງານການປະຕິບັດ ແຜນພັດທະນາເສດຖະກິດ-ສັງຄົມຂອງເມືອງວຽງຄຳ ຕໍ່ກອງປະຊຸມໃຫຍ່ ຄັ້ງທີ XIII ຂອງກອງປະຊຸມໃຫຍ່ອົງຄະນະພັກເມືອງວ່າ: ໃນ 5 ປີຜ່ານມາ ເສດຖະກິດຂອງເມືອງໄດ້ຂະຫຍາຍຕົວ ຢູ່ໃນລະດັບສະເລ່ຍ 5,10% ຕໍ່ປີ, ທຽບໃສ່ແຜນ 5 ປີ ປະຕິບັດໄດ້ 89,47%. ໃນນີ້, ກະສິກໍາ-ປ່າໄມ້ ກວມ 16.31%, ການຄ້າ ແລະ ການບໍລິການ 8.02% ຕໍ່ປີ. ລວມຍອດມູນຄ່າລາຍຮັບພາຍໃນ ປີ 2024 ສະເລ່ຍໃສ່ຫົວຄົນໄດ້ 30 ລ້ານ 8 ແສນກວ່າກີບຕໍ່ຄົນຕໍ່ປີ ທຽບໃສ່ປີ 2019 ເພີ່ມຂຶ້ນ 272 ໂດລາ, ປັດໄຈທີ່ຊຸກຍູ້ໃຫ້ເສດຖະກິດຂະຫຍາຍຕົວ ປະກອບມີ: ຊຸກຍູ້, ສົ່ງເສີມການປູກເຂົ້າແຕ່ລະປະເພດໃນເນື້ອທີ່ 7,208 ເຮັກຕາ, ຜົນຜະລິດ 11,560 ໂຕ່ນຕໍ່ປີ ທຽບໃສ່ແຜນການ 5 ປີ ປະຕິບັດ 107.88%, ປູກພືດຜັກລະດູແລ້ງ 1,229 ເຮັກຕາ, ຜົນຜະລິດ 4,208 ໂຕນກ ທຽບໃສ່ແຜນ 5 ປີ ປະຕິບັດໄດ້ 126.70%, ປູກພືດຜັກລະດູຝົນ 1,166 ເຮັກຕາ, ຜົນຜະລິດ 5,780 ໂຕນກ ທຽບໃສ່ແຜນ 5 ປີ ປະຕິບັດໄດ້ 87.03%, ປູກພືດທາດແປ້ງເນື້ອທີ່ 6,590 ເຮັກຕາ, ຜົນຜະລິດ 25,504 ໂຕນ, ທຽບໃສ່ແຜນ 5 ປີປະຕິບັດໄດ້ 639,92%, ປູກໄມ້ໃຫ້ໝາກເກືອບ 499 ເຮັກຕາ, ທຽບໃສ່ແຜນ 5 ປີປະຕິບັດໄດ້ 75,10%, ທົ່ວເມືອງມີສັດລ້ຽງທັງໝົດ 369,672 ໂຕ ທຽບໃສ່ປີ 2019 ເພີ່ມຂືື້ນ 59,570 ໂຕ, ພົ້ນເດັ່ນແມ່ນສັດລ້ຽງປະເພດ ງົວ, ຄວາຍ 35,367 ໂຕ, ທຽບໃສ່ປີ 2019 ເພີ່ມຂຶ້ນ 17,095 ໂຕ, ເນື້ອທີ່ສວນຫຍ້າລ້ຽງສັດທັງໝົດ 10,430 ເຮັກຕາ ທຽບໃສ່ ປີ 2019 ເພີ່ມຂຶ້ນຫຼາຍກວ່າ 9,204 ເຮັກຕາ, ມີ 72 ບ້ານ 2,048 ຄອບຄົວ, ສົ່ງເສີມຊາວກະສິກອນປູກພຶດກະສິກຳຊະນິດຕ່າງໆ ເພື່ອເປັນສິນຄ້າສົ່ງອອກໄດ້ຫຼາຍກວ່າ 3,782 ໂຕນ, ມູນຄ່າເກືອບ 33 ຕື້ກີບ ທຽບໃສ່ແຜນ 5 ປີ ປະຕິບັດໄດ້ 33.62%, ການລ້ຽງສັດໃຫຍ່ປະເພດງົວ-ຄວຍເປັນສິນຄ້າ, ສາມາດສົ່ງສັດອອກທັງ ໝົດ 13,906 ໂຕ, ມູນຄ່າເກືອບ 171 ຕື້ກີບ ທຽບໃສແຜນ 5 ປີປະຕິບັດໄດ້ 78.72%. ໃນໄລະຍະ 5 ປີ ຜ່ານມາມູນຄ່າຈໍລະຈອນສີນຄ້າທັງໝົດ 251 ຕື້ກວ່າກີບ, ຖ້າທຽບໃສ່ແຜນ 5 ປີ ປະຕິບັດໄດ້ 383%, ມູນຄ່າສິນຄ້າສົ່ງອອກ ມີທັງໝົດ 152 ຕື້ກວ່າກີບ, ທຽບໃສ່ແຜນ 5 ປີ ປະຕິບັດໄດ້ 232%.
ແຫຼ່ງຂ່າວ: ແຂວງຫຼວງພະບາງ)
ຄໍາເຫັນ