ສະພາບການຄຸ້ມຄອງການລົງທຶນ ຢູ່ແຂວງອັດຕະປື ນັບມື້ນັບມີປະສິດທິພາບ ແລະ ປະສິດທິຜົນດີຂື້ນ.ສະເພາະ 6 ເດືອນຕົ້ນປີ 2023ນີ້, ການລົງທຶນລວມທົ່ວສັງຄົມ (ທຶນຈາກງົບປະມານພາຍໃນ, ທຶນຊ່ວຍເຫຼືອທາງການເພື່ອການພັດທະນາ (ODA), ທຶນພາກເອກະຊົນພາຍໃນ ແລະ ຕ່າງປະເທດ, ການສະໜອງສິນເຊື່ອຂອງທະນາຄານ) ປະຕິບັດໄດ້ 2.635 ຕື້ກີບ ເທົ່າກັບ 92% ຂອງແຜນການ(ມະຕິສະພາ 2.851,83 ຕື້ກີບ), ໃນນີ້:ການລົງທຶນຂອງລັດ (PIP) ປີ 2023 (ສະພາແຫ່ງຊາດ ແລະ ສະພາປະຊາຊົນແຂວງ ຮັບຮອງ) ມີທັງໝົດ 191 ໂຄງການ,ມູນຄ່າທຶນອະນຸມັດໃນປີ 35,09 ຕື້ກີບ;ໃນ 6 ເດືອນຕົ້ນປີ ອະນຸມັດຈ່າຍເງິນລົງທຶນ 118 ໂຄງການ, ມູນຄ່າ 90,34 ຕື້ກີບ, ໃນນັ້ນ ຈ່າຍເງິນລົງທຶນຂອງລັດ (ສະພາຮັບຮອງ) 67 ໂຄງການ ຈຳນວນ 15,57 ຕື້ກີບ, ຈ່າຍເງິນຄັງສະສົມຂອງແຂວງ ຊໍາລະ 31 ໂຄງການ 17,29 ຕື້ກີບ, ຈ່າຍຊໍາລະໂຄງການໄພພິບັດ ເມືອງສະໜາມໄຊ 16 ໂຄງການ 55,95 ຕື້ກີບ. ຈ່າຍເງິນກອງທຶນພັດທະນາຊຸມຊົນ 6 ໂຄງການ 1,53 ຕື້ບກີບ,ໂຄງການດັ່ງກ່າວໄດ້ເລີ່ມປະຕິບັດ ແຕ່ປີ 2019 ເປັນຕົ້ນມາ.ທຶນຊ່ວຍເຫຼືອທາງການເພື່ອການພັດທະນາ (ODA): 45 ໂຄງການ (ຂົງເຂດເສດຖະກິດ 22 ໂຄງການຂົງເຂດວັດທະນະທຳ-ສັງຄົມ 23 ໂຄງການ) ປະຕິບັດໄດ້ 98,75 ຕື້ກີບ ເທົ່າກັບ 50% ຂອງແຜນການ (ມະຕິສະພາ 195,73 ຕື້ກີບ).
ສໍາລັບການລົງທຶນເອກະຊົນພາຍໃນ ແລະ ຕ່າງປະເທດ ໂຄງການທີ່ໄດ້ອະນຸຍາດລົງທຶນຜ່ານມາ ແຂວງສາມາດໃຊ້ຈ່າຍໃນການລົງທຶນຕົວຈິງ ມູນຄ່າ 995 ຕື້ກີບ ເທົ່າກັບ 86% ຂອງແຜນການ (ມະຕິສະພາ 1.152 ຕື້ກີບ), ຮັບຮອງແຜນນຳເຂົ້າ 3 ໂຄງການ, ມູນຄ່າ 14,52 ລ້ານໂດລາ. ພ້ອມດຽວກັນນັ້ນ ກໍໄດ້ສຳເລັດການປັບປຸງ ຂໍ້ຕົກລົງວ່າດ້ວຍການແຕ່ງຕັ້ງ ຄະນະກໍາມະການສົ່ງເສີມ ແລະ ຄຸ້ມຄອງການລົງທຶນຂັ້ນແຂວງ; ສຳເລັດການປັງປຸງຂັ້ນຕອນການອະນຸມັດການລົງທຶນ ໂດຍການຕັດຂັ້ນຕອນ ກອງປະຊຸມ ຄລທ.ສ ແລະ ຄລທ.ຂ ອອກ, ປ່ຽນເປັນກອງປະຊຸມ ເຈົ້າແຂວງ-ຮອງເຈົ້າແຂວງ ແທນ ຕາມແຈ້ງການ ສະບັບເລກທີ 91/ຫສນຍ.ການສະໜອງສິນເຊື່ອທະນາຄານ ປະຕິບັດໄດ້ 1.451 ຕື້ກີບ ເທົ່າກັບ 98% ຂອງແຜນການ (ແຜນການ 1.469 ຕື້ກີບ), ທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 81,16%.
ສໍາລັບການຜະລິດກະແສໄຟຟ້າ ມາຮອດປັດຈຸບັນ ທົ່ວແຂວງມີໂຮງງານເຂື່ອນໄຟຟ້ານໍ້າຕົກ ທີີ່ດໍາເນີນການຜະລິດແລ້ວ 8 ແຫ່ງ ທຽບໃສ່ປີຜ່ານມາ ເພີ່ມຂຶ້ນ 2 ແຫ່ງຄື: ໂຮງງານເຂື່ອນໄຟຟ້ານໍ້າກົງ 1 ແລະ ນ້ຳກົງ 3; ໃນໄລຍະ 6 ເດືອນຕົ້ນປີ ຜະລິດກະແສໄຟຟ້າ ໄດ້ 2.272 ກິກະວັດໂມງ, ຈໍາໜ່າຍກະແສໄຟຟ້າ ໄດ້ 2.177ກິກະວັດໂມງ, ຄິດມູນຄ່າ 2.745 ຕື້ກວ່າກີບ.ການລົງທຶນດ້ານກິດຈະການແຮ່ທາດ ທົ່ວແຂວງມີທັງໝົດ 59 ກິດຈະການ.ໃນນີ້: ລັດຖະບານອະນຸຍາດ 21 ກິດຈະການ, ແຂວງ ອະນຸຍາດ 24 ກິດຈະການ ແລະ ເມືອງອະນຸຍາດ 14 ກິດຈະການ ກວມເອົາເນື້ອທີ່ທັງໝົດ 1.165 ກມ2; ກິດຈະການກ່ຽວກັບແຮ່ທາດ ຢູ່ໃນໄລຍະຊອກຄົ້ນ ມີ 2 ກິດຈະການ, ສຳຫຼວດ 12 ກິດຈະການ, ຜ່ານບົດວິພາກ 2 ກິດຈະການ, ຂຸດຄົ້ນ-ປຸງແຕ່ງ 43 ກິດຈະການ, ສາມາດຜະລິດ-ປຸງແຕ່ງແຮ່ຄຳ ໄດ້ 1.019.234 ກຣາມ, ໂລຫະເງິນ 75.372 ກຣາມ, ຈຳໜ່າຍໂລຫະຄຳ 477.374 ກຣາມ (ຍອດຍົກມາ ປີ 2022 16.529 ກຣາມ), ມູນຄ່າຈຳໜ່າຍທັງໝົດ 27,33 ລ້ານໂດລາ, ສ່ວນໂລຫະເງິນ ແມ່ນບໍ່ໄດ້ຈຳໜ່າຍ ແລະ ຫີນອ່ອນປາໂກໄດ ຈຳນວນ 704.000 ໂຕນ. ຂ່າວ: ຕະວິນຍານ
ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%
ໃນຫວ່າງບໍ່ດົນມານີ້,ສູນສະຖິຕິແຫ່ງຊາດ ກະຊວງການເງີນ ໄດ້ສະຫຼຸບຕົວເລກຂາດຕົວລວມຍອດຜະລິດຕະພັນພາຍໃນ (GDP)ປີ 2025 ແລະ ທ່າອ່ຽງ ປີ 2026 ຂະນະທີ່ລາວ ຍັງພົບຄວາມຫຍຸ້ງຍາກທາງດ້ານເສດຖະກິດເປັນຕົ້ນ ສະຖຽນລະພາບທາງດ້ານການເງິນ ແລະ ເງິນຕາ, ບັນຫາການເພີ່ມຂຶ້ນຂອງລາຄາ, ອັດຕາເງິນເຟີ້ທີ່ຍັງສືບຕໍ່ເພີ່ມຂຶ້ນ ແລະ ບັນຫາໜີ້ສິນຕ່າງປະເທດ.
ຄໍາເຫັນ