 |
ສະຖິຕິອຸບັດເຫດທົ່ວປະເທດ 7 ວັນເລີ່ມແຕ່ວັນທີ 12-18 ເມສາ 2026 ມີອຸບັດເຫດເກີດຂຶ້ນທັງໝົດ 228 ລາຍ ທຽບໃສ່ປີ 2025 ຜ່ານມາຫຼຸດລົງ 85 ລາຍ ເທົ່າກັບ 27.15%. ໃນນັ້ນ, ນະຄອນຫຼວງວຽງຈັນ ມີອຸບັດເຫດເກີດຂຶ້ນ 32 ລາຍ, ແຂວງວຽງຈັນ, ສະຫວັນນະເຂດ ແຂວງລະ 31 ລາຍ, ແຂວງຈໍາປາສັກ 16 ລາຍ, ຫຼວງພະບາງ 15 ລາຍ, ອັດຕະປື 14 ລາຍ, ອຸດົມໄຊ, ບໍລິຄໍາໄຊ, ສາລະວັນ ແຂວງລະ 13 ລາຍ, ຫຼວງນໍ້າທາ 11 ລາຍ, ຄໍາມ່ວນ 8 ລາຍ, ຜົ້ງສາລີ 6 ລາຍ, ເຊກອງ 5 ລາຍ, ບໍ່ແກ້ວ, ໄຊຍະບູລີ, ຫົວພັນ 4 ລາຍ, ຊຽງຂວາງ 3 ລາຍ, ເຂດພິເສດສາມຫຼຽມຄໍາ, ທາງດ່ວນ ບ່ອນລະ 2 ລາຍ, ແຂວງໄຊສົມບູນ 1 ລາຍ; ພາຫະນະເປ່ເພ 397 ຄັນ ຫຼຸດລົງ 141 ຄັນເທົ່າກັບ 26.20%; ຄົນໄດ້ຮັບບາດເຈັບ 362 ຄົນ ຫຼຸດລົງ159 ຄົນ ເທົ່າກັບ 30.51%. ໃນນັ້ນ, ຄົນເສຍຊີວິດ23 ຄົນ ຫຼຸດລົງ 3 ຄົນ ເທົ່າກັບ 07.69%. ແຂວງທີ່ເກີດອຸບັດເຫດຫຼາຍກວ່າໝູ່ນະຄອນຫຼວງວຽງຈັນ 32 ລາຍ, ແຂວງວຽງຈັນ, ສະຫວັນນະເຂດ 31 ລາຍ, ແຂວງຈໍາປາສັກ 16 ລາຍ, ເສຍຊີວິດຫຼາຍກວ່າໝູ່ແມ່ນນະຄອນຫຼວງວຽງຈັນ 5 ຄົນ, ຈໍາປາສັກ 5 ຄົນ, ອຸດົມໄຊ, ໄຊຍະບູລີ, ຫຼວງພະບາງ ແຂວງລະ 2 ຄົນ. ສາເຫດທີ່ພາໃຫ້ເກີດອຸບັດເຫດມາຈາກຂັບຂີ່ລົດໄວ, ດື່ມສິ່ງມືນເມົາ, ປ່ຽນທິດທາງ, ບໍ່ປ່ອຍສິດ, ຊີງບໍ່ຮັບປະກັນ, ເຕັກນິກລົດ.
 |
ທ່ານ ພັອ ຄຳສອນ ສີດາວົງ ຍັງໄດ້ສະແດງຄວາມຂອບໃຈ ແລະ ຊົມເຊີຍຕໍ່ການນຳ, ອຳນາດການປົກຄອງ, ການຈັດຕັ້ງສັງຄົມທຸກຂັ້ນ, ທຸກພາກສ່ວນ, ປະຊາຊົນທຸກຄົນ ທີ່ໄດ້ມີສ່ວນຮ່ວມເປັນເຈົ້າການໃນການສຶກສາອົບຮົມແນະນຳສະມາຊິກພາຍໃນອົງການຈັດຕັ້ງ ແລະ ຄອບຄົວຂອງຕົນ ໃຫ້ມີສະຕິຕໍ່ການສັນຈອນໄປ-ມາ ແລະ ສະແດງຄວາມຊົມເຊີຍມາຍັງບັນດາກຳລັງຕຳຫຼວດຈະລາຈອນ ໃນຂອບເຂດທົ່ວປະເທດທີ່ໄດ້ເອົາໃຈໃສ່ປະຕິບັດຕາມຄຳແນະນຳຂອງກົມຕຳຫຼວດຈະລາຈອນເຫັນໄດ້ວ່າມີຄວາມສະຫງົບ, ມີຄວາມເປັນລະບຽບຮຽບຮ້ອຍ ແລະ ມີຜົນສຳເລັດບັນລຸໄດ້ຕາມຄາດໝາຍທີ່ຕັ້ງໄວ້ ຊຶ່ງສະແດງອອກຄືຜົນເສຍຫາຍຈາກການເກີດອຸບັດເຫດຈະລາຈອນທາງບົກ ໄລຍະ 7 ວັນອັນຕະລາຍແມ່ນຫຼຸດລົງ.
 |
ຂ່າວ-ພາບ: ວັນເພັງ
ຄໍາເຫັນ