ໜັງສືພິມ Kyodo News ລາຍງານວ່າ: ຜົນການສຶກສາດັ່ງກ່າວໄດ້ເນັ້ນໜັກເຖິງຄວາມສຳຄັນຂອງການປັບປຸງປະສິດທິພາບ ແລະ ເພີ່ມຜົນຜະລິດໂດຍຜ່ານການຮັບຮອງເອົາເຕັກໂນໂລຊີມາປັບໃຊ້ພາຍໃນປະມານປີ 2040 ຊຶ່ງເປັນໄລຍະທີ່ປະຊາກອນຜູ້ອາຍຸສູງຂອງຍີ່ປຸ່ນ ທີ່ມີອາຍຸ 65 ປີຂຶ້ນໄປຈະເພີ່ມຂຶ້ນສູງສຸດ, ທ່າມກາງບັນຫາການຂາດແຄນແພດ, ພະຍາບານ ແລະ ຜູ້ດູແລທີ່ຮຸນແຮງຂຶ້ນເລື້ອຍໆ.
ຜົນການສຳຫຼວດຄວາມຄິດເຫັນຜ່ານລະບົບອອນລາຍພົບວ່າ 72.4% ຂອງຜູ້ຕອບແບບສອບຖາມເຫັນດີ ຫຼື ຂ້ອນຂ້າງເຫັນດີກັບການນຳໃຊ້ AI ເພື່ອຊ່ວຍເຫຼືອແພດໃນການວິນິດໄສພະຍາດ, ໃນຂະນະທີ່ 73.7% ສະໜັບສະໜູນການນໍາໃຊ້ຫຸ່ນຍົນເພື່ອຊ່ວຍອຳນວຍຄວາມສະດວກໃນການສື່ສານລະຫວ່າງຜູ້ດູແລ ແລະ ຄົນເຈັບ.
ໃນເວລາດຽວກັນ, 74.5% ຂອງຜູ້ຕອບແບບສອບຖາມໄດ້ຊີ້ບອກວ່າພວກເຂົາຮູ້ສຶກ ຫຼື ຂ້ອນຂ້າງກັງວົນກ່ຽວກັບການຂາດແຄນພະນັກງານດ້ານການປິ່ນປົວຮັກສາ ແລະ 81.3% ສະແດງຄວາມກັງວົນທີ່ຄ້າຍຄືກັນກ່ຽວກັບການດູແລຜູ້ອາຍຸສູງ.
ທັງນີ້, ການສຳຫຼວດດັ່ງກ່າວໄດ້ດຳເນີນໃນເດືອນມັງກອນ ແລະ ກຸມພາ. ການສຳຫຼວດໄດ້ດຳເນີນໃນບັນດາປະຊາກອນທີ່ອາໄສຢູ່ໃນປະເທດຍີ່ປຸ່ນທີ່ມີອາຍຸລະຫວ່າງ 20 ຫາ 74 ປີ ແລະ ໄດ້ຮັບຄຳຕອບທີ່ຄົບຖ້ວນ 3,000 ຄຳຕອບ.
ຄໍາເຫັນ