8 ເດືອນຜ່ານມາ ການສົ່ງອອກສິນໃນນໍ້າຫວຽດນາມ ເພີ່ມຂຶ້ນເກືອບ 12%

14:21 10/09/2026

ວິທະຍຸກະຈາຍສຽງຫວຽດນາມລາຍງານໃນວັນທີ 9 ກັນຍາ ຜ່ານມາວ່າ: ກຳລັງໜູນເຕີບໂຕຂອງຂະແໜງສິນໃນນໍ້າມີການຫັນປ່ຽນຢ່າງແຮງ ລະຫວ່າງບັນດາຕະຫຼາດ, ຮົ່ງກົງ (ປະເທດຈີນ) ແລະ ພາກພື້ນອາຊຽນ ສືບຕໍ່ເພີ່ມຄວາມໄວ.

ໃນໂຄງປະກອບສິນຄ້າສົ່ງອອກ, ກຸ້ງສືບຕໍ່ແມ່ນຂະແໜງສິນຄ້າຫຼັກ ດ້ວຍວົງເງິນການຄ້າ 3.29 ຕື້ໂດລາ, ເພີ່ມຂຶ້ນ 12.3% ແລະ ກວມເອົາປະມານ 41% ຍອດວົງເງິນການຄ້າສິນໃນນໍ້າ. ສຳລັບປາຈາ ກໍເພີ່ມຂຶ້ນຢ່າງແຮງ, ບັນລຸ 1.5 ຕື້ໂດລາ, ເພີ່ມຂຶ້ນ 9%... ຮົ່ງກົງ (ປະເທດຈີນ) ແມ່ນຕະຫຼາດມີລະດັບການເຕີບໂຕຫຼາຍທີ່ສຸດໃນ 8 ເດືອນຜ່ານມາ, ບັນລຸ 2.03 ຕື້ໂດລາ, ເພີ່ມຂຶ້ນ 33.4% ກວມເອົາ 25.35% ຍອດວົງເງິນທົ່ວຂະແໜງ.

ຄາດຄະເນວ່າແຕ່ນີ້ຮອດທ້າຍປີ, ຄວາມຕ້ອງການສິນຄ້າເພື່ອຮັບໃຊ້ໄລຍະວັນບຸນ ແລະ ຮອບວຽນຈັດເຂົ້າສາງອາດຈະແມ່ນປັດໄຈສືບຕໍ່ໜູນຊ່ວຍການສົ່ງອອກ. ແຕ່ເຖິງຢ່າງໃດກໍຕາມ, ການເຕີບໂຕສິນໃນນໍ້າຈະຂຶ້ນກັບການຜັນແປນະໂຍບາຍການຄ້າ ແລະ ຄວາມສາມາດຕອບສະໜອງຄວາມຮຽກຮ້ອງຕ້ອງການດ້ານເຕັກນິກໃໝ່ຈາກບັນດາຕະຫຼາດສົ່ງອອກ.

ຄໍາເຫັນ

ຂ່າວຕ່າງປະເທດ

ເດັກນ້ອຍບຣູໄນ ຢູ່ໃນ 3 ອັນດັບຕົ້ນໆຂອງອາຊຽນ ດ້ານຄະນິດສາດ ແລະ ວິທະຍາສາດ

10/09/2026 14:37

ສຳນັກຂ່າວສານຊິນຮວາລາຍງານໃນວັນທີ 9 ກັນຍາ ຜ່ານມາວ່າ: ການສຶກສາຈາກໂຄງການປະເມີນນັກສຶກສາຕ່າງປະເທດ (PISA) ປະຈຳປີ 2025 ໄດ້ເປີດເຜີຍວ່າ, ນັກຮຽນບຣູໄນມີຜົນການປະເມີນຄວາມສາມາດດ້ານຄະນິດສາດ ແລະ ວິທະຍາສາດ ຢູ່ໃນ 3 ອັນດັບຕົ້ນໆຂອງປະເທດອາຊຽນ ແລະ ຢູ່ໃນອັນດັບສອງໃນດ້ານການອ່ານ. ໂດຍມີນັກຮຽນບຣູໄນຫຼາຍກວ່າ 5,000 ຄົນຈາກໂຮງຮຽນມັດທະຍົມຕອນປາຍ 55 ແຫ່ງໄດ້ເຂົ້າຮ່ວມໃນການປະເມີນລະຫວ່າງເດືອນເມສາ ຫາ ເດືອນພຶດສະພາ 2025.

ອາຊຽນ ປຶກສາຫາລືການສ້າງຕັ້ງກົນໄກຄັງສຳຮອງນ້ຳມັນເຊື້ອໄຟຂອງພາກພື້ນ

10/09/2026 14:26

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 9 ກັນຍາ ຜ່ານມາວ່າ: ຫວ່າງມໍ່ໆມານີ້, ກະຊວງອຸດສາຫະກຳ ແລະ ການຄ້າຟີລິບປິນເປີດເຜີຍວ່າ, ອາຊຽນພວມຄົ້ນຄວ້າສ້າງຕັ້ງກົນໄກຄັງສຳຮອງນ້ຳມັນເຊື້ອໄຟຂອງພາກພື້ນ ເພື່ອຮັບມືກັບວິກິດດ້ານການສະໜອງ ແລະ ເພີ່ມຄວາມໝັ້ນຄົງດ້ານພະລັງງານ. ການຄົ້ນຄວ້າທີ່ກ່ຽວຂ້ອງຈະມອບໃຫ້ສະຖາບັນຄົ້ນຄວ້າເສດຖະກິດອາຊຽນ ແລະ ອາຊີຕາເວັນອອກເປັນຜູ້ຮັບຜິດຊອບ ແລະ ຄາດວ່າຈະສຳເລັດໃນເດືອນພະຈິກປີນີ້.

AI - ຄລາວ ຈະຊຸກຍູ້ຄວາມຕ້ອງການໄຟຟ້າສຳລັບສູນຂໍ້ມູນໃນພາກພື້ນອາຊີປາຊີຟິກໃຫ້ເພີ່ມຂຶ້ນ

10/09/2026 14:25

ສຳນັກຂ່າວສານຊິນຮວາລາຍງານ ໃນວັນທີ 8 ກັນຍາ ຜ່ານມາວ່າ: ບໍລິສັດ JLL ຊຶ່ງເປັນບໍລິສັດຄຸ້ມຄອງຊັບສິນຊັ້ນນໍາຂອງໂລກ, ຄາດຄະເນວ່າຄວາມຕ້ອງການພະລັງງານໄຟຟ້າຂອງສູນຂໍ້ມູນໃນພາກພື້ນອາຊີປາຊີຟິກຈະບັນລຸ 57 ກິກະວັດພາຍໃນປີ 2030, ເພີ່ມຂຶ້ນເກືອບສອງເທົ່າຈາກ 32 ກິກະວັດໃນປັດຈຸບັນ. ຍ້ອນການຂະຫຍາຍຕົວຂອງລະບົບການປະມວນຜົນແບບຄລາວຂະໜາດໃຫຍ່ ແລະ ຄວາມຕ້ອງການທີ່ເພີ່ມຂຶ້ນສໍາລັບປັນຍາປະດິດ (AI) ຊຶ່ງກໍາລັງຊຸກຍູ້ການກໍ່ສ້າງສູນຂໍ້ມູນທົ່ວໂລກ.

ລັດຖະມົນຕີຕ່າງປະເທດບັງກລາເທດ ດຳຕຳແໜ່ງປະທານສະມັດຊາໃຫຍ່ອົງການສະຫະປະຊາຊາດ

10/09/2026 14:23

ວິທະຍຸ, ໂທລະພາບສູນກາງຈີນ (CMG) ລາຍງານໃນວັນທີ 9 ກັນຍາ ຜ່ານມາວ່າ: ສະມັດຊາໃຫຍ່ອົງການສະຫະປະຊາຊາດ ສະໄໝທີ 80 ໄດ້ປິດລົງໃນວັນທີ 8 ກັນຍາ ຜ່ານມາ, ທ່ານນາງ ອານນາເລນາ ບາເອີບ໋ອກ ປະທານສະມັດຊາໃຫຍ່ອົງການສະຫະປະຊາຊາດສະໄໝທີ 80 ໄດ້ກ່າວຄຳປາໄສ, ທ່ານ ຄາລີເລີ ຣາມານ ລັດຖະມົນຕີກະຊວງການຕ່າງປະເທດບັງກລາເທດໄດ້ສາບານຕົວຂຶ້ນດຳລົງຕຳແໜ່ງປະທານສະມັດຊາໃຫຍ່ອົງການສະຫະປະຊາຊາດສະໄໝຕໍ່ໄປ ແລະ ຮັບຄ້ອນຫາລືວຽກງານສະມັດຊາໃຫຍ່ຈາກທ່ານນາງ ອານນາເລນາ ບາເອີບ໋ອກ.

ຈີນ ຍັງຄົງເປັນປະເທດອັນດັບຕົ້ນໆໃນລາຍຊື່ກຸ່ມຕົວເມືອງປະດິດສ້າງໃໝ່ທົ່ວໂລກ 100 ແຫ່ງ

10/09/2026 14:22

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 8 ກັນຍາ ຜ່ານມາ ຢູ່ນະຄອນເຊີແນວ ປະເທດສະວິດ, ອົງການຊັບສິນທາງປັນຍາໂລກໄດ້ເຜີຍແຜ່ບົດລາຍງານກຸ່ມຕົວເມືອງປະດິດສ້າງໃໝ່ 100 ແຫ່ງໃນ “ຕົວຊີ້ວັດປະດິດສ້າງໃໝ່ທົ່ວໂລກປີ 2026”, ຈີນມີ 25 ກຸ່ມຖືກຈັດຢູ່ໃນບັນຊີລາຍຊື່ດັ່ງກ່າວ ແລະ ເປັນອັນດັບ 1 ຂອງໂລກເປັນເວລາ 4 ປີຕິດຕໍ່ກັນ. ໃນນັ້ນ, ກຸ່ມຕົວເມືອງ “ເຊິນເຈິ້ນ-ຮົງກົງ-ກວາງໂຈ່ວ” ໄດ້ເປັນອັນດັບ 1 ເປັນປີທີ 2 ຕິດຕໍ່ກັນ.

ແຮງຈູງໃຈກ່ຽວກັບທັດສະນະຜົນງານການບໍລິຫານຈາກຂໍ້ມູນສຳເນົາເອກະສານສະບັບໜຶ່ງ

10/09/2026 13:31

ໃນສຳເນົາເອກະສານຂອງທ່ານ ສີຈົ້ງຊວິ່ນ ອະດີດຜູ້ນຳຈີນໄດ້ມີຂໍ້ມູນກ່ຽວກັບຄຳຕີລາຄາປະເມີນຈາກການຈັດຕັ້ງພັກທີ່ມີຕໍ່ເພິ່ນ ໃນໄລຍະກອງປະຊຸມພະນັກງານຂັ້ນສູງສຳນັກງານຕາເວັນຕົກສ່ຽງເໜືອສູນກາງພັກກອມມູນິດຈີນ (1942-1943) ຊຶ່ງເນື້ອໃນບາງຕອນຂຽນວ່າ: “ຍາມປົກກະຕິ, ບ່ອນເຮັດວຽກ ເຕັມໄປດ້ວຍປະຊາຊົນທຸກມື້, ຕອນເພິ່ນຢູ່ນຳກັນກັບເຂົາເຈົ້າມັກຈະເປັນກັນເອງແບບທຳມະຊາດທີ່ສຸດ. ບາງທີເພິ່ນກຳລັງຫຍຸ້ງນຳວຽກຢູ່, ແຕ່ເພິ່ນກໍຍອມປະວຽກທີ່ກຳລັງເຮັດຢູ່ໄວ້ກ່ອນເພື່ອໂອ້ລົມກັບເຂົາເຈົ້າຢ່າງເປັນກັນເອງໂດຍບໍ່ຖືຕົວ, ບໍ່ມີທັດສະນະອາຍາສິດແມ່ນແຕ່ໜ້ອຍດຽວ.”

ຈີນ ແລະ ເນປານ ຮ່ວມຈິດຮ່ວມໃຈຕ້ານໄພພິບັດ ແລະ ພະຍາຍາມຢ່າງເຕັມທີ່ເພື່ອຊ່ວຍເຫຼືອຊີວິດ

09/09/2026 12:20

ໃນວັນທີ 26 ສິງຫາ ຜ່ານມາ, ລານນ້ຳກ້າມຢູ່ເທິງພູທາງພາກເໜືອຂອງເນປານໄດ້ພັງທະລາຍເຮັດໃຫ້ກະແສນ້ຳພັດເອົາດິນຊາຍ, ຂີ້ຕົມ ແລະ ກ້ອນຫີນໃຫຍ່ປະສົມກັນໄຫຼລົງມາ, ພາຍໃນເວລາພຽງ 7 ນາທີເທົ່ານັ້ນໄດ້ເຄື່ອນໄຫວໄລຍະຫຼາຍກວ່າ 20 ກິໂລແມັດ, ຂ້າມຊາຍແດນຜ່ານເຂົ້າໄປ, ເຮັດໃຫ້ດ່ານຊາຍແດນກີຣົງລະຫວ່າງຈີນ-ເນປານ ກາຍເປັນຊາກຫັກພັງພຽງພັບຕາ. ມາຮອດປັດຈຸບັນ, ຢູ່ເນປານໄດ້ຄົ້ນພົບຜູ້ເສຍຊີວິດຫຼາຍກວ່າ 1,000 ຄົນ ແລະ ຍັງສູນຫາຍອີກຫຼາຍພັນຄົນ. ຢູ່ຕໍ່ໜ້າໄພພິບັດຮ້າຍແຮງທີ່ເກີດຂຶ້ນ, ຊີວິດແມ່ນອ່ອນແອຫຼາຍ, ແຕ່ໃນຍາມໄພພິບັດເຊັ່ນນີ້ກໍເປັນການສະທ້ອນໃຫ້ເຫັນຈິດໃຈ ແລະ ຄວາມຮັບຜິດຊອບຂອງມະນຸດໄດ້ຢ່າງຊັດເຈນທີ່ສຸດ.

ເສັ້ນທາງທອງຄຳກ້າວໄປທາງທິດຕາເວັນອອກ ນະວັດຕະກຳດ້ານລະບົບໄດ້ຂະຫຍາຍຕົວຢ່າງແຂງແຮງ - ເຂດທົດລອງການຄ້າເສລີຄຸນໝິງ ເປັນຜູ້ນຳໜ້າໃນການເປີດກວ້າງການຮ່ວມມືຕາມແນວຊາຍແດນ

09/09/2026 09:49

ໃນວັນທີ 30 ສິງຫາ 2026, ເຂດທົດລອງການຄ້າເສລີ ຄຸນໝິງ (ຢຸນນານ) ຈີນ (ຕໍ່ໄປນີ້ຈະເອີ້ນວ່າ "ເຂດການຄ້າເສລີ ຄຸນໝິງ") ຈະຄົບຮອບ 7 ປີ ນັບຕັ້ງແຕ່ການເປີດນຳໃຊ້.

ຍອດຂາຍຍ່ອຍຂອງສິງກະໂປ ໃນເດືອນກໍລະກົດ ເພີ່ມຂຶ້ນ 1.5%

08/09/2026 17:07

ຂ່າວຕ່າງປະເທດລາຍງານວ່າ: ສຳນັກງານສະຖິຕິແຫ່ງຊາດສິງກະໂປໄດ້ເປີດເຜີຍໃນວັນທີ 7 ກັນຍາ ຜ່ານມາວ່າ, ຍອດຂາຍຍ່ອຍຂອງສິງກະໂປ ເພີ່ມຂຶ້ນ 1.5% ໃນເດືອນກໍລະກົດ ເມື່ອທຽບກັບໄລຍະດຽວກັນຂອງປີກາຍ ຊຶ່ງຊ້າລົງຈາກການເຕີບໂຕ 4% ໃນເດືອນມິຖຸນາ.

ເສດຖະກິດ ສ ເກົາຫຼີ ສືບຕໍ່ຟື້ນຕົວ

08/09/2026 17:02

ຂ່າວຕ່າງປະເທດລາຍງານໃນວັນທີ 7 ກັນຍາ ຜ່ານມາວ່າ: ເສດຖະກິດຂອງ ສ ເກົາຫຼີ ຍັງສືບຕໍ່ຟື້ນຕົວ, ໂດຍໄດ້ຮັບແຮງຂັບເຄື່ອນຈາກການສົ່ງອອກ ແລະ ການລົງທຶນທີ່ກ່ຽວຂ້ອງກັບພື້ນຖານໂຄງລ່າງປັນຍາປະດິດ (AI) ທັງພາຍໃນ ແລະ ຕ່າງປະເທດ, ເຖິງວ່າຈະມີຄວາມບໍ່ແນ່ນອນຈາກຂໍ້ຂັດແຍ່ງໃນຕາເວັນອອກກາງ.

ເພີ່ມເຕີມ