ADB ຈະສະໜັບສະໜູນ 70 ຕື້ໂດລາ ແກ່ 2 ຂໍ້ລິເລີ່ມໃໝ່ຂອງອາຊີ - ປາຊີຟິກ

11:03 06/05/2026

ຂ່າວຊີອາໄອລາຍງານວ່າ: ຫວ່າງມໍ່ໆມານີ້, ທະນາຄານພັດທະນາອາຊີ ຫຼື ADB ເປີດເຜີຍວ່າ: ເມື່ອຮອດປີ 2035, ADB ຈະໃຫ້ການສະໜັບສະໜູນ 70 ຕື້ໂດລາ ແກ່ 2 ຂໍ້ລິເລີ່ມໃໝ່ ຄື: “ຂໍ້ລິເລີ່ມຕາຂ່າຍໄຟຟ້າທົ່ວອາຊີ” ແລະ “ທາງດ່ວນດີຈີຕອນພາກພື້ນອາຊີ-ປາຊີຟິກ”.

ເຈົ້າໜ້າທີ່ ADB ກ່າວວ່າ: ການເຊື່ອມໂຍງເຊື່ອມຈອດຂ້າມຊາຍແດນຂອງຕາຂ່າຍໄຟຟ້າ ແລະ ເຄືອຂ່າຍອິນເຕີເນັດຈະຊ່ວຍຫຼຸດຕົ້ນທຶນໃຫ້ຕ່ຳລົງ ແລະ ສ້າງໂອກາດຫຼາຍກວ່າເກົ່າ ເພື່ອເຮັດໃຫ້ປະຊາຊົນຫຼາຍຮ້ອຍລ້ານຄົນໄດ້ຊົມໃຊ້ພະລັງໄຟຟ້າ ແລະ ການບໍລິການດີຈີຕອນທີ່ໄວ້ວາງໃຈໄດ້. ໃນນັ້ນ, ຂໍ້ລິເລີ່ມຕາຂ່າຍໄຟຟ້າທົ່ວອາຊີຈະຊຸກຍູ້ການເຊື່ອມໂຍງເຊື່ອມຈອດລະບົບພະລັງໄຟຟ້າລະຫວ່າງປະເທດ ແລະ ອະນຸພາກພື້ນ ເພື່ອຊຸກຍູ້ການໄຫຼວຽນຂ້າມຊາຍແດນຂອງພະລັງງານໝູນວຽນ. ຂະນະທີ່ທາງດ່ວນດີຈີຕອນອາຊີ-ປາຊີຟິກຈະຊ່ວຍໃຫ້ຫຼຸດຄວາມແຕກໂຕນກັນດ້ານພື້ນຖານໂຄງລ່າງດີຈີຕອນໃຫ້ໜ້ອຍລົງ ເພື່ອເຮັດໃຫ້ພາກພື້ນອາຊີ-ປາຊີຟິກໄດ້ຮັບຜົນປະໂຫຍດຈາກການເຕີບໂຕທີ່ຂັບເຄື່ອນໂດຍປັນຍາປະດິດ.

ຄໍາເຫັນ

ຂ່າວຕ່າງປະເທດ

IMF ເຕືອນ ເສດຖະກິດໂລກຈະປະເຊີນກັບຜົນສະທ້ອນທີ່ຮ້າຍແຮງກວ່າເກົ່າ

06/05/2026 10:57

ຂ່າວຕ່າງປະເທດລາຍງານໃນວັນທີ 5 ພຶດສະພາ ຜ່ານມາວ່າ: ທ່ານນາງ ຄຣິສຕາລີນາ ຈໍເຈຍວາ ຜູ້ອຳນວຍການກອງທຶນການເງິນສາກົນ (IMF) ໄດ້ເຕືອນວ່າ, ເສດຖະກິດໂລກອາດຈະປະເຊີນກັບ “ຜົນສະທ້ອນທີ່ຮ້າຍແຮງກວ່າເກົ່າ” ຖ້າຫາກສົງຄາມໃນຕາເວັນອອກກາງຍັງສືບຕໍ່ຈົນຮອດປີ 2027, ໂດຍລາຄານ້ຳມັນຈະເພີ່ມຂຶ້ນປະມານ 125 ໂດລາຕໍ່ບາເຣວ ແລະ ອັດຕາເງິນເຟີ້ຈະເພີ່ມຂຶ້ນຈົນເກີນເປົ້າໝາຍຢ່າງຫຼີກລ່ຽງບໍ່ໄດ້.

Moody’s ຈັດອັນດັບຄວາມໄວ້ວາງໃຈແຫ່ງຊາດຂອງ ຫວຽດນາມ ຢູ່ລະດັບ “ຕັ້ງໜ້າ”

06/05/2026 10:56

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 4 ພຶດສະພາ ຜ່ານມາ, ອົງການຈັດອັນດັບຄວາມໄວ້ວາງໃຈສາກົນ (Moody’s), ໄດ້ຍົກລະດັບ ຫວຽດນາມ ຈາກລະດັບ “ປົກກະຕິ” ຂຶ້ນເປັນ “ຕັ້ງໜ້າ”, ຢັ້ງຢືນການຈັດອັນດັບຄວາມໄວ້ວາງໃຈແຫ່ງຊາດຂອງ ຫວຽດນາມ ຢູ່ລະດັບ Ba2. Moody’s ຕີລາຄາຄຸນນະພາບລະບອບລະບຽບການ ແລະ ການຄຸ້ມຄອງຂອງ ຫວຽດນາມ ພວມໄດ້ຮັບການປັບປຸງຢ່າງຈະແຈ້ງຜ່ານການປະຕິຮູບລະບຽບການບໍລິຫານ, ກົດໝາຍ ແລະ ພາກລັດ ທີ່ເລີ່ມປະຕິບັດແຕ່ທ້າຍປີ 2024.

OPEC+ ຈະເພີ່ມການຜະລິດນ້ຳມັນໃນເດືອນມິຖຸນາ

05/05/2026 14:22

ຂ່າວຕ່າງປະເທດລາຍງານ ໃນວັນທີ 4 ພຶດສະພາ ຜ່ານມາວ່າ: ອົງການບັນດາປະເທດຜູ້ສົ່ງອອກນ້ຳມັນ ແລະ ພັນທະມິດ ຫຼື OPEC+ ໄດ້ຕົກລົງກັນໃນວັນ 3 ພຶດສະພາ ຜ່ານມາ ເພື່ອເພີ່ມການຜະລິດນໍ້າມັນດິບຂຶ້ນ 188,000 ບາເຣວຕໍ່ມື້ໃນເດືອນມິຖຸນາ ຊຶ່ງເປັນເດືອນທີສາມຕິດຕໍ່ກັນຂອງການເພີ່ມຂຶ້ນ, ເຖິງແມ່ນວ່າການສົ່ງອອກນໍ້າມັນຕົວຈິງຍັງປະເຊີນກັບຂໍ້ຈຳກັດຈາກຄວາມສ່ຽງໃນເສັ້ນທາງຊ່ອງແຄບຮໍມຸສ.

ພູເຂົາໄຟມາຢອນຂອງຟິລິບປິນ ພົ່ນເຖົ່າຖ່ານອອກມາຢ່າງຫຼວງຫຼາຍ

05/05/2026 14:20

ຂ່າວສານຊີອາໄອລາຍງານວ່າ: ຄະນະກໍາມະການບັນເທົາໄພແຫ່ງຊາດຟິລິບປິນໃຫ້ຮູ້ໃນວັນທີ 4 ພຶດສະພານີ້ວ່າ, ການເຄື່ອນໄຫວຂອງພູເຂົາໄຟມາຢອນໃນຟີລິບປິນໄດ້ຮຸນແຮງຂຶ້ນໃນວັນທີ 2 ພຶດສະພາ ຜ່ານມາ ໂດຍໄດ້ພົ່ນເຖົ່າຖ່ານພູໄຟອອກມາຢ່າງຫຼວງຫຼາຍ, ສົ່ງຜົນກະທົບຕໍ່ 87 ບ້ານ ແລະ ປະຊາຊົນຫຼາຍກວ່າ 1 ແສນຄົນທີ່ຢູ່ອ້ອມຂ້າງ. ປັດຈຸບັນມີ 5,000 ກວ່າຄົນອາໄສຢູ່ສູນຈັດສັນຊົ່ວຄາວ.

ກໍາປູເຈຍ ເປີດລະດູການທ່ອງທ່ຽວສີຂຽວ ເພື່ອດຶງດູດນັກທ່ອງທ່ຽວຕ່າງປະເທດ

05/05/2026 14:19

ຂ່າວສານຊີອາໄອລາຍງານ ໃນວັນທີ 4 ພຶດສະພາ ຜ່ານມາວ່າ: ກະຊວງການທ່ອງທ່ຽວກໍາປູເຈຍ ໄດ້ຈັດພິທີເປີດ “ລະດູການທ່ອງທ່ຽວສີຂຽວ” ປີ 2026 ຢູ່ນະຄອນຫຼວງພະນົມເປັນ ຂຶ້ນຫວ່າງມໍ່ໆມານີ້, ເພື່ອດຶງດູດນັກທ່ອງທ່ຽວຕ່າງປະເທດເຂົ້າມາທ່ອງທ່ຽວໃນລະດູຝົນ ຫຼື ນອກລະດູການທ່ອງທ່ຽວ.

ອາຊຽນ+3 ສະແດງຄວາມກັງວົນກ່ຽວກັບການໜອງນໍ້າມັນຈາກຕາເວັນອອກກາງ

05/05/2026 14:15

ຂ່າວຕ່າງປະເທດລາຍງານ ໃນວັນທີ 4 ພຶດສະພາ ຜ່ານມາວ່າ: ລັດຖະມົນຕີກະຊວງການເງິນ ແລະ ຜູ້ວ່າການທະນາຄານກາງຂອງບັນດາປະເທດອາຊຽນ ພ້ອມກັບຍີ່ປຸ່ນ, ຈີນ ແລະ ສ ເກົາຫຼີ ໄດ້ສະແດງຄວາມກັງວົນກ່ຽວກັບສະຖານະການການສະໜອງນ້ຳມັນດິບຈາກຕາເວັນອອກກາງ ທ່າມກາງຄວາມຂັດແຍ້ງທີ່ເພີ່ມຂຶ້ນ. ພ້ອມທັງຕົກລົງທີ່ຈະຍົກລະດັບການຮ່ວມມືເພື່ອແກ້ໄຂຄວາມສ່ຽງຮ່ວມກັນ.

ໃນເດືອນເມສາ ຫວຽດນາມ ຕ້ອນຮັບນັກທ່ອງທ່ຽວສາກົນ 2 ລ້ານກວ່າຄົນ

05/05/2026 14:14

ວິທະຍຸກະຈາຍສຽງຫວຽດນາມລາຍງານ ໃນວັນທີ 4 ພຶດສະພາ ຜ່ານມາວ່າ: ຕາມກົມທ່ອງທ່ຽວແຫ່ງຊາດ ຫວຽດນາມລາຍງານ, ໃນເດືອນເມສາ 2026 ຫວຽດນາມ ຕ້ອນຮັບນັກທ່ອງທ່ຽວສາກົນ 2.03 ລ້ານເທື່ອຄົນ ແລະ ໄດ້ຍົກຍອດຈຳນວນນັກທ່ອງທ່ຽວສາກົນໃນ 4 ເດືອນຕົ້ນປີ 2026 ບັນລຸລະດັບ 8.8 ລ້ານເທື່ອຄົນ, ເພີ່ມຂຶ້ນ 14.6% ເມື່ອທຽບໃສ່ໄລຍະດຽວກັນຂອງປີກາຍ ແລະ ປະຕິບັດສຳເລັດ 35% ເປົ້າໝາຍຕ້ອນຮັບນັກທ່ອງທ່ຽວ 25 ລ້ານເທື່ອຄົນໃນປີ 2026.

ພູມຕ້ານທານຂອງແມ່ຊ່ວຍພັດທະນາພູມຕ້ານທານທາງປາກຂອງລູກ

04/05/2026 12:43

ຂ່າວຕ່າງປະເທດລາຍງານໃນທ້າຍເດືອນເມສາຜ່ານມາວ່າ: ຜົນການສຶກສາຈາກມະຫາວິທະຍາໄລ Hebrew ຂອງເຢຣູຊາເລັມ ປະເທດອິສຣາແອນ ທີ່ພິມໃນວາລະສານ Nature Communications ພົບວ່າ, ແມ່ບໍ່ພຽງແຕ່ຖ່າຍທອດການປົກປ້ອງຊົ່ວຄາວໃຫ້ກັບລູກນ້ອຍຂອງຕົນເທົ່ານັ້ນ, ແຕ່ຍັງມີບົດບາດກຳນົດການພັດທະນາລະບົບພູມຕ້ານທານຂອງລູກໃນອີກຫຼາຍປີຂ້າງໜ້າ.

ຈີນ ອອກພັນທະບັດໄລຍະຍາວພິເສດຊຸດທີ 2 ໃນປີນີ້ ມູນຄ່າ 91,5 ຕື້ຢວນ

04/05/2026 12:41

ຂ່າວຊີອາໄອລາຍງານໃນວັນທີ 3 ພຶດສະພາ ຜ່ານມາວ່າ: ແຫຼ່ງຂ່າວຈາກຄະນະກຳມະການພັດທະນາ ແລະ ປະຕິຮູບແຫ່ງຊາດຈີນ ໃຫ້ຮູ້ວ່າ: ຫວ່າງມໍ່ໆມານີ້, ຈີນໄດ້ອອກບັນຊີລາຍຊື່ ແລະ ງົບປະມານສໍາລັບພັນທະບັດໄລຍະຍາວພິເສດຊຸດທີ 2 ໃນປີນີ້ ມູນຄ່າ 91.5 ຕື້ຢວນ ເພື່ອສະໜັບສະໜູນການປ່ຽນຖ່າຍເຄື່ອງອຸປະກອນ ແລະ ການທົດແທນຄືນເຄື່ອງອຸປະໂພກ-ບໍລິໂພກ.

ລັດຖະບານມາເລເຊຍ ຫຼຸດຄ່າໃຊ້ຈ່າຍທີ່ບໍ່ຈຳເປັນ

04/05/2026 12:40

ຂ່າວຕ່າງປະເທດລາຍງານ ຫວ່າງມໍ່ໆມານີ້ວ່າ: ກະຊວງການເງິນມາເລເຊຍໄດ້ເປີດເຜີຍວ່າ,ລັດຖະບານມາເລເຊຍກຳລັງເພີ່ມທະວີມາດຕະການຢ່າງຕັ້ງໜ້າເພື່ອຄວບຄຸມການໃຊ້ຈ່າຍທີ່ບໍ່ຈຳເປັນ ແລະເພື່ອຮັກສາສະຖຽນລະພາບທາງເສດຖະກິດທ່າມກາງຄວາມຜັນຜວນຂອງໂລກທີ່ເພີ່ມຂຶ້ນ.

ເພີ່ມເຕີມ