 |
ແຫຼ່ງທ່ອງທ່ຽວ ບຶງໜອງເທົາ ແລະ ຖໍ້າປາເຊືອມ ເປັນແຫຼ່ງທ່ອງທ່ຽວທີ່ອຸດົມສົມບູນໄປດ້ວຍທຳມະຊາດ ທີ່ສວຍສົດງົດງາມ ຊຶ່ງຕັ້ງຢູ່ບ້ານນາຂ້າງຊ້າງ ເມືອງທ່າແຂກ ແຂວງຄຳມ່ວນ ຢູ່ຫ່າງອອກໄປທາງທິດຕາເວັນອອກ ຈາກຕົວເມືອງທ່າແຂກປະມານ 17 ກິໂລແມັດ, ໂດຍແມ່ນບໍລິສັດ ເພັດມະນີ ເຄພີຊີ ຈຳກັດຜູ້ດຽວ ເປັນຜູ້ສໍາປະທານ ແລະ ພັດພັດທະນາ, ມີເນື້ອທີ່ເຂດພັດທະນາ 9.89 ເຮັກຕາ ແລະ ເນື້ອທີ່ເຂດອະນຸລັກ 404 ເຮັກຕາ. ໃນນັ້ນ, ປະກອບມີການປຸກສ້າງສະຖານທີ່ຮອງຮັບ ແລະ ສູນບໍລິການ, ສູນຂໍ້ມູນດ້ານການທ່ອງທ່ຽວ, ຕິດຕັ້ງອຸປະກອນ, ສິ່ງອໍານວຍຄວາມສະດວກໃນການທ່ອງທ່ຽວ, ກິດຈະກຳຂີ່ເຮືອ, ຍ່າງປ່າ, ຍ່າງຂົວທ່ຽວຊົມພາຍໃນຖໍ້າ ທີ່ມີຫີນງອກ ຫີນຍ້ອຍ ມີຄວາມສວຍງາມຢ່າງໜ້າຕື່ນຕາຕື່ນໃຈ ແລະ ມີກິດຈະກໍາອື່ນໆອີກຫຼາກຫຼາຍ.
 |
ມູນຄ່າການລົງທຶນທັງໝົດ 3 ລ້ານໂດລາສະຫະລັດ ໂດຍແມ່ນການລົງທຶນຂອງນັກລົງທຶນພາຍໃນ 100% ແລະ ມີໄລຍະການສໍາປະທານ 50 ປີ. ຊຶ່ງໄດ້ເປີດໃຫ້ນັກທ່ອງທ່ຽວໄດ້ເຂົ້າທ່ຽວຊົມ ນັບແຕ່ເດືອນ ພຶດສະພາ 2025 ເປັນຕົ້ນມາ ຊຶ່ງໄດ້ຮັບການຕອບຮັບຈາກນັກທ່ອງທ່ຽວ ທັງພາຍໃນ ແລະ ຕ່າງປະເທດ ໄດ້ເປັນຢ່າງດີ ໂດຍສະເລ່ຍໃນວັນປົກກະຕິ ຈະມີນັກທ່ອງທ່ຽວປະມານ 100 ກວ່າຄົນ ແລະ ໃນວັນພັກຜ່ອນ ເສົາ-ອາທິດ ສະເລ່ຍມີປະມານ 300 - 500 ຄົນ.
 |
(ຂ່າວ-ພາບ: ກອງຄໍາ)
ຄໍາເຫັນ