AI ໄດ້ຄະແນນສູງທີ່ສຸດ ໃນສອບເສັງເຂົ້າມະຫາວິທະຍາໄລຂອງຍີ່ປຸ່ນ

11:17 23/01/2026

ຂ່າວຕ່າງປະເທດລາຍງານ ໃນວັນທີ 21 ມັງກອນ ຜ່ານມາວ່າ: ສຳນັກຂ່າວ Nikkei ຂອງຍີ່ປຸ່ນລາຍງານວ່າ, Model ປັນຍາປະດິດ (AI) ສ້າງຜົນງານໄດ້ຢ່າງໜ້າປະທັບໃຈໃນການສອບເສັງເຂົ້າມະຫາວິທະຍາໄລຂອງຍີ່ປຸ່ນ ປະຈຳປີ 2026. ໂດຍ Chat GPT 5.2 Thinkingຂອງ OpenAI ໄດ້ອັນດັບໜຶ່ງ ດ້ວຍຄະແນນເຕັມໃນ 9 ວິຊາ.

ການທົດສອບດັ່ງກ່າວ, ຈັດຂຶ້ນຮ່ວມກັນລະຫວ່າງ Nikkei ແລະ ບໍລິສັດ LifePrompt startup AI ຂອງຍີ່ປຸ່ນ, ໂດຍນໍາ Model ລ້າສຸດຈາກບໍລິສັດ AI ຂະໜາດໃຫຍ່ເຊັ່ນ: OpenAI ແລະ Google ມາສອບເສັງໃນ 15 ວິຊາຫຼັກຂອງການສອບເສັງເຂົ້າມະຫາວິທະຍາໄລທີ່ຈັດຂຶ້ນໃນວັນທີ 17-18 ມັງກອນ ຜ່ານມາ ຊຶ່ງ Chat GPT 5.2 Thinkingຂອງ OpenAI ເຮັດຄະແນນສະເລ່ຍໃນທຸກວິຊາສູງເຖິງ 96.9 ຈາກ 100 ໃນ 15 ວິຊາ ແລະ ມີຄະແນນເຕັມໃນ 9 ວິຊາ. ຂະນະທີ່ Gemini 3.0 Pro ຂອງ Google ໄດ້ຄະແນນ 91.4.

ການສອບເສັງເຂົ້າມະຫາວິທະຍາໄລຂອງຍີ່ປຸ່ນກວມເອົາ 21 ວິຊາໃນ 7 ສາຂາວິຊາ. ໂດຍຄະແນນສະເລ່ຍສຳລັບຜູ້ເຂົ້າສອບເສັງໃນ 15 ວິຊາທີ່ນິຍົມທີ່ສຸດໃນປີ 2026 ຄາດວ່າຈະຢູ່ທີ່ປະມານ 58.1 ຄະແນນ.

ກ່ອນໜ້ານີ້, Model ລຸ້ນກ່ອນຂອງ OpenAI ເຄີຍເຂົ້າທົດສອບການສອບເສັງດັ່ງກ່າວແລ້ວ, ໂດຍມີຄະແນນສະເລ່ຍເພີ່ມຂຶ້ນຈາກ 66 ໃນປີ 2024 ເປັນ 91 ໃນປີ 2025, ສະທ້ອນໃຫ້ເຫັນເຖິງຄວາມກ້າວໜ້າຢ່າງໄວວາຂອງປະສິດທິພາບປັນຍາປະດິດ.

ທັງນີ້, ການວິເຄາະຍັງຊີ້ໃຫ້ເຫັນວ່າ Model AI ລຸ້ນລ້າສຸດມີປະສິດທິພາບດີເປັນພິເສດໃນວິຊາຄະນິດສາດ, ຟີຊິກສາດ, ເຄມີສາດ ແລະ ຊີວະສາດ, ແຕ່ໄດ້ຄະແນນຕ່ຳໃນວິຊາພາສາຍີ່ປຸ່ນ ແລະ ພູມສາດ.

ເຖິງແມ່ນວ່າ AI ຈະສາມາດຕີຄວາມຮູບຮ່າງເລຂາຄະນິດໃນຄຳຖາມສອບເສັງຄະນິດສາດໄດ້ຢ່າງຖືກຕ້ອງ, ແຕ່ຍັງເຮັດຜິດພາດໃນຄຳຖາມທີ່ກ່ຽວຂ້ອງກັບແຜນທີ່ໂລກ ຊຶ່ງສະທ້ອນໃຫ້ເຫັນວ່າ AI ຍັງມີຂໍ້ຈຳກັດໃນການຈົດຈຳ ແລະ ແລະ ຕີຄວາມຂໍ້ມູນພາບທີ່ມີລັກສະນະບໍ່ສະໝໍ່າສະເໝີ ແລະ ສັບສົນ.

ຄໍາເຫັນ

ຂ່າວຕ່າງປະເທດ

ໜັງສືພິມເຢີນເຢີນ ກັບພາລະກິດແຫ່ງການປ່ຽນແປງໃໝ່

11/03/2026 11:54

ການກໍາເນີດເກີດຂຶ້ນຂອງໜັງສືພິມ ເຢີນເຢີນ ສະບັບທໍາອິດ ຢູ່ເຂດທີ່ໝັ້ນຫວຽດບັກ ວັນທີ 11 ມີນາ 1951, ແມ່ນກະບອກສຽງຂອງພັກແຮງງານຫວຽດນາມ (ປັດຈຸບັນແມ່ນ ພັກກອມມູນິດຫວຽດນາມ), ປ່ຽນແທນໜັງສືພິມ ສຶເຖິດ, ແນໃສ່ຕອບສະໜອງຄວາມຮຽກຮ້ອງຕ້ອງການວຽກງານໂຄສະນາໄລຍະໃໝ່ ແຫ່ງການຕໍ່ສູ້ຕ້ານພວກລ່າເມືອງຂຶ້ນຝຣັ່ງ.

ຈີນ ທີ່ໝັ້ນຄົງຈະເປັນພອນໃຫ້ແກ່ໂລກ

10/03/2026 15:00

ຂ່າວສານຊີອາໄອລາຍງານວ່າ: ໃນວັນທີ 8 ມີນາ ຜ່ານມານີ້, ກອງປະຊຸມຖະແຫຼງຂ່າວຂອງລັດຖະມົນຕີກະຊວງການຕ່າງປະເທດຈີນ ທີ່ຈັດຂຶ້ນໃນໄລຍະຈັດກອງປະຊຸມປະຈຳປີຂອງກອງປະຊຸມສະພາປະຊາຊົນແຫ່ງຊາດຈີນ ໄດ້ດຶງດູດສາຍຕາຂອງຊາວໂລກ. ທ່ານ ຫວາງຢີ້ ກຳມະການກົມການເມືອງສູນກາງພັກກອມມູນິດຈີນ ລັດຖະມົນຕີກະຊວງການຕ່າງປະເທດຈີນ ໄດ້ບັນຍາຍນະໂຍບາຍການຕ່າງປະເທດຂອງຈີນເປັນເວລາ 90 ນາທີກ່ຽວກັບຄຳຖາມ 21 ຂໍ້. ທ່ານ ຫວາງຢີ້ ກ່າວວ່າ: “ຈີນ ໄດ້ເພີ່ມຄວາມໝັ້ນທ່ຽງແລະ ຄວາມແນ່ນອນທີ່ລ້ຳຄ່າທີ່ສຸດໃຫ້ແກ່ໂລກ ແລະ ກາຍເປັນເສົາຄ້ຳຫຼັກທີ່ທົດແທນບໍ່ໄດ້ໃນທ່າມກາງສະພາບການປັ່ນປ່ວນຂອງທົ່ວໂລກ.”

ການຜະລິດນໍ້າມັນຂອງອີຣັກ ຫຼຸດລົງ 70%

10/03/2026 12:32

ຂ່າວຕ່າງປະເທດລາຍງານໃນວັນທີ 9 ມີນາ ຜ່ານມາວ່າ: ການຜະລິດນ້ຳມັນຂອງອີຣັກຈາກບໍ່ນ້ຳມັນຫຼັກທາງພາກໃຕ້ໄດ້ຫຼຸດລົງເຖິງ 70% ຈາກປະມານ 4.3 ລ້ານບາເຣວຕໍ່ມື້ ມາເປັນພຽງ 1.3 ລ້ານບາເຣວຕໍ່ມື້ ຍ້ອນວ່າການຕໍ່ສູ້ຢ່າງຕໍ່ເນື່ອງໃນພາກພື້ນເຮັດໃຫ້ອີຣັກບໍ່ສາມາດສົ່ງອອກນ້ຳມັນຜ່ານຊ່ອງແຄບຮໍມຸສໄດ້.

ວິກິດການໃນຕາເວັນອອກກາງກຳລັງເຮັດໃຫ້ຄ່າຂົນສົ່ງໃນນູແວນເຊລັງສູງຂຶ້ນ

10/03/2026 12:30

ຂ່າວຕ່າງປະເທດລາຍງານໃນວັນທີ 9 ມີນາ ຜ່ານມາວ່າ: ບໍລິສັດ Rocket Freight ຊຶ່ງເປັນບໍລິສັດຂົນສົ່ງສິນຄ້າທີ່ຕັ້ງຢູ່ເມືອງໂອກແລນ ປະເທດນູແວນເຊລັງ ໄດ້ເຕືອນວ່າ: ຊາວນູແວນເຊລັງອາດຈະປະເຊີນກັບຄ່າໃຊ້ຈ່າຍໃນການຂົນສົ່ງທີ່ສູງຂຶ້ນຢ່າງຫຼວງຫຼາຍ ແລະ ການຈັດສົ່ງສິນຄ້າທີ່ຊັກຊ້າເປັນເວລາຫຼາຍເດືອນ ເນື່ອງຈາກຂໍ້ຂັດແຍ່ງໃນຕາເວັນອອກກາງສົ່ງຜົນກະທົບຕໍ່ລະບົບຕ່ອງໂສ້ການສະໜອງທົ່ວໂລກ.

ກຳປູເຈຍ ຈະກຳຈັດອາຊະຍາກຳການຫຼອກລວງທາງໂທລະຄົມຢ່າງເດັດຂາດ

10/03/2026 11:44

ຂ່າວສານຊີອາໄອລາຍງານ ຫວ່າງມໍ່ໆມານີ້ວ່າ: ທ່ານ ຮຸນມາແນດ ນາຍົກລັດຖະມົນຕີກຳປູເຈຍກ່າວວ່າ, ລັດຖະບານກຳປູເຈຍຈະໃຊ້ມາດຕະການທີ່ເດັດຂາດທີ່ສຸດ ເພື່ອກຳຈັດອາຊະຍາກຳການຫຼອກລວງທາງໂທລະຄົມຢ່າງເດັດຂາດ ແລະ ຕັດຂາດຢ່າງສິ້ນເຊີງກັບການຫຼອກລວງທາງໂທລະຄົມ.

ເປັນຄັ້ງທຳອິດທີ່ລາຄານ້ຳມັນຂຶ້ນເກີນ 100 ໂດລາ/ຖັງ

10/03/2026 11:43

ວິທະຍຸກະຈາຍສຽງຫວຽດນາມລາຍງານໃນວັນທີ 9 ມີນາ ຜ່ານມາວ່າ: ລາຄານ້ຳມັນຂອງໂລກເພີ່ມຂຶ້ນຢ່າງແຮງ ແລະ ເກີນ 100 ໂດລາ/ຖັງ ເມື່ອຕະຫຼາດເປີດປະຕູການແລກປ່ຽນການຄ້າໃນວັນທີ 8 ມີນາ ຜ່ານມາ, ໃນສະພາບທີ່ບັນດານັກລົງທຶນມີຄວາມວິຕົກກັງວົນວ່າ ແຫຼ່ງສະໜອງພະລັງງານທົ່ວໂລກຖືກຂາດວັກຂາດຕອນ ຍ້ອນສະພາບຄວາມເຄັ່ງຕຶງຢູ່ຕາເວັນອອກກາງເພີ່ມຂຶ້ນ. ນີ້ເປັນຄັ້ງທຳອິດທີ່ລາຄານ້ຳມັນລືນລະດັບນັບແຕ່ເມື່ອເກີດການປະທະກັນລະຫວ່າງ ຣັດເຊຍ - ອູແກຣນ ໃນເດືອນກຸມພາ 2022. ລາຄານ້ຳມັນເຊື້ອໄຟ ແລະ ນ້ຳມັນດິບ (WTI) ເພີ່ມຂຶ້ນເຖິງ 20%, ຂຶ້ນເປັນ 109.17 ໂດລາ/ຖັງ ເປັນໂຕເລກສູງສຸດນັບແຕ່ເດືອນກຸມພາ 2022. ໃນຂະນະນັ້ນ, ລາຄານໍ້າມັນ Brent ເພີ່ມຂຶ້ນປະມານ 19%, ຂຶ້ນເປັນ 110.35 ໂດລາ/ຖັງ.

ອິນໂດເນເຊຍ ຈະເລັ່ງມາດຕະການປະສົມເອທານອນຊີວະພາບ ໃນນໍ້າມັນເຊື້ອໄຟ

10/03/2026 11:42

ຂ່າວຕ່າງປະເທດລາຍງານ ໃນວັນທີ 9 ມີນາ ຜ່ານມາວ່າ: ທ່ານ ບາລິລ ລາຮາດາເລຍ ລັດຖະມົນຕີກະຊວງພະລັງງານ ແລະ ຊັບພະຍາກອນແຮ່ທາດຂອງອິນໂດເນເຊຍ ໄດ້ເປີດເຜີຍວ່າ, ອິນໂດເນເຊຍຈະເລັ່ງການຈັດຕັ້ງປະຕິບັດມາດຕະການປະສົມເອທານອນຊີວະພາບ ຫຼື ໄບໂອເອທານອນ (bioethanol) ໃນນໍ້າມັນເຊື້ອໄຟ. ໂດຍນ້ຳມັນແອັດຊັງຕ້ອງມີເອທານອນ 20% ຫຼື E20 ເພື່ອຫຼຸດຜ່ອນການເພິ່ງພາການນຳເຂົ້າ ແລະ ຄ່າໃຊ້ຈ່າຍເຊື້ອໄຟ.

ຈີນ ຈະສ້າງກົດໝາຍວ່າດ້ວຍການຕ້ານການສໍ້ລາດບັງຫຼວງຂ້າມຊາຍແດນ

10/03/2026 11:41

ຂ່າວສານຊີອາໄອລາຍງານວ່າ: ໃນວັນທີ 9 ມີນາ ຜ່ານມາ, ກອງປະຊຸມຄົບຄະນະເທື່ອທີ 2 ຂອງກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນຊຸດທີ 14 ໄດ້ຈັດຂຶ້ນຢູ່ຫໍສະພາປະຊາຊົນແຫ່ງຊາດ ທີ່ນະຄອນຫຼວງປັກກິ່ງ.

ອົງການພະລັງງານສາກົນລະບຸ ການສະໜອງຂອງຕະຫຼາດນ້ຳມັນເຊື້ອໄຟໂລກພຽງພໍ

09/03/2026 14:54

ຂ່າວສານຊີອາໄອລາຍງານວ່າ: ຫວ່າງມໍ່ໆມານີ້, ທ່ານຟາຕິກ ບີໂຣນ ຫົວໜ້າອົງການພະລັງງານສາກົນໄດ້ເຂົ້າຮ່ວມກອງປະຊຸມສະຫະພາບເອີຣົບກ່ຽວກັບສະຖານະການຕະຫຼາດພະລັງງານໂລກຢູ່ນະຄອນຫຼວງບຣຸກແຊນ ປະເທດແບນຊິກ. ທ່ານໄດ້ກ່າວໃນເວລາໃຫ້ສຳພາດຕໍ່ນັກຂ່າວກ່ຽວກັບບັນຫາທີ່ອາເມຣິກາແລະອິສຣາແອນຫຼອນໂຈມຕີອີຣານເຮັດໃຫ້ສະຖານະການເຄັ່ງຕຶງຂຶ້ນຢ່າງຕໍ່ເນື່ອງແລະລາຄານ້ຳມັນເຊື້ອໄຟເພີ່ມຂຶ້ນວ່າ: ສົງຄາມລະຫວ່າງອາເມຣິກາ, ອິສຣາແອນແລະອີຣານໄດ້ເຮັດໃຫ້ການຈໍລະຈອນສິນຄ້າຢຸດສະງັກ ແລະໄດ້ນຳເອົາສິ່ງທ້າທາຍມາໃຫ້ແກ່ຫຼາຍປະເທດ, ແຕ່ວ່າການສະໜອງຂອງຕະຫຼາດນ້ຳມັນເຊື້ອໄຟໂລກຍັງ “ພຽງພໍຄືເກົ່າ”.

ອິນໂດເນເຊຍ ຈະຈຳກັດການໃຊ້ສື່ສັງຄົມອອນລາຍສຳລັບຜູ້ທີ່ມີອາຍຸຕໍ່າກວ່າ 16 ປີ

09/03/2026 14:52

ຂ່າວຕ່າງປະເທດລາຍງານຫວ່າງມໍ່ໆມານີ້ວ່າ:ທ່ານ ເມອຸດຍາ ຮາຟິດ ລັດຖະມົນຕີກະຊວງການສື່ສານ ແລະ ວຽກງານດີຈີຕອນຂອງອິນໂດເນເຊຍ ໄດ້ເປີດເຜີຍວ່າ, ອິນໂດເນເຊຍຈະເລີ່ມບັງຄັບໃຊ້ກົດລະບຽບດ້ານຄວາມປອດໄພທາງອອນລາຍສະບັບໃໝ່ສຳລັບຜູ້ໃຊ້ທີ່ມີອາຍຸຕ່ຳກວ່າ 16 ປີ ໃນແພັດຟອມສື່ສັງຄົມອອນລາຍ ຊຶ່ງກົດລະບຽບເຫຼົ່ານີ້ຈະຈຳກັດການເຂົ້າເຖິງສື່ສັງຄົມອອນລາຍຫຼາຍແພັດຟອມສຳລັບຜູ້ໃຊ້ທີ່ມີອາຍຸຕ່ຳກວ່າ 16 ປີ, ຂະບວນການດັ່ງກ່າວຈະຖືກດຳເນີນເປັນໄລຍະໆ ນັບແຕ່ວັນທີ 28 ມີນາ ເປັນຕົ້ນໄປ.

ເພີ່ມເຕີມ