 |
ໃນການພົບປະຄັ້ງນີ້, ຄະນະນໍາອົງການໄອຍະການປະຊາຊົນແຕ່ລະແຂວງ ໄດ້ລາຍງານຜົນການຈັດຕັ້ງປະຕິບັດວຽກງານ; ການນໍາພາ-ຊີ້ນໍາໃນໄລຍະຜ່ານມາ ຊຶ່ງອົງການໄອຍະການປະຊາຊົນແຕ່ລະແຂວງ ໄດ້ເອົາໃຈໃສ່ຮັດແໜ້ນຄວາມສາມັກຄີສາຍພົວພັນຮ່ວມມືຕາມແນວທາງນະໂຍບາຍຂອງພັກ- ລັດ ກໍຄື ສອງຊາດ ລາວ-ຫວຽດນາມ ວາງອອກ ໂດຍໄດ້ປະສານສົມທົບກັນຈັດຕັ້ງປະຕິບັດໃນການແກ້ໄຂຄະດີທີ່ເກີດຂຶ້ນຕາມຂອບເຂດຊາຍແດນຕິດຈອດ ລະຫວ່າງ ແຂວງ ແລະ ເມືອງ, ມີການໂຄສະນາເຜີຍແຜ່ກົດໝາຍໃຫ້ປະຊາຊົນໄດ້ຮັບຮູ້, ເຂົ້າໃຈຢ່າງທົ່ວເຖິງ, ຕິດຕາມຊຸກຍູ້ຊ່ວຍເຫຼືອເຊິ່ງກັນ ແລະ ກັນທາງດ້ານທຶນຮອນ ແລະ ວັດຖຸອຸປະກອນຕ່າງໆເພື່ອຮັບໃຊ້ເຂົ້າໃນວຽກງານມີປະສິດທິພາບສູງຂຶ້ນ.
 |
ພາຍຫຼັງການລາຍງານສະພາບການປະຕິບັດໜ້າທີ່ວຽກງານໃຫ້ກັນຮັບຊາບແລ້ວ, ກໍໄດ້ມີການຫາລື ເພື່ອຮ່ວມມືນໍາກັນໃນຕໍ່ໜ້າ ໂດຍຈະສືບຕໍ່ຈັດຕັ້ງປະຕິບັດ ແກ້ໄຂຮ່ວມກັນ ບັນດາຂໍ້ຫຍຸ້ງຍາກ ແລະ ຂໍ້ຄົງຄ້າງໃນໄລຍະຜ່ານມາ, ສືບຕໍ່ຊຸກຍູ້ການພົວພັນຮ່ວມມືມິດຕະພາບພິເສດຢ່າງຮອບດ້ານ ຕາມຄວາມອາດສາມາດຂອງແຕ່ລະຝ່າຍ, ສືບຕໍ່ຍົກລະດັບຄວາມຮູ້ກ່ຽວກັບວຽກງານໄອຍະການ, ເພີ່ມທະວີໂຄສະນາ, ເຜີຍແຜ່ກົດໝາຍໃຫ້ປະຊາຊົນທີ່ຢູ່ບໍລິເວນຊາຍແດນໃຫ້ຮັບຮູ້ເຂົ້າໃຈເລິກເຊິ່ງ, ເພີ່ມທະວີຂອດການປະສານສົມທົບວຽກງານອຳນາດຕຸລາການຢ່າງແໜ້ນແຟ້ນ, ສືບຕໍ່ກຳນົດຄວາມຈຳເປັນກົນໄກການພົບປະແລກປ່ຽນກັນເປັນປົກກະຕິ, ເຄື່ອນໄຫວຢ້ຽມຢາມ ແລະ ຈັດກອງປະຊຸມຮອບວຽນ 2 ປີຕໍ່ຄັ້ງໂດຍຜັດປ່ຽນກັນເປັນເຈົ້າພາບ. ທັງນີ້, ກໍເພື່ອເຮັດໃຫ້ວຽກງານອົງການໄອຍະການປະຊາຊົນແຂວງເຊກອງ, ແຂວງກວາງນາມ, ແຂວງກອນຕູມ ແລະ ນະຄອນເທື່ອທຽນເຫວ້ ໄດ້ຮັບການພັດທະນາດີຂຶ້ນ; ຈາກນັ້ນ ກໍໄດ້ລົງນາມຮ່ວມມື ເພື້ອພ້ອມກັນປະຕິບັດໃຫ້ສໍາເລັດຕາມຄາດໝາຍ.
(ຂ່າວ: ອັດສະວິນ)
ຄໍາເຫັນ