ການສຶກສາໄດ້ກວດສອບຂໍ້ມູນຈາກການເຂົ້າໂຮງໝໍ ຈຳນວນ 720,000 ຄັ້ງໃນລັດນິວຊາວເວວສ ຊຶ່ງກວມເອົາບຸກຄົນທີ່ມີອາຍຸຕ່ຳກວ່າ 24 ປີ ລະຫວ່າງປີ 2001 ແລະ 2022 ພົບວ່າ: ເມື່ອອຸນຫະພູມບັນລຸລະດັບສູງສຸດໃນ 1% ຂອງສະຖິຕິທີ່ເຄີຍບັນທຶກໄວ້, ຄວາມສ່ຽງຂອງການເຂົ້າໂຮງໝໍຍ້ອນບັນຫາສຸຂະພາບຈິດຈະເພີ່ມຂຶ້ນສອງເທົ່າໃນໄລຍະລະດູຮ້ອນ ແລະ ເພີ່ມຂຶ້ນສາມເທົ່າໃນໄລຍະອາກາດເຢັນ. ນອກຈາກນັ້ນ, ນັກຄົ້ນຄວ້າຄາດຄະເນວ່າ ຈຳນວນຄົນເຈັບທີ່ຕ້ອງການເຂົ້າຮັກສາດ້ານສຸຂະພາບຈິດຍ້ອນສະພາບອາກາດຮ້ອນອາດຈະເພີ່ມຂຶ້ນ 6-7.7% ໃນທ້າຍສະຕະວັດນີ້, ເນື່ອງຈາກທ່າອ່ຽງຂອງອຸນຫະພູມໂລກທີ່ເພີ່ມສູງຂຶ້ນ.
ທັງນີ້, ຂໍ້ມູນດັ່ງກ່າວກວມເອົາສະເພາະກໍລະນີຄົນເຈັບທີ່ມີອາກາດຮຸນແຮງຈົນຕ້ອງເຂົ້າໂຮງໝໍເທົ່ານັ້ນ ເຊັ່ນ: ອາກາດຊຶມເສົ້າ, ຈິດເສື່ອມ, ການໃຊ້ສານເສບຕິດ, ຄວາມຜິດປົກກະຕິໃນການກິນ ແລະ ການທຳຮ້າຍຕົນເອງ, ໂດຍ ບໍ່ລວມເອົາການໄປຫ້ອງສຸກເສີນ ຫຼື ການປິ່ນປົວຄົນເຈັບນອກ.
ນັກຄົ້ນຄວ້າໄດ້ສັງເກດເຫັນວ່າ: ຈຳນວນຄົນເຈັບທີ່ເຂົ້າໂຮງໝໍໄດ້ເພີ່ມຂຶ້ນຫຼັງຈາກສະພາບອາກາດຮ້ອນແຮງຂຶ້ນ ຊີ້ບອກເຖິງການຕອບສະໜອງທາງສະລີລະວິທະຍາທີ່ອາດຈະກ່ຽວຂ້ອງກັບການນອນບໍ່ຫຼັບ, ຄວາມຕຶງຄຽດ, ການເຮັດວຽກຂອງສະໝອງທີ່ປ່ຽນແປງໄປ, ລວມເຖິງພຶດຕິກຳໃຈຮ້ອນວູ່ວາມ, ການດື່ມເຄື່ອງດື່ມທີ່ມີທາດເຫຼົ້າ ແລະ ການໃຊ້ສານເສບຕິດ. ໂດຍຜົນການສຶກສາຊີ້ໃຫ້ເຫັນວ່າການວາງແຜນຮັບມືກັບຄື້ນຄວາມຮ້ອນ ແລະ ນະໂຍບາຍສາທາລະນະສຸກຄວນໃຫ້ຄວາມສຳຄັນກັບການແກ້ໄຂຄວາມສ່ຽງດ້ານສຸຂະພາບຈິດຄຽງຄູ່ກັນດ້ວຍ.
ຄໍາເຫັນ