 |
ທ່ານ ນາງ ລໍ່ ທິ ຖຸຍ ຮ່າ ໄດ້ແຈ້ງຈຸດປະສົງ ໃນການມາເຄື່ອນໄຫວ ແລະ ເຮັດວຽກຄັ້ງນີ້ ກໍເພື່ອພົບປະແລກປ່ຽນຖອດຖອນບົດຮຽນ ວຽກງານກໍ່ສ້າງພະນັກງານໂຮງຮຽນທິດສະດີການເມືອງ ແລະ ການປົກຄອງ ໃຫ້ທ່ານ ຫົວໜ້າຄະນະໂຄສະນາອົບຮົມແຂວງໄດ້ຮັບຊາບ. ໂອກາດດັ່ງກ່າວ, ທ່ານ ນາງ ຄໍາສີ ສິດທິວໍລະດາ ໄດ້ກ່າວຕ້ອນຮັບ ແລະ ຕີລາຄາສູງ ຕໍ່ການເຂົ້າພົບປະ ຂອງທ່ານ ນາງ ລໍ່ ທິ ຖຸຍ ຮ່າ ໃນຄັ້ງນີ້ ພ້ອມທັງລາຍງານໂດຍຫຍໍ້ ກ່ຽວກັບສະພາບເສດຖະກິດ-ສັງຄົມ ຂອງແຂວງໄຊສົມບູນ ໃຫ້ ທ່ານ ອໍານວຍການໂຮງຮຽນທິດສະດີການເມືອງ ແລະ ການປົກຄອງ ໄດ້ຮັບຊາບ.
 |
ໃນວັນດຽວກັນນີ້, ທ່ານນາງ ລໍ່ ທິ ຖຸຍ ຮ່າ ພ້ອມດ້ວຍຄະນະ ໄດ້ພົບປະແລກປ່ຽນຖອດຖອນບົດຮຽນ ລະຫວ່າງ ແຂວງໄຊສົມບູນ ກັບ ແຂວງເຊິນລາ ໂດຍສະເພາະແມ່ນວຽກງານການກໍ່ສ້າງພະນັກງານ ຂອງໂຮງຮຽນການເມືອງ ແລະ ການປົກຄອງ ກໍເພື່ອເປັນການຍົກລະດັບໃຫ້ຖັນແຖວພະນັກງານ, ຄູສອນ, ໂຮງຮຽນ ຂອງສອງແຂວງ ໃຫ້ນັບມື້ນັບສູງຂຶ້ນ ແລະ ເຮັດໃຫ້ການສິດ-ສອນ ມີປະສິທິພາບ ແລະ ມີຄຸນນະພາບ ດີຂຶ້ນກ່ວາເກົ່າ, ທັງນີ້ກໍເພື່ອ ເປັນການເສີມສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ-ສອງລັດ ແລະ ປະຊາຊົນ ສອງຊາດລາວ-ຫວຽດນາມ ໂດຍສະເພາະແມ່ນ ແຂວງໄຊສົມບູນ ແລະ ແຂວງເຊິນລາ ໃນການຮ່ວມມືຮອບດ້ານ ໃຫ້ໜັ້ນຄົງທະນົງແກ່ນຊົ່ວກາລະນານ ແນໃສ່ພັດທະນາ ໃຫ້ມີຄວາມກ້າວໜ້າຂຶ້ນ ຢ່າງບໍ່ຢຸດຢັ້ງ.
(ພາບ-ຂ່າວ: ຟອງ ນໍນິນທາ)
ຄໍາເຫັນ