ໂຄງການດັ່ງກ່າວຈະສະໜອງທັກສະ ແລະ ປະສົບການທີ່ຈຳເປັນໃຫ້ແກ່ໄວໜຸ່ມໃນການເລີ່ມຕົ້ນເຮັດວຽກຄັ້ງທຳອິດ. ໂດຍຜູ້ເຂົ້າຮ່ວມໂຄງການອາດຈະໄດ້ຮັບຕຳແໜ່ງຖາວອນຖ້າຫາກມີຕຳແໜ່ງວ່າງ, ມີລາຍຊື່ລະບຸໄວ້ໃນຖານຂໍ້ມູນຜູ້ສະໝັກທີ່ມີທ່າແຮງຂອງບໍລິສັດຂາຍຍ່ອຍ ແລະ ອາດຈະຖືກແນະນຳໃຫ້ເຂົ້າຮ່ວມໂຄງການຝຶກອົບຮົມວິຊາຊີບທີ່ໄດ້ຮັບຄ່າຈ້າງ ແລະ ໂອກາດອື່ນໆທີ່ກ່ຽວຂ້ອງ.
ລັດຖະບານອັງກິດໄດ້ຈັດຕັ້ງປະຕິບັດມາດຕະການຕ່າງໆ ເພື່ອສະໜັບສະໜູນການຈ້າງງານໄວໜຸ່ມ ເຊັ່ນ: ໂຄງການຮັບປະກັນການຈ້າງງານ ຊຶ່ງໄດ້ຮັບການສະໜັບສະໜູນຈາກນາຍຈ້າງຫຼາຍກວ່າ 400 ຄົນ ແລະ ອະນຸຍາດໃຫ້ໄວໜຸ່ມທີ່ມີຄຸນວຸດທິເຂົ້າສູ່ກຳລັງແຮງງານໂດຍກົງ. ທ່ານ ເຮເລັນ ດິກກິນສັນ ຫົວໜ້າບໍລິຫານຂອງສະມາຄົມຂາຍຍ່ອຍຂອງອັງກິດ ກ່າວວ່າ: ຂະແໜງການຂາຍຍ່ອຍມີຄວາມພ້ອມທີ່ຈະຊ່ວຍແກ້ໄຂວິກິດການຄົນຮຸ່ນໃໝ່ ກຸ່ມ NEET ຍ້ອນວ່າເປັນອຸດສາຫະກຳຂະໜາດໃຫຍ່ທີ່ມີເຄືອຂ່າຍທົ່ວປະເທດ.
ຂໍ້ມູນຈາກຫ້ອງການສະຖິຕິແຫ່ງຊາດຊີ້ໃຫ້ເຫັນວ່າ: ຊາວໜຸ່ມ 981,000 ຄົນທີ່ມີອາຍຸ 16-24 ປີໃນອັງກິດບໍ່ໄດ້ຮັບການສຶກສາ, ບໍ່ໄດ້ເຮັດວຽກ ແລະ ບໍ່ໄດ້ຮັບການຝຶກອົບຮົມ ລະຫວ່າງເດືອນເມສາ ຫາ ເດືອນມິຖຸນາ 2026 ຊຶ່ງກວມເອົາ 13% ຂອງປະຊາກອນໃນກຸ່ມອາຍຸດັ່ງກ່າວ.
ຄໍາເຫັນ