 |
ພະອາຈານ ໄພວັນ ມາລາວົງ ນັກກະວີລາງວັນຊີໄຣ ແລະ ແມ່ນໍ້າຂອງ ໃຫ້ຮູ້ວ່າ: ການຈັດງານຄັ້ງນີ້, ເພື່ອເຕົ້າໂຮມຄວາມສາມັກຄີນັກປະພັນ, ນັກກະວີ, ນັກວິຊາການດ້ານພາສາ-ວັນນະຄະດີ, ວັດທະນະທໍາຂອງຊາດ ເພື່ອສົ່ງເສີມກິດຈະກໍາການອ່ານກະວີ ໂດຍສະເພາະເຊີດຊູນັກກະວີເອກ “ປາງຄໍາ” ທີ່ປະພັນເລື່ອງສັງສິນໄຊ ທັງເປັນການເຜີຍແຜ່ສິລະປະພາສາ-ວັນນະຄະດີ ປະເພນີທີ່ງົດງາມຂອງລາວ ຄຽງຄູ່ກັບການສືບທອດປະເພນີການເຮັດບຸນເຂົ້າຈີ່ ທີ່ໄດ້ປະຕິບັດກັນມາແຕ່ດົນນານແລ້ວ. ການຈັດງານປີນີ້, ມີຄວາມແຕກຕ່າງຈາກປີຜ່ານມາ ເນື່ອງຈາກວ່າມີການຈັດງານເສວະນາ ແລະ ອ່ານກະວີເລື່ອງ “ສິນໄຊຖານທີ່ໝັ້ນແຫ່ງຍຸກສະໄໝ” ຍັງມີການວາງສະແດງປຶ້ມ, ສະ ແດງສິລະປະ-ວັນນະຄະດີໃຫ້ມວນຊົນທີ່ເຂົ້າຮ່ວມງານໄດ້ຮັບຊົມຕື່ມອີກ.
 |
ສ່ວນການຈັດງານໃນປີຕໍ່ໆໄປ ອາດຈະມີການເສວະນາໃນຫົວຂໍ້ຕ່າງໆ ຫຼື ມູມມອງຕ່າງໆ ກ່ຽວກັບວັນນະ ຄະດີລາວໃນເລື່ອງຕ່າງໆ ເປັນຕົ້ນ ເລື່ອງພະລັກ, ພະລາມ, ພະເວດສັນດອນ, ທ້າງຮຸ່ງ, ທ້າວເຈືອງ ແລະ ອື່ນໆ ເພື່ອໃຫ້ມວນຊົນລາວໄດ້ຮັບຮູ້ເຖິງປະຫວັດຄວາມເປັນມາຂອງວັນນະຄະດີລາວໃຫ້ຫຼາຍຂຶ້ນ.
 |
ແຫຼ່ງຂ່າວ: ຂປລ
ຄໍາເຫັນ