 |
ໂອກາດດັ່ງກ່າວ, ທ່ານ ວັນແສງ ແກ້ວບຸນພັນ ໄດ້ລົງພົບປະ ແລະ ແນະນຳຕົວ ທີ່ເປັນຕົວແທນຂອງຜູ້ຮັບສະໝັກຮັບເລືອກຕັ້ງສະມາຊິກສະພາປະຊາຊົນແຂວງ ຊຸດທີ V ຜູ້ຮັບສະໝັກເລືອກຕັ້ງ ເບີ 1 ປະຈໍາເຂດເລືອກຕັ້ງເມືອງໄຊພູທອງ ລົງພົບປະຜູ້ມີສິດປ່ອນບັດເລືອກຕັ້ງໃນ 14 ບ້ານ ຢູ່ເມືອງໄຊພູທອງ ເພື່ອເຮັດໃຫ້ຜູ້ມີສິດປ່ອນບັດເລືອກຕັ້ງ ໄດ້ຮັບຮູ້, ຄວາມໝາຍ ຄວາມສໍາຄັນ, ເພື່ອເຮັດໃຫ້ອໍານາດການປົກຄອງ ແລະ ພໍ່ແມ່ປະຊາຊົນໃນແຕ່ກຸ່ມບ້ານຂອງເມືອງໄຊພູທອງ ເຂົ້າໃຈເຖິງພາລະບົດບາດກຽ່ວກັບ ໜ້າທີ່ວຽກງານຂອງສະພາແຫ່ງຊາດ ແລະ ສະພາປະຊາຊົນແຂວງ ເພື່ອນຳໄປພິຈາລະນາການໃຊ້ ສິດຂອງຕົນໃນການເລືອກຕັ້ງໃນຄັ້ງນີ້, ແມ່ນວຽກການເມືອງອັນສຳຄັນຂອງຊາດ ເພື່ອໃຫ້ເຂົາເຈົ້າຮັບຮູ້ສິດ, ພັນທະ ແລະ ຜົນປະໂຫຍດຂອງການເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ເພື່ອຮັບປະກັນ 100%.
 |
ໃນກອງປະຊຸມ, ຄະນະກໍາມະການອະນຸໂຄສະນາປຸກລະດົມຂະບວນການໃນແຕ່ລະກຸ່ມບ້ານທົ່ວເມືອງໄຊພູທອງ ໄດ້ຜັດປ່ຽນກັນຂຶ້ນເຜີຍແຜ່ເຊື່ອມຊຶມ ເອກະສານສໍາຄັນຄື: 3 ເອກະສານ ຖາມ - ຕອບ ກ່ຽວກັບການເສີມຂະຫຍາຍສິດເປັນເຈົ້າຂອງປະເທດຊາດ ຂອງປະຊາຊົນບັນດາເຜົ່າ ໃນການເລືອກຕັ້ງສະມາຊິກສະພາແຫ່ງຊາດ ຊຸດທີ X ແລະ ສະພາປະຊາຊົນຂັ້ນ ແຂວງ ຊຸດທີ V, ເອກະສານ ຖາມ - ຕອບ ກ່ຽວກັບສະພາແຫ່ງຊາດ ແລະ ສະພາປະຊາຊົນຂັ້ນແຂວງ ເພື່ອການເລືອກຕັ້ງ ສະມາຊິກສະພາແຫ່ງຊາດ ຊຸດທີ X ແລະ ສະພາປະຊາຊົນຂັ້ນແຂວງ ຊຸດທີ V, ທັງນີ້ກໍເພື່ອໃຫ້ຜູ້ເຂົ້າຮ່ວມກໍ່ຄືພໍ່ແມ່ປະຊາຊົນພາຍໃນບ້ານໄດ້ຮັບຮູ້ ເຂົ້າໃຈ ແລະ ກໍາແໜ້ນເນື້ອໃນເອກະສານຕ່າງໆໄດ້ຢ່າງເລິກເຊິ່ງ ແລະ ກວ້າງຂວາງ ແນໃສ່ເຮັດໃຫ້ການເລືອກຕັ້ງ ສສຊ ຊຸດທີ X ແລະ ສສຂ ຊຸດທີ V ບັນລຸຜົນສໍາເລັດຕາມ 4 ຄາດໝາຍ ຄື: ຜູ້ມີສິດເລືອກຕັ້ງ ໄປປ່ອນບັດໃຫ້ຄົບ 100%, ການໃຊ້ສິດປ່ອນບັດຖືກຕ້ອງຕາມລະບຽບການ 100%, ຮັບປະກັນຄວາມສະຫງົບ ແລະ ຄວາມປອດໄພ 100%, ຮັບປະກັນຄວາມໂປ່ງໃສ ແລະ ສຳເລັດຕາມກຳນົດເວລາ 100%.
(ພາບ-ຂ່າວ: ພັນທະມິດ ວົງສຸທິ)
ຄໍາເຫັນ