Ant International ລະດົມທຶນ 1.2 ຕື້ໂດລາ ເພື່ອຂະຫຍາຍທຸລະກິດທົ່ວໂລກ

ສຳນັກຂ່າວສານຊິນຮວາລາຍງານໃນວັນທີ 21 ກໍລະກົດ ຜ່ານມາວ່າ: ສະຖາບັນຄົ້ນຄວ້າຫຼາຍແຫ່ງໄດ້ປັບປຸງການຄາດຄະເນການເຕີບໂຕການສົ່ງອອກຂອງມາເລເຊຍໃນປີ 2026, ໂດຍໄດ້ຮັບແຮງຂັບເຄື່ອນຈາກການດຳເນີນງານທາງການຄ້າທີ່ດີກວ່າທີ່ຄາດໄວ້, ການເຕີບໂຕຢ່າງຕໍ່ເນື່ອງຂອງອຸດສາຫະກຳໄຟຟ້າ ແລະ ເອເລັກໂຕຣນິກ, ລວມທັງວົງຈອນການເຕີບໂຕຂອງເຕັກໂນໂລຊີທີ່ຂັບເຄື່ອນດ້ວຍປັນຍາປະດິດ (AI).

ສຳນັກຂ່າວສານຊິນຮວາລາຍງານໃນວັນທີ 21 ກໍລະກົດ ຜ່ານມາວ່າ: ທ່ານ ບາລິລ ລາຮາດາເລຍ ລັດຖະມົນຕີກະຊວງພະລັງງານ ແລະ ຊັບພະຍາກອນແຮ່ທາດຂອງອິນໂດເນເຊຍ ໄດ້ເປີດເຜີຍວ່າ, ລັດຖະບານອິນໂດເນເຊຍວາງແຜນທີ່ຈະຂາຍນໍ້າມັນເຊື້ອໄຟ E10 ຊຶ່ງເປັນນໍ້າມັນເຊື້ອໄຟທີ່ມີສ່ວນປະສົມຂອງເອທານອນ 10% ໃນປີ 2027. ໂດຍຈະເປັນບາດກ້າວທຳອິດໃນແຜນການຂະຫຍາຍການນຳໃຊ້ນໍ້າມັນເຊື້ອໄຟ E20 ທີ່ມີສ່ວນປະສົມຂອງເອທານອນຊີວະພາບ 20% ຊຶ່ງມີກໍານົດຈັດຕັ້ງປະຕິບັດເປັນໄລຍະໆ ໃນປີ 2028-2029.

ສຳນັກຂ່າວສານຊິນຮວາລາຍງານໃນວັນທີ 20 ກໍລະກົດ ຜ່ານມາວ່າ: ຄະນະກຳມະການຄຸ້ມຄອງຂໍ້ມູນ ແລະ ອົງການພັດທະນາສື່ມວນຊົນ (IMDA) ຂອງສິງກະໂປ ໄດ້ອອກຄຳແນະນຳໃໝ່ ຮຽກຮ້ອງໃຫ້ອົງການຈັດຕັ້ງຕ່າງໆໃນສິງກະໂປ ຈະຕ້ອງຂໍຄວາມຍິນຍອມຈາກຜູ້ໃຊ້ກ່ອນທີ່ຈະນຳຂໍ້ມູນທີ່ເກັບກຳມາເພື່ອຈຸດປະສົງອື່ນນອກເໜືອຈາກການພັດທະນາປັນຍາປະດິດທີ່ສ້າງສັນ (GenAI) ໄປໃຊ້ໃນການພັດ ທະນາຮູບແບບ GenAI.

ຂ່າວຕ່າງປະເທດລາຍງານໃນວັນທີ 21 ກໍລະກົດ ຜ່ານມາວ່າ: ຫ້ອງການສະຫະປະຊາຊາດກ່ຽວກັບຢາເສບຕິດ ແລະ ອາຊະຍາກຳ (United Nations Office on Drugs and Crime: UNODC)ໄດ້ເປີດເຜີຍບົດລາຍງານສະບັບໃໝ່ທີ່ລະບຸວ່າ, ຜູ້ເຄາະຮ້າຍຈາກການສໍ້ໂກງທາງອອນລາຍໃນອາຊີຕາເວັນອອກ, ອາຊີຕາເວັນອອກສ່ຽງໃຕ້, ອົສ ຕຣາລີ ແລະ ນູແວນເຊລັງ ສູນເສຍເງິນລວມທັງໝົດລະຫວ່າງ 88.3 ຕື້ໂດລາ ຫາ 114.1 ຕື້ໂດລາໃນປີ 2025 ເພີ່ມຂຶ້ນຢ່າງໜ້ອຍສາມເທົ່າເມື່ອທຽບກັບປີ 2023 ທີ່ຄາດຄະເນຄວາມເສຍຫາຍໄວ້ພຽງແຕ່ 18 ຕື້ ຫາ 37 ຕື້ໂດລາ.

ວິທະຍຸໂທລະພາບສູນກາງຈີນລາຍງານວ່າ: ຫວ່າງ​ມໍ່ໆ​ມາ​ນີ້, ບໍ​ລິ​ສັດ​ກາ​ນ​ບິນ​ກຳ​ປູ​ເຈຍ ແລະ ບໍ​ລິ​ສັດ​ເຮືອ​ບິນ​ການ​ຄ້າ​ຈີນ​ ຈໍາ​ກັດ ໄດ້​ເຊັນ​ສັນ​ຍາ​​ວ່າ​ດ້ວຍ​ການຈັດ​ຊື້​ເຮືອ​ບິນ C909 ຈໍາ​ນວນ 20 ​ ລໍາ​ ຢູ່​ນະ​ຄອນ​ຊຽງ​ໄຮ້ ຂອ​ງ​ຈີນ.

ວິທະຍຸກະຈາຍສຽງຫວຽດນາມລາຍງານໃນວັນທີ 21 ກໍລະກົດ ຜ່ານມາວ່າ: ທ່ານ ໂຮ່ກວັກ​ຢຸງ ຮອງ​ນາ​ຍົກ​ລັດ​ຖະ​ມົນ​ຕີຫວຽດນາມ ໄດ້​ລົງ​ນາມ​ຂໍ້​ຕົກ​ລົງ​ອະ​ນຸ​ມັດ​ຜ່ານ​ຍຸດ​ທະ​ສາດ​ແຫ່ງ​ຊາດ​ກ່ຽວ​ກັບ​ການ​ຫັນ​ເປັນ​ດີ​ຈີ​ຕອນ​ ໃນ​ໄລ​ຍະ 2026 – 2030 ແລະ ກຳ​ນົດ​ທິດ​ຮອດ​ປີ 2045 (ເອີ້ນ​ຫຍໍ້​ວ່າ ຍຸດ​ທະ​ສາດ).

ສຳນັກຂ່າວສານຊິນຮວາລາຍງານຫວ່າງມໍ່ໆມານີ້ວ່າ: ທ່ານ ວິດີຢານຕີ ປຸຕຣີ ວາທານາລັດຖະມົນຕີກະຊວງການທ່ອງທ່ຽວອິນໂດເນເຊຍ ໄດ້ເປີດເຜີຍວ່າ, ອິນໂດເນເຊຍກຳລັງສຸມໃສ່ການພັດທະນາການທ່ອງທ່ຽວເພື່ອສຸຂະພາບ (wellness tourism) ທີ່ມີຄວາມສາມາດໃນການແຂ່ງຂັນລະດັບໂລກ ຊຶ່ງເປັນສ່ວນໜຶ່ງຂອງຍຸດທະສາດເພື່ອສົ່ງເສີມການທ່ອງທ່ຽວທີ່ມີຄຸນນະພາບ. ໂດຍກະຊວງດັ່ງກ່າວຈະສືບຕໍ່ສະໜັບສະໜູນກິດຈະກຳຕ່າງໆທີ່ປະສົມປະສານກິລາ, ການທ່ອງທ່ຽວ ແລະ ວິຖີຊີວິດທີ່ມີສຸຂະພາບດີ.

ສຳນັກຂ່າວສານຊິນຮວາລາຍງານໃນວັນທີ 19 ກໍລະກົດ ຜ່ານມາວ່າ: ອິນເດຍ ປະສົບຄວາມສຳເລັດໃນການຍິງຈະຫຼວດ Vikram 1 ຊຶ່ງເປັນຈະຫຼວດຂົນສົ່ງທີ່ພັດທະນາໂດຍພາກເອກະຊົນລຳທຳອິດຂອງປະເທດ ໃນວັນທີ 18 ກໍລະກົດ ຜ່ານມາ ຈາກສູນອະວະກາດທາວັນ ໃນເມືອງສຣີ ຮາຣິໂກຕາ ທາງພາກໃຕ້ຂອງອິນເດຍ.

ສຳນັກຂ່າວສານຊິນຮວາລາຍງານຫວ່າງມໍ່ໆມານີ້ວ່າ: ສື່ມວນຊົນທ້ອງຖິ່ນໃນເກາະມານດີຟໄດ້ລາຍງານວ່າມານດີຟໄດ້ເປີດສູນຄົ້ນຄວ້າປາສະຫຼາມແຫ່ງທຳອິດຂອງປະເທດ ໃນເມືອງຟູວາມູລາ. ສູນດັ່ງກ່າວຈະດຳເນີນການຄົ້ນຄວ້າປາສະຫຼາມ, ໃຫ້ຄວາມຮູ້ແກ່ສາທາລະນະຊົນກ່ຽວກັບຊີວິດທາງທະເລ ແລະ ສົ່ງເສີມການຮ່ວມມືລະຫວ່າງນັກວິທະຍາສາດ, ນັກອະນຸລັກ ແລະ ຊຸມຊົນທ້ອງຖິ່ນ.

ສຳນັກຂ່າວສານຊິນຮວາລາຍງານ ໃນວັນທີ 20 ກໍລະກົດ ຜ່ານມາວ່າ: ອົງການອຸຕຸນິຍົມວິທະຍາຍີ່ປຸ່ນລາຍງານວ່າ, ນະຄອນຫຼວງໂຕກຽວໄດ້ປະສົບກັບ "ມື້ທີ່ຮ້ອນທີ່ສຸດ" ຄັ້ງທຳອິດຂອງປີ 2026 ໃນວັນທີ 20 ກໍລະກົດ ຜ່ານມາ, ໂດຍມີອຸນຫະພູມສູງກວ່າ 35 ອົງສາ ຊຶ່ງເປັນຈຸດສິ້ນສຸດຂອງລະດູຝົນໃນພາກພື້ນຄັນໂຕ-ໂຄຊິນ ຊຶ່ງລວມທັງໂຕກຽວ ແລະ ພາກພື້ນໂຕໄກໃນພາກກາງ ຂອງປະເທດຍີ່ປຸ່ນ.