ສຳນັກຂ່າວກຽວໂດ ລາຍງານວ່າ:ຈຳນວນເດັກນ້ອຍທີ່ມີອາຍຸຕໍ່າກວ່າ 15 ປີ ມີ13.66 ລ້ານຄົນໃນວັນທີ 1 ເມສາຜ່ານມາ ຫຼຸດລົງ 350,000 ຄົນ ຈາກລະດັບປີທີ່ຜ່ານມາ, ອັດຕາສ່ວນຂອງເດັກນ້ອຍຕໍ່ປະຊາກອນໂດຍລວມຫຼຸດລົງ 0.2% ແຕະ 11.1%ຊຶ່ງເປັນລະດັບຕໍ່າສຸດນັບຕັ້ງແຕ່ໄດ້ມີການເກັບກຳຂໍ້ມູນ.
ຈາກຂໍ້ມູນຂອງອົງການສະຫະປະຊາດ, ເຖິງແມ່ນວ່າວັນທີຂອງການສຳຫຼວດຈະແຕກຕ່າງກັນ. ຍີ່ປຸ່ນມີອັດຕາຂອງເດັກນ້ອຍຕ່ຳສຸດເປັນອັນດັບ 2 ຂອງ 37 ປະເທດທີ່ມີປະຊາກອນຕໍ່າກວ່າ40 ລ້ານຄົນ ເປັນຮອງພຽງ ສ ເກົາຫຼີ ທີ່ລະດັບ10.6%
ລັດຖະບານຍີ່ປຸ່ນໄດ້ໃຫ້ຄວາມສຳຄັນກັບການແກ້ໄຂບັນຫາອັດຕາການເກີດຕໍ່າຂອງປະເທດ ແລະ ໃຊ້ມາດຕະການຈູງໃຈຫຼາຍຢ່າງເຊັ່ນ: ການສະໜັບສະໜູນທາງດ້ານການເງິນໃຫ້ແກ່ຄົວເຮືອນທີ່ມີລູກ, ການຂະຫຍາຍຂອບເຂດການໃຫ້ບໍລິການເບິ່ງແຍງເດັກນ້ອຍ ແລະ ອະນຸຍາດໃຫ້ຜູ້ປົກຄອງສາມາດເຮັດວຽກໄດ້ໃນຮູບແບບທີ່ມີຄວາມຍືດຍຸ່ນ, ແຕ່ມາດຕະການດັ່ງກ່າວກໍຍັງບໍ່ສາມາດຢຸດຢັ້ງອັດຕການເກີດທີ່ຫຼຸດລົງຢ່າງຕໍ່ເນື່ອງໄດ້.
ຖ້າຫາກທຽບເປັນເພດແລ້ວ, ຈໍານວນເດັກນ້ອຍຜູ້ຊາຍໃນຍີ່ປຸ່ນມີ 6.99 ລ້ານຄົນ, ເດັກຍິງ ມີ6.66 ລ້ານຄົນ ຖ້າທຽບຕາມອາຍຸເດັກນ້ອຍທີ່ມີອາຍຸ12-14 ປີ ມີ3.14 ລ້ານຄົນ ເມື່ອປຽບທຽບກັບກຸ່ມເດັກນ້ອຍທີ່ມີອາຍຸ 0-2 ປີ ມີຈຳນວນ 2.22 ລ້ານຄົນ ຊຶ່ງບົ່ງບອກເຖິງທ່າອ່ຽງຂອງເດັກນ້ອຍເກີດໃໝ່ທີ່ຫຼຸດລົງຢ່າງຕໍ່ເນື່ອງ.
ຄໍາເຫັນ