ສູນສະຖິຕິແຫ່ງຊາດ ກະຊວງແຜນການ ແລະ ການລົງທຶນ ໄດ້ເຜີຍແຜ່ບົດລາຍງານສະພາບອັດຕາເງິນເຟີ້ ປະຈໍາເດືອນເມສາ 2024 ໃຫ້ຮູ້ວ່າ: ອັດຕາເງິນເຟີ້ຂອງ ສປປ ລາວ ເດືອນເມສາ ປີນີ້ ຢູ່ໃນລະດັບ 24,9% ເຫັນວ່າຍັງຢູ່ໃນລະດັບທີ່ບໍ່ແຕກຕ່າງກັນຫຼາຍກັບເດືອນຜ່ານມາ (ເດືອນມີນາ 2024 ຢູ່ໃນລະດັບ 25%), ແຕ່ລາຄາສິນຄ້າຍັງສືບຕໍ່ເພີ່ມຂຶ້ນສູງກວ່າເດືອນຜ່ານມາ.
ບົດລາຍງານນີ້ຍັງເປີດເຜີຍວ່າ:ໝວດສິນຄ້າທີ່ມີອັດຕາເງິນເຟີ້ເພີ່ມຂຶ້ນສູງແມ່ນໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 37,6%, ຮອງລົງມາແມ່ນໝວດຮັກສາສຸຂະພາບ ແລະ ຢາ ເພີ່ມຂຶ້ນ 36,1%, ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 35,3%, ໝວດເຫຼົ້າ ແລະ ຢາສູບ ເພີ່ມຂຶ້ນ 28,5% ແລະ ໝວດເຄື່ອງໃຊ້ໃນເຮືອນ ເພີ່ມຂຶ້ນ 27,1%. ເມື່ອທຽບລາຄາສິນຄ້າເດືອນເມສາ ໃສ່ກັບ ເດືອນມີນາ ປີ 2024 ເຫັນວ່າ ລາຄາສິນຄ້າຍັງສືບຕໍ່ເພີ່ມຂຶ້ນສູງ ກວ່າເດືອນຜ່ານມາ ຢູ່ໃນລະດັບ 1,6% (ເດືອນມີນາ 1,3%) ໃນນັ້ນ, ໝວດສິນຄ້າທີ່ມີການປ່ຽນແປງຫຼາຍກວ່າໝູ່ແມ່ນ ໝວດທີ່ພັກອາໄສ, ນໍ້າປະປາ, ໄຟຟ້າ ແລະ ເຊື້ອເພີງຫຸງຕົ້ມ ເພີ່ມຂຶ້ນ 3,2%, ພົ້ນເດັ່ນແມ່ນລາຄາໄມ້ແປຮູບ (ເພີ່ມຂຶ້ນ 13,3%), ຫີນ, ຊາຍ (3,3%), ພະລັງງານອາຍແກັສ ແລະ ເຊື້ອເພີງ (4,4%), ໝວດຮັກສາສຸຂະພາບ ແລະ ຢາ ເພີ່ມຂຶ້ນ 2,4% ພົ້ນເດັ່ນແມ່ນ ລາຄາຢາປາຣາ (6,5%), ຢາແກ້ໄຂ້ ແລະ ແກ້ໄອ ເດັກນ້ອຍ (2,6%), ຄ່າຫ້ອງນອນຄົນເຈັບ (2,9%), ໝວດເຫຼົ້າ ແລະ ຢາສູບ ເພີ່ມຂຶ້ນ 2,2% ພົ້ນເດັ່ນແມ່ນ ລາຄາເບຍ ເພີ່ມຂຶ້ນ 3,2%.
ບົດລາຍງານຍັງເປີດເຜີຍວ່າ: ການເພີ່ມຂຶ້ນຂອງອັດຕາເງິນເຟີ້ໃນເດືອນເມສາ 2024 ຕົ້ນຕໍແມ່ນມາຈາກ ຄວາມຕ້ອງການໃນໄລຍະເທດສະການປີໃໝ່ລາວ ທີ່ມີຄວາມຕ້ອງການຫຼາຍຂຶ້ນ ສົ່ງຜົນເຮັດໃຫ້ສິນຄ້າບາງປະເພດມີລາຄາເພີ່ມຂຶ້ນ. ພ້ອມກັນນັ້ນ, ການສືບຕໍ່ອ່ອນຄ່າຂອງອັດຕາແລກປ່ຽນ ໃນນັ້ນເງິນກີບ ທຽບກັບໂດລາອ່ອນຄ່າ -1,9%, ທຽບກັບ ບາດ ອ່ອນຄ່າ -0,6%; ການເພີ່ມຂຶ້ນຂອງລາຄານໍ້າມັນເຊື່ອໄຟ ທີ່ເປັນປັດໄຈໜຶ່ງຂອງຕົ້ນທຶນການຜະລິດ ແລະ ການບໍລິການ ຊຶ່ງນໍ້າມັນແອັດຊັງທໍາມະດາເພີ່ມຂຶ້ນ 5,9%, ນ້ໍາມັນກະຊວນເພີ່ມຂຶ້ນ 0,6%.
ໃນຕໍ່ໜ້າ, ສະພາບລາຄາສິນຄ້າຍັງມີຄວາມທ່າອ່ຽງທີ່ຈະເພີ່ມຂຶ້ນ ເນື່ອງຈາກສະພາບປັດໄຈພາຍໃນເປັນຕົ້ນແມ່ນຄວາມສາມາດໃນການແຊກແຊງຕະຫຼາດອັດຕາແລກປ່ຽນທີ່ມີຄວາມຈໍາກັດ, ການຊຸກຍູ້ສົ່ງເສີມການຜະລິດພາຍໃນຍັງຕ້ອງໃຊ້ເວລາ, ມາດຕະການໃນການຄຸ້ມຄອງລາຄາສິນຄ້າຍັງບອບບາງ ບວກກັບເງື່ອນໄຂພາຍນອກ ເປັນຕົ້ນແມ່ນ ຄວາມຂັດແຍ່ງຢູ່ໃນພາກພື້ນ ແລະ ສາກົນທີ່ສົ່ງຜົນກະທົບຕໍ່ຕ່ອງໂສ້ການຜະລິດ-ການສະໜອງສິນຄ້າ ແລະ ບໍລິການອື່ນໆ ທີ່ຈະມີຜົນກະທົບຕໍ່ລາຄາສິນຄ້ານໍາເຂົ້າ ຂອງ ສປປ ລາວ.
(ຂ່າວ: ສຸກສະຫວັນ, ຂໍ້ມູນ: ສູນສະຖິຕິແຫ່ງຊາດ)
ບົດລາຍງານນີ້ຍັງເປີດເຜີຍວ່າ:ໝວດສິນຄ້າທີ່ມີອັດຕາເງິນເຟີ້ເພີ່ມຂຶ້ນສູງແມ່ນໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 37,6%, ຮອງລົງມາແມ່ນໝວດຮັກສາສຸຂະພາບ ແລະ ຢາ ເພີ່ມຂຶ້ນ 36,1%, ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 35,3%, ໝວດເຫຼົ້າ ແລະ ຢາສູບ ເພີ່ມຂຶ້ນ 28,5% ແລະ ໝວດເຄື່ອງໃຊ້ໃນເຮືອນ ເພີ່ມຂຶ້ນ 27,1%. ເມື່ອທຽບລາຄາສິນຄ້າເດືອນເມສາ ໃສ່ກັບ ເດືອນມີນາ ປີ 2024 ເຫັນວ່າ ລາຄາສິນຄ້າຍັງສືບຕໍ່ເພີ່ມຂຶ້ນສູງ ກວ່າເດືອນຜ່ານມາ ຢູ່ໃນລະດັບ 1,6% (ເດືອນມີນາ 1,3%) ໃນນັ້ນ, ໝວດສິນຄ້າທີ່ມີການປ່ຽນແປງຫຼາຍກວ່າໝູ່ແມ່ນ ໝວດທີ່ພັກອາໄສ, ນໍ້າປະປາ, ໄຟຟ້າ ແລະ ເຊື້ອເພີງຫຸງຕົ້ມ ເພີ່ມຂຶ້ນ 3,2%, ພົ້ນເດັ່ນແມ່ນລາຄາໄມ້ແປຮູບ (ເພີ່ມຂຶ້ນ 13,3%), ຫີນ, ຊາຍ (3,3%), ພະລັງງານອາຍແກັສ ແລະ ເຊື້ອເພີງ (4,4%), ໝວດຮັກສາສຸຂະພາບ ແລະ ຢາ ເພີ່ມຂຶ້ນ 2,4% ພົ້ນເດັ່ນແມ່ນ ລາຄາຢາປາຣາ (6,5%), ຢາແກ້ໄຂ້ ແລະ ແກ້ໄອ ເດັກນ້ອຍ (2,6%), ຄ່າຫ້ອງນອນຄົນເຈັບ (2,9%), ໝວດເຫຼົ້າ ແລະ ຢາສູບ ເພີ່ມຂຶ້ນ 2,2% ພົ້ນເດັ່ນແມ່ນ ລາຄາເບຍ ເພີ່ມຂຶ້ນ 3,2%.
ບົດລາຍງານຍັງເປີດເຜີຍວ່າ: ການເພີ່ມຂຶ້ນຂອງອັດຕາເງິນເຟີ້ໃນເດືອນເມສາ 2024 ຕົ້ນຕໍແມ່ນມາຈາກ ຄວາມຕ້ອງການໃນໄລຍະເທດສະການປີໃໝ່ລາວ ທີ່ມີຄວາມຕ້ອງການຫຼາຍຂຶ້ນ ສົ່ງຜົນເຮັດໃຫ້ສິນຄ້າບາງປະເພດມີລາຄາເພີ່ມຂຶ້ນ. ພ້ອມກັນນັ້ນ, ການສືບຕໍ່ອ່ອນຄ່າຂອງອັດຕາແລກປ່ຽນ ໃນນັ້ນເງິນກີບ ທຽບກັບໂດລາອ່ອນຄ່າ -1,9%, ທຽບກັບ ບາດ ອ່ອນຄ່າ -0,6%; ການເພີ່ມຂຶ້ນຂອງລາຄານໍ້າມັນເຊື່ອໄຟ ທີ່ເປັນປັດໄຈໜຶ່ງຂອງຕົ້ນທຶນການຜະລິດ ແລະ ການບໍລິການ ຊຶ່ງນໍ້າມັນແອັດຊັງທໍາມະດາເພີ່ມຂຶ້ນ 5,9%, ນ້ໍາມັນກະຊວນເພີ່ມຂຶ້ນ 0,6%.
ໃນຕໍ່ໜ້າ, ສະພາບລາຄາສິນຄ້າຍັງມີຄວາມທ່າອ່ຽງທີ່ຈະເພີ່ມຂຶ້ນ ເນື່ອງຈາກສະພາບປັດໄຈພາຍໃນເປັນຕົ້ນແມ່ນຄວາມສາມາດໃນການແຊກແຊງຕະຫຼາດອັດຕາແລກປ່ຽນທີ່ມີຄວາມຈໍາກັດ, ການຊຸກຍູ້ສົ່ງເສີມການຜະລິດພາຍໃນຍັງຕ້ອງໃຊ້ເວລາ, ມາດຕະການໃນການຄຸ້ມຄອງລາຄາສິນຄ້າຍັງບອບບາງ ບວກກັບເງື່ອນໄຂພາຍນອກ ເປັນຕົ້ນແມ່ນ ຄວາມຂັດແຍ່ງຢູ່ໃນພາກພື້ນ ແລະ ສາກົນທີ່ສົ່ງຜົນກະທົບຕໍ່ຕ່ອງໂສ້ການຜະລິດ-ການສະໜອງສິນຄ້າ ແລະ ບໍລິການອື່ນໆ ທີ່ຈະມີຜົນກະທົບຕໍ່ລາຄາສິນຄ້ານໍາເຂົ້າ ຂອງ ສປປ ລາວ.
(ຂ່າວ: ສຸກສະຫວັນ, ຂໍ້ມູນ: ສູນສະຖິຕິແຫ່ງຊາດ)
ຄໍາເຫັນ