ບົດລາຍງານສະພາບອັດຕາເງິນເຟີ້ ປະຈໍາເດືອນຕຸລາ 2023 ຂອງສູນສະຖິຕິແຫ່ງຊາດ ກະຊວງແຜນການ ແລະ ການລົງທຶນ ທີ່ຫາກໍເປີດເຜີຍໄດ້ລະບຸວ່າ: ສະພາບລາຄາສິນຄ້າ ແລະ ບໍລິການ ໃນເດືອນຕຸລາ 2023 ຍັງມີທ່າອ່ຽງເພີ່ມຂຶ້ນ ເຮັດໃຫ້ດັດຊະນີລາຄາສິນຄ້າ ຢູ່ໃນລະດັບ 206,7 ຊຶ່ງເພີ່ມຂຶ້ນຈາກ 164,3 ໃນເດືອນຕຸລາ ປີ 2022 ເຮັດໃຫ້ອັດຕາເງິນເຟີ້ລວມຂອງ ສປປ ລາວ ໃນເດືອນຕຸລາ 2023 ຢູ່ໃນລະດັບ 25,8% (ເດືອນກັນຍາ ແມ່ນ 25,7%).
ໃນນີ້, ໝວດລາຄາສິນຄ້າ ທີ່ມີອັດຕາເງິນເຟີ້ສູງກວ່າໝູ່ແມ່ນ ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 34,6%; ໝວດສະບຽງອາຫານ ແລະ ເຄື່ອງດື່ມບໍ່ມີທາດເຫຼົ້າ ເພີ່ມຂຶ້ນ 29,3%; ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 28,1%; ໝວດເຫຼົ້າ ແລະ ຢາສູບ ເພີ່ມຂຶ້ນ 27,3%; ໝວດຮັກສາສຸຂະພາບ ແລະ ຢາ ເພີ່ມຂຶ້ນ 24,5%; ໝວດເຄື່ອງໃຊ້ໃນເຮືອນ ເພີ່ມຂຶ້ນ 24,4%; ຄົມມະນາຄົມ ແລະ ຂົນສົ່ງ ເພີ່ມຂຶ້ນ 21,1%; ໝວດທີ່ພັກອາໄສ, ນໍ້າປະປາ, ໄຟຟ້າ ແລະ ເຊື້ອເພີງຫຸງຕົ້ມ ເພີ່ມຂຶ້ນ 17,9%; ໝວດສິນຄ້າ ແລະ ບໍລິການອື່ນໆ ເພີ່ມຂຶ້ນ 18,8%.
ເມື່ອທຽບລາຄາສິນຄ້າ ແລະ ບໍລິການ ເດືອນຕຸລາ 2023 ທຽບກັບເດືອນກັນຍາ 2023 ເຫັນວ່າ: ລາຄາສິນຄ້າ ຍັງມີທ່າອ່ຽງເພີ່ມຂຶ້ນຢູ່ໃນລະດັບ 2,4% ຊຶ່ງໃນນີ້ ໝວດຄົມມະນາຄົມ ແລະ ການຂົ່ນສົ່ງ ເພີ່ມຂຶ້ນ 4,7% ພົ້ນເດັ່ນແມ່ນ ນໍ້າມັນແອັດຊັງທໍາມະດາ ເພີ່ມຂຶ້ນຈາກ 23.302 ກີບ/ລິດ ມາເປັນ 23.916 ກີບ/ລິດ, ນໍ້າມັນກາຊວນ ເພີ່ມຂຶ້ນຈາກ 20.970 ກີບ/ລິດ ມາເປັນ 22.220 ກີບ/ລິດ. ຂະນະທີ່, ໝວດຮັກສາສຸຂະພາບ ແລະ ຢາ ກໍເພີ່ມຂຶ້ນ 3,8%; ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 3,3%; ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 2,2% ແລະ ໝວດສະບຽງອາຫານ ແລະ ເຄື່ອງດື່ມບໍ່ແມ່ນທາດເຫຼົ້າ ເພີ່ມຂຶ້ນ 1,5%. ພ້ອມນີ້, ຫຼາຍລາຍການສິນຄ້າ ກໍຍັງມີທ່າອ່ຽງເພີ່ມຂຶ້ນ ເປັນຕົ້ນແມ່ນ ສິນຄ້າປະເພດອາຫານສົດ, ເຄື່ອງກໍ່ສ້າງ, ເຄື່ອງໄຟຟ້າ ແລະ ອື່ນໆ.
ບົດລາຍງານນີ້, ຍັງໄດ້ເປີດເຜີຍວ່າ: ປັດໄຈຕົ້ນຕໍການເພີ່ມຂຶ້ນຂອງລາຄາສິນຄ້າ ໃນເດືອນຕຸລາ ຍັງແມ່ນປັດໄຈຄືກັບເດືອນທີ່ຜ່ານໆມາ ເຊັ່ນ: ຖານການຜະລິດພາຍໃນບໍ່ເຂັ້ມແຂງ ທີ່ຕ້ອງໄດ້ອາໄສການນໍາເຂົ້າ ແລະ ພ້ອມນັ້ນການຜະລິດຢູ່ພາຍໃນ ເປັນຕົ້ນແມ່ນ ສິນຄ້າກະສິກຳ ຍັງໄປຕາມລະດູການ; ການອ່ອນຄ່າຂອງເງິນກີບ ເມື່ອທຽບກັບສະກຸນເງິນຂອງປະເທດຄູ່ຄ້າ, ທຽບເດືອນຜ່ານມາ ເງິນກີບອ່ອນຄ່າ 5,3% ແລະ 2,0% ທຽບໃສ່ເງິນໂດລາ ແລະ ເງິນບາດ ຕາມລຳດັບ. ພ້ອມນີ້, ເງິນໂດລາເອງ ກໍມີທ່າອ່ຽງແຂງຄ່າຂຶ້ນ ຊຶ່ງເຫັນໄດ້ຈາກດັດຊະນີເງິນໂດລາ ເພີ່ມຂຶ້ນຈາກ 121,9 ໃນຕົ້ນເດືອນກັນຍາ ເປັນ 123,8 ໃນຕົ້ນເດືອນຕຸລາ 2023 ນີ້.
(ຂ່າວ: ສຸກສະຫວັນ)
ໃນນີ້, ໝວດລາຄາສິນຄ້າ ທີ່ມີອັດຕາເງິນເຟີ້ສູງກວ່າໝູ່ແມ່ນ ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 34,6%; ໝວດສະບຽງອາຫານ ແລະ ເຄື່ອງດື່ມບໍ່ມີທາດເຫຼົ້າ ເພີ່ມຂຶ້ນ 29,3%; ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 28,1%; ໝວດເຫຼົ້າ ແລະ ຢາສູບ ເພີ່ມຂຶ້ນ 27,3%; ໝວດຮັກສາສຸຂະພາບ ແລະ ຢາ ເພີ່ມຂຶ້ນ 24,5%; ໝວດເຄື່ອງໃຊ້ໃນເຮືອນ ເພີ່ມຂຶ້ນ 24,4%; ຄົມມະນາຄົມ ແລະ ຂົນສົ່ງ ເພີ່ມຂຶ້ນ 21,1%; ໝວດທີ່ພັກອາໄສ, ນໍ້າປະປາ, ໄຟຟ້າ ແລະ ເຊື້ອເພີງຫຸງຕົ້ມ ເພີ່ມຂຶ້ນ 17,9%; ໝວດສິນຄ້າ ແລະ ບໍລິການອື່ນໆ ເພີ່ມຂຶ້ນ 18,8%.
ເມື່ອທຽບລາຄາສິນຄ້າ ແລະ ບໍລິການ ເດືອນຕຸລາ 2023 ທຽບກັບເດືອນກັນຍາ 2023 ເຫັນວ່າ: ລາຄາສິນຄ້າ ຍັງມີທ່າອ່ຽງເພີ່ມຂຶ້ນຢູ່ໃນລະດັບ 2,4% ຊຶ່ງໃນນີ້ ໝວດຄົມມະນາຄົມ ແລະ ການຂົ່ນສົ່ງ ເພີ່ມຂຶ້ນ 4,7% ພົ້ນເດັ່ນແມ່ນ ນໍ້າມັນແອັດຊັງທໍາມະດາ ເພີ່ມຂຶ້ນຈາກ 23.302 ກີບ/ລິດ ມາເປັນ 23.916 ກີບ/ລິດ, ນໍ້າມັນກາຊວນ ເພີ່ມຂຶ້ນຈາກ 20.970 ກີບ/ລິດ ມາເປັນ 22.220 ກີບ/ລິດ. ຂະນະທີ່, ໝວດຮັກສາສຸຂະພາບ ແລະ ຢາ ກໍເພີ່ມຂຶ້ນ 3,8%; ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 3,3%; ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 2,2% ແລະ ໝວດສະບຽງອາຫານ ແລະ ເຄື່ອງດື່ມບໍ່ແມ່ນທາດເຫຼົ້າ ເພີ່ມຂຶ້ນ 1,5%. ພ້ອມນີ້, ຫຼາຍລາຍການສິນຄ້າ ກໍຍັງມີທ່າອ່ຽງເພີ່ມຂຶ້ນ ເປັນຕົ້ນແມ່ນ ສິນຄ້າປະເພດອາຫານສົດ, ເຄື່ອງກໍ່ສ້າງ, ເຄື່ອງໄຟຟ້າ ແລະ ອື່ນໆ.
ບົດລາຍງານນີ້, ຍັງໄດ້ເປີດເຜີຍວ່າ: ປັດໄຈຕົ້ນຕໍການເພີ່ມຂຶ້ນຂອງລາຄາສິນຄ້າ ໃນເດືອນຕຸລາ ຍັງແມ່ນປັດໄຈຄືກັບເດືອນທີ່ຜ່ານໆມາ ເຊັ່ນ: ຖານການຜະລິດພາຍໃນບໍ່ເຂັ້ມແຂງ ທີ່ຕ້ອງໄດ້ອາໄສການນໍາເຂົ້າ ແລະ ພ້ອມນັ້ນການຜະລິດຢູ່ພາຍໃນ ເປັນຕົ້ນແມ່ນ ສິນຄ້າກະສິກຳ ຍັງໄປຕາມລະດູການ; ການອ່ອນຄ່າຂອງເງິນກີບ ເມື່ອທຽບກັບສະກຸນເງິນຂອງປະເທດຄູ່ຄ້າ, ທຽບເດືອນຜ່ານມາ ເງິນກີບອ່ອນຄ່າ 5,3% ແລະ 2,0% ທຽບໃສ່ເງິນໂດລາ ແລະ ເງິນບາດ ຕາມລຳດັບ. ພ້ອມນີ້, ເງິນໂດລາເອງ ກໍມີທ່າອ່ຽງແຂງຄ່າຂຶ້ນ ຊຶ່ງເຫັນໄດ້ຈາກດັດຊະນີເງິນໂດລາ ເພີ່ມຂຶ້ນຈາກ 121,9 ໃນຕົ້ນເດືອນກັນຍາ ເປັນ 123,8 ໃນຕົ້ນເດືອນຕຸລາ 2023 ນີ້.
(ຂ່າວ: ສຸກສະຫວັນ)
ຄໍາເຫັນ