ອັດຕະປື ເຮັດວຽກງານຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມ

ເພື່ອຮັບປະກັນໃຫ້ມີສະຖຽນລະພາບທາງດ້ານການເມືອງ, ຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມ ສັງຄົມມີຄວາມສາມັກຄີປອງດອງ, ປະຊາທິປະໄຕ, ຍຸຕິທຳ ແລະ ສີວິໄລ ຕາມແນວທາງນະໂຍບາຍຂອງພັກໃຫ້ປະກົດຜົນເປັນຈິງ.
ແຂວງອັດຕະປື ໄດ້ສຸມໃສ່ພັດທະນາການປົກຄອງດ້ວຍກົດໝາຍຢ່າງໜັກແໜ້ນ ແລະ ມີຄວາມສັກສິດ ໂດຍສຸມໃສ່ສ້າງ ແລະ ປັບປຸງກົດໝາຍ, ນິຕິກຳລຸ່ມກົດໝາຍ ຢ່າງເປັນລະບົບ ແລະ ສອດຄ່ອງກັບສະພາບຕົວຈິງ, ປັບປຸງຕາໜ່າງໂຄສະນາເຜີຍແຜ່ກົດໝາຍດ້ວຍຫຼາຍຮູບແບບ, ຫຼາຍວິທີ ສອດຄ່ອງກັບສະພາບຕົວຈິງຂອງເປົ້າໝາຍ.
    ໃນໄລຍະ 2 ປີເຄິ່ງ ຈໍານວນຄໍາຕັດສິນຄ້າງມາ ທັງແຂວງ ແລະ ເມືອງ ມີທັງໝົດ 887 ເລື່ອງ (ຄະດີແພ່ງ 148 ເລື່ອງ, ຄະດີອາຍາ  739  ເລື່ອງ), ຄໍາຕັດສິນເຂົ້າໃໝ່ 283 ເລື່ອງ (ຄະດີແພ່ງ 50 ເລື່ອງ, ຄະດີອາຍາ 233 ເລື່ອງ), ປະຕິບັດສຳເລັດ 112 ເລື່ອງ (ຄະດີແພ່ງ 42 ເລື່ອງ, ຄະດີອາຍາ 70 ເລື່ອງ), ສົ່ງໄອຍະການ 2 ເລື່ອງ (ຄະດີແພ່ງ 2 ເລື່ອງ), ສົ່ງໄປແຂວງອື່ນປະຕິບັດ 3 ເລື່ອງ (ຄະດີແພ່ງ 2 ເລື່ອງ, ຄະດີອາຍາ 1 ເລື່ອງ), ປະຕິບັດບໍ່ໄດ້  114 ເລື່ອງ (ຄະດີແພ່ງ 16 ເລື່ອງ, ຄະດີອາຍາ 98 ເລື່ອງ), ພວມຈັດຕັ້ງປະຕິບັດ 939 ເລື່ອງ (ຄະດີແພ່ງ 136 ເລື່ອງຄະດີອາຍາ 803 ເລື່ອງ), ທົ່ວແຂວງ ມີບ້ານແບບຢ່າງປະຕິບັດກົດໝາຍ 74 ບ້ານ, ໃນນີ້: ສ້າງໃໝ່ 23 ບ້ານ ແລະ ບ້ານທີ່ຍັງຮັກສານາມມະຍົດບ້ານແບບຢ່າງປະຕິບັດກົດໝາຍ 51 ບ້ານ. ຄອບຄົວແບບຢ່າງປະຕິບັດກົດໝາຍ (ສ້າງໃໝ່) 6.419 ຄອບຄົວ, ຄອບຄົວແບບຢ່າງທີ່ເສຍໄປ ມີ 515 ຄອບຄົວ; ລວມຄອບຄົວທີ່ຍັງຮັກສານາມມະຍົດຄອບຄົວແບບຢ່າງປະຕິບັດກົດໝາຍ ແລະ ຄອບຄົວແບບຢ່າງປະຕິບັດກົດໝາຍທີ່ສ້າງໃໝ່ ມີທັງໝົດ 18.719 ຄອບຄົວ.
  ປັດຈຸບັນ ບ້ານທີ່ໄດ້ຮັບການສ້າງຕັ້ງໜ່ວຍໄກ່ເກ່ຍໄຂຂໍ້ຂັດແຍ່ງຂັ້ນບ້ານຂຶ້ນມີ 141 ບ້ານ, ຄະນະໜ່ວຍໄກ່ເກ່ຍຂໍ້ຂັດແຍ່ງຂັ້ນບ້ານມີ 705 ຄົນ ຍິງ 119 ຄົນ, ໜ່ວຍໄກ່ເກ່ຍຂໍ້ຂັດແຍ່ງຂັ້ນບ້ານໄດ້ຮັບການປັບປຸງ 51 ບ້ານ, ໄດ້ຮັບການຝຶກອົບຮົມ, ບໍາລຸງສິດ ແລະ ໜ້າທີ່ ໄດ້ 68 ບ້ານ, ຄະນະໜ່ວຍໄກ່ເກ່ຍ ເຂົ້າຮ່ວມທັງໝົດ 340 ຄົນ ຍິງ 68 ຄົນ. ແກ້ໄຂຂໍ້ຂັດແຍ່ງທັງໝົດ 104 ຂໍ້ຂັດແຍ່ງ, ໃນນີ້: ທາງອາຍາ 18 ຂໍ້ຂັດແຍ່ງ, ທາງແພ່ງ 64 ຂໍ້ຂັດແຍ່ງ ແລະ ຂໍ້ຂັດແຍ່ງອຶ່່ນໆ 22 ຂໍ້ຂັດແຍ່ງ; ແກ້ໄຂສໍາເລັດ 95 ຂໍ້ຂັດແຍ່ງ, ອາຍາ 13 ຂໍ້ຂັດແຍ່ງ, ແພ່ງ 55 ຂໍ້ຂັດແຍ່ງ ແລະ ຂໍ້ຂັດແຍ່ງອື່ນໆ 18 ຂໍ້ຂັດແຍ່ງ; ສົ່ງພາກສ່ວນອື່ນແກ້ໄຂ 9 ຂໍ້ຂັດແຍ່ງ, ຍັງຄ້າງ 9 ຂໍ້ຂັດແຍ່ງ.
                                                                                                                      ຂ່າວ: ຕະວິນຍານ