ຍົກລະດັບຄວາມຮູ້ ແລະ ຄວາມພ້ອມດ້ານຄວາມປອດໄພໄຊເບີ

ຈຸດປະສົງຂອງກອງປະຊຸມສຳມະນາ ເພື່ອຮັບມື ແລະ ປ້ອງກັນໄພຄຸກຄາມທາງໄຊເບີ ຢ່າງມີປະສິດທິພາບ, ມີຄວາມຈໍາເປັນຕ້ອງໄດ້ສຸມໃສ່ ແຜນການຮັບມືໃນຕໍ່ໜ້າດ້ານນິຕິກໍາ ສືບຕໍ່ສ້າງ ປັບປຸງ ບັງຄັບໃຊ້ກົດໝາຍ ແລະ ບັນດາຂໍ້ກໍານົດ, ມາດຕະຖານເຕັກນິກ ໃຫ້ມີຄວາມຮັດກຸມ ສອດຄ່ອງກັບສະພາບການປ່ຽນແປງ ແລະ ມາດຕະຖານສາກົນ, ດ້ານເຕັກນິກເພີ່ມທະວີການລົງທຶນ ແລະ ພັດທະນາເຄື່ອງມື ລະບົບເຝົ້າລະວັງ ຕິດຕາມກວດກາ ຄວາມປອດໄພທາງໄຊເບີ (SOC) ແລະ ລະບົບປ້ອງກັນໄພຄຸກຄາມທີ່ທັນສະໄໝ, ສ້າງຄວາມເຂັ້ມແຂງໃຫ້ກັບທີມງານຕອບໂຕ້ເຫດສຸກເສີນທາງໄຊເບີຂອງບັນດາຂະແໜງການ ໃຫ້ມີຄວາມສາມາດໃນການກວດຈັບ, ວິເຄາະ ແລະ ຕອບໂຕ້ໄພຄຸກຄາມໄດ້ຢ່າງທັນທ່ວງທີ, ດ້ານການຮ່ວມມືເພີ່ມທະວີການປະສານງານ ແລະ ແລກປ່ຽນຂໍ້ມູນຂ່າວສານ ລະຫວ່າງພາກລັດ, ພາກທຸລະກິດ, ພາກເອກະຊົນ, ສະຖາບັນການເງິນ ແລະ ຜູ້ໃຫ້ບໍລິການອິນເຕີເນັດ (ISPs) ພາຍໃນປະເທດ, ພ້ອມທັງເສີມຂະຫຍາຍການຮ່ວມມືກັບ ອົງການຈັດຕັ້ງສາກົນ, ປະເທດເພື່ອນມິດ ແລະ ປະເທດຄູ່ຮ່ວມເຈລະຈາ, ດ້ານການໃຫ້ຄວາມຮູ້ການສ້າງກິດຈະກຳ ເຜີຍແຜ່ໃຫ້ສັງຄົມຮູ້ທັນ ປ້ອງກັນ ແລະ ລະມັດລະວັງໄພຄຸກຄາມທາງໄຊເບີ. ໃນຕອນທ້າຍ ສຳມະນາ ໄດ້ພ້ອມກັນເອົາໃຈໃສ່ຮັບຟັງ, ຄົ້ນຄວ້າ ແລະ ສົນທະນາແລກປ່ຽນບົດຮຽນ ໃນວາລະຂອງການສົນທະນາ ຢ່າງກົງໄປກົງມາ ກັບບັນດາວິທະຍາກອນ ແລະ ຄະນະຮັບຜິດຊອບ ເພື່ອໃຫ້ສາມາດນໍາເອົາຄວາມຮູ້ ແລະ ປະສົບການໄປປະກອບໃຊ້ໃນວຽກງານຢ່າງເໝາະສົມ.

(ແຫຼ່ງຂ່າວ: ຂ່າວສານເຕັກໂນໂລຊີ ແລະ ການສື່ສານ)