ໃນໂອກາດນີ້, ທ່ານ ສີວັນ ຫອມໄຊຍະເດດ ໄດ້ສະແດງຄວາມຕ້ອນຮັບ ແລະ ຂອບໃຈຕໍ່ບໍລິສັດ ເອັດຊີຈີ (SCG) ທີ່ໄດ້ເຂົ້າມາອວຍພອນໃນຄັ້ງນີ້. ຕະຫຼອດໄລຍະຜ່ານມາ, ໜັງສືພິມປະຊາຊົນ ແລະ ບໍລິສັດ ເອັດຊີຈີ (SCG) ກໍໄດ້ມີການພົວພັນຮ່ວມມືແລກປ່ຽນວຽກງານຂ່າວສານ ຊຶ່ງກັນ ແລະ ກັນ ເພື່ອນໍາມາລົງໂຄສະນາປະຊາສໍາພັນ ຜ່ານເວັບໄຊ, ເຟສບຸກ ແລະ ໜັງສືພິມປະຊາຊົນ. ໜັງສືພິມປະຊາຊົນ ພ້ອມຈະສືບຕໍ່ໃຫ້ການຮ່ວມມືປະສານງານໃນວຽກງານຕ່າງໆ, ນໍາສະເໜີຂໍ້ມູນຂ່າວສານທີ່ເປັນປະໂຫຍດຕໍ່ສັງຄົມຂຶ້ນເລື້ອຍໆໄປ.
ນາງ ໂອບບຸນ ແຍ້ມສິລິກຸນ ໄດ້ສະແດງຄວາມຂອບໃຈຕໍ່ທ່ານຮັກສາການຫົວໜ້າບັນນາທິການໃຫຍ່ໜັງສືພິມປະຊາຊົນ ທີ່ໄດ້ໃຫ້ການຕ້ອນຮັບ ແລະ ໄດ້ໃຫ້ການຮ່ວມມືປະສານງານດ້ານໂຄສະນາປະຊາສໍາພັນ, ການອອກຂ່າວຕ່າງໆ ຕະຫຼອດໄລຍະຜ່ານມາ ແລະ ຫວັງຢ່າງຍິ່ງວ່າຈະໄດ້ຮັບການຮ່ວມມືປະສານງານ ຊຶ່ງກັນ ແລະ ກັນອີກຕໍ່ໆໄປ ເນື່ອງໃນໂອກາດວັນສ້າງຕັ້ງສື່ມວນຊົນ ແລະ ການພິມຈໍາໜ່າຍ, ວັນສ້າງຕັ້ງໜັງສືພິມປະຊາຊົນ ຄົບຮອບ 76 ປີ ຍັງໄດ້ອວຍພອນໄຊ ອັນປະເສີດໃຫ້ທ່ານຮັກສາການຫົວໜ້າບັນນາທິການໃຫຍ່ໜັງສືພິມປະຊາຊົນ ພ້ອມຄະນະ ກໍຄືພະນັກງານທົ່ວໜັງສືພິມປະຊາຊົນ ຈົ່ງມີສຸຂະພາບແຂງແຮງ, ມີຄວາມສຸກໃນຊີວິດສ່ວນຕົວ ແລະ ຄອບຄົວ, ມີຜົນສໍາເລັດໃນໜ້າທີ່ວຽກງານທຸກປະການ.
ຂ່າວ-ພາບ: ບຸນອູ້ມ
ຄໍາເຫັນ