 |
ສະຫາຍ ພັນໂທ ນາງ ຈັນວຽງ ສົມມະນີວັນ ເລຂາໜ່ວຍສະຫະພັນແມ່ຍິງ ກອງປັນນາທິການໜັງສືພິມກອງທັບ ໄດ້ຜ່ານບົດສະຫຼຸບວຽກງານ 6 ເດືອນຕົ້ນປີ 2026 ແລະ ທິດທາງແຜນການ 6 ເດືອນທ້າຍປີ 2026 ວ່າ:, ຄະນະໜ່ວຍ ໄດ້ຊີ້ນໍາຢ່າງໃກ້ຊິດຕິດແທດ ແລະ ຈັດຕັ້ງຜັນຂະຫຍາຍແນວທາງນະໂຍບາຍ ຂອງພັກ-ລັດ, ປະຕິບັດຕາມກົດລະບຽບ ຂອງສູນກາງສະຫະພັນແມ່ຍິງລາວວາງອອກ, ມີແບບແຜນວິທີເຮັດວຽກຢ່າງຖືກຕ້ອງ, ນໍາເອົາມະຕິ ຂອງຂັ້ນເທິງມາສ້າງເປັນແຜນການ, ໄດ້ຖືເອົາວຽກງານສຶກສາອົບຮົມການເມືອງ-ນໍາພາແນວຄິດເປັນບັນຫາສໍາຄັນ ເຮັດໃຫ້ສະມາຊິກສະຫະພັນແມ່ຍິງ ມີແນວຄິດການເມືອງໜັກແໜ້ນ, ເຊື່ອໝັ້ນຕໍ່ການນຳພາ ຂອງພັກ-ລັດ, ປະຕິບັດກົດໝາຍ, ຂໍ້ກໍານົດ, ກົດລະບຽບ ຂອງກອງທັບ, ເປັນເຈົ້າການປະກອບສ່ວນຢ່າງຕັ້ງໜ້າເຂົ້າໃນການປະຕິບັດໜ້າທີ່ວຽກງານຕາມການມອບໝາຍ ເຊິ່ງສະແດງອອກຄື: ໄດ້ເຂົ້າຮ່ວມຮັບຟັງປາຖະກະຖາ ແລະ ເຜີຍແຜ່ເອກະສານວັນສຳຄັນ ຂອງຊາດ, ຂອງພັກ ມີສະມາຊິກສະຫະພັນແມ່ຍິງ ເຂົ້າຮ່ວມ 20 ເທື່ອຄົນ, ສຸມໃສ່ການໂຄສະນາການເຄື່ອນໄຫວການນໍາພັກ-ລັດ ກໍຄືວັນສ້າງຕັ້ງພັກປະຊາຊົນປະຕິວັດລາວ ຄົບຮອບ 71 ປີ ແລະ ວັນສໍາຄັນ 3 ວັນປະຫວັດສາດ ຂອງຊາດ, ຂອງພັກ, ຂຽນບົດໄດ້ 45 ບົດ, ກວດແກ້ຂ່າວ 1,036 ຂ່າວ, ກວດແກ້ບົດ 33 ບົດ, ຮັບຂ່າວ-ບົດ 2,703 ຂ່າວ, ຈັດພິມເອກະສານຕ່າງໆ 314 ບົດ, ຈັດໜ້າໜັງສືພິມ 902 ຂ່າວ, ແປຂ່າວຕ່າງປະເທດ 729 ຂ່າວ, ອັບເດດພາສາລາວ ເປັນພາສາອັງກິດ 96 ຂ່າວ, ສົ່ງເອກະສານ 267 ສະບັບ, ຕົບແຕ່ງຮູບພາບ 870 ຮູບ, ອັບເດດຂ່າວໜັງສືພິມລົງເວັບໄຊ 2,250 ຂ່າວ, ອັບຂ່າວ PDF ໄດ້ 60 ສະບັບ, ປະຈຳການຊ່ວຍ ບກ 75 ຄັ້ງ, ສາມາດຫາລາຍໄດ້ເຂົ້າຄັງ 5,600,000 ກີບ. ຈາກນັ້ນ, ບັນດາຜູ້ເຂົ້າຮ່ວມໄດ້ຜັດປ່ຽນກັນປະກອບຄໍາຄິດເຫັນຢ່າງກົງໄປກົງມາ ເພື່ອເຮັດໃຫ້ບົດສະຫຼຸບມີເນື້ອໃນສົມບູນຂຶ້ນຕື່ມ.
 |
ໂອກາດນີ້, ຍັງໄດ້ຜ່ານຂໍ້ຕົກລົງ ວ່າດ້ວຍການບົ່ງຕົວແຕ່ງຕັ້ງ ຄະນະໜ່ວຍສະຫະພັນແມ່ຍິງ ກອງບັນນາທິການ ໜັງສືພິມກອງທັບ ໃນນີ້, ບົ່ງຕົວແຕ່ງຕັ້ງ ສະຫາຍ ຮ້ອຍເອກ ນາງ ຄໍາປ໋ອກ ພັນທະວົງສາ ເປັນກໍາມະການ-ການຄັງ ໜ່ວຍສະຫະພັນແມ່ຍິງ ກອງບັນນາທິການ ໜັງສືພິມກອງທັບ ຕື່ມອີກ.
ຂ່າວ: ວັນນະລັກ ວົງພົມ
ຄໍາເຫັນ