ເນື່ອງໃນໂອກາດສື່ມວນຊົນລາວ ແລະ ການພິມຈຳໜ່າຍ ຄົບຮອບ 76 ປີ (13 ສິງຫາ 1950 ຫາ 13 ສິງຫາ 2026), ທ່ານ ນາງ ບຸນນານ ບຸນນະແສງ, ພະນັກງານບຳນານ ແລະ ອະດີດຫົວໜ້າ, ວັດທະນະທຳ ແລະ ທ່ອງທ່ຽວແຂວງອັດຕະປື ໄດ້ໃຫ້ທັດສະນະວ່າ: ຕະຫຼອດໄລຍະ 76 ປີ ສື່ມວນຊົນລາວໄດ້ມີການກຳເນີດ, ສ້າງຕັ້ງ ແລະ ພັດທະນາມາຢ່າງຕໍ່ ເນື່ອງ ຈາກສື່ສິ່ງພິມ ມາສູ່ ວິທະຍຸ, ໂທລະພາບ, ສື່ອິເລັກໂຕຣນິກ ແລະ ສື່ອອນລາຍ. ໃນປີ 1950 ສື່ມວນຊົນລາວ ໂດຍສະເພາະ ໜັງສືພິມ “ລາວອິດສະຫຼະ” ສະບັບກຳເນີດ ໄດ້ຖືກກຳເນີດຂຶ້ນຢູ່ເມືອງວຽງໄຊ ແຂວງຫົວພັນ. ຈາກ ນັ້ນມາ ວຽກງານສື່ມວນຊົນໄດ້ພັດທະນາຕາມຍຸກສະໄໝ ແລະ ປັດຈຸບັນສື່ເກົ່າໄດ້ປະສົມປະສານກັບສື່ໃໝ່ ເຮັດ ໃຫ້ການນໍາສະເໜີຂ່າວສານສາມາດເຂົ້າເຖິງປະຊາຊົນໄດ້ກວ້າງຂວາງ ແລະ ວ່ອງໄວຂຶ້ນ.
ໃນໂອກາດສື່ມວນຊົນລາວ ຄົບຮອບ 76 ປີ, ທ່ານນາງ ບຸນນານ ບຸນນະແສງ ຍັງໄດ້ສະແດງຄວາມຂອບໃຈຕໍ່ ການນໍາພັກ-ລັດ ທີ່ໄດ້ເອົາໃຈໃສ່ນໍາພາ ແລະ ພັດທະນາວຽກງານສື່ມວນຊົນມາໂດຍຕະຫຼອດ, ພ້ອມຂອບໃຈຕໍ່ນັກ ຂ່າວ ແລະ ພະນັກງານສື່ມວນຊົນທຸກຮຸ່ນ ທີ່ໄດ້ທຸ່ມເທແຮງກາຍ, ແຮງໃຈ ແລະ ສະຕິປັນຍາ ເພື່ອພັດທະນາວຽກ ງານສື່ ແລະ ຮັບໃຊ້ພາລະກິດຂອງພັກ-ລັດ. ພ້ອມນີ້ ໄດ້ອວຍພອນແດ່ການນໍາພັກ-ລັດ, ອະດີດນັກຂ່າວ, ພະນັກງານ ແລະ ບຸຄະລາກອນສື່ມວນຊົນ ໃຫ້ມີສຸຂະພາບແຂງແຮງ, ສືບຕໍ່ປະຕິບັດພາລະກິດອັນມີກຽດສັກສີ ແລະ ສໍາຄັນຕໍ່ ສັງຄົມ ໃຫ້ກ້າວໜ້າ ແລະ ຍືນຍົງຕະຫຼອດໄປ.ຂ່າວ:ມະນີວອນ
ຄໍາເຫັນ