ບັນດາແຂວງຕ່າງໆ ມອບເງິນຊ່ວຍເຫຼືອຜູ້ໄດ້ຮັບຜົນກະທົບຈາກພາຍຸໝາກເຫັບ

ແຂວງສະຫວັນນະເຂດມອບໂດຍ ທ່ານ ບຸນໂຈມ ອຸບົນປະເສີດ ເລຂາຄະນະບໍລິຫານງານພັກ ແຂວງສະຫວັນນະເຂດ ພ້ອມດ້ວຍຄະນະ,

ແຂວງບໍ່ແກ້ວມອບໂດຍ ທ່ານ ພົຈວ ແປ້ນຄໍາ ບຸດຈັນແພງ ເລຂາຄະນະບໍລິຫານງານພັກແຂວງບໍ່ແກ້ວ;

ແຂວງຈໍາປາສັກ ມອບໂດຍ ທ່ານ ອາລຸນໄຊ ສູນນະລາດ ເລຂາຄະນະບໍລິຫານງານພັກແຂວງຈໍາປາສັກ ພ້ອມດ້ວຍຄະນະ,

ແຂວງຄໍາມ່ວນ ມອບໂດຍ ທ່ານ ໄຊຊະນະ ໂຄດພູທອນ ເລຂາຄະນະບໍລິຫານງານພັກແຂວງຄໍາມ່ວນ ພ້ອມດ້ວຍຄະນະ,

ແຂວງອຸດົມໄຊມອບໂດຍທ່ານ ບຸນຄົງ ຫຼ້າຈຽມພອນ ເລຂາຄະນະບໍລິຫານງານພັກແຂວງອຸດົມໄຊ ພ້ອມດ້ວຍຄະນະ ແລະ ແຂວງວຽງຈັນ ມອບໂດຍທ່ານ ພູທະນູເພັດ ໄຊສົມບັດ ເລຂາຄະນະບໍລິຫານງານພັກແຂວງວຽງຈັນ ພ້ອມດ້ວຍຄະນະຈໍານວນເງິນທີ່ນໍາມາມອບ ໃນຄັ້ງນີ້ແຂວງລະ 100 ລ້ານກີບ

ລວມທັງໝົດ 700 ລ້ານກີບ, ເປັນກຽດຮັບໂດຍທ່ານ ອາດສະພັງທອງ ສີພັນດອນ ເລຂາຄະນະບໍລິຫານງານພັກ ນະຄອນຫຼວງວຽງຈັນ ໂດຍຊ້ອງໜ້າພາກສ່ວນທີ່ກ່ຽວຂ້ອງເຂົ້າຮ່ວມ.

ຈຸດປະສົງເພື່ອນໍາໄປຊ່ວຍເຫຼືອ ຜູ້ທີ່ໄດ້ຮັບຜົນກະທົບຈາກພາຍຸໝາກເຫັບຕົກໃນວັນທີ 22 ມີນາ 2026 ຜ່ານມາ ທີ່ນະຄອນຫຼວງວຽງຈັນ. (ຂ່າວ-ພາບ: ແສງຈັນ)