ແລະ ທິດທາງແຜນການປີ 2024-2025 ໄດ້ຈັດຂຶ້ນ ແລະ ອັດລົງໃນວັນທີ 12 ພະຈິກຜ່ານມາ ທີ່ແຂວງບໍ່ແກ້ວ ໂດຍການເປັນປະທານຂອງທ່ານ ພົນຕີ ສາຍໃຈ ກົມມະສິດ ຮອງເຈົ້າແຂວງບໍ່ແກ້ວ ທັງເປັນຫົວໜ້າຄະນະກຳມະການແກ້ໄຂບັນຫາຢາເສບຕິດຂັ້ນແຂວງ, ເປັນກຽດເຂົ້າຮ່ວມມີ ທ່ານ ທອງຈັນ ມະນີໄຊ ເຈົ້າແຂວງບໍ່ແກ້ວ ທັງເປັນປະທານປ້ອງກັນຊາດ-ປ້ອງກັນຄວາມສະຫງົບແຂວງ ພ້ອມດ້ວຍບັນດາຄະນະກຳມະການ ແກ້ໄຂບັນຫາຢາເສບຕິດຂັ້ນແຂວງ, ຂັ້ນເມືອງ, ແລະ ສອງກອງບັນຊາການ ປກຊ-ປກສ ເຂົ້າຮ່ວມ.
ໃນກອງປະຊຸມ, ບັນດາຜູ້ເຂົ້າຮ່ວມໄດ້ປະກອບຄໍາຄິດເຫັນ ໃນການຈັດຕັ້ງປະຕິບັດວຽກງານ ທີ່ໄດ້ຕິດພັນກັບແຜນດຳເນີນງານວາລະແຫ່ງຊາດ ໂດຍສະເພາະ ແຜນແມ່ບົດໃນການແກ້ໄຂບັນຫາຢາເສບຕິດ ທີ່ເປັນສິ່ງທ້າທາຍທຸກບັນຫາໃນສັງຄົມ, ພ້ອມນີ້ ບັນດາຄະນະກຳມະການ ແກ້ໄຂບັນຫາຢາເສບຕິດທຸກຂັ້ນ ເປັນເອກະພາບກັນສຸມໃສ່ແກ້ບັນຫາຕ່າງໆຕາມ 6 ແຜນວຽກຈຸດສຸມ ເປັນຕົ້ນ ການສ້າງຄວາມຮັບຮູ້ໃນທົ່ວສັງຄົມ ດ້ວຍການສຶກສາອົບຮົມ, ໂຄສະນາເຜີຍແຜ່ລະບຽບ-ກົດໝາຍ ແລະ ຜົນຮ້າຍຂອງຢາເສບຕິດ, ສ້າງ ແລະ ປັບປຸງກົດໝາຍ-ນິຕິກຳໃຕ້ກົດໝາຍ ທີ່ກ່ຽວຂ້ອງກັບບັນຫາຢາເສບຕິດ, ວຽກງານປັບປຸງກົງຈັກການຈັດຕັ້ງ ແລະ ຍົກລະດັບຄວາມສາມາດ ໃນການເຄື່ອນໄຫວເຮັດໜ້າທີການເມືອງ ຂອງອົງການສືບສວນ-ສອບສວນ, ອົງການໄອຍະການປະຊາຊົນ, ສານປະຊາຊົນ, ອົງການປະຕິບັດຄຳຕັດສິນຂອງສານ ແລະ ພາກສ່ວນທີ່ກ່ຽວຂ້ອງ ຕໍ່ການແກ້ໄຂບັນຫາຢາເສບຕິດ, ຍົກສູງປະສິດທິພາບດ້ານການຄຸ້ມຄອງ, ຊີ້ນຳໃນການຈັດຕັ້ງປະຕິບັດຮອບດ້ານ ໃນການແກ້ໄຂບັນຫາຢາເສບຕິດ, ປັບປຸງຂີດຄວາມສາມາດ ໃນການເຄື່ອນໄຫວເຮັດໜ້າ ຂອງລະບົບການເມືອງແຕ່ລະຂັ້ນ ເພື່ອນຳພາ-ຊີ້ນຳ ການແກ້ໄຂບັນຫາຢາເສບຕິດ ໃນຂອບເຂດຂອງຕົນຮັບຜິດຊອບຢ່າງຕັ້ງໜ້າ.
ໂອກາດນີ້, ທ່ານ ທອງຈັນ ມະນີໄຊ ໄດ້ເນັ້ນໃຫ້ຄະນະກຳມະການ ແກ້ໄຂບັນຫາຢາເສບຕິດທຸກຂັ້ນ, ຈົ່ງພ້ອມກັນເປັນເຈົ້າການ ໃນການປັບປຸງແຜນແມ່ບົດ ໃນການຈັດຕັ້ງປະຕິບັດວຽກງານ ແນໃສ່ເຮັດໃຫ້ແຂວງບໍ່ແກ້ວ ປອດຈາກຢາເສບຕິດ ແລະ ມີຄວາມສະຫງົບປອດໄພ, ຊຶ່ງສິ່ງສຳຄັນແມ່ນເອົາໃຈໃສ່ຕິດຕາມ ການລັກລອບຄ້າ-ຂາຍເຖື່ອນທີ່ຜິດກົດໝາຍ, ເພີ່ມກຳລັງແຮງທຸກດ້ານ ໂດຍສຸມໃສ່ໃນການແກ້ໄຂ, ຕ້ານ ແລະ ສະກັດກັ້ນບັນຫາຢາເສບຕິດ. ເນັ້ນໃສ່ຈຸດສຸມຂອງແຂວງ ໃນການຕ້ານ ແລະ ສະກັດກັ້ນ-ອັດປ່ອງຂ້າມລອຍ, ເພີ່ມຄວາມເອົາໃຈໃສ່ແກ້ໄຂທຳລາຍ ທັບມ້າງກຸ່ມຄ້າ-ຂາຍເຖື່ອນ ເພື່ອເຮັດໃຫ້ແຂວງບໍ່ແກ້ວ ມີສະຖຽນລະພາບທາງດ້ານການເມືອງໜັກແໜ້ນ, ສັງຄົມມີຄວາມສະຫງົບປອດໄພ, ເພີ່ມມາດຕະການຕ່າງໆ ເພື່ອລົງໂທດຕໍ່ຜູ້ກະທຳຜິດ ແລະ ລະເມີດກົດໝາຍຢ່າງເຄັ່ງຄັດ, ເສີມສ້າງທ່າແຮງບົ່ມຊ້ອນຂອງແຂວງ ໂດຍການໂຄສະນາເຜີຍແຜ່ ຜົນຮ້າຍຂອງຢາເສບຕິດລົງສູ່ສັງຄົມໃຫ້ທົ່ວເຖິງ.
(ຂ່າວ: ບຸນຈັນ ມະນີໄຊ)
ຄໍາເຫັນ