 |
ການຈັດກິດຈະກຳໃນຄັ້ງນີ້, ເພື່ອຂໍ່ານັບຮັບຕ້ອນວັນສ້າງຕັ້ງກຳລັງ ປກສ ຄົບຮອບ 65 ປີ ໃຫ້ມີເນື້ອໃນຄວາມໝາຍເລິກເຊິ່ງ ປະກອບສ່ວນຊ່ວຍເຫຼືອສັງຄົມ, ເພີ່ມປະລິມານເລືອດສຳຮອງໃຫ້ສະຖາບັນເລືອດແຫ່ງຊາດ ເພື່ອນຳໄປຊ່ວຍເຫຼືອເພື່ອນມະນຸດ ແລະ ຜູ້ປ່ວຍທີ່ຕ້ອງການເລືອດສຸກເສີນຕາມໂຮງໝໍຕ່າງໆ. ພ້ອມນີ້, ຍັງເປັນການຕອບສະໜອງຕາມແຜນການຂອງສະຖາບັນເລືອດແຫ່ງຊາດໃນປີ 2026 ທີ່ວາງຄາດໝາຍສູ້ຊົນຈັດເກັບເລືອດໃຫ້ໄດ້ 85,000 ຖົງໃນທົ່ວປະເທດ. ໃນນັ້ນ, ພາກສ່ວນ ປກສ ຮັບຜິດຊອບໃຫ້ບັນລຸ 1,476 ຖົງ.
 |
ໂອກາດນີ້, ທ່ານ ພົຈວ ສູນທອນ ລາດຊະສົມບັດ ໄດ້ຮຽກຮ້ອງໃຫ້ບັນດາກົມກອງ, ວິທະຍາຄານ ແລະ ນາຍຕຳຫຼວດທຸກສະຫາຍ ຈົ່ງສືບຕໍ່ໃຫ້ການຮ່ວມມື ແລະ ເຂົ້າຮ່ວມການບໍລິຈາກເລືອດຢ່າງເປັນຂະບວນຟົດຟື້ນ ແລະ ຕໍ່ເນື່ອງ ເພື່ອໃຫ້ມີເລືອດພຽງພໍໃນການຊ່ວຍຊີວິດເພື່ອນມະນຸດໃນຍາມຈຳເປັນ.
ໃນພິທີ, ທ່ານ ຈັນທະລາ ສຸກສາຄອນ ໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ນໍ້າໃຈເສຍສະຫຼະຂອງນາຍ ແລະ ພົນຕຳຫຼວດ ທີ່ໄດ້ພ້ອມກັນປະກອບສ່ວນເຂົ້າໃນຂະບວນການມະນຸດສະທຳໃນຄັ້ງນີ້. ນອກຈາກ ເປັນການປະຕິບັດໜ້າທີ່ວິຊາສະເພາະແລ້ວ, ການບໍລິຈາກເລືອດ ຍັງເປັນການສະແດງເຖິງຄວາມຮັບຜິດຊອບສູງຕໍ່ສັງຄົມ ແລະ ເປັນການສ້າງບຸນກຸສົນອັນຍິ່ງໃຫຍ່ຕື່ມອີກ.
ຂ່າວ: ບຸນພະຈັນ
ຄໍາເຫັນ