ໃນພິທີດັ່ງກ່າວ, ທ່ານ ໂພໄຊ ໄຊຍະສອນ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ໃຫ້ກຽດຕ້ອນຮັບ ແລະ ກ່າວສະແດງຄວາມຂອບໃຈຢ່າງຈິງໃຈຕໍ່ທ່ານ ອ້າຍ ໂຢງຈຸນ ຮອງຜູ້ອຳນວຍການ ບໍລິສັດ ຝຸ່ນໂປຕາສ ອາຊີ-ໂປຕາສ ສາກົນ (ລາວ) ຈຳກັດຜູ້ດຽວ ທີ່ໄດ້ໃຫ້ການຊ່ວຍເຫຼືອໃນຄັ້ງນີ້.
ເຄື່ອງທີ່ນຳມາມອບໃນຄັ້ງນີ້, ປະກອບມີເຄື່ອງນຸ່ງຫົ່ມກັນໜາວ ແລະ ເຄື່ອງອຸປະໂພກທີ່ຈຳເປັນ ລວມມູນຄ່າທັງໝົດ 257,700,000 ກີບ. ການຊ່ວຍເຫຼືອດັ່ງກ່າວປະກອບສ່ວນສຳຄັນ ເຂົ້າໃນການບັນເທົາທຸກ ແລະ ສ້າງຄວາມອົບອຸ່ນໃຫ້ເດັກນ້ອຍ ແລະ ປະຊາຊົນທີ່ປະສົບກັບສະພາບອາກາດໜາວ.
ທ່ານ ໂພໄຊ ໄຊຍະສອນ ໄດ້ກ່າວວ່າ: "ການຊ່ວຍເຫຼືອໃນຄັ້ງນີ້, ເປັນການສະແດງເຖິງຄວາມເປັນຫ່ວງເປັນໃຍ ແລະ ນ້ຳໃຈເອື້ອເຟື້ອເຜື່ອແຜ່ຂອງພາກສ່ວນທຸລະກິດ ທີ່ມີຕໍ່ສັງຄົມລາວ ໂດຍສະເພາະແມ່ນການຮ່ວມມືກັບພາກລັດ ເພື່ອຍົກລະດັບຄຸນນະພາບຊີວິດຂອງຜູ້ດ້ອຍໂອກາດໃຫ້ດີຂຶ້ນ."ກະຊວງ ຮສສ ຢືນຢັນວ່າຈະຮີບຮ້ອນນຳສົ່ງເຄື່ອງຊ່ວຍເຫຼືອເຫຼົ່ານີ້ ໃຫ້ເຖິງມືກຸ່ມເປົ້າໝາຍຢູ່ເຂດຫ່າງໄກສອກຫຼີກຢ່າງທົ່ວເຖິງ ແລະ ໂປ່ງໃສ ເພື່ອໃຫ້ທັນກັບຄວາມຕ້ອງການຂອງປະຊາຊົນ.
ຂ່າວສານ ຮສສ
ຄໍາເຫັນ