 |
ໃນພິທີ, ທ່ານ ອິນທະປັນຍາ ຂຽວວົງພະຈັນ ຮອງເລຂາຄະນະພັກ ຮອງຫົວໜ້າຫ້ອງວ່າການສຳນັກງານປະທານປະເທດ ໄດ້ປະຖະກະຖາ ວັນລັດຖະທຳມະນູນ ແຫ່ງ ສປປ ລາວ ຄົບຮອບ 35 ປີ ຊຶ່ງໄດ້ຍົກໃຫ້ເຫັນຄວາມເປັນມາ ແລະ ຄວາມໝາຍຄວາມສຳຄັນຂອງລັດຖະທຳມະນູນແຫ່ງ ສປປ ລາວ,ສັງເກດຕີລາຄາ ສະພາບການຈັດຕັ້ງປະຕິບັດລັດຖະທຳມະນູນ ແລະ ກົດໝາຍໃນໄລຍະ 35 ປີທີ່ຜ່ານ ມາ, ສືບຕໍ່ເພີ່ມທະວີການຈັດຕັ້ງປະຕິບັດລັດຖະທຳມະນູນ ແລະ ກົດໝາຍຕ່າງໆໃຫ້ເຂັ້ມງວດ ແລະ ມີ ປະສິທິຜົນ, ລັດຖະທໍາມະນູນເປັນກົດໝາຍພື້ນຖານຂອງຊາດທັງເປັນການຫັນແນວທາງປຽ່ນແປງໃໝ່ຢ່າງ ຮອບດ້ານ ທີ່ມີຫຼັກການຂອງພັກ ມາເປັນກົດໝາຍພື້ນຖານຂອງລະບອບປະຊາທິປະໄຕ ປະຊາຊົນລາວ ເພື່ອສຶກສາອົບຮົມປະຊາຊົນລາວບັນດາເຜົ່າ ໃຫ້ຍົກສູງນໍ້າໃຈຮັກຊາດ ຮັກລະບອບໃໝ່ ເພີ່ມທະວີຄວາມສາມັກຄີປວງຊົນລາວທັງຊາດ ເຊີດຊູບົດບາດເປັນເຈົ້າການໃນການປົກປັກຮັກສາ ແລະ ສ້າງສາພັດທະນາປະເທດຊາດ ຕາມຈຸດໝາຍທີ່ພັກໄດ້ກໍານົດໄວ້ ການປະກາດໃຊ້ລັດຖະທໍາມະນູນເປັນເຫດການການເມືອງທີ່ສໍາຄັນຂອງຊາດທັງເປັນຂີດໝາຍໃໝ່ແຫ່ງການຫັນໄປສູ່ການຄຸ້ມຄອງລັດຄຸ້ມຄອງສັງຄົມດ້ວຍກົດໝາຍ ແລະ ສ້າງລັດແຫ່ງກົດໝາຍເທື່ອລະກ້າວ ສ່ອງແສງໃຫ້ເຫັນເຖິງລັກສະນະທາດແທ້ ແລະ ການເຕີບໃຫຍ່ຂະຫຍາຍຕົວ ຂອງລະບອບປະຊາທິປະໄຕ ປະຊາຊົນລາວ ພາຍໃຕ້ການນໍາພາອັນຖືກຕ້ອງ ຂອງພັກ ທັງເປັນການຢັ້ງຢືນຕໍ່ໂລກກຽ່ວກັບຄວາມເປັນເອກະລາດ ແລະ ຜືນແຜ່ນດິນອັນຄົບຖວ້ນຂອງລາວ.
ໃນນັ້ນ, ຜູ້ເຂົ້າຮ່ວມຍັງໄດ້ຮັບຟັງການເຜີຍແຜ່ເອກະສານສຳຄັນ ຂອງພັກ-ລັດ ອີກຈຳນວນໜຶ່ງຊຶ່ງການຈັດຕັ້ງປາຖະກະຖາ ແລະ ເຜີຍແຜ່ເອອກະສານສຳຄັນຄັ້ງນີ້ແມ່ນແນໃສ່ເພື່ອໃຫ້ ບັນດາສະມາຊິກພັກ ແລະ ພະນັກງານ - ລັດຖະກອນທົ່ວຫ້ອງວ່າການສຳນັກງານປະທານປະເທດ ໄດ້ຮັບຮູ້ ແລະ ເຂົ້າໃຈຕໍ່ກັບເນື້ອໃນເອກກະສານສຳຄັັນດັ່ງກ່າວແລ້ວນຳເອົາໄປຈັດຕັ້ງປະຕິບັດຜັນຂະຫຍາຍເຂົ້າໃນວຽກງານທີ່ຮັບຜິດຊອບໃຫ້ມີຜົນສຳເລັດຂຶ້ນເລື້ອຍໆ.
(ຂ່າວ-ພາບ: ສຳນານ)
ຄໍາເຫັນ