flag

ຂ່າວວັດທະນະທຳ-ສັງຄົມ

ບໍລິສັດ ໄບຣຊອຍສ ມອບເຄື່ອງຊ່ວຍເຫຼືອໃຫ້ນັກຮຽນເຂດຫ່າງໄກສອກຫຼີກ

ບໍລິສັດ ໄບຣຊອຍສ ມອບເຄື່ອງຊ່ວຍເຫຼືອໃຫ້ນັກຮຽນເຂດຫ່າງໄກສອກຫຼີກ

ບໍລິສັດ ໄບຣຊອຍສ ມອບເຄື່ອງຊ່ວຍເຫຼືອໃຫ້ນັກຮຽນເຂດຫ່າງໄກສອກຫຼີກ
ບໍລິສັດ ໄບຣຊອຍສ ຈໍາກັດຜູ້ດຽວ ໄດ້ນໍາເຄື່ອງຊ່ວຍເຫຼືອປະເພດເກີບແພຈໍານວນ 100 ກວ່າຄູ່ ມາມອບໃຫ້ໜັງສືພິມປະຊາຊົນ ເພື່ອນໍາໄປມອບຕໍ່ໃຫ້ນັກຮຽນຢູ່ເຂດຫ່າງໄກສອກຫຼີກ ໃນວັນທີ 1 ກໍລະກົດນີ້ ທີ່ສໍານັກງານໜັງສືພິມປະຊາຊົນ ກ່າວມອບໂດຍທ່ານນາງ ລັດຕະນະໄຊ ແສນກີດຈະນຸລັກ ຜູ້ອໍານວຍການບໍລິສັດ ໄບຣຊອຍສ ຈໍາກັດຜູ້ດຽວ (BRIGHT CHOICE) ພ້ອມດ້ວຍຄອບຄົວ ໂດຍການກ່າວຮັບຂອງທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍ່ໜັງສືພິມປະຊາຊົນ.

 

 

ບໍລິສັດ ໄບຣຊອຍສ ຈໍາກັດຜູ້ດຽວ ໄດ້ສ້າງຕັ້ງຂຶ້ນໃນປີ 2020 ຊຶ່ງມີສຳນັກງານຕັ້ງຢູ່ບ້ານໜອງທາເໜືອ ເມືອງຈັນທະບູລີ ນະຄອນຫຼວງວຽງຈັນ ດໍາເນີນທຸລະກິດດ້ານການບໍລິການ ດ້ານທີ່ປຶກສາໃນການໄປຮຽນຕໍ່ຢູ່ຕ່າງປະເທດ; ການຈັດໂປຣແກມທັດສະນະສຶກສາເຂດເອີຣົບ ແລະ ສປ ຈີນ; ທີ່ປຶກສາທຸລະກິດ ແລະ ດ້ານການເງິນ, ບໍລິການຈັດງານເຊັ່ນ: ຈັດງານວາງສະແດງ ODOP LAO CARNIVAL ໃນປີ 2021; ຮ່ວມຈັດງານຕະຫຼາດນັດຜູ້ປະກອບການໜຸ່ມ (Young Entrepreneur Trade Fair) ໃຫ້ສະມາຄົມນັກທຸລະກິດໜຸ່ມແຫ່ງຊາດລາວໃນປີ 2021 ແລະ ເມື່ອບໍ່ດົນມານີ້ໄດ້ຮ່ວມຈັດງານ ASEAN TOURISM FORUM 2024. ສຳລັບປີນີ້ກຳລັງກະກຽມງານເຊື່ອມໂຍງອຸດສາຫະກຳອາຊຽນ-ຈີນ (ASEAN-China Future Industry Connect 2025) ທີ່ ສປປ ລາວ ຊຶ່ງຈະຈັດຂຶ້ນໃນທ້າຍປີ 2025. ພ້ອມນີ້, ທ່ານ ອີ້ ຕີ່ງ (Yi Ding) ຜູ້ອໍານວຍການບໍລິສັດ ເອັນຮານສ ອິນເຕີເນຊັນແນວ (ENHANCE INTERNATIONAL COOPERATION Ltd ໃຫ້ຮູ້ອີກວ່າ: ພວກເຮົາໄດ້ຈົດທະບຽນບໍລິສັດ ເອັນຮານສ ອິນເຕີເນຊັນແນວ ທີ່ປະເທດອັງກິດນັບແຕ່ປີ 2013 ຊຶ່ງດໍາເນີນທຸລະກິດເພື່ອບໍລິການສ້າງໂປຣແກມທັດສະນະສຶກສາໃນລະດູຮ້ອນ ສໍາລັບນັກຮຽນຈາກອາຊີ (ໂດຍສະເພາະ ສປ ຈີນ ແລະ ສປປ ລາວ) ໄປທະວີບເອີຣົບ ແລະ ອາເມຣິກາ; ບໍລິການຈັບຄູ່ທຸລະກິດລະຫວ່າງເອກະຊົນ ແລະ ເອກະຊົນ (B2B), ລັດຖະບານກັບລັດຖະບານ (G2G) ລວມທັງລັດຖະບານ ແລະ ເອກະຊົນ, ບໍລິການຈັດງານແລກປ່ຽນວັດທະນະທຳ ແລະ ການຄ້າ, ການສຶກສາຂອງຈີນກັບບັນດານາໆຊາດ, ຜ່ານມາທັງສອງບໍລິສັດ ໄດ້ປະກອບສ່ວນຊ່ວຍເຫຼືອທຶນການສຶກສາ ໃຫ້ນັກສຶກສາລາວໃນລະດັບປະລິນຍາຕີຈົນຈົບຫຼັກສູດຈໍານວນ 2 ທຶນ (2018-2024).

ໂອກາດນີ້, ທ່ານ ວັນໄຊ ຕະວິນຍານ ໄດ້ກ່າວສະແດງຄວາມຂອບໃຈຕໍ່ທ່ານ ອີ້ ຕີ່ງ ແລະ ທ່ານນາງ ລັດຕະນະໄຊ ແສນກີດຈະນຸລັກ ທີ່ໄດ້ນໍາເອົາເຄື່ອງມາມອບໃຫ້ໃນຄັ້ງນີ້ ເພື່ອນໍາໄປຊ່ວຍເຫຼືອນັກຮຽນທີ່ດ້ອຍໂອກາດຢູ່ເຂດຫ່າງໄກສອກຫຼີກ. ອວຍພອນໄຊໃຫ້ທັງສອງທ່ານພ້ອມດ້ວຍຄອບຄົວ ແລະ ພະນັກງານຈົ່ງມີສຸຂະພາບແຂງ ທຸລະກິດມີຄວາມຈະເລີນກ້າວໜ້າຍິ່ງໆຂຶ້ນ.

ຂ່າວ-ພາບ: ຍຸພິນທອງ + ບຸນອູ້ມ

ຄໍາເຫັນ

ຂ່າວວັດທະນະທຳ-ສັງຄົມ

ມອບ-ຮັບ ໂຄງການຕິດຕັ້ງໄຟຟ້າເຂົ້າປ້ອມຫ້ວຍອີ່ຮຸມ ກອງຮ້ອຍທະຫານຊາຍແດນ 158

ມອບ-ຮັບ ໂຄງການຕິດຕັ້ງໄຟຟ້າເຂົ້າປ້ອມຫ້ວຍອີ່ຮຸມ ກອງຮ້ອຍທະຫານຊາຍແດນ 158

ໃນວັນທີ 7 ພຶດສະພານີ້, ຢູ່ທີ່ກອງຮ້ອຍທະຫານຊາຍແດນ 158 ເມືອງແກ່ນທ້າວ ແຂວງໄຊຍະບູລີ ໄດ້ຈັດພິທີມອບ-ຮັບ ໂຄງການຕິດຕັ້ງໄຟຟ້າເຂົ້າປ້ອມຫ້ວຍອີ່ຮຸມ, ໃຫ້ກຽດເຂົ້າຮ່ວມ ແລະ ກ່າວມອບໂດຍສະຫາຍ ເພັງນິລັນ ຄຳພັນເພັງ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບແຂວງ. ກ່າວຮັບໂດຍສະຫາຍ ພັນຕີ ວົງໄຊ ເຮືອງລິດ ຫົວໜ້າການເມືອງ ກອງຮ້ອຍທະຫານຊາຍແດນ 158, ມີສະຫາຍ ຄຳປຸ່ນ ນວນສະບັບ ກໍາມະການພັກແຂວງ ເລຂາຄະນະບໍລິຫານງານພັກເມືອງແກ່ນທ້າວ ປະທານຄະນະກໍາມະການປ້ອງກັນຊາດ-ປ້ອງກັນຄວາມສະຫງົບ ເມືອງ, ພ້ອມດ້ວຍຄະນະຕິດຕາມຈາກແຂວງ, ເມືອງ ແລະ ພະນັກງານ-ນັກຮົບເຂົ້າຮ່ວມ.
ຄໍາມ່ວນ ປະກາດສ້າງຕັ້ງ 5 ຕາແສງ ທີ່ຂຶ້ນກັບເມືອງທ່າແຂກ

ຄໍາມ່ວນ ປະກາດສ້າງຕັ້ງ 5 ຕາແສງ ທີ່ຂຶ້ນກັບເມືອງທ່າແຂກ

ພິທີປະກາດສ້າງຕັ້ງ 5 ຕາແສງຂອງເມືອງທ່າແຂກ ແຂວງຄໍາມ່ວນ ຈັດຂຶ້ນໃນວັນທີ 7 ພຶດສະພານີ້, ໃຫ້ກຽດເຂົ້າຮ່ວມມີ ທ່ານ ສົມໃຈ ພານີຈັນ ຮອງເລຂາຄະນະບໍລິຫານງານພັກແຂວງ ຜູ້ຊີ້ນໍາວຽກງານການເມືອງແນວຄິດ-ວຽກພັກພະນັກງານ, ທ່ານ ຄໍາໜັ້ນ ສໍປະເສີດ ເລຂາຄະນະບໍລິຫານງານພັກເມືອງທ່າແຂກ, ພ້ອມດ້ວຍບັນດາການນໍາແຂວງ, ເມືອງ, ເລຂາພັກບ້ານ ແລະ ແຂກຖືກເຊີນເຂົ້າຮ່ວມ.
ກຽມສ້າງທາງເບຕົງເສີມເຫຼັກ ແລະ ປ້ອງກັນຕາຝັ່ງເຈື່ອນທົ່ວນະຄອນຫຼວງວຽງຈັນ

ກຽມສ້າງທາງເບຕົງເສີມເຫຼັກ ແລະ ປ້ອງກັນຕາຝັ່ງເຈື່ອນທົ່ວນະຄອນຫຼວງວຽງຈັນ

ພິທີເຊັນສັນຍາ ໂຄງການກໍ່ສ້າງ ເສັ້ນທາງເບຕົງເສີມເຫຼັກ ແລະ ໂຄງການກໍ່ສ້າງປ້ອງກັນຕາຝັ່ງເຈື່ອນ ແຄມນ້ຳຂອງ ໄດ້ຈັດຂຶ້ນຢ່າງເປັນທາງການໃນວັນທີ 7 ພຶດສະພາ 2026 ທີ່ໂຮງແຮມ ສຸພັດຕາ ວຽງຈັນ.
ໂຄງການປັບປຸງເສັ້ນທາງເທດສະບານເມືອງຊໍາເໜືອ ປັດຈຸບັນມີຄວາມຄືບໜ້າ 8.56%

ໂຄງການປັບປຸງເສັ້ນທາງເທດສະບານເມືອງຊໍາເໜືອ ປັດຈຸບັນມີຄວາມຄືບໜ້າ 8.56%

ທ່ານ ດາວອນ ວົງລໍຄໍາ ຫົວໜ້າພະແນກໂຍທາທິການ ແລະ ຂົນສົ່ງ (ຍທຂ) ແຂວງຫົວພັນ ໄດ້ໃຫ້ສໍາພາດກ່ຽວກັບການປັບປຸງພັດທະນາເສັ້ນທາງພາຍໃນເທດສະບານເມືອງຊໍາເໜືອ ແຂວງຫົວພັນ ໃນໂອກາດທີ່ໄດ້ເຂົ້າຮ່ວມກອງປະຊຸມວຽກງານ ຍທຂ ທົ່ວປະເທດ ປີ 2025-2026 ແລະ ຜັນຂະຫຍາຍແຜນພັດທະນາຂະແໜງ ຍທຂ ໄລຍະ 5 ປີ (2026-2030) ຊຶ່ງໄດ້ຈັດຂຶ້ນໃນລະຫວ່າງວັນທີ 5-6 ພຶດສະພາ ນີ້
ຝຶກອົບຮົມການສົ່ງຕໍ່ກໍລະນີໃຫ້ມີຄວາມປອດໄພແກ່ຜູ້ຈ້າງງານ

ຝຶກອົບຮົມການສົ່ງຕໍ່ກໍລະນີໃຫ້ມີຄວາມປອດໄພແກ່ຜູ້ຈ້າງງານ

ວັນທີ 6 ພຶດສະພາຜ່ານມາ ທີ່ສະໂມສອນໃຫຍ່ເມືອງນໍ້າບາກ ແຂວງຫຼວງພະບາງ, ໄດ້ຈັດຝຶກອົບຮົມ ແລະ ເຜີຍແຜ່ນິຕິກຳ ເພື່ອປົກປ້ອງການໃຊ້ແຮງງານເດັກ, ການສົ່ງຕໍ່ກໍລະນີ ໃຫ້ມີຄວາມປອດໄພແກ່ຜູ້ຈ້າງງານ ຫົວໜ່ວຍທຸລະກິດເອກະຊົນ ແລະ ຜູ້ສະໜອງກະສິກຳຂັ້ນທ້ອງຖິ່ນ ຢູ່ເມືອງນ້ຳບາກ, ໂດຍເປັນປະທານ ຂອງ ທ່ານ ອາຄົມ ສັນຕິສຸກ ຮອງປະທານຄະນະກຳມະການປົກຄອງເມືອງນ້ຳບາກ, ມີຜູ້ຕາງໜ້າພະແນກການຂັ້ນແຂວງ, ຫ້ອງການທີ່ກ້ຽວຂ້ອງ, ພະນັກງານ ໂຄງການປົກປ້ອງເດັກ ເພື່ອປ້ອງກັນການໃຊ້ແຮງງານເດັກ ປະຈໍາແຂວງຫຼວງພະບາງ ແລະ ຫົວໜ່ວຍ ທຸລະກິດ ເອກະຊົນ, ຜູ້ສະໜອງກະສິກຳຂັ້ນທ້ອງຖິ່ນ ເຂົ້າຮ່ວມ.
ສ່ວຍສາອາກອນແຂວງເຊກອງ ຈະສູ້ຊົນເກັບລາຍຮັບໃຫ້ໄດ້ 257.81 ຕື້ກີບ

ສ່ວຍສາອາກອນແຂວງເຊກອງ ຈະສູ້ຊົນເກັບລາຍຮັບໃຫ້ໄດ້ 257.81 ຕື້ກີບ

ທ່ານ ສົມບູນ ພັນຈັນ ວ່າການຫົວໜ້າສ່ວຍສາອາກອນປະຈໍາແຂວງເຊກອງ ລາຍງານໃຫ້ຮູ້ໃນວັນທີ 6 ພຶດສະພານີ້ວ່າ: ໃນໄລຍະຜ່ານມາ, ສ່ວຍສາອາກອນປະຈໍາແຂວງເຊກອງ ໄດ້ເອົາໃຈໃສ່ປະຕິບັດພາລະບົດບາດເກັບກໍາຂໍ້ມູນດ້ານລາຍຮັບ, ຂຶ້ນແຜນຄາດຄະເນລາຍຮັບ ແລະ ຊຸກຍູ້ໃຫ້ຫົວໜ່ວຍທຸລະກິດປະຕິບັດພັນທະເຂົ້າງົບປະມານແຫ່ງລັດ, ຊຶ່ງເຮັດໃຫ້ໃນໄລຍະ 4 ເດືອນຕົ້ນປີ 2026 ສາມາດຍາດໄດ້ຜົນສໍາເລັດຫຼາຍດ້ານທີ່ພົ້ນເດັ່ນ ເປັນຕົ້ນແມ່ນ: ການເກັບລາຍຮັບເຂົ້າງົບປະມານ ສາມາດປະຕິບັດໄດ້ 76.69 ຕື້ກີບ, ທຽບໃສ່ແຜນເທົ່າກັບ 29.75% (ແຜນ 257.81 ຕື້ກີບ) ແລະ ທຽບໃສ່ໄລຍະດຽວປີຜ່ານມາເທົ່າກັບ 135.02%. ການຄຸ້ມຄອງຫົວໜ່ວຍວິສາຫະກິດ ທົ່ວແຂວງມີທັງໝົດ 1,418 ຫົວໜ່ວຍ.
ເມືອງໄຊພູທອງ ປະກາດສ້າງຕັ້ງຕາແສງໂພນທາດ ເປັນຕາແສງທຳອິດຂອງເມືອງ

ເມືອງໄຊພູທອງ ປະກາດສ້າງຕັ້ງຕາແສງໂພນທາດ ເປັນຕາແສງທຳອິດຂອງເມືອງ

​ໃນວັນທີ 5 ພຶດສະພາຜ່ານມາ, ເມືອງໄຊພູທອງ ແຂວງສະຫວັນນະເຂດ ໄດ້ຈັດພິທີປະກາດສ້າງຕັ້ງຕາແສງໂພນທາດ ຊຶ່ງເປັນຕາແສງທຳອິດຂອງເມືອງ ແລະ ເປັນຕາແສງທີ 2 ຂອງແຂວງສະຫວັນນະເຂດ ຈາກທັງໝົດ 67 ຕາແສງ, ໂດຍໃຫ້ກຽດເຂົ້າຮ່ວມຂອງທ່ານ ບຸນໂຈມ ອຸບົນປະເສີດ ກຳມະການສູນກາງພັກ ເລຂາຄະນະບໍລິຫານງານພັກແຂວງ ປະທານສະພາປະຊາຊົນແຂວງ, ມີທ່ານ ນາງ ດາວວອນ ໄຊສຸລຽນ ຮອງເລຂາພັກແຂວງ ປະທານຄະນະກຳມະການປົກຄອງແຂວງ, ມີການນຳຈາກພະແນກການຕ່າງໆ, ປະທານຄະນະກຳມະການປົກຄອງເມືອງ 13 ເມືອງ ແລະ 1 ນະຄອນ ພ້ອມດ້ວຍປະຊາຊົນເຂົ້າຮ່ວມ
ການນຳເມືອງໂຂງ ມອບເງິນ 15 ລ້ານກີບ ສົມທົບທຶນກໍ່ສ້າງທາງເບຕົງ ເຂົ້າບ້ານຫາດຊາຍຄູນ

ການນຳເມືອງໂຂງ ມອບເງິນ 15 ລ້ານກີບ ສົມທົບທຶນກໍ່ສ້າງທາງເບຕົງ ເຂົ້າບ້ານຫາດຊາຍຄູນ

ໃນວັນທີ 6 ພຶດສະພານີ້, ຄະນະພັກ-ອຳນາດການປົກຄອງເມືອງໂຂງ ແຂວງຈຳປາສັກ ໄດ້ນຳເອົາເງິນ 15.000.000 ກີບ ໄປມອບສົມທົບທຶນເຂົ້າໃນການກໍ່ສ້າງເສັ້ນທາງເບຕົງເສີມເຫຼັກ ຢູ່ບ້ານຫາດຊາຍຄູນ ເພື່ອຊຸກຍູ້ການພັດທະນາພື້ນຖານໂຄງລ່າງໃຫ້ມີຄວາມເຂັ້ມແຂງ, ໂດຍການເຂົ້າຮ່ວມ ແລະ ມອບຂອງ ທ່ານ ສາທິດ ປັດສາພັນ ກຳມະການພັກແຂວງ ເລຂາຄະນະບໍລິຫານງານພັກເມືອງ, ທ່ານ ຈັນທະນົງສິນ ຈັນທະພິມ ຮອງເລຂາພັກເມືອງ ປະທານຄະນະກຳມະການປົກຄອງເມືອງ, ພ້ອມດ້ວຍບັນດາທ່ານກຳມະການພັກເມືອງ; ຕາງໜ້າຮັບເງິນໂດຍ ທ່ານ ວັນນາ ອ່ອນຄຳໄພ ນາຍບ້ານຫາດຊາຍຄູນ ພ້ອມດ້ວຍຄະນະຈັດຕັ້ງບ້ານ.
2026 ຍທຂ ຈັດຕັ້ງປະຕິບັດ 205 ໂຄງການ

2026 ຍທຂ ຈັດຕັ້ງປະຕິບັດ 205 ໂຄງການ

ທ່ານ ເດດສົງຄາມ ທຳມະວົງ ຮອງລັດຖະມົນຕີກະຊວງກະຊວງໂຍທາທິການ ແລະ ຂົນສົ່ງ (ຍທຂ) ໄດ້ລາຍງານຕໍ່ກອງປະຊຸມວຽກງານ ຍທຂ ທົ່ວປະເທດ ວ່າ: ໃນປີ 2026 ກະຊວງ ຍທຂ ໄດ້ຮັບການອະນຸມັດແຜນການລົງທຶນຂອງລັດ ຕາມເອກະສານແຈ້ງການຂອງກະຊວງການເງິນ ສະບັບເລກທີ 0400/ກງ, ລົງວັນທີ 23 ມັງກອນ 2026 ໃຫ້ຈັດຕັ້ງປະຕິບັດ 205 ໂຄງການ ງົບປະມາພາຍໃນປະຈໍາປີ 2026 ໄດ້ຮັບອະນຸມັດຈຳນວນ 987.33 ຕື້ກີບ (ງົບບ້ວງປົກກະຕິຈໍານວນ 687.33 ຕື້ກີບ ແລະ ບ້ວງກອງທຶນທາງ ຈໍານວນ 300.00 ຕື້ກີບ) ແລະ ທຶນຕ່າງປະເທດ ຈໍານວນ 2,186.73 ຕື້ກີບ ໂດຍແບ່ງອອກເປັນ 5 ປະເພດທຶນ ຊຶ່ງມີລາຍລະອຽດ ດັ່ງລຸ່ມນີ້:
ຮອງປະທານສູນກາງ ອພສ ພົບປະການນຳແຂວງຊຽງຂວາງ

ຮອງປະທານສູນກາງ ອພສ ພົບປະການນຳແຂວງຊຽງຂວາງ

ພະອາຈານໃຫຍ່ ວັນຄຳ ວົງສາສຸລິນ ຮອງປະທານສູນກາງ ອົງການພຸດທະສາສະໜາສຳພັນລາວ (ອພສ) ພ້ອມດ້ວຍຄະນະ ໄດ້ເຂົ້າພົບປະ ທ່ານ ເພັດສະໝອນ ດາວົງສອນ ຄະນະປະຈຳພັກແຂວງ ປະທານແນວລາວສ້າງຊາດແຂວງ ພ້ອມດ້ວຍຄະນະ ໃນວັນທີ 6 ພຶດສະພານີ້ ທີ່ຫ້ອງວ່າການແຂວງຊຽງຂວາງ, ຊຶ່ງພະອາຈານໃຫຍ່ ວັນຄຳ ວົງສາສຸລິນ ໄດ້ລາຍງານການມາຢ້ຽມຢາມ ແລະ ເຮັດວຽກຢູ່ແຂວງຊຽງຂວາງ ເພື່ອເຜີຍແຜ່ ຜົນສຳເລັດກອງປະຊຸມໃຫຍ່ຜູ້ແທນພະສົງທົ່ວປະເທດ ສະໄໝທີ IX ຂອງສູນກາງ ອົງການພຸດທະສາສະໜາສຳພັນລາວ, ເພື່ອໃຫ້ອົງການພຸດທະສາສະໜາສຳພັນລາວ ແຂວງຊຽງຂວາງ ແລະ ພາກສ່ວນທີ່ກ່ຽວຂ້ອງ ໃຫ້ຮັບຮູ້ ແລະຈັດຕັ້ງປະຕິບັດ.
ເພີ່ມເຕີມ

ຂ່າວ​ລ່າ​ສຸດ

EPaper