ບໍລິສັດລະບຸວ່າ: ການເພີ່ມຂຶ້ນຂອງລາຄາຄັ້ງນີ້ຈະມີຕັ້ງແຕ່ 3.2% ຫາ 18.7% ຊຶ່ງກວມເອົາຜະລິດຕະພັນຫຼັກຂອງ Coca-Cola, ລວມທັງເຄື່ອງດື່ມປະເພດກາເຟ, ຊາຕຸກ ແລະ ກະປ໋ອງ. ບໍລິສັດລະບຸຕື່ມວ່າ: ການເພີ່ມຂຶ້ນຂອງລາຄາແມ່ນຍ້ອນ naphtha ແລະ ອາລູມິນຽມ ທີ່ເພີ່ມສູງຂຶ້ນ ຊຶ່ງເປັນວັດຖຸດິບທີ່ໃຊ້ໃນການຜະລິດຕຸກ ແລະ ກະປ໋ອງພລາສຕິກ, ລວມທັງຄ່າໃຊ້ຈ່າຍພະລັງງານທີ່ສູງຂຶ້ນຢ່າງຕໍ່ເນື່ອງ ຍ້ອນຄວາມບໍ່ແນ່ນອນໃນຕາເວັນອອກກາງ, ສົ່ງຜົນກະທົບຕໍ່ກຳໄລຂອງບໍລິສັດ ແລະ ເງິນເຢນທີ່ອ່ອນຄ່າລົງຍັງເຮັດໃຫ້ຕົ້ນທຶນການນຳເຂົ້າເພີ່ມຂຶ້ນ.
ບົດລາຍງານຊີ້ໃຫ້ເຫັນວ່າ: ເມື່ອບໍລິສັດບໍ່ສາມາດຮັບມືກັບຄ່າໃຊ້ຈ່າຍທີ່ເພີ່ມຂຶ້ນຜ່ານມາດຕະການພາຍໃນໄດ້ອີກຕໍ່ໄປ, ບໍລິສັດຈຶ່ງໄດ້ໃຊ້ມາດຕະການຂຶ້ນລາຄາເພື່ອສົ່ງຕໍ່ພາລະບາງສ່ວນໃຫ້ກັບຜູ້ບໍລິໂພກ.
ແຮງກົດດັນດ້ານຕົ້ນທຶນກຳລັງສົ່ງຜົນກະທົບເປັນວົງກວ້າງຕໍ່ອຸດສາຫະກຳອາຫານຍີ່ປຸ່ນ. ໂດຍກ່ອນໜ້ານີ້, ບໍລິສັດ Itoham Foods Inc., ຜູ້ຜະລິດຊີ້ນລາຍໃຫຍ່ຂອງຍີ່ປຸ່ນ ໄດ້ປະກາດເພີ່ມລາຄາສິນຄ້າ 220 ລາຍການນັບແຕ່ເດືອນກໍລະກົດເປັນຕົ້ນໄປ, ລວມທັງແຮມ ແລະ ໄສ້ກອກ. ທ່າມກາງການທະຍອຍຂຶ້ນລາຄາຂອງບໍລິສັດອາຫານຫຼາຍແຫ່ງທົ່ວປະເທດ.
ຄໍາເຫັນ