ບໍລິສັດ ຝຸ່ນໂປຕາສ ອາຊີ-ໂປຕາສມອບອຸປະກອນການສຶກສາໃຫ້ໂຮງຮຽນ ມສ ບ້ານດົງໃຕ້

ທ່ານ ຢາງ ສົວ ໄດ້ກ່າວວ່າ: ເຄື່ອງທີ່ນໍາມາມອບໃນຄັ້ງນີ້, ປະກອບມີອຸປະກອນການຮຽນ-ການສອນ, ຄອມພິວເຕີ້, ເຄື່ອງຫຼິ້ນກິລາ ແລະ ອື່ນໆ ລວມມູນຄ່າ 70 ລ້ານກີບ. ເຄື່ອງດັ່ງກ່າວ, ແມ່ນມາຈາກກອງທຶນການກຸສົນ ທີ່ລະດົມໂດຍຄະນະບໍລິຫານງານຂັ້ນສູງຂອງ ອາຊີໂປຕາສ ຊຶ່ງສະແດງໃຫ້ເຫັນເຖິງຄວາມມຸ້ງໝັ້ນທີ່ຈະຕັ້ງຫຼັກປັກຖານຢູ່ທ້ອງຖິ່ນຂອງບໍລິສັດ ແລະ ຕອບແທນຄືນໃຫ້ແກ່ສັງຄົມ. ດ້ວຍການປະຕິບັດຕົວຈິງ ທີ່ນໍາພາໂດຍຜູ້ບໍລິຫານລະດັບສູງ ແລະ ພະນັກງານທຸກຄົນ, ອາຊີໂປຕາສ ສະແດງໃຫ້ເຫັນຄວາມຮັບຜິດຊອບຂອງວິສາຫະກິດຂະໜາດໃຫຍ່, ຮ່ວມຈິດຮ່ວມໃຈເປັນອັນໜຶ່ງອັນດຽວກັນກັບ ປະຊາຊົນລາວ ເພື່ອສ້າງອະນາຄົດທີ່ສົດໄສ.

ໂອກາດນີ້, ຜູ້ອໍານວຍການໂຮງຮຽນໄດ້ກ່າວສະແດງຄວາມຂອບໃຈມາຍັງບໍລິສັດທີ່ໃຫ້ການຊ່ອຍເຫຼືອໃນຄັ້ງນີ້ ແລະ ຫວັງວ່າໃນຕໍ່ໜ້າຈະໃຫ້ການສະໜັບສະໜູນຕື່ມອີກ.

(ຂ່າວ: ມະນີວັນ)