ບໍລິສັດ ຄິງເບເວີເລດຈຳກັດ ມອບເຄື່ອງດື່ມໃຫ້ຕໍາຫຼວດຈະລາຈອນທີ່ປະຕິບັດໜ້າທີ່ປະຈຳຢູ່ບຸນຊ່ວງເຮືອ ທ່າວັດຈັນ

ບໍລິສັດ ຄິງເບເວີເລດ ຈຳກັດ ໄດ້ນຳເອົາເຄື່ອງດື່ມຈຳນວນຫຼາຍແກັດ ລວມມູນຄ່າ 3 ລ້ານກວ່າກີບ ເປັນຜະລິດຕະພັນທີ່ທາງບໍລິສັດຜະລິດ ແລະ ຈັດຈຳໜ່າຍທີ່ ສປປ ລາວ ມາມອບໃຫ້ເຈົ້າໜ້າທີ່ຕຳຫຼວດຈະລາຈອນ ໃນວັນທີ 28-10-2023 ທີ່ກຳລັງປະຕິບັດໜ້າທີ່ຈັດສັນຄວາມເປັນລະບຽບຮຽບຮ້ອຍ, ລະບາຍການສັນຈອນຢ່າງເຂັ້ມງວດທີ່ບຸນຊ່ວງເຮືອທ່າວັດຈັນ ນະຄອນຫຼວງວຽງຈັນ ເພື່ອຮັບປະກັນໃຫ້ມວນຊົນທີ່ເຂົ້າມາທ່ຽວພາຍໃນງານມີຄວາມສະດວກ.
       ຕາງໜ້າກ່າວມອບໂດຍ ທ່ານ ສໍລະວິດ ໃໝ່ເມທີ ປະທານບໍລິສັດ ຄິງເບເວີເລດ ຈຳກັດ, ຕາງໜ້າກ່າວຮັບໂດຍທ່ານ ພັທ ອຸໄລວັນ ລາດຊະວົງ ຫົວໜ້າກອງຕຳຫຼວດຈະລາຈອນເມືອງຈັນທະບູລີ ນະຄອນຫຼວງວຽງຈັນ. 
ທ່ານ ສໍລະວິດ ໃໝ່ເມທີ   ໄດ້ກ່າວວ່າ: ຮູ້ສຶກເປັນກຽດຫຼາຍທີ່ໄດ້ມີສ່ວນຮ່ວມໃນການຊຸກຍູ້ວຽກງານປ້ອງກັນຄວາມສະຫງົບ ໂດຍສະເພາະແມ່ນວຽກງານວິຊາສະເພາະຂອງຕຳຫຼວດຈະລາຈອນທີ່ເສຍສະລະເຫື່ອແຮງເຂົ້າໃນການປະຕິບັດວຽກງານວິຊາສະເພາະໃນການຈັດສັນຄວາມເປັນລະບຽບຮຽບຮ້ອຍຕາມທ້ອງຖະໜົນ ເພື່ອໃຫ້ງານບຸນຊ່ວງເຮືອມີຄວາມເປັນລະບຽບຮຽບຮ້ອຍ.
        ໂອກາດນີ້, ທ່ານ ພັທ ອຸໄລວັນ ລາດຊະວົງ ກໍໄດ້ສະແດງຄວາມຂອບໃຈເປັນຢ່າງສູງຕໍ່ການປະກອບສ່ວນຊຸກຍູ້ໃນຄັ້ງນີ້ ຊຶ່ງຖືວ່າເປັນຂວັນກຳລັງໃຈໜຶ່ງທີ່ມອບໃຫ້ເຈົ້າ
ໜ້າທີ່-ທີ່ເອົາໃຈໃສ່ປະຕິບັດວຽກງານຢ່າງມີຄວາມຮັບຜິດຊອບສູງ.ຂ່າວ: ຍຸພິນທອງຂໍ້ມູນ: ຈາກ ປກສ