ເມື່ອບໍ່ດົນມານີ້ວ່າ: ຕົນເອງມີຄວາມຮູ້ສຶກພາກພູມໃຈດີໃຈຫຼາຍທີ່ໄດ້ຮັບໂອກາດຈາກອົງການທ່ອງທ່ຽວມາເລເຊຍປະຈຳລາວທີ່ເປີດໂອກາດໃຫ້ບໍລິສັດເຂົ້າຮ່ວມງານວາງສະແດງຜະລິດຕະພັນທ່ອງທ່ຽວອາຊຽນ 2025 (TRAVEX2025) ທີ່ໄດ້ຈັດຂຶ້ນຢູ່ລັດຈໍຮໍ ບາຣູ ປະເທດມາເລເຊຍໃນລະຫວ່າງວັນທີ 15-20 ມັງກອນຜ່ານມາ ຊຶ່ງເປັນຄັ້ງທຳອິດຂອງບໍລິສັດທີ່ໄດ້ຮັບກຽດເຂົ້າຮ່ວມງານດັ່ງກ່າວ. ການເຂົ້າຮ່ວມງານໃນຄັ້ງນີ້ໄດ້ເຈລະຈາຮ່ວມມືທຸລະກິດທ່ອງທ່ຽວນຳຫຼາຍປະເທດ ໂດຍສະເພາະແມ່ນປະເທດມາເລເຊຍ, ຟີລິບປິນ, ໄທ, ອິນໂດເນເຊຍ, ມຽນມາ ແລະ ປະເທດອື່ນໆ ເພື່ອເປັນການຮ່ວມມືດ້ານການທ່ອງທ່ຽວລະຫວ່າງບັນດາປະເທດອາຊຽນດ້ວຍກັນແນໃສ່ຂະຫຍາຍຕະຫຼາດທ່ອງທ່ຽວໃຫ້ກ້າວຂຶ້ນສູ່ລະດັບອາຊຽນ ແລະ ພາກພື້ນ.
ທ່ານໃຫ້ຮູ້ຕື່ມວ່າ: ບໍລິສັດອຳພອນທ່ອງທ່ຽວຈຳກັດຜູ້ດຽວ ໄດ້ເປີດໃຫ້ບໍລິການລູກຄ້າມາໄດ້ເກືອບ 1 ປີພວກເຮົາໄດ້ເນັ້ນໃຫ້ການບໍລິການລູກຄ້າດ້ວຍຄວາມຈິງໃຈ ບໍລິການດ້ວຍຮອຍຍິ້ມແລະ ຄວາມເອົາໃຈໃສ່ເພື່ອໃຫ້ລູກຄ້າມີຄວາມປະທັບໃຈ ຊຶ່ງໃຫ້ບໍລິການທ່ອງທ່ຽວທັງພາຍໃນ ແລະ ຕ່າງປະເທດໂດຍມີທີມງານທີ່ມີປະສົບການທ່ອງທ່ຽວທັງພາຍໃນ ແລະ ຕ່າງປະເທດ. ໂດຍບໍລິສັດໄດ້ຮັບຈັດທົວແບບໝູ່ຄະນະ, ທັດສະນະສຶກສາທັງພາຍໃນ ແລະ ນອກສະຖານທີ່, ຮັບຈອງໂຮງແຮມ, ຣີສອດທັງພາຍໃນ ແລະ ຕ່າງປະເທດ; ຈັດແພັກເກັດທົວທັງພາຍໃນ ແລະ ຕ່າງປະເທດບໍລິການລົດເຊົ່າທຸກປະເພດ ແລະ ອື່ນໆ.
ຂ່າວ-ພາບ: ຍຸພິນທອງ
ຄໍາເຫັນ